Filipënyüü 4

1'Ii känyrɩ, 'na ‑wawawlajü 'amɩ, 'amɔ 'n ‑waa' ‑gböösa, 'amɔ bäa' 'na dɔrʋ nyra 'na 'kɩɩwlugbö, 'ba ‑sɔɔrɔwʋ 'Pläkänyɔɔ 'lɩ, 'na ‑wawanyüü 'amɩ!

‑Tɔɔɔ

2'N bibie Evodii nyra Sɛnëtikë ‑gböösa ü 'nönröwli 'Pläkänyɔɔ 'lɩ. 3‑Na 'mʋgbɛ ‑mɔ 'nyraa 'ɔɔn ‑fɛɛɛa' 'jrʋpa 'döö, 'n bibie ‑mɩ ‑ji 'ŋlëgë 'sɔɔlü ‑gba. 'Üü ‑bɛ Klemaa 'nyraa nyüü ‑mülü nyra 'üü ‑fɛjrʋpa 'kä Nyɔsʋa 'Mʋfagogo 'mä ‑pɩɔa 'fɩɔ 'kägbaala. 'Üa 'nyrɩ ‑jɩjra 'Kläa ‑Pɔɔkʋ#4.3 'Kläa ‑Pɔɔkʋ: Nyüülü bäa' Nyɔsʋaa nyüü nɩ, 'üa 'nyrɩ ‑jɩjra ‑pɔɔkʋ kpakua 'mlɩ. 'lɩ.

4'Ba nʋ 'taɩn a 'fɩɔ 'lɩ dɔrʋ 'Pläkänyɔɔ 'lɩ. 'N ‑gbala 'amɩ 'sɔɔwʋ: 'ba nʋ dɔrʋ! 5'Ba srara nyüüa 'fɩɔ 'ana ‑gbinanakʋ. 'Pläkänyɔɔ jö 'lee 'ɔmä ji. 6'Ana plɛ 'nyɩ ‑taaralɩ dɛɛa ‑gʋ, ‑maa wiia 'fɩɔ 'mäa' 'lɩjrä nɩ, 'ba bibie Nyɔsʋa; 'ba ‑gbala 'ɔɔn dɛɛlɛ 'a 'bataa', 'kä 'a 'trɛɛ bɩa 'ɔmɩ. 7‑Bɛ Nyɔsʋaa plɛgälɩflɛrɛkʋlʋ ‑sia' 'lɩgaglakʋa 'fɩɔwʋ 'mä 'ana polu nyra 'ana bobokʋ Jesu 'Kriisë 'lɩ ‑wälɩ ‑träärä.

8'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo. 9Wiili 'a 'kpɩaraa' 'mɩ ‑gba, i 'a 'nua' 'wli, ‑bɛ wiili 'a 'järäa' 'mɩ 'lɩ, 'ii 'ba nʋ. ‑Bɛ Nyɔsʋalɔ ‑nyɛɛa' plɛgälɩflɛrɛkʋ 'mä 'ana ‑tɔrʋpɩɔ bä.

