Rɔmënyüü 8

'Nyüna ‑Susulu ‑nyɛɛa' 'klä

1Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë#8.1 Jesu 'Kriisë: Tɛ wiia 'lɩsasrakʋa ‑pɔɔkʋa 'mlɩ, wiili ‑jɩjraa' 'lɩ 'Kriisë nyra Jesua ‑gʋ. 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ#8.1 nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., ‑bɛ 'ü 'nyɛrɛa' 'Nyüna ‑Susua wii ‑gälɩ. 2'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ#8.2 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ‑mɩ. ‑balʋ nyra jäjäkʋa ‑dɔa mlɩ. 3‑Dɔ 'nyɩ 'lɩ ‑a bɩa u nʋ 'iin, 'be 'jajɛ 'fʋmla 'uun#8.3 'jajɛ 'fʋmla 'uun: 'Pɔɔlë ma 'daa «'jajɛ» nɩ, nyɔɔa 'pɛlɛ ‑balʋ 'kamaa' 'ɛɛ 'ɔ 'daa.. ‑Maa Nyɔsʋa nʋ 'imɩ; ‑balʋa ‑gʋ 'ɔ nrörö 'ɔa 'mʋgbɛa 'Jʋ nyɔɔ 'lɩ ‑beere amɔ ‑balʋnyüü#8.3 Fugbalä a 'klaaa' 'ää Jesu ma 'klaa, ‑balʋa 'doo 'ɔnyɩ nʋ., 'ɔmä ‑balʋlʋ bäa' nyüü 'lɩa ‑gä ‑tʋ. 4'Ɔ nʋ 'imɩ 'kä wiili ‑dɔ 'paa' 'mä ana 'kläa 'mlɩ nrörö, amɔlɔ 'nyɩ 'nyɛrɛa' 'jajɛa wii ‑gälɩ, ‑maa amɔlɔ Nyɔsʋaa ‑Susu 'tierea' ana ‑gʋ. 5'Be nyüülü 'üa 'jajɛ 'tierea', 'üa bobowli bä 'üa 'jajɛa wii ‑gälɩ. ‑Maa ‑mülü ‑Susu 'tierea' nɩ, 'ü ‑tʋʋä 'üa bobowli Nyɔsʋaa ‑Susua wii ‑gälɩ. 6'Jajɛa bobowli fala nyüü jäjäa 'nyʋfɔ 'wʋ; ‑maa nyüülü Nyɔsʋaa ‑Susulu 'tierea', 'üa bobowli fala 'klä nyra plɛgälɩflɛrɛkʋ ‑gälɩ; 7'be wiili käa' 'jajɛ 'tʋ 'iibä Nyɔsʋaa 'nyüamlɩjraradɛɛ: 'ɛnyɩ ‑träärälɩ Nyɔsʋaa ‑dɔ ‑a, 'ɛnyɩ 'nɩmɩ 'lɩ ‑a bɩa. 8‑Bɛ nyüülü nöa' wiili käa' 'jajɛ 'tʋ nɩ, 'ünyɩ 'lɩ ‑a bɩa 'ümä Nyɔsʋa 'tʋkä. 9‑Maa 'amɔlɔ nɩ, ‑mää 'jajɛ 'nyɩ 'tiere 'amɩ, 'be Nyɔsʋaa ‑Susu bä 'amɩ 'lɩ. Nyɔɔ ma 'nyɩ 'Kriisëa ‑Susua 'klaa, 'ɔnyɩ 'ɔa nyɔɔ ‑a bä. 10‑Bɛ 'Kriisë ma bä 'amɩ 'lɩ, ‑bakää 'ana fugba jä ‑balʋa ‑gʋ nɩ, Nyɔsʋaa ‑Susu bä 'ana 'klä 'klɩgägäkʋlʋ Nyɔsʋa ‑nyɩa' 'amɩ 'ia ‑gʋ. 11Nyɔsʋa 'ba Jesu jäjäa 'mlɩ. Nyɔsʋaa ‑Susulu ma kʋ 'amɩ 'lɩ nɩ, Nyɔsʋalɔ 'baa' 'Kriisë jäjäa 'mlɩ nya 'ana fugbalä 'mäa' jä 'klä ‑nyɩa. 'Ɔa ‑Susulu kʋa' 'amɩ 'lɩ, 'uu 'ɔmä kälɩ ‑srörö 'ɔmä 'iin nʋ. 12'A 'ia ‑gʋ, 'na ‑wlajü 'amɩ, anyɩ kä ‑a kä amä 'lɩ ana 'jajɛ ‑träärä, anyɩ kä ‑a kä amä wiili käa' 'jajɛ 'tʋ nʋ; 13'be 'ama nʋ wiili 'ana 'jajɛ 'bataa' nɩ, 'anya jäa. ‑Maa Nyɔsʋaa ‑Susu ma ji 'amɩ ‑gba ‑bɛ 'ama 'bla wiili 'ana fugba 'bataa' nɩ, 'anya 'klä 'jäa.

