Rɔmënyüü 2
2
Juifëa 'mʋgbɛ bä ‑balʋ 'lɩ
1'Ii känyrɩ, nyɔɔ o, ‑mɔ 'daaa' ‑mölöö, ‑nyɩ ‑gbagbawii ‑a kä; 'be ‑ama 'daa ‑na ‑mölöö nɩ, ‑na 'mʋgbɛ ‑kala dɛrɩ. ‑Mɔ 'daaa' ‑na ‑moloo nɩ, ‑na 'mʋgbɛ 'a dii 'doolü ‑nö#2.1 Matiö 7.1-5; Lukë 6.37.! 2A jre 'iin 'sɩrɩ Nyɔsʋaa ‑tʋʋäa' 'klɩgäsa nyüülü nöa' 'samaa wiia ‑gä. 3Boboa' nɩ, ‑mɔ nyɔɔ, ‑tʋʋäa' nyüülü nöa' 'samaa diia ‑gä ‑bɛ ‑na 'mʋgbɛ ‑nöa' nɩ, ‑nya Nyɔsʋaa ‑gätʋtaɩn 'mlɩ 'wʋa? 4‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ? 5‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa#2.5 Sofonii 1.14-18; 2.2-3.. 6'A 'sɩrɩ ‑moloo ‑fɛa' 'jrʋpa 'asɩ 'ɔmä 'ɔɔn 'pɛɛ#2.6 'Lɩbrɛrɛpɔɔkʋ 62.13.. 7Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa. 8‑Maa ‑mülü nöa' 'üa plɛklɩa wii, ünyɩ ‑trääräa' 'lɩ 'cɩcasa ‑bɛ 'ü ‑trääräa' 'lɩ wiili 'nyɩa' 'klɩgä nɩ, 'üülü nɩ, Nyɔsʋa nya 'üün 'ɔa 'crɛ kpaki ‑gälɩ 'sɔrɔa. 9Nyɔɔ o nyɔɔ nöa' bʋbɔgbi nɩ, 'ɔnya ‑sʋɩ nyra sɩsɩakʋ 'jäa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ. 10‑Maa nyɔɔ o nyɔɔ nöa' 'cɩcagbi nɩ, Nyɔsʋa nya 'ɔɔn 'bʋalaa, 'ɔnya 'ɔɔn 'nyrɩ nyra fugbaflɛrɛkʋ ‑nyɩa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ. 11Nyɔsʋa 'nyɩ ‑glɛglɛ ‑a.
12Nyüülü kä 'fɩɔ 'nyɩ 'nyɛrɛa' Moisëa ‑Dɔ ‑gälɩ ‑bɛ 'ü nöa' ‑balʋ nɩ, ‑bakää 'ünyɩ ‑dɔlʋ jre 'ünya jäa. Nyüülü kä 'fɩɔ jrea' ‑dɔ ‑bɛ 'ü nöa' ‑balʋ nɩ, ‑dɔlʋa 'sa 'üa ‑gä 'mä ‑träärä. 13‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü. 14Nyüülü 'nyɩa' juifë bä nɩ, 'ünyɩ Moisëa ‑Dɔ ‑a 'klaa, ‑maa 'taɩn 'lɩ 'ü nöa' 'üa nʋnʋgbia 'mlɩ wiili ‑dɔ 'daaa' nɩ, 'iibä ‑dɔ bä 'üün 'lɩ ‑bakää 'ünyɩ Moisëa ‑Dɔ 'klaa. 15'Iibä wiili ‑dɔ 'daaa' nɩ, 'i ‑jɩjra 'üa plɛklɩ. 'Üa bobowli srara 'imɩ, 'be ‑srɩ ‑mɩdoo 'lɩ 'üa bobowli 'daa 'üün ‑bɛ ‑srɩ ‑mɩdoo 'lɩ 'i 'kɔlɔ 'üün. 16Wiili 'n 'daaa' ‑plɩɩ nɩ, 'taɩn 'lɩ Nyɔsʋa 'mäa' Jesu 'Kriisë kälɩ ‑srörö ‑bɛ 'ɔmäa' nyüüa ‑sisiewii ‑fälɩ be 'ɔmäa' 'üa ‑gä ‑tʋ nɩ, 'a ‑plɩɩ 'imä 'järä.
