1 Aba Kolinti 8
8
Nizya vyakulya vivyo vyabikiwa ku vifwani
1Pakunena nizya vyakulya vivyo vyabikiwa ku vifwani ukuti chibanje chakwiyipa, momumo ukuti twebosi tuli na mahala. Amahala aghakumupela umuntu pakuba wamituvyo, loli ulughano lukuzenga. 2Nanti umuntu akwinong'ona ukuti amenye chimo, kokuti achili bulo atachimenye ukuyana namumo abaghiye pakuchimanyila. 3Loli umuntu yuyo amughanite u Chala, amanyikitwe nu Chala.
4Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela. 5Napapo vingabapo ivintu vimo vivyo abantu bakuti, “Abachala”, manyi kumwanya, manyi pachisu ichapasi, sona napapo vingabapo ivintu vimo ivyinji vivyo abantu bakuti, “Bachala”, pamo “Bamwene”, 6loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.
7Loli ate wesi yuyo azimenye zinizi. Abantu bamo bachili bizubiye pakwiputa ivifwani, umwakuti bo bakulya ichakulya chicho chibikiwe ku vifwani ukuti chibanje chakwiyipa, mumabyebye wabo bakwinong'ona ukuti ichakulya chilachila chibikiwe ku vifwani ukuti chibanje chakwiyipa, umabyebye wabo akuvulungana, pakuti mudedebazu. 8Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.
9Loli muchebaye ukuti ubusatuke bwinyu ubwakubombela vivyo mukulonda butakabanje chipunulo ichakuwisya abantu abadedebazu. 10Pakuti nanti umuntu yuyo ali nu mabyebye umudedebazu, akukwennya awe, wewe ukuti uzimenye zinizi, ukulya munyumba iyakwiputilamo ivifwani, nkimba ichi chitangamukazya umuntu yulayula ukuti alyanje ichakulya chicho chibikiwe ku vifwani ukuti chibanje chakwiyipa? 11Polelo umuntu umudedebazu yula, yuyo u Kilisitu akamufwila, akwiza pakuzimila pachifukwa icha mahala ghako. 12Bo mukubanangila abakilisitu abamwinyu bunubu nukumuvulazya umabyebye wabo umudedebazu, kokuti mukumunangila nu Kilisitu bulo. 13Polelo nanti ivyakulya vikumupelela umukamu wane ukwipunula, ntakwiza pakulya nalumolumo sona inyama, umwakuti intakamupunuzye umukamu wane.
Currently Selected:
1 Aba Kolinti 8: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
1 Aba Kolinti 8
8
Nizya vyakulya vivyo vyabikiwa ku vifwani
1Pakunena nizya vyakulya vivyo vyabikiwa ku vifwani ukuti chibanje chakwiyipa, momumo ukuti twebosi tuli na mahala. Amahala aghakumupela umuntu pakuba wamituvyo, loli ulughano lukuzenga. 2Nanti umuntu akwinong'ona ukuti amenye chimo, kokuti achili bulo atachimenye ukuyana namumo abaghiye pakuchimanyila. 3Loli umuntu yuyo amughanite u Chala, amanyikitwe nu Chala.
4Polelo nizya vyakulya vivyo vyabikiwa ku vifwani ukuti chibanje chakwiyipa, tuzimenye ukuti ichifwani kate kantu napo panandi, sona tuzimenye ukuti atalipo u Chala uyunji, loli weka mpela. 5Napapo vingabapo ivintu vimo vivyo abantu bakuti, “Abachala”, manyi kumwanya, manyi pachisu ichapasi, sona napapo vingabapo ivintu vimo ivyinji vivyo abantu bakuti, “Bachala”, pamo “Bamwene”, 6loli aswe u Chala alipo weka mpela, we Tata, yuyo mupeli uwa vintu vyosi, sona weyuyo naswe twenizyeko amaso. Alipo u Mwene weka mpela, u Yesu Kilisitu, yuyo ukwendela mumwache ivintu vyosi vikapeliwa, sona ukwendela mumwache aswe tuli nubumi.
7Loli ate wesi yuyo azimenye zinizi. Abantu bamo bachili bizubiye pakwiputa ivifwani, umwakuti bo bakulya ichakulya chicho chibikiwe ku vifwani ukuti chibanje chakwiyipa, mumabyebye wabo bakwinong'ona ukuti ichakulya chilachila chibikiwe ku vifwani ukuti chibanje chakwiyipa, umabyebye wabo akuvulungana, pakuti mudedebazu. 8Loli ivyakulya vitakwiza pakutupalamizya kupipi nu Chala. Tutakutaghapo nachimochimo nanti tutakuvilya, sona tutakukabapo nachimochimo nanti tukuvilya.
9Loli muchebaye ukuti ubusatuke bwinyu ubwakubombela vivyo mukulonda butakabanje chipunulo ichakuwisya abantu abadedebazu. 10Pakuti nanti umuntu yuyo ali nu mabyebye umudedebazu, akukwennya awe, wewe ukuti uzimenye zinizi, ukulya munyumba iyakwiputilamo ivifwani, nkimba ichi chitangamukazya umuntu yulayula ukuti alyanje ichakulya chicho chibikiwe ku vifwani ukuti chibanje chakwiyipa? 11Polelo umuntu umudedebazu yula, yuyo u Kilisitu akamufwila, akwiza pakuzimila pachifukwa icha mahala ghako. 12Bo mukubanangila abakilisitu abamwinyu bunubu nukumuvulazya umabyebye wabo umudedebazu, kokuti mukumunangila nu Kilisitu bulo. 13Polelo nanti ivyakulya vikumupelela umukamu wane ukwipunula, ntakwiza pakulya nalumolumo sona inyama, umwakuti intakamupunuzye umukamu wane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.