‑Susulu nrörö amɩ Nyɔsʋaa 'sɔrɔjü

14Nyüülü kä 'fɩɔ Nyɔsʋaa ‑Susu 'tierea' 'üü bä Nyɔsʋaa 'jü. 15‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba#8.15 Aba: «'Na tʋ» 'ii 'ü 'dara 'saa Arameenyüüa wii 'lɩ. Tɛ Marëkë 14.36.! Tʋ!» 16Nyɔsʋaa ‑Susua 'mʋgbɛ 'nyiere ana ‑susu 'sɩrɩ a bäa' Nyɔsʋaa 'jü. 17‑Bɛ a bäa' 'ɔa 'jü nɩ, a bä bɩa ‑jaajinyüü: Nyɔsʋaa ‑jaajinyüü a bä, a nyra 'Kriisë kɔsɔ, ima 'daa 'kasa a nyra 'ɔɔn 'järä ‑sʋɩ 'wʋ nɩ, a nyra 'ɔɔn nya bɩa 'bʋalaa.

'Wliklɩbʋbʋakʋlʋ Nyɔsʋa 'mäa' srara

18‑A ‑gbala 'amɩ, ama 'jä 'köklesaplɩɩa ‑sʋɩ nyra 'wliklɩbʋabʋakʋlʋ Nyɔsʋa 'mäa' 'amɩ srara nɩ, 'inyɩ pɛprɛ ‑a pɛprɛ; 19'be 'pläa 'fɩɔ 'sosowʋ 'ümä 'taɩnlɩ kä 'mlɩ Nyɔsʋa 'mäa' 'plä 'ɔa 'jü 'klɩsrara. 20'Fʋflɛgbi kälɩ 'plä bä. ‑Mää 'plä 'nyɩ 'iin 'bata, ‑maa Nyɔsʋa 'ɔɔ ‑tʋ ‑plɩɩ 'saa 'ämɩ. 'Asɩɛ 'äa plɛ ‑ka 'pi ‑sraakäpɩ ‑gälɩ. 21'Ä jresaa 'änya jäjäkʋ nyra bʋblɔkʋa ‑geeidɛɛ 'lɩ sɔa, 'kä 'änya fugbalɩflɛrɛkʋ nyra Nyɔsʋaa 'jüa 'bʋalakʋ 'lɩ pa. 22A jre 'iin ‑piii ‑a ‑tɔɔ 'saarɩa ‑srɩ 'lɩ, 'sɩrɩ 'pläa 'fɩɔ pütöa' ‑sʋɩa ‑gʋ ‑beere 'ŋlʋʋ bä ‑gloorofa 'wʋ. 23‑Maa 'änyɩ 'döö ‑a bä: ana 'mʋgbɛlɔ 'klaaa' Nyɔsʋaa ‑Susu u bäa' Nyɔsʋaa 'klɩsa ‑nyɩnyɩdɛɛ nɩ, 'asɩ a pütö ana plɛklɩ bɩa. A 'sosowʋ Nyɔsʋa 'mä amɩ 'ɔa 'jü 'lɩnrörö ‑bɛ 'ɔmä amɩ ana fugba mlɩ 'ba; 24'be a jresaa anya 'a 'lɩmlɩwʋ ‑maa anyɩ 'jä ‑kätɩ 'iin 'wʋ ‑a. Ana 'nyü ma 'jä dɛɛlɛ amäa' 'jä nɩ, 'i ‑kanyɩ 'saa jejrekʋ ‑a bä, 'be anya 'ɛɛn 'jä: dɛplɛɛ kä ‑gʋ a ‑ka ‑glaaa dɛɛlɛ anya 'a 'jä le? 25‑Maa ama jresaa anya 'a dɛɛlɛ anyɩ 'jäa' 'wʋ 'jä nɩ, plɛ a blö ‑bɛ a ‑glaaa.

