Filipënyüü 1
1
'Trɔrʋ
1'Mɔɔ 'Pɔɔlë nyra Timotee, Jesu 'Kriisëa 'jrʋpafɛnyüü, amɔ ‑jɩjra 'ana 'fɩɔlʋ bäa' Filipëbätä#1.1 Filipëbätälä nɩ, Rɔmëa nyüü 'üü ma fa 'üa 'kɩɩ (4.15). 'Pɔɔlë nrörö 'lɩ 'cɛcɩ 'taɩn 'lɩ 'ɔ 'blööa' 'lɩ dɛrɩ 'sɔɔfa 'wʋ 'ɔa 'jrʋpaa ‑gʋ (Akëtë 16.12). 'wʋ; 'ana 'fɩɔlʋ bäa' Nyɔsʋaa 'nyünanyüü Jesu 'Kriisë 'lɩ, 'cɛcɩtagbü nyra ‑diiakë#1.1 ‑diiakë: Grɛɛkëwii 'lɩ 'üü 'ü 'dara 'jrʋpafɛnyüü. Nyüülü 'ü 'daraa' ‑tɛ ‑diiakë nɩ, 'a nyüülü jöa' nyüülü käläa' 'cɛcɩa wii ‑gba. 'Üülü nɩ, 'üü kälä 'pʋablanyüü nyra ‑wusublanyüüa wii ‑gba.. 2Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.
'Pɔɔlë bibie Filipënyüüa 'wli 'lɩ
3'Asɩ 'ana wii jöa' 'na 'wlia 'mlɩ, 'asɩ 'n 'trɛɛ 'na Nyɔsʋa. 4'Asɩ 'n bibiea' 'ana 'fɩɔa 'wli 'lɩ nɩ, 'asɩ 'n nö 'iin dɔrʋsa. 5'Be 'bala 'klɩsajrü ‑gälɩ ‑a ji 'saarɩ ‑gälɩ nɩ, dɛɛlɛ#1.5 Filipënyüü nʋ mölii 'ünya ji apotrë ‑gba 'ɔmä 'mʋfagogo 'sa. 'Ü ‑nyɛɛ bɩa 'ɔɔn bobowli (Filipënyüü 1.29-30; 4.16,18). 'a jaa' 'mɩ nɩ, ‑gba 'a ji 'mɩ 'Mʋfagogoa 'sasakʋ 'lɩ. 6'Na plɛ 'suru wii 'dooa ‑gʋ: nyɔɔlɔ cɛtrɛa' 'amɩ 'lɩ ‑taa 'mʋfa 'jrʋpalä nɩ, 'ɔnya 'ään 'wlaraa, 'ɔnya 'ään nʋ nʋ kä Jesu 'Kriisëa jrüü nya 'lɩjrä. 7'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa. 8Nyɔsʋa 'mʋgbɛ jre 'imɩ 'sɩrɩ Jesu 'Kriisë ‑waa' 'amɩ nɩ, 'asɩ 'n ‑wa bɩa 'ana 'fɩɔ.
9‑Bɛ ama bibie Nyɔsʋa dɛɛlɛ 'n 'betea' nɩ, 'iibä: abɩa 'ana ‑wawakʋ 'paplagälɩa 'doo, 'amä 'cɩcasa jre ‑gböösa ‑bɛ 'amä 'tasɩrɩ wiia 'fɩɔ 'wli 'nu, 10'amä dɛɛlɛ 'naa' jre, 'ana 'nyü 'mä 'lɩwʋ; 'ia 'taɩn 'lɩ wii ‑pɩ 'amɩ 'kpla 'Kriisëa jijisrɩ 'lɩ. 11Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.