Juifë nyra ‑dɔ
17‑Mɔ 'daraa' ‑na nyufa juifënyɔɔ, ‑dɔ ‑piie plɛ ‑gälɩ ‑bɛ ‑gbaaa' 'lɩ Nyɔsʋaa ‑gʋ; 18‑mɔ jrea' wiili 'ɔ 'bataa' 'sɩrɩ ‑dɔ 'kpɩaa' ‑mɩ, ɔ jrea' diili 'naa'; 19‑mɔ jrea' 'saa ‑maa ‑mɔ 'tiere 'nɔnɔnyüü, ɔ bäa' 'jöjrüükpülɩa nyüüa 'napɛ; 20‑mɔ 'kama nyüülü 'nyɩa' 'lɩgla, ‑mɔ 'kpɩa 'jüplü, 'be ‑jre 'iin ‑dɔa 'mlɩ bä wiijejrekʋ nyra 'cɩcasa. 21‑Bɛ ‑mɔ 'kpɩaa' ‑mülü nɩ, dɛplɛɛ kä ‑gʋ ‑nyɩ 'kpɩa ‑na nyufa le? ‑Mɔ nöa' nyɔɔ 'nyɩ 'jie, ‑nyɩ 'jie 'jie ‑a? 22‑Mɔ nöa' nyɔɔ 'nyɩ 'pa bätësa nɩ, ‑nyɩ 'pa bätësa? ‑Bɛ ‑mɔ 'nyɩ 'bataa' ‑wäsɩa nɩ, ‑nyɩ 'jiere ‑wäsɩaa nyükölia ‑a? 23‑Mɔ ‑gbaaa' 'lɩ ‑dɔa ‑gʋ nɩ, ‑kä Nyɔsʋa 'nyüsü 'wʋ 'be ‑pɩɩɛ ‑dɔ ‑gälɩ! 24'Be 'i ‑jɩjraa' ‑maa: «'Ana ‑gʋ nyüülü 'nyɩa' juifë bä 'nyɩ ‑träärälɩ Nyɔsʋaa 'nyrɩ ‑a#2.24 Esaii 52.5..»
25‑Ama nʋ wiili ‑dɔ 'daaa' nɩ, 'böbökʋ 'na. ‑Maa ‑ama 'pɩ ‑dɔ ‑gälɩ nɩ, ‑na 'böbökʋ ‑beere 'sɩrɩ ‑nyɩa' 'bölö#2.25 Nyɔsʋa ‑gbala Abraamë nyra 'ɔa 'jü kɔsɔ, 'ü 'bö 'üa nyɩbɛjüa 'fɩɔ. 'Jʋlɔ ma ‑gloro dotro 'ɔa jrüü ‑uunsɔɔa ‑srɩlɩ 'ü 'bö 'ɔmɩ. 'A 'bölökʋlʋ nɩ 'uu ‑gbala nyüü 'sɩrɩ ‑bäa' juifë. 'A 'ia ‑gʋ 'ü dara juifënyüü «nyüülü 'bölöa'». ‑Maa juifë 'kpla 'iin ‑pasasa. 'Üa plɛ nɩnɩa kä nyɔɔ ma 'bölö nɩ, 'ɔ 'na Nyɔsʋaa 'klɔɔtrʋ ‑bakää 'ia nyɔɔlɔ nö ‑balʋ.. 26‑Bɛ nyɔɔlɔ 'nyɩa' 'bölö ma nʋ wiili ‑dɔ 'daaa' nɩ, a ‑nëmä 'daa 'ia nyɔɔlɔ 'bölö? 27Nyɔɔlɔ kä 'jajɛ 'nyɩa' 'bölö ‑bɛ 'ɔ nöa' wiili ‑dɔ 'daaa nɩ, ‑mää 'ɔɔ ‑nëmä ‑na ‑gä ‑tʋ? ‑Bɛ ‑mɔlɔ nɩ, ‑klaaa ‑dɔ 'u ‑jɩjra, ‑böölö ‑maa ‑nyɩ ‑träärälɩ ‑dɔ ‑a. 28‑A ‑gbala 'amɩ, juifënyɔɔlɔ nɩ, ‑mää ‑mɔlɔ üma 'jäa' ‑bɛ 'ü jrea' ‑a, ‑bɛ 'böbökʋlʋ nɩ, ‑mää ‑a ‑böö ‑kätɩ ‑na 'jajɛ ‑a. 29'Tasɩrɩa juifëlɔ nɩ, 'a nyɔɔlɔ bäa' juifë plɛklɩ; ‑bɛ 'böbökʋlʋ nɩ, plɛa 'böbökʋ bäsaa. 'Ia 'böbökʋlʋ nɩ, 'Nyüna ‑Susu 'uu nö 'iin, ‑maa ‑mää ‑dɔlʋ ‑jɩjraa' ‑a#2.29 Deteronɔɔmë 30.6.. 'Ia juifënyɔɔlɔ nɩ, ‑mää nyüü 'nyɩ 'bʋala 'ɔɔn ‑maa Nyɔsʋa 'ɔɔ 'bʋala 'ɔɔn.
