Marëkë 6
6
Nasarɛɛtënyüü 'nyɩ Jesu ‑a ‑wa
Matiö 13.53-58; Lukë 4.16-30
1'Ɔnya sɔ 'lɩ, 'ɔɔ ‑bɛ 'ɔa 'wʋnyɛrɛnyüü nya mi bätälä kä 'mlɩ 'ɔ 'bʋalaa'. 2‑Fʋflʋpasrɩ 'lɩ nɩ, 'ɔ ‑tʋ 'lɩ 'kpɩkpɩakʋ 'sraaplanyüköli. Nyüülü poa' 'ɔɔn 'nyakli nɩ, 'kɔkɔmlɛa plɛ 'klɩ kala, ‑jää 'sɩ 'ü ‑gbaaa' nɩ: «‑A 'plɛɛ ‑taa në nyɔɔlɔ 'ba 'ia ni le? ‑A 'plɛɛ 'ɔ 'ba 'sama 'lɩgaglakʋ nyra ‑saragbili 'ɔ nöa' le! 3‑Mää Mariia nyɩbɛjʋlɔ bäa' 'kamëdɛ, ‑mɔ ‑a? ‑Mää Jaakë, Josɛɛsë, Judë nyra Simɔɔɩɩa nɔ ‑wlajʋlɔ ‑a? ‑Mää ‑mɔlɔ kä ‑wlayörü a nyra 'üün kʋa' bätä ‑a#6.3 TɛJaan 6.42.!» 'A 'ia 'fɩɔlʋa ‑gʋ 'ünyɩ 'ba 'ɔa mlɩa wii nyɔɔ 'wʋ ‑a. 4Jesu nya ‑gbala 'üün ‑maa: «‑Pɩɔ o ‑pɩɔ nyɔsʋaamlɩpalanyɔɔ ‑sröröa' 'ü 'dara 'ɔɔn nyɔɔ; ‑maa 'ɔa 'brea nyüü, 'ɔa ‑gböölia nyüü nyra 'ɔa nyükölia nyüü, 'üa 'doo 'üü 'nyɩ 'dara 'ɔɔn nyɔɔ#6.4 Lukë 4.24; Jaan 4.44..» 5'Ia ‑gʋ 'ɔnyɩ 'lɩ ‑saragbi ‑a nrörö ‑bɛ 'asɩɛ 'ɔ 'pie ‑wusublanyüü ‑mölöö 'dari ‑gälɩ 'ɔnya 'pʋɔ 'üün. 6'Ünyɩ 'ɔɔn plɛ ‑a toro; 'i 'kala 'ɔɔn plɛklɩ. 'Ɔnya ‑gblaara bätëlë kɔkɔa' 'lɩ ‑gba, ‑bɛ 'ɔ 'kpɩa.
Nyüüpʋnyüüsɔɔlü Jesu blɔa' 'jrʋpa 'lɩ
Matiö 10.5-15; Lukë 9.1-6
7Jesu nya we nyüüpʋnyüüsɔɔlü, 'ɔnya blɔ 'üün 'sɔɔrɔsɔɔ, 'ɔnya ‑nyɛnyɛ 'üün ‑gälɩkamladɛɛ 'ümä ‑frepasisi 'klü ‑gälɩ kälä. 8'Ɔnya ‑gbala 'üün ünyɩ fa dɛɛ, ima 'nyɩ sɩsɛ ‑a bä. 'Ünyɩ fa jijrɛ, 'ünyɩ fa sakɔsʋ, 'ünyɩ 'pa 'üa keiwaa 'mlɩ mölii, 9'Ünyɩ fa 'koti 'sɔɔ, ‑maa 'ü pa 'siilɩ. 10Jesu nya ‑gbala 'üün: «Nyuku o, nyuku kä ‑wälɩ nyüü nëmäa' 'amɩ pla nɩ, 'ii 'ba kʋ kʋ, 'kä 'ana mimitaɩn jräwli. 11‑Pɩɔ o ‑pɩɔ 'a nëmäa' 'tɔ 'ia nyüü ma 'nyɩ 'amɩ nyuku ‑a ‑nyɩ, ‑bɛ üma 'nyɩ po 'amɩ 'nyakli ‑a nɩ, 'ba sɔ 'lɩ, 'kä 'a ‑gbɔplɔ 'lɩ 'ana böklölia ‑tʋtʋ#6.11 ‑gbɔplɔ 'lɩ 'ana böklölia ‑tʋtʋ: ‑Kätɩnyüü jre 'ia ‑gbaa. 