'Pɔɔlëa nyɔsʋajrʋpa nyra 'ɔa ‑gogo
12 'Na ‑wlajü 'amɩ 'ba jre 'iin 'sɩrɩ wiili jräa' 'mɩ ‑gälɩ 'nyɩ 'Mʋfagogo ‑a 'nyüglö, ‑maa 'ii nʋ 'iin 'änya 'tɔ kpaun. 13'A 'ia ‑gʋ 'sʋgɩalä kä 'fɩɔ ‑glaaraa' 'kɩɩ kpaköa nyuku ‑gälɩ, nyra nyüü ‑mülü bäa' ‑pɩɔ ‑mɩdoo, nya jre 'iin 'sɩrɩ 'n bäa' ‑jie 'lɩ 'Kriisëa ‑gʋ. 14‑Wlajü 'kɔkɔmlɛlü bäa' 'Kriisë 'lɩ 'nua' 'sɩrɩ 'n bäa' ‑jie 'lɩ nɩ, 'inya 'papla 'sɔɔwʋ 'Pläkänyɔɔa plɛtorokʋ ‑gälɩ, 'ünya 'pa 'nɩmɩ 'üa nyüfë 'klü 'lɩ 'klaasɔɔwʋ 'ümä nyüü nyɔsʋaawii ‑gba 'pala; ŋalɛ 'nyɩ 'üün 'bla ‑a 'bla.
15Wasä nyra ‑topokʋ 'tuto nyüü ‑mölöö ‑bɛ 'ü 'paa 'Kriisëa ‑gä, ‑maa ‑mölöö bälɩ 'ü nö 'iin ‑wawakʋ 'lɩ. 16'Üülü nɩ, 'ü ‑wa 'mɩ 'aiɛ 'ü nö 'imɩ, 'be 'ü jre 'iin 'mä 'Mʋfagogoa 'wli 'lɩa wii 'pa, 'aiɛ Nyɔsʋa ‑tʋ ‑tɛklɩ 'mɩ#1.16 Grɛɛkë kätɩpɔɔkɩ ‑mɩdooa 'mlɩ ‑pɔɔkʋa waklüü 16 bä 17 a 'pɛlɩ, ‑bɛ 17 bä 16 a 'pɛlɩ.. 17‑Mülü nɩ, wasäsa 'ü 'paa 'Kriisëa ‑gä, ‑mää 'cɩcasa 'ünyɩ bobo; 'üa plɛɛ üma nʋ 'saa 'na ‑sʋɩ 'ü 'papla ‑gälɩ ‑tɛ ‑jie 'lɩ. 18‑Mää wii 'inyɩ bä! ‑Bakää 'ü nrörö 'iin ‑gla ‑gälɩ, 'aiɛ 'cɩcasa 'lɩ 'ia 'fɩɔlʋ nɩ, 'Kriisëa ‑gä 'ü 'paa. 'Inya kä 'mɩ dɔrʋ 'wʋ ‑gböösa, 'kä 'nyaa 'sɔɔwʋ 'ia dɔrʋ nʋ.
19'Be 'ana nyɔsʋabibiekʋ nyra Jesu 'Kriisëa ‑Susua ‑gbajijikʋ 'lɩ, 'n jre 'iin 'sɩrɩ 'ia 'fɩɔlʋ 'mäa' 'nyrɩkä ‑bɛ 'mäa' 'lɩmlɩwʋ. 20Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.
21'Na në ‑nyɛɛ, 'Kriisë 'ɔɔ bä 'na 'klä, jäjä bä 'na 'lɩgälɩjärädɛɛ. 22Dɛɛlɛ 'n ‑ka 'mäa' 'lɩba 'nyɩ 'ɛɛn jre ‑a jre. ‑Maa ama ‑ka bälɩ nɩ, 'nyaa 'casɩ 'jäa 'mä 'cɩca 'jrʋpa ‑fɛ. 23'Na plɛ 'kʋkrʋɛɛ 'mɩ 'lɩ: 'n 'bata ‑a sɔ 'plälä kʋa' ‑pɩa 'mlɩ 'mä 'Kriisëa ‑nyɛɛ mi, 'i ‑siwʋ 'nanakʋ! 24‑Maa 'i ‑siwʋ 'nanakʋ ‑gböösa 'mä 'lɩbä 'ana ‑gʋ. 25Wiili 'n 'paa' 'n 'pie 'iin plɛ ‑gälɩ, 'n jresaa 'nyaa 'lɩbäa 'mä 'ana 'fɩɔa ‑tɔrʋpɩɔ bä, 'mä 'amɩ ‑gbaji 'amä 'klɔɔtrʋ mi ‑bɛ dɔrʋ 'mä 'amɩ 'bla 'ana nyɔsʋaplɛa 'mlɩ. 26'Ia 'taɩn 'lɩ ama 'blöö 'ana ‑tɔrʋpɩɔ dɛrɩ nɩ, Jesu 'Kriisë nya 'amɩ dɔrʋ 'wʋ käa ‑gböösa 'na ‑gʋ.