Currently Selected:
Rɔmënyüü 2: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Rɔmënyüü 2
2
Juifëa 'mʋgbɛ bä ‑balʋ 'lɩ
1'Ii känyrɩ, nyɔɔ o, ‑mɔ 'daaa' ‑mölöö, ‑nyɩ ‑gbagbawii ‑a kä; 'be ‑ama 'daa ‑na ‑mölöö nɩ, ‑na 'mʋgbɛ ‑kala dɛrɩ. ‑Mɔ 'daaa' ‑na ‑moloo nɩ, ‑na 'mʋgbɛ 'a dii 'doolü ‑nö#2.1 Matiö 7.1-5; Lukë 6.37.! 2A jre 'iin 'sɩrɩ Nyɔsʋaa ‑tʋʋäa' 'klɩgäsa nyüülü nöa' 'samaa wiia ‑gä. 3Boboa' nɩ, ‑mɔ nyɔɔ, ‑tʋʋäa' nyüülü nöa' 'samaa diia ‑gä ‑bɛ ‑na 'mʋgbɛ ‑nöa' nɩ, ‑nya Nyɔsʋaa ‑gätʋtaɩn 'mlɩ 'wʋa? 4‑Ale 'ɔa 'pɔnɩkʋ nyra 'ɔa plɛböblökʋ ‑wlɛɛɛa' 'lɩ, 'ia ‑gʋ ‑paaa 'ɔa ‑gbinanakʋ sawʋ; ‑nyɩ 'saa ‑a jre Nyɔsʋaa ‑gbinanakʋ 'uu 'tiere ‑mɩ ‑balʋa 'piepiekʋ 'lɩ? 5‑Na 'nyakliwlisusukʋ nyra ‑na plɛlɛ 'nyɩ 'cicia' nɩ, 'ia ‑gʋ 'ɔa 'crɛ bä ‑mɩ ‑gälɩ ‑bɛ ‑glaaa Nyɔsʋaa 'crɛa srara ‑srɩa 'taɩn 'lɩ 'ɔmäa' nyüüa ‑gä ‑tʋ 'klɩgäsa#2.5 Sofonii 1.14-18; 2.2-3.. 6'A 'sɩrɩ ‑moloo ‑fɛa' 'jrʋpa 'asɩ 'ɔmä 'ɔɔn 'pɛɛ#2.6 'Lɩbrɛrɛpɔɔkʋ 62.13.. 7Nyüülü nöa' 'cɩcagbi 'plɔʋplɔʋ, ‑bɛ ü 'bataa' 'bʋalakʋ, 'lɩträäräkʋ nyra dɛɛlɛ 'nyɩa' bɩarafa kä nɩ, 'ɔnya 'üün 'klälä 'nyɩa' blöröfa kä ‑nyɩa. 8‑Maa ‑mülü nöa' 'üa plɛklɩa wii, ünyɩ ‑trääräa' 'lɩ 'cɩcasa ‑bɛ 'ü ‑trääräa' 'lɩ wiili 'nyɩa' 'klɩgä nɩ, 'üülü nɩ, Nyɔsʋa nya 'üün 'ɔa 'crɛ kpaki ‑gälɩ 'sɔrɔa. 9Nyɔɔ o nyɔɔ nöa' bʋbɔgbi nɩ, 'ɔnya ‑sʋɩ nyra sɩsɩakʋ 'jäa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ. 10‑Maa nyɔɔ o nyɔɔ nöa' 'cɩcagbi nɩ, Nyɔsʋa nya 'ɔɔn 'bʋalaa, 'ɔnya 'ɔɔn 'nyrɩ nyra fugbaflɛrɛkʋ ‑nyɩa, kolo juifë ‑gälɩ 'kä 'fɩɔwʋ, ‑a ‑tɔɔ nyüülü 'nyɩa' juifë bä ‑gälɩ. 11Nyɔsʋa 'nyɩ ‑glɛglɛ ‑a.