'Sɩrɩ nyɔɔ 'daa ‑maa bätälä kʋa' ‑pɩ ‑nëmä nyɔsʋaawii 'klɩ ‑a 'nyiere, 'ii känyrɩ 'nëmä 'ia dɛɛ jɔ 'doo ‑a fa, 'ia 'pisiatua 'mʋgbɛ ‑nëmä 'ɔɔn ‑gba ‑a tɩɔ. Akëtë 13.51; 18.6., 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na. 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ#6.11 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..» 12Nyüüpʋnyüüsɔɔlü ‑gbala nyüü, ü 'cici 'üa bobowli 'ümä nyɔsʋaawii 'klɩ 'nyiere. 'Asɩ ü ‑gbala nyüü ‑bɛ 'ü ‑piie. 13‑Bɛ 'ü prɛ domüü 'kɔkɔmlɛ, 'ü 'paa ‑wusublanyüü 'kɔkɔmlɛ 'kpɩ 'wʋ, ‑bɛ 'ü 'pʋɔ 'üün.
Erɔɔdë 'dara Jesu Jaan Batiisë
Matiö 14.1-2; Lukë 9.7-9
14'Kɩɩlɔ 'ü 'daraa' Erɔɔdë#6.14 Erɔɔdë: Erɔɔdë Antipaasë bäsaa; 'ɔ 'kama bɩa Galilee., 'ɔ 'nua' Jesua 'nyrɩ mimikʋ 'wli nɩ, 'iibä: «Jaan Batiisë bäsaa, 'kuaabre 'ɔ sɔa' 'ia 'klü 'ɔ 'klaa ‑bɛ 'ɔ nö ‑saragbi!» 15‑Mölöö nö: «Elii bäsaa.» ‑Bɛ ‑mölöö nö: «Nyɔsʋaamlɩpalanyɔɔ bäsaa; 'ɔ ‑beere nyɔsʋaamlɩpalanyüülü ‑kätɩ ji käa' 'üa ‑tɔrʋpɩɔa nyɔɔ 'doo.» 16Erɔɔdë 'nua' 'ia 'fɩɔ 'wli nɩ, 'iibä: «Jaanlɔ kä 'wli 'n 'böa' 'lɩ, 'ɔɔ sɔ 'kuaabre!»
17Jaan ‑ka bä käa' 'lɩ nɩ, Erɔɔdë 'ɔɔ 'pa kä 'ɔɔn 'cɩ 'ɔnya 'pa 'ɔɔn ‑jie 'lɩ, Erɔɔdëa ‑wlajʋ Filipëa#6.17 Filipë: Erɔɔdëa nɔ ‑wlajʋ Filipë. ‑Maa ‑mää Filipëlɔ 'kamaa' bätälä 'ü 'daraa' Sesaree ‑a. Tɛ 8.27. 'ŋlʋʋ Erɔdiadëa ‑gʋ. 'Ŋlʋʋlɔ nɩ, 'ɔɔ Erɔɔdë ma kä: 18«‑Nyɩ kä ‑a kä ‑mä ‑na ‑wlajʋa 'ŋlʋʋ ‑na 'ŋlʋʋ 'lɩnrörö#6.18 Levitiikë 18.16; 20.21..» 'A wiili Jaan ma ‑gbala Erɔɔdë. 19'Ia ‑gʋ Erɔdiadë 'pa Jaan a 'crɛ 'mlɩ, ‑bɛ 'ɔ 'bata ɔ 'bla 'ɔɔn, ‑maa 'ɔnyɩ 'lɩ ‑a bɩa. 20Erɔɔdë jre 'iin 'sɩrɩ Jaan bäa' 'klɩgänyɔɔ, 'sɩrɩ 'ɔ bäa' 'nɩmɩ 'nyünanyɔɔ, 'ia ‑gʋ 'ɔ ma ‑träärälɩ Jaan ‑bɛ 'ɔnyɩ 'bata 'bata ‑a wii 'mä Jaan ‑gälɩjrä. Erɔɔdë ma po 'ɔɔn 'nyakli nɩ, 'ɔa plɛ 'cakla 'lɩ, ‑maa 'asɩɛ 'ɔ ma ‑wa 'ɔa 'nyaklipopokʋ.