27'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ. 28'Anyɩ 'cɛrɛ 'ana nyüamlɩjraranyüü ‑wälɩ 'ünyɩ ‑guua 'amɩ 'fëflɛsa. 'Ii 'mä 'üün ‑gbala 'sɩrɩ 'ümäa' 'mɔlɔ. 'Ana ‑nyɛɛ nɩ, 'ii ‑gbala 'amɩ 'sɩrɩ 'anya 'a 'lɩmlɩwʋ. Nyɔsʋa ‑gba 'iin. 29'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ. 30Dɛɛlɛ a bäa' ‑plɩɩ ‑gälɩ nɩ, toulu 'n ‑fuuöa' 'uu 'ana 'mʋgbɛ ‑fuuö. 'A 'jä 'mɩ 'nyaa ‑fu 'umɩ, 'n ‑ka ‑fuuö 'n ‑ka mö 'saarɩ, 'sɩrɩ 'a 'nua' 'iin 'wli.
Currently Selected:
Filipënyüü 1: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Filipënyüü 1
1
'Trɔrʋ
1'Mɔɔ 'Pɔɔlë nyra Timotee, Jesu 'Kriisëa 'jrʋpafɛnyüü, amɔ ‑jɩjra 'ana 'fɩɔlʋ bäa' Filipëbätä#1.1 Filipëbätälä nɩ, Rɔmëa nyüü 'üü ma fa 'üa 'kɩɩ (4.15). 'Pɔɔlë nrörö 'lɩ 'cɛcɩ 'taɩn 'lɩ 'ɔ 'blööa' 'lɩ dɛrɩ 'sɔɔfa 'wʋ 'ɔa 'jrʋpaa ‑gʋ (Akëtë 16.12). 'wʋ; 'ana 'fɩɔlʋ bäa' Nyɔsʋaa 'nyünanyüü Jesu 'Kriisë 'lɩ, 'cɛcɩtagbü nyra ‑diiakë#1.1 ‑diiakë: Grɛɛkëwii 'lɩ 'üü 'ü 'dara 'jrʋpafɛnyüü. Nyüülü 'ü 'daraa' ‑tɛ ‑diiakë nɩ, 'a nyüülü jöa' nyüülü käläa' 'cɛcɩa wii ‑gba. 'Üülü nɩ, 'üü kälä 'pʋablanyüü nyra ‑wusublanyüüa wii ‑gba.. 2Abɩa Nyɔsʋalɔ bäa' ana Tʋ nyra ana 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.
'Pɔɔlë bibie Filipënyüüa 'wli 'lɩ
3'Asɩ 'ana wii jöa' 'na 'wlia 'mlɩ, 'asɩ 'n 'trɛɛ 'na Nyɔsʋa. 4'Asɩ 'n bibiea' 'ana 'fɩɔa 'wli 'lɩ nɩ, 'asɩ 'n nö 'iin dɔrʋsa. 5'Be 'bala 'klɩsajrü ‑gälɩ ‑a ji 'saarɩ ‑gälɩ nɩ, dɛɛlɛ#1.5 Filipënyüü nʋ mölii 'ünya ji apotrë ‑gba 'ɔmä 'mʋfagogo 'sa. 'Ü ‑nyɛɛ bɩa 'ɔɔn bobowli (Filipënyüü 1.29-30; 4.16,18). 'a jaa' 'mɩ nɩ, ‑gba 'a ji 'mɩ 'Mʋfagogoa 'sasakʋ 'lɩ. 6'Na plɛ 'suru wii 'dooa ‑gʋ: nyɔɔlɔ cɛtrɛa' 'amɩ 'lɩ ‑taa 'mʋfa 'jrʋpalä nɩ, 'ɔnya 'ään 'wlaraa, 'ɔnya 'ään nʋ nʋ kä Jesu 'Kriisëa jrüü nya 'lɩjrä. 7'I 'nara 'lɩ 'na ‑nyɛɛ 'kä 'mä 'samaa wii bobo 'ana ‑gʋ, 'n ‑gbötö 'amɩ 'na plɛklɩ. 'Jrʋpalä Nyɔsʋa ‑nyɩa' 'mɩ 'ɔa ‑gbinanakʋ 'lɩ nɩ, 'a ji 'mɩ ‑gba. 'A ‑ka nö 'imɩ ‑tɛ ‑jie 'lɩ 'n bäa', 'taɩn 'lɩ 'maa 'saaa' 'Mʋfagogo, 'maa 'paaa' 'äa 'wli 'lɩa wii, 'n ‑gbalaa' nyüü 'sɩrɩ 'ä bäa' 'cɩcasa. 8Nyɔsʋa 'mʋgbɛ jre 'imɩ 'sɩrɩ Jesu 'Kriisë ‑waa' 'amɩ nɩ, 'asɩ 'n ‑wa bɩa 'ana 'fɩɔ.