12Nyüülü kä 'fɩɔ 'nyɩ 'nyɛrɛa' Moisëa ‑Dɔ ‑gälɩ ‑bɛ 'ü nöa' ‑balʋ nɩ, ‑bakää 'ünyɩ ‑dɔlʋ jre 'ünya jäa. Nyüülü kä 'fɩɔ jrea' ‑dɔ ‑bɛ 'ü nöa' ‑balʋ nɩ, ‑dɔlʋa 'sa 'üa ‑gä 'mä ‑träärä. 13‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü. 14Nyüülü 'nyɩa' juifë bä nɩ, 'ünyɩ Moisëa ‑Dɔ ‑a 'klaa, ‑maa 'taɩn 'lɩ 'ü nöa' 'üa nʋnʋgbia 'mlɩ wiili ‑dɔ 'daaa' nɩ, 'iibä ‑dɔ bä 'üün 'lɩ ‑bakää 'ünyɩ Moisëa ‑Dɔ 'klaa. 15'Iibä wiili ‑dɔ 'daaa' nɩ, 'i ‑jɩjra 'üa plɛklɩ. 'Üa bobowli srara 'imɩ, 'be ‑srɩ ‑mɩdoo 'lɩ 'üa bobowli 'daa 'üün ‑bɛ ‑srɩ ‑mɩdoo 'lɩ 'i 'kɔlɔ 'üün. 16Wiili 'n 'daaa' ‑plɩɩ nɩ, 'taɩn 'lɩ Nyɔsʋa 'mäa' Jesu 'Kriisë kälɩ ‑srörö ‑bɛ 'ɔmäa' nyüüa ‑sisiewii ‑fälɩ be 'ɔmäa' 'üa ‑gä ‑tʋ nɩ, 'a ‑plɩɩ 'imä 'järä.
Juifë nyra ‑dɔ
17‑Mɔ 'daraa' ‑na nyufa juifënyɔɔ, ‑dɔ ‑piie plɛ ‑gälɩ ‑bɛ ‑gbaaa' 'lɩ Nyɔsʋaa ‑gʋ; 18‑mɔ jrea' wiili 'ɔ 'bataa' 'sɩrɩ ‑dɔ 'kpɩaa' ‑mɩ, ɔ jrea' diili 'naa'; 19‑mɔ jrea' 'saa ‑maa ‑mɔ 'tiere 'nɔnɔnyüü, ɔ bäa' 'jöjrüükpülɩa nyüüa 'napɛ; 20‑mɔ 'kama nyüülü 'nyɩa' 'lɩgla, ‑mɔ 'kpɩa 'jüplü, 'be ‑jre 'iin ‑dɔa 'mlɩ bä wiijejrekʋ nyra 'cɩcasa. 21‑Bɛ ‑mɔ 'kpɩaa' ‑mülü nɩ, dɛplɛɛ kä ‑gʋ ‑nyɩ 'kpɩa ‑na nyufa le? ‑Mɔ nöa' nyɔɔ 'nyɩ 'jie, ‑nyɩ 'jie 'jie ‑a? 22‑Mɔ nöa' nyɔɔ 'nyɩ 'pa bätësa nɩ, ‑nyɩ 'pa bätësa? ‑Bɛ ‑mɔ 'nyɩ 'bataa' ‑wäsɩa nɩ, ‑nyɩ 'jiere ‑wäsɩaa nyükölia ‑a? 23‑Mɔ ‑gbaaa' 'lɩ ‑dɔa ‑gʋ nɩ, ‑kä Nyɔsʋa 'nyüsü 'wʋ 'be ‑pɩɩɛ ‑dɔ ‑gälɩ! 24'Be 'i ‑jɩjraa' ‑maa: «'Ana ‑gʋ nyüülü 'nyɩa' juifë bä 'nyɩ ‑träärälɩ Nyɔsʋaa 'nyrɩ ‑a#2.24 Esaii 52.5..»