21'Inya kä 'taɩn 'doo, 'i bä kä Erɔɔdëa 'klɩbreresrɩ, 'taɩnlɩ kä 'mlɩ 'ü ‑gu käa' 'ɔɔn. 'Ɔnya tupo kä 'ɔa tagbü, 'sʋgɩaa 'kamanyüü nyra Galileea 'lɩträäränyüüa 'fɩɔ. 22Erɔdiadëa 'ŋlëkayria nya pa 'ɔnya yɛ. 'Ɔa yɛyɛbei kä Erɔɔdë nyra 'ɔa tuponyüü 'tʋ. 'Kɩɩ nya ‑gbala kɔklʋayrialɔ: «Dɛɛlɛ ‑baataa', ‑ga 'ɛmɩ 'nyrʋ 'mä ‑mɩ 'ɛɛn ‑nyɩ.» 23'Ɔ 'sɔrɩ 'ɔnya ‑gbala 'ŋlëkayrialɔ: «Dɛɛlɛ ‑nëmäa' 'nyrʋga 'nyaa 'ɛɛn ‑mɩ ‑nyɩa, ‑bakää 'i bä 'plälä 'n ‑gbaaa' 'mäklɩ, 'äa 'pɛ ‑mɩdee.» 24Kɔklʋayrialɔ 'ciea' 'ɔnya 'bete 'ɔa 'yio: «Dɛplɛɛ 'nëmä 'nyrʋga le?» 'Iibäa' 'ɔa 'yio nɩ: «'Daa, Jaan Batiisëa 'wli ‑baata.» 25'Köklesaplɩɩ 'kɩɩa ‑nyɛɛ 'ɔ 'blöödɛrɩ 'ɔnya ‑gbala 'ɔɔn: «'N 'bata 'köklesaplɩɩ Jaan Batiisëa 'wli ‑pöööa 'mlɩ.» 26'I pa 'kɩɩ ‑gba, ‑maa 'be tuponyüüa 'fɩɔa 'klɩ 'ɔnya 'pa kä wiili, 'üa ‑gʋ, 'ɔnyɩ 'lɩ ‑a bɩa ɔ blara 'ŋlëkayrialɔ 'klɩ. 27'A ‑plɩɩ 'ɔ kʋ dotro 'ɔnya blɔ 'sʋgɩanyɔɔ 'doo, ɔ mi ɔ ja 'ɔɔn Jaan Batiisëa 'wli. 'A ‑nyɛɛ ‑jienyüköli nyɔɔlɔ 'bölö 'iin. 28'Ɔnya 'pa Jaan a 'wli ‑pööö 'lɩ 'ɔnya ja 'iin, 'ɔnya ‑nyɩ 'iin 'ŋlëkayrialɔ, 'ŋlëkayria nya ‑nyɩ 'iin 'ɔa 'yio. 29Jaan a 'wʋnyɛrɛnyüü 'nua' 'iin 'wli nɩ, 'ünya fa 'ɔa jäjäa nɔ 'ünya 'pie 'ɔɔn 'kuyu 'lɩ.
Jesu 'fini nyüüa ‑diipʋ ‑diisɔɔ ‑glʋɩpʋ (5 000) 'klɩ
Matiö 14.13-21; Lukë 9.10-17; Jaan 6.1-15
30 Apotrëlü Jesu blɔ käa' nya trara 'ɔɔn 'klɩ ‑bɛ 'ü 'saa 'ɔɔn ‑gogo, wiili kä 'fɩɔ 'ü nʋa' nyra 'ii kä 'fɩɔ 'ü 'kpɩaa' nyüü. 31'Ü 'nɩ jä 'taɩn ‑a 'ümä dɛɛji, nyüülü jöa' ü möa' 'üa ‑gʋ; Jesu nya ‑gbala 'üün: «'Ba ji amä 'klɩbere ‑aaga 'lɩ, 'amä ‑fʋflʋ 'pa jie.» 32'Ünya 'jra ‑gɔlʋ 'lɩ 'ünya mi ‑aaga 'lɩ 'ünya bereklɩ. 33Nyüü 'jä 'üa mimidɛɛ; 'kɔkɔmlɛ ‑tʋ 'üün 'nyü ‑gba. Nyüü sɔsɔ bätëa 'mlɩ 'ünya fa bei 'ünya 'bösrö 'üün ‑aaga 'lɩ.