9‑Bɛ ama bibie Nyɔsʋa dɛɛlɛ 'n 'betea' nɩ, 'iibä: abɩa 'ana ‑wawakʋ 'paplagälɩa 'doo, 'amä 'cɩcasa jre ‑gböösa ‑bɛ 'amä 'tasɩrɩ wiia 'fɩɔ 'wli 'nu, 10'amä dɛɛlɛ 'naa' jre, 'ana 'nyü 'mä 'lɩwʋ; 'ia 'taɩn 'lɩ wii ‑pɩ 'amɩ 'kpla 'Kriisëa jijisrɩ 'lɩ. 11Jesu 'Kriisë nya 'amɩ ‑gbajia 'ɔa 'klɩgägäkʋa ‑gbi 'mä 'amɩ 'lɩ 'si, Nyɔsʋa 'mä 'bʋala ‑bɛ 'ümä 'ɔɔn 'lɩbrɛrɛ.
'Pɔɔlëa nyɔsʋajrʋpa nyra 'ɔa ‑gogo
12 'Na ‑wlajü 'amɩ 'ba jre 'iin 'sɩrɩ wiili jräa' 'mɩ ‑gälɩ 'nyɩ 'Mʋfagogo ‑a 'nyüglö, ‑maa 'ii nʋ 'iin 'änya 'tɔ kpaun. 13'A 'ia ‑gʋ 'sʋgɩalä kä 'fɩɔ ‑glaaraa' 'kɩɩ kpaköa nyuku ‑gälɩ, nyra nyüü ‑mülü bäa' ‑pɩɔ ‑mɩdoo, nya jre 'iin 'sɩrɩ 'n bäa' ‑jie 'lɩ 'Kriisëa ‑gʋ. 14‑Wlajü 'kɔkɔmlɛlü bäa' 'Kriisë 'lɩ 'nua' 'sɩrɩ 'n bäa' ‑jie 'lɩ nɩ, 'inya 'papla 'sɔɔwʋ 'Pläkänyɔɔa plɛtorokʋ ‑gälɩ, 'ünya 'pa 'nɩmɩ 'üa nyüfë 'klü 'lɩ 'klaasɔɔwʋ 'ümä nyüü nyɔsʋaawii ‑gba 'pala; ŋalɛ 'nyɩ 'üün 'bla ‑a 'bla.
15Wasä nyra ‑topokʋ 'tuto nyüü ‑mölöö ‑bɛ 'ü 'paa 'Kriisëa ‑gä, ‑maa ‑mölöö bälɩ 'ü nö 'iin ‑wawakʋ 'lɩ. 16'Üülü nɩ, 'ü ‑wa 'mɩ 'aiɛ 'ü nö 'imɩ, 'be 'ü jre 'iin 'mä 'Mʋfagogoa 'wli 'lɩa wii 'pa, 'aiɛ Nyɔsʋa ‑tʋ ‑tɛklɩ 'mɩ#1.16 Grɛɛkë kätɩpɔɔkɩ ‑mɩdooa 'mlɩ ‑pɔɔkʋa waklüü 16 bä 17 a 'pɛlɩ, ‑bɛ 17 bä 16 a 'pɛlɩ.. 17‑Mülü nɩ, wasäsa 'ü 'paa 'Kriisëa ‑gä, ‑mää 'cɩcasa 'ünyɩ bobo; 'üa plɛɛ üma nʋ 'saa 'na ‑sʋɩ 'ü 'papla ‑gälɩ ‑tɛ ‑jie 'lɩ. 18‑Mää wii 'inyɩ bä! ‑Bakää 'ü nrörö 'iin ‑gla ‑gälɩ, 'aiɛ 'cɩcasa 'lɩ 'ia 'fɩɔlʋ nɩ, 'Kriisëa ‑gä 'ü 'paa. 'Inya kä 'mɩ dɔrʋ 'wʋ ‑gböösa, 'kä 'nyaa 'sɔɔwʋ 'ia dɔrʋ nʋ.