25‑Ama nʋ wiili ‑dɔ 'daaa' nɩ, 'böbökʋ 'na. ‑Maa ‑ama 'pɩ ‑dɔ ‑gälɩ nɩ, ‑na 'böbökʋ ‑beere 'sɩrɩ ‑nyɩa' 'bölö#2.25 Nyɔsʋa ‑gbala Abraamë nyra 'ɔa 'jü kɔsɔ, 'ü 'bö 'üa nyɩbɛjüa 'fɩɔ. 'Jʋlɔ ma ‑gloro dotro 'ɔa jrüü ‑uunsɔɔa ‑srɩlɩ 'ü 'bö 'ɔmɩ. 'A 'bölökʋlʋ nɩ 'uu ‑gbala nyüü 'sɩrɩ ‑bäa' juifë. 'A 'ia ‑gʋ 'ü dara juifënyüü «nyüülü 'bölöa'». ‑Maa juifë 'kpla 'iin ‑pasasa. 'Üa plɛ nɩnɩa kä nyɔɔ ma 'bölö nɩ, 'ɔ 'na Nyɔsʋaa 'klɔɔtrʋ ‑bakää 'ia nyɔɔlɔ nö ‑balʋ.. 26‑Bɛ nyɔɔlɔ 'nyɩa' 'bölö ma nʋ wiili ‑dɔ 'daaa' nɩ, a ‑nëmä 'daa 'ia nyɔɔlɔ 'bölö? 27Nyɔɔlɔ kä 'jajɛ 'nyɩa' 'bölö ‑bɛ 'ɔ nöa' wiili ‑dɔ 'daaa nɩ, ‑mää 'ɔɔ ‑nëmä ‑na ‑gä ‑tʋ? ‑Bɛ ‑mɔlɔ nɩ, ‑klaaa ‑dɔ 'u ‑jɩjra, ‑böölö ‑maa ‑nyɩ ‑träärälɩ ‑dɔ ‑a. 28‑A ‑gbala 'amɩ, juifënyɔɔlɔ nɩ, ‑mää ‑mɔlɔ üma 'jäa' ‑bɛ 'ü jrea' ‑a, ‑bɛ 'böbökʋlʋ nɩ, ‑mää ‑a ‑böö ‑kätɩ ‑na 'jajɛ ‑a. 29'Tasɩrɩa juifëlɔ nɩ, 'a nyɔɔlɔ bäa' juifë plɛklɩ; ‑bɛ 'böbökʋlʋ nɩ, plɛa 'böbökʋ bäsaa. 'Ia 'böbökʋlʋ nɩ, 'Nyüna ‑Susu 'uu nö 'iin, ‑maa ‑mää ‑dɔlʋ ‑jɩjraa' ‑a#2.29 Deteronɔɔmë 30.6.. 'Ia juifënyɔɔlɔ nɩ, ‑mää nyüü 'nyɩ 'bʋala 'ɔɔn ‑maa Nyɔsʋa 'ɔɔ 'bʋala 'ɔɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.