34Jesu 'mä ‑gɔlʋ 'lɩ 'ciekalɩ mi nɩ, nyüü 'kɔkɔmlɛa ‑jria 'ɔ 'jä, 'üa nyatɛrɩ nya ‑sie 'ɔɔn 'wli. 'Ü ‑beere ‑bablëëlë 'nyɩa' ‑gbanyɛrɛnyɔɔ kä#6.34 ‑bablëëlë 'nyɩa' ‑gbanyɛrɛnyɔɔ kä: Nɔɔbrë 27.17; 1 'Kɩɩ 22.17.. 'A ‑plɩɩ 'ɔ 'bala 'üa wii 'kɔkɔmlɛa 'kpɩkpɩakʋ. 35‑Bɛ 'taɩn ‑söööa' nɩ, Jesua 'wʋnyɛrɛnyüü nya jijrö 'ɔɔn ‑gba 'ünya ‑gbala 'ɔɔn: «‑Plɩɩlɩ a bäa' nɩ, ‑aaga 'lɩ bäsaa; ‑bɛ 'taɩn 'a ‑si! 36'Cɛrɛ 'üün ‑wälɩ, 'ümä bätë nyra 'kpafëlë bäa' ‑pɩklɩa 'mlɩ mi 'ümä 'üa jijri ‑su, 'be 'ünyɩ jijri ‑a kä 'ümä dɛɛji#6.36 'be 'ünyɩ jijri ‑a kä 'ümä dɛɛji: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..» 37'Ɔnya ‑gbala 'üün: «'Amɔ, 'ba ‑nyɩ 'üün jijri.» 'Iibäa' 'üün nɩ: «‑Yaa! ‑Bakää anyɩ ‑su deniea ‑glʋɩsɔɔa#6.37 deniea ‑glʋɩsɔɔ: Denie 'dee bä jrüü 'dooa 'jrʋpaa 'pɛpɛɛkʋ. Matiö 20.2. 'flɔɔ, 'kä 'unya 'üün mlɩ bɩaa?» 38Jesu nya 'bete 'üün: «'Flɔɔbü ‑srüplɛɛ 'a 'klaa le?» 'Ü tɛa' 'lɩ, 'iibä: «'Flɔɔbü ‑gböö nyra ‑srü 'sɔɔ.» 39Jesu nya ‑gbala 'üün ü 'sesre nyüü 'klɩkä, 'kä ü ‑gbala 'üün ü kɔkɔ 'sipi ‑gälɩ. 40'Ünya 'sesre nyüülü 'klɩkä, 'ünya kɔkɔwälɩ. 'Üa ‑glügbö ‑mölöö bä ‑glʋɩgböö (100), ‑mölöö bä ‑glʋɩsɔɔ ‑bɛ ‑pʋ (50). 41Jesu nya dɔrɔ 'flɔɔbü ‑gböö nyra ‑srü 'sɔɔlü 'wʋ, 'ɔnya 'jrara cɛ 'nyü 'kä, 'ɔnya 'trɛɛ Nyɔsʋa. 'Ɔ bɩaa' Nyɔsʋa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä. 42'Üa 'fɩɔ nya jidɛɛ 'ünya dö. 43'Ü ‑nyɩglaa' ‑srü nyra 'flɔɔ klüülü tɩɔa' 'lɩ 'kä nɩ, 'ü 'sie dɔgbɩ ‑pʋ ‑bɛ 'sɔɔ#6.43 2 'Kɩɩ 4.42-44.. 44Nyüülü jia' jijrili 'üa nyɩberüa ‑diipʋ ‑diisɔɔ ‑glʋɩpʋ (5 000)#6.44 Matiö 14.21..