19'Be 'ana nyɔsʋabibiekʋ nyra Jesu 'Kriisëa ‑Susua ‑gbajijikʋ 'lɩ, 'n jre 'iin 'sɩrɩ 'ia 'fɩɔlʋ 'mäa' 'nyrɩkä ‑bɛ 'mäa' 'lɩmlɩwʋ. 20Dɛɛlɛ 'n ‑glaaa' ‑bɛ 'n 'piea' plɛgälɩ nɩ, 'iibä dɛɛa 'nyüsü ‑nëmä 'mɩ ‑a 'bla. Dɛɛlɛ 'n 'bataa' 'saarɩ nyra 'plɔʋplɔʋ nɩ, 'iibä ‑a srara 'Kriisëa 'bʋabʋakʋ 'na fugbaa 'mlɩ 'taɩn 'lɩ 'n ‑ka fioa' nyra 'na jäjäkʋ 'lɩ.
21'Na në ‑nyɛɛ, 'Kriisë 'ɔɔ bä 'na 'klä, jäjä bä 'na 'lɩgälɩjärädɛɛ. 22Dɛɛlɛ 'n ‑ka 'mäa' 'lɩba 'nyɩ 'ɛɛn jre ‑a jre. ‑Maa ama ‑ka bälɩ nɩ, 'nyaa 'casɩ 'jäa 'mä 'cɩca 'jrʋpa ‑fɛ. 23'Na plɛ 'kʋkrʋɛɛ 'mɩ 'lɩ: 'n 'bata ‑a sɔ 'plälä kʋa' ‑pɩa 'mlɩ 'mä 'Kriisëa ‑nyɛɛ mi, 'i ‑siwʋ 'nanakʋ! 24‑Maa 'i ‑siwʋ 'nanakʋ ‑gböösa 'mä 'lɩbä 'ana ‑gʋ. 25Wiili 'n 'paa' 'n 'pie 'iin plɛ ‑gälɩ, 'n jresaa 'nyaa 'lɩbäa 'mä 'ana 'fɩɔa ‑tɔrʋpɩɔ bä, 'mä 'amɩ ‑gbaji 'amä 'klɔɔtrʋ mi ‑bɛ dɔrʋ 'mä 'amɩ 'bla 'ana nyɔsʋaplɛa 'mlɩ. 26'Ia 'taɩn 'lɩ ama 'blöö 'ana ‑tɔrʋpɩɔ dɛrɩ nɩ, Jesu 'Kriisë nya 'amɩ dɔrʋ 'wʋ käa ‑gböösa 'na ‑gʋ.
27'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ. 28'Anyɩ 'cɛrɛ 'ana nyüamlɩjraranyüü ‑wälɩ 'ünyɩ ‑guua 'amɩ 'fëflɛsa. 'Ii 'mä 'üün ‑gbala 'sɩrɩ 'ümäa' 'mɔlɔ. 'Ana ‑nyɛɛ nɩ, 'ii ‑gbala 'amɩ 'sɩrɩ 'anya 'a 'lɩmlɩwʋ. Nyɔsʋa ‑gba 'iin. 29'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ. 30Dɛɛlɛ a bäa' ‑plɩɩ ‑gälɩ nɩ, toulu 'n ‑fuuöa' 'uu 'ana 'mʋgbɛ ‑fuuö. 'A 'jä 'mɩ 'nyaa ‑fu 'umɩ, 'n ‑ka ‑fuuö 'n ‑ka mö 'saarɩ, 'sɩrɩ 'a 'nua' 'iin 'wli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.