'Pɔɔlë 'trɛɛ Filipënyüü 'üa 'crɛrɛdiia ‑gʋ

10'N nʋ dɔrʋ ‑gböösa 'Pläkänyɔɔ 'lɩ 'n 'jäa' i 'a nʋa', 'sɩrɩ 'a boboa' 'na ‑gä. 'Nyɩ 'daa 'anya 'a 'na ‑gä ‑trɔ, ‑maa 'casɩ 'anyɩ 'jä 'amä 'mɩ 'iin srara. 11‑Mää 'amä 'mɩ dɛɛ ‑nyɩ, ‑mää 'ia ‑gʋ 'nyɩ 'pawii. 'Mɔɔlɔ nɩ, 'n jre 'iin mlɩkä, wii o wii 'mäa' 'mɩ ‑gälɩjrä 'i kä 'mɩ 'tʋ. 12'N jre 'pʋa 'lɩa kʋkʋkʋ, 'n jre diikäkäkʋ 'lɩa kʋkʋkʋ. 'N jre wiia 'fɩɔ mlɩkä, 'n 'nara ‑pɩɔa 'fɩɔ: ‑kä dödökʋ 'lɩ, ‑kä ‑gbëka 'lɩ, ‑kä diikäkäkʋ 'lɩ, ‑kä dɛɛ 'nyɩ bä 'mɩ kälɩ, 'n jre 'iin mlɩkä. 13'N 'mrɛɛ 'ia 'fɩɔlʋ mlɩ 'Kriisëa 'nyrɩklɩa ‑gʋ, 'be 'ɔɔ ‑nyɛɛɛ 'mɩ 'klü. 14‑Maa 'a jia' 'mɩ ‑gba 'na ‑sʋɩa 'mlɩ nɩ, 'ia 'nanadɛɛ 'nyɩ bä ‑a bä.

15Filipënyüü 'amɩ, 'ana 'mʋgbɛ jre 'iin 'n sɔa' Masedoanëa ‑tʋtʋ ‑gälɩ, 'taɩn 'lɩ 'n 'bala käa' 'Mʋfagogoa 'sasakʋ nɩ, 'cɛcɩ 'dee 'nyɩ 'mɩ ‑gba ‑a ji, 'ima 'nyɩ 'ana 'doo ‑a bä. 16'N bä käa' Tɛsalonikë nɩ, 'a ja 'mɩ 'wʋkɔkɔmlɛ 'wʋ diili 'n 'bata käa'. 17‑Mää 'sɩrɩ 'n 'bataa' 'crɛrɛdii ‑a, ‑maa dɛɛlɛ 'n 'bataa', 'iibä 'jrʋpalä 'a ‑fɛɛɛa' nɩ, 'ba 'järä 'lɩ ‑gälɩa 'doo.

18'N 'jä 'ia 'fɩɔ, 'inya ‑siewli. ‑Bɛ Epaflodiitë jaa' 'mɩ diili kä 'fɩɔ 'a jaa' 'mɩ nɩ, 'n 'klaa diili kä 'fɩɔ 'nyɩa' kla. Diili 'a ‑nyɩa' 'mɩ, 'i ‑beere 'nɔnʋpa ‑gbɔ, ‑gbɔlʋ Nyɔsʋa 'kʋɛɛa' 'lɩ ‑bɛ u käa' 'ɔɔn 'tʋ ‑gböösa. 19'Na Nyɔsʋa nya 'amɩ diili kä 'fɩɔ 'a 'bataa' ‑nyɩa 'sɩrɩ 'ɔa 'wliklɩbʋa 'bɩɔlʋ bäa' Jesu 'Kriisë 'lɩ bäa', 'asɩ 'ɔmä 'amɩ 'iin ‑nyɩ. 20Abɩa ana Tʋ Nyɔsʋa 'bʋala 'taɩn a 'fɩɔ 'lɩ! 'Asɩ i bä!

‑Gälɩblörö 'trɔrʋ

21'Ba 'trɛɛ Nyɔsʋaa 'nyünanyüülü kä 'fɩɔ nyra Jesu 'Kriisë bäa' nyɔɔ 'doo. ‑Wlajülü 'nyraa 'üün bäa' ‑tɛ 'trɛɛ 'amɩ. 22'Nyünanyüülü kä 'fɩɔ bäa' ‑tɛklɩ 'trɛɛ 'amɩ, ‑mülü bäa' Sesaa ‑gbööli 'üa 'mʋgbɛ 'trɛɛ 'amɩ ‑gböösa.

23Abɩa ana 'Pläkänyɔɔ Jesu 'Kriisëa ‑gbinanakʋ bä 'ana 'fɩɔ ‑gälɩ. 'Asɩ i bä#4.23 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Abɩa 'Pläkänyɔɔ Jesu 'Kriisëa ‑gbinanakʋ bä 'ana bobowli ‑gälɩ.!

Currently Selected:

Filipënyüü 4: Bakwé

Highlight

Copy