Jesu 'nyɛrɛ 'nie 'klɩ
Matiö 14.22-33; Jaan 6.16-21
45'Ia 'fɩɔ ‑sia dotro Jesu nya ‑gbala 'ɔa 'wʋnyɛrɛnyüü, ü 'jra ‑gɔlʋ 'lɩ, ü ‑ta 'nyʋfɔ ü mi 'nie dɛrɩ, bätälä 'ü 'daraa' Bɛtësaidaa 'mlɩ, ‑bɛ 'ɔmä nyüülü ‑gbala 'ümä 'üa ‑nyɛɛ mömö. 46'Ü 'dɛrɩa' 'ɔɔn 'lɩ, 'ɔnya 'jra 'dʋgba 'wli 'ɔnya mi Nyɔsʋa bibie. 47‑Gbia kakla 'klɩ ä jö, ‑gɔlʋ 'a 'niea ‑tɔrʋpɩɔ 'tɔ, ‑bɛ Jesua 'doo bä 'nie 'mäklɩ 'dʋgbalä 'wli. 48‑Srɩkägbalawlaa, 'jöjrüükpü ‑ka pa#6.48 ‑Srɩkägbalawlaa, 'jöjrüükpü ‑ka pa: Grɛɛkëa ‑nyɛɛ 'ü 'böblö 'taɩn ‑tɩa. Sɔ ‑gbiaraa ‑gliiibei ‑uundoo ‑gälɩ, ‑a mi ‑gbiaraa ‑gliiibei ‑uunmlɔɔ ‑gälɩ, 'iibä ‑gbiaraa ‑gälɩglaaranyɔɔa 'taɩn 'doo. ‑Tɛklɩ nɩ, ‑gbiaraa ‑gälɩglaaranyɔɔa 'taɩn mlɔɔa ‑gä 'ü 'daa.; Jesu 'jäa' 'ɔa 'wʋnyɛrɛnyüü 'wʋ 'lee nɩ, 'üa 'dudukʋa ‑gʋ sɩa; ‑fʋflʋ 'jrara 'üün 'klɩ. Jesu nya 'nyɛrɛ 'nie 'klɩ, 'ɔnya mi 'üa 'pɛ 'lɩ, 'ɔmä ɩ 'üün ‑gbasi ‑o nɩ, 49'ü 'jäa' 'ɔɔn ‑bɛ 'ɔ 'nyɛrɛa' 'nie 'klɩ nɩ, 'ünya 'kpö, 'üa plɛɛ papadɛɛ. 50'Üa 'fɩɔ 'jäa' 'ɔɔn, 'üa 'fɩɔ tɩtrɛ ŋalɛa ‑gʋ. 'A ‑plɩɩ Jesu kʋ dotro, 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.» 51'Ɔnya 'jra 'üa ‑gɔlʋ 'lɩ, ‑fʋflʋ nya 'nyüglö. 'I kala 'üün plɛklɩ ‑gböösa, 52‑bɛ 'ünyɩa' bobokʋ kä nɩ, 'flɔɔa ‑saragbili Jesu nʋa', 'ünyɩ 'ia ‑gbaa 'wli ‑a 'nu.
Nyüülü Jesu 'pʋɔa' Genesarɛtëa ‑tʋtʋ ‑gälɩ
Matiö 14.34-36
53Jesu nyra 'ɔa 'wʋnyɛrɛnyüü 'pɩa' 'nie nɩ, Genesarɛtëa ‑tʋtʋ ‑gälɩ 'ü 'nyüglö. 54'Ü 'ciea' ‑gɔlʋ 'lɩ nɩ, 'ia nyüü ‑tʋ Jesu 'nyügba, 55'ü ‑gbaala 'ia ‑tʋtʋa 'fɩɔ ‑gälɩ 'kä, 'ü 'pepe ‑wusublanyüü ‑gbituu ‑gälɩ, ‑bɛ 'ü fafa 'ɔmɩ 'üün ‑pɩɔ o ‑pɩɔ 'ɔ bäa'. 56‑Pɩɔ o ‑pɩɔ 'ɔ 'tɔɔa', ‑kä bätëa 'mlɩ, bätë kpaküa 'mlɩ, ‑kä 'kpafëa 'mlɩ, 'ü 'pepe ‑wusublanyüü ‑saplɛ 'lɩ, ‑bɛ 'ü bibie 'ɔɔn: «'Cɛrɛ 'üün ‑wälɩ ü ‑fɛ ‑na 'lɩpadɛɛa 'mäklɩ ‑gba.» Nyüülü kä 'fɩɔ ‑fɛɛɛa' 'ɔɔn ‑gba nɩ, 'ü 'pʋɔ.
