Aba Kolosi Ukwanda
Ukwanda
Ukalata uwa Pabuli ukubasimbila Aba Kolosi, akaya aka Asiya kubufumilo bwizuba ubwa Efeso. Ichipanga ichi chitakikaziwa nu Pabuli awe, loli chikaba muchigaba chicho u Pabuli akaba ni mbatiko ukuti abombelayemo imbombo, pakuti akatumagha ababombi ukufuma mu Efeso, akaya akakulu nkani aka muchigaba icha Asiya mubumwene ubwa Loma. U Pabuli akazyaghannya ukuti kukaba abamanyisi abamyasi muchipanga icha mu Kolosi, babo bakadidimizyapo nkani ukuti nanti umuntu akulonda pakumumanya u Chala, sona nukuti apokele ubupoki ubwakufikapo, avichindikaye ivintu vimo ngati yo mizimu iya bulaghili ni yamaka. Ukonjelezyapo, abamanyisi banaba bakanena ukuti umuntu akonkaye inyiho izya pamwanya ngati ukusilimuliwa, sona nukuti asungaye indaghilo zizyo zikunena nizya vyakulya ni vintu ivinji.
U Pabuli akubombezya amazyu aghanaloli agha Chikilisitu pakususannya ni vimanyisyo ivi. Ukwamula kwache ukwa kalata uyu kwaghona pavintu ivyakuti u Yesu Kilisitu weyuyo angabapoka abantu umwakufikapo, sona nukuti ivintu ivyinji vivyo abantu bakusubila, sona ni nyiho zyabo vikubasovya bulo abantu ukuti batakumusubile u Kilisitu. Ukwendela mwa Kilisitu, u Chala akapela ichisu ichapasi, sona nukwendela mumwache akwiyinyosezya kukwache. Ukwendela mubumi ubwakumamatilana poka nu Kilisitu, abantu aba pachisu ichapasi bangaba nu lusubilo ulwakupokela ubupoki. Po u Pabuli akunena nizya mbombo inkulu iya chimanyisyo ichikulu ichi yiyo yikubomba mubumi ubwa bitiki.
Chakumanyikwa ukuti u Tikika, yuyo akasenda ukalata uyu pakubuka nawe ku Kolosi ukufuma kwa Pabuli, akabuka poka nu Onesimo, umuzya yuyo u Pabuli akasimba ukalata uyu kwa Filimoni mubuzilo bwache.
Ivyamukasi
Ukwanda 1.1-8
Inkalo ni mbombo iya bakilisitu 1.9—2.19
Ubumi ubupya mwa Kilisitu 2.20—4.6
Amazyu aghabumalilo 4.7-18
Currently Selected:
Aba Kolosi Ukwanda: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Aba Kolosi Ukwanda
Ukwanda
Ukalata uwa Pabuli ukubasimbila Aba Kolosi, akaya aka Asiya kubufumilo bwizuba ubwa Efeso. Ichipanga ichi chitakikaziwa nu Pabuli awe, loli chikaba muchigaba chicho u Pabuli akaba ni mbatiko ukuti abombelayemo imbombo, pakuti akatumagha ababombi ukufuma mu Efeso, akaya akakulu nkani aka muchigaba icha Asiya mubumwene ubwa Loma. U Pabuli akazyaghannya ukuti kukaba abamanyisi abamyasi muchipanga icha mu Kolosi, babo bakadidimizyapo nkani ukuti nanti umuntu akulonda pakumumanya u Chala, sona nukuti apokele ubupoki ubwakufikapo, avichindikaye ivintu vimo ngati yo mizimu iya bulaghili ni yamaka. Ukonjelezyapo, abamanyisi banaba bakanena ukuti umuntu akonkaye inyiho izya pamwanya ngati ukusilimuliwa, sona nukuti asungaye indaghilo zizyo zikunena nizya vyakulya ni vintu ivinji.
U Pabuli akubombezya amazyu aghanaloli agha Chikilisitu pakususannya ni vimanyisyo ivi. Ukwamula kwache ukwa kalata uyu kwaghona pavintu ivyakuti u Yesu Kilisitu weyuyo angabapoka abantu umwakufikapo, sona nukuti ivintu ivyinji vivyo abantu bakusubila, sona ni nyiho zyabo vikubasovya bulo abantu ukuti batakumusubile u Kilisitu. Ukwendela mwa Kilisitu, u Chala akapela ichisu ichapasi, sona nukwendela mumwache akwiyinyosezya kukwache. Ukwendela mubumi ubwakumamatilana poka nu Kilisitu, abantu aba pachisu ichapasi bangaba nu lusubilo ulwakupokela ubupoki. Po u Pabuli akunena nizya mbombo inkulu iya chimanyisyo ichikulu ichi yiyo yikubomba mubumi ubwa bitiki.
Chakumanyikwa ukuti u Tikika, yuyo akasenda ukalata uyu pakubuka nawe ku Kolosi ukufuma kwa Pabuli, akabuka poka nu Onesimo, umuzya yuyo u Pabuli akasimba ukalata uyu kwa Filimoni mubuzilo bwache.
Ivyamukasi
Ukwanda 1.1-8
Inkalo ni mbombo iya bakilisitu 1.9—2.19
Ubumi ubupya mwa Kilisitu 2.20—4.6
Amazyu aghabumalilo 4.7-18
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.