26'Asɩ Nyɔsʋaa ‑Susu jö bɩa amɩ ‑gba ama ‑kanyɩ 'klü ‑a kä, 'be ama bibie Nyɔsʋa dɛɛlɛ amäa' 'bete anyɩ 'ɛɛn jre ‑a jre. 'Ii känyrɩ ‑Susua 'mʋgbɛ bibie Nyɔsʋa ana ‑gʋ 'dugua 'mlɩ 'inyɩ 'lɩsasa ‑a bä. 27‑Bɛ Nyɔsʋalɔ 'järäa' polu ‑gälɩ 'kä nɩ, 'ɔ jre wiili ‑Susu boboa': 'be 'sɩrɩ Nyɔsʋa 'bataa', 'asɩ ‑Susu bibie Nyɔsʋaa 'nyünanyüüa 'wli 'lɩ. 28‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ. 29Nyüülü 'ɔ jrea' sököö nɩ, 'ɔ 'a kä 'lɩ 'üün 'ba 'ümä bɩa 'ɔa 'Jʋa 'sa bä, 'ɔmä ‑wlajü 'kɔkɔmlɛa ‑tɔrʋpɩɔa ‑kätɩjʋ bä. 30Ü 'ɔ 'baa' 'lɩ sököö nɩ, 'ɔ we 'üün bɩa; ü 'ɔ wea' nɩ, 'ɔ 'dara bɩa 'üün 'klɩgänyüü, ü 'ɔ 'daraa' 'klɩgänyüü nɩ, 'ɔnya 'bʋala 'üün bɩa.

Dɛɛ 'nyɩ 'lɩ ‑a bɩa 'ɛmä amɩ Nyɔsʋaa ‑wawakʋ ‑gba 'ba

31‑Asɩ anya 'ia ‑gʋ ‑gba le? Nyɔsʋa ma bä amɩ dɛrɩ nɩ, nyɔɔ 'plɛɛ 'mä amɩ 'nyüamlɩjrara le? 32'Ɔɔ 'nyɩa' 'ɔa 'Jʋ 'klɩbere ‑bɛ ɔ 'saa 'ɔɔn ana 'fɩɔa ‑gʋ, ‑asɩ 'ɔ ‑nëmä bɩa 'ɔa 'Jʋ nyra amɩ diia 'fɩɔ ‑nyɩ le? 33Nyɔɔ 'plɛɛ 'mä nyüülü Nyɔsʋa 'baa' 'lɩ tropina 'lɩ fa le? Nyɔsʋa, 'ɔɔ ‑gäää nyɔɔ 'klɩ! 34Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ! 35Dɛplɛɛ 'mrɛɛ ɛ 'ba amɩ 'Kriisëa ‑wawakʋ kälɩ le? ‑Sʋɩ, ‑ale mɩmɩakʋ, ‑maa nyüü ma nʋ amɩ ‑gbigba, ‑ale ‑gbëka, ‑maa 'pʋa, ‑ale ŋalɛ, ‑maa jäjäkʋ#8.35 jäjäkʋ: Grɛɛkëwii nö ‑jɛrɛ.? 36‑Jäsɩ 'i ‑jɩjraa' nyɔsʋapɔɔkʋ 'lɩ:

‑Na ‑gʋ 'ü 'blaa amɩa 'doo;

'ü 'kplaa amɩ ‑beere ‑bablëë 'ümä ‑plɛlɩ 'bö # 8.36 'Lɩbrɛrɛpɔɔkʋ 44.23 ..

37‑Maa 'ia 'fɩɔlʋa 'mlɩ nɩ, amɔ ‑siwʋ ‑gböösa nyɔɔlɔ ‑waa' amɩ 'ɔa ‑gʋ. 38'Na plɛ 'srikä 'nyaa jresaa: ‑mää jäjä, 'aiɛ 'klä, 'aiɛ 'aanjë, 'aiɛ ‑sisia 'klü, 'aiɛ 'saarɩ, 'aiɛ ‑srɩɩ, 39'aiɛ dɛɛlɛ bäa' cɛ 'lɩ, 'aiɛ ɛ bäa' ‑tʋtʋ 'wʋ, 'aiɛ ‑fälɩa dɛɛ ‑mɩdee 'nyɩ 'lɩ ‑a bɩa i 'ba amɩ Nyɔsʋaa ‑wawakʋlʋ 'ɔ sraraa' amɩ ana 'Pläkänyɔɔ Jesu 'Kriisë 'lɩ kälɩ.

Currently Selected:

Rɔmënyüü 8: Bakwé

Highlight

Copy