Currently Selected:
Marëkë 6: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Marëkë 6
6
Nasarɛɛtënyüü 'nyɩ Jesu ‑a ‑wa
Matiö 13.53-58; Lukë 4.16-30
1'Ɔnya sɔ 'lɩ, 'ɔɔ ‑bɛ 'ɔa 'wʋnyɛrɛnyüü nya mi bätälä kä 'mlɩ 'ɔ 'bʋalaa'. 2‑Fʋflʋpasrɩ 'lɩ nɩ, 'ɔ ‑tʋ 'lɩ 'kpɩkpɩakʋ 'sraaplanyüköli. Nyüülü poa' 'ɔɔn 'nyakli nɩ, 'kɔkɔmlɛa plɛ 'klɩ kala, ‑jää 'sɩ 'ü ‑gbaaa' nɩ: «‑A 'plɛɛ ‑taa në nyɔɔlɔ 'ba 'ia ni le? ‑A 'plɛɛ 'ɔ 'ba 'sama 'lɩgaglakʋ nyra ‑saragbili 'ɔ nöa' le! 3‑Mää Mariia nyɩbɛjʋlɔ bäa' 'kamëdɛ, ‑mɔ ‑a? ‑Mää Jaakë, Josɛɛsë, Judë nyra Simɔɔɩɩa nɔ ‑wlajʋlɔ ‑a? ‑Mää ‑mɔlɔ kä ‑wlayörü a nyra 'üün kʋa' bätä ‑a#6.3 TɛJaan 6.42.!» 'A 'ia 'fɩɔlʋa ‑gʋ 'ünyɩ 'ba 'ɔa mlɩa wii nyɔɔ 'wʋ ‑a. 4Jesu nya ‑gbala 'üün ‑maa: «‑Pɩɔ o ‑pɩɔ nyɔsʋaamlɩpalanyɔɔ ‑sröröa' 'ü 'dara 'ɔɔn nyɔɔ; ‑maa 'ɔa 'brea nyüü, 'ɔa ‑gböölia nyüü nyra 'ɔa nyükölia nyüü, 'üa 'doo 'üü 'nyɩ 'dara 'ɔɔn nyɔɔ#6.4 Lukë 4.24; Jaan 4.44..» 5'Ia ‑gʋ 'ɔnyɩ 'lɩ ‑saragbi ‑a nrörö ‑bɛ 'asɩɛ 'ɔ 'pie ‑wusublanyüü ‑mölöö 'dari ‑gälɩ 'ɔnya 'pʋɔ 'üün. 6'Ünyɩ 'ɔɔn plɛ ‑a toro; 'i 'kala 'ɔɔn plɛklɩ. 'Ɔnya ‑gblaara bätëlë kɔkɔa' 'lɩ ‑gba, ‑bɛ 'ɔ 'kpɩa.
Nyüüpʋnyüüsɔɔlü Jesu blɔa' 'jrʋpa 'lɩ
Matiö 10.5-15; Lukë 9.1-6
7Jesu nya we nyüüpʋnyüüsɔɔlü, 'ɔnya blɔ 'üün 'sɔɔrɔsɔɔ, 'ɔnya ‑nyɛnyɛ 'üün ‑gälɩkamladɛɛ 'ümä ‑frepasisi 'klü ‑gälɩ kälä. 8'Ɔnya ‑gbala 'üün ünyɩ fa dɛɛ, ima 'nyɩ sɩsɛ ‑a bä. 'Ünyɩ fa jijrɛ, 'ünyɩ fa sakɔsʋ, 'ünyɩ 'pa 'üa keiwaa 'mlɩ mölii, 9'Ünyɩ fa 'koti 'sɔɔ, ‑maa 'ü pa 'siilɩ. 10Jesu nya ‑gbala 'üün: «Nyuku o, nyuku kä ‑wälɩ nyüü nëmäa' 'amɩ pla nɩ, 'ii 'ba kʋ kʋ, 'kä 'ana mimitaɩn jräwli. 11‑Pɩɔ o ‑pɩɔ 'a nëmäa' 'tɔ 'ia nyüü ma 'nyɩ 'amɩ nyuku ‑a ‑nyɩ, ‑bɛ üma 'nyɩ po 'amɩ 'nyakli ‑a nɩ, 'ba sɔ 'lɩ, 'kä 'a ‑gbɔplɔ 'lɩ 'ana böklölia ‑tʋtʋ#6.11 ‑gbɔplɔ 'lɩ 'ana böklölia ‑tʋtʋ: ‑Kätɩnyüü jre 'ia ‑gbaa. 'Sɩrɩ nyɔɔ 'daa ‑maa bätälä kʋa' ‑pɩ ‑nëmä nyɔsʋaawii 'klɩ ‑a 'nyiere, 'ii känyrɩ 'nëmä 'ia dɛɛ jɔ 'doo ‑a fa, 'ia 'pisiatua 'mʋgbɛ ‑nëmä 'ɔɔn ‑gba ‑a tɩɔ. Akëtë 13.51; 18.6., 'ii 'mä 'üün ‑gbala 'sɩrɩ 'üa nʋnʋgbi 'nyɩa' 'na. 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ#6.11 'Cɩcasa 'n ‑gbala 'amɩ, jrüülü kä 'mlɩ Nyɔsʋa 'mäa' ‑gä ‑tʋ nɩ, Sodɔɔmë nyra Gomɔɔrëbätäa ‑gä ‑nëmä dɛɛ ‑a bä 'kä 'ia në bätäläa ‑gʋ: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..» 12Nyüüpʋnyüüsɔɔlü ‑gbala nyüü, ü 'cici 'üa bobowli 'ümä nyɔsʋaawii 'klɩ 'nyiere. 'Asɩ ü ‑gbala nyüü ‑bɛ 'ü ‑piie. 13‑Bɛ 'ü prɛ domüü 'kɔkɔmlɛ, 'ü 'paa ‑wusublanyüü 'kɔkɔmlɛ 'kpɩ 'wʋ, ‑bɛ 'ü 'pʋɔ 'üün.
Erɔɔdë 'dara Jesu Jaan Batiisë
Matiö 14.1-2; Lukë 9.7-9
14'Kɩɩlɔ 'ü 'daraa' Erɔɔdë#6.14 Erɔɔdë: Erɔɔdë Antipaasë bäsaa; 'ɔ 'kama bɩa Galilee., 'ɔ 'nua' Jesua 'nyrɩ mimikʋ 'wli nɩ, 'iibä: «Jaan Batiisë bäsaa, 'kuaabre 'ɔ sɔa' 'ia 'klü 'ɔ 'klaa ‑bɛ 'ɔ nö ‑saragbi!» 15‑Mölöö nö: «Elii bäsaa.» ‑Bɛ ‑mölöö nö: «Nyɔsʋaamlɩpalanyɔɔ bäsaa; 'ɔ ‑beere nyɔsʋaamlɩpalanyüülü ‑kätɩ ji käa' 'üa ‑tɔrʋpɩɔa nyɔɔ 'doo.» 16Erɔɔdë 'nua' 'ia 'fɩɔ 'wli nɩ, 'iibä: «Jaanlɔ kä 'wli 'n 'böa' 'lɩ, 'ɔɔ sɔ 'kuaabre!»
17Jaan ‑ka bä käa' 'lɩ nɩ, Erɔɔdë 'ɔɔ 'pa kä 'ɔɔn 'cɩ 'ɔnya 'pa 'ɔɔn ‑jie 'lɩ, Erɔɔdëa ‑wlajʋ Filipëa#6.17 Filipë: Erɔɔdëa nɔ ‑wlajʋ Filipë. ‑Maa ‑mää Filipëlɔ 'kamaa' bätälä 'ü 'daraa' Sesaree ‑a. Tɛ 8.27. 'ŋlʋʋ Erɔdiadëa ‑gʋ. 'Ŋlʋʋlɔ nɩ, 'ɔɔ Erɔɔdë ma kä: 18«‑Nyɩ kä ‑a kä ‑mä ‑na ‑wlajʋa 'ŋlʋʋ ‑na 'ŋlʋʋ 'lɩnrörö#6.18 Levitiikë 18.16; 20.21..» 'A wiili Jaan ma ‑gbala Erɔɔdë. 19'Ia ‑gʋ Erɔdiadë 'pa Jaan a 'crɛ 'mlɩ, ‑bɛ 'ɔ 'bata ɔ 'bla 'ɔɔn, ‑maa 'ɔnyɩ 'lɩ ‑a bɩa. 20Erɔɔdë jre 'iin 'sɩrɩ Jaan bäa' 'klɩgänyɔɔ, 'sɩrɩ 'ɔ bäa' 'nɩmɩ 'nyünanyɔɔ, 'ia ‑gʋ 'ɔ ma ‑träärälɩ Jaan ‑bɛ 'ɔnyɩ 'bata 'bata ‑a wii 'mä Jaan ‑gälɩjrä. Erɔɔdë ma po 'ɔɔn 'nyakli nɩ, 'ɔa plɛ 'cakla 'lɩ, ‑maa 'asɩɛ 'ɔ ma ‑wa 'ɔa 'nyaklipopokʋ.
21'Inya kä 'taɩn 'doo, 'i bä kä Erɔɔdëa 'klɩbreresrɩ, 'taɩnlɩ kä 'mlɩ 'ü ‑gu käa' 'ɔɔn. 'Ɔnya tupo kä 'ɔa tagbü, 'sʋgɩaa 'kamanyüü nyra Galileea 'lɩträäränyüüa 'fɩɔ. 22Erɔdiadëa 'ŋlëkayria nya pa 'ɔnya yɛ. 'Ɔa yɛyɛbei kä Erɔɔdë nyra 'ɔa tuponyüü 'tʋ. 'Kɩɩ nya ‑gbala kɔklʋayrialɔ: «Dɛɛlɛ ‑baataa', ‑ga 'ɛmɩ 'nyrʋ 'mä ‑mɩ 'ɛɛn ‑nyɩ.» 23'Ɔ 'sɔrɩ 'ɔnya ‑gbala 'ŋlëkayrialɔ: «Dɛɛlɛ ‑nëmäa' 'nyrʋga 'nyaa 'ɛɛn ‑mɩ ‑nyɩa, ‑bakää 'i bä 'plälä 'n ‑gbaaa' 'mäklɩ, 'äa 'pɛ ‑mɩdee.» 24Kɔklʋayrialɔ 'ciea' 'ɔnya 'bete 'ɔa 'yio: «Dɛplɛɛ 'nëmä 'nyrʋga le?» 'Iibäa' 'ɔa 'yio nɩ: «'Daa, Jaan Batiisëa 'wli ‑baata.» 25'Köklesaplɩɩ 'kɩɩa ‑nyɛɛ 'ɔ 'blöödɛrɩ 'ɔnya ‑gbala 'ɔɔn: «'N 'bata 'köklesaplɩɩ Jaan Batiisëa 'wli ‑pöööa 'mlɩ.» 26'I pa 'kɩɩ ‑gba, ‑maa 'be tuponyüüa 'fɩɔa 'klɩ 'ɔnya 'pa kä wiili, 'üa ‑gʋ, 'ɔnyɩ 'lɩ ‑a bɩa ɔ blara 'ŋlëkayrialɔ 'klɩ. 27'A ‑plɩɩ 'ɔ kʋ dotro 'ɔnya blɔ 'sʋgɩanyɔɔ 'doo, ɔ mi ɔ ja 'ɔɔn Jaan Batiisëa 'wli. 'A ‑nyɛɛ ‑jienyüköli nyɔɔlɔ 'bölö 'iin. 28'Ɔnya 'pa Jaan a 'wli ‑pööö 'lɩ 'ɔnya ja 'iin, 'ɔnya ‑nyɩ 'iin 'ŋlëkayrialɔ, 'ŋlëkayria nya ‑nyɩ 'iin 'ɔa 'yio. 29Jaan a 'wʋnyɛrɛnyüü 'nua' 'iin 'wli nɩ, 'ünya fa 'ɔa jäjäa nɔ 'ünya 'pie 'ɔɔn 'kuyu 'lɩ.
Jesu 'fini nyüüa ‑diipʋ ‑diisɔɔ ‑glʋɩpʋ (5 000) 'klɩ
Matiö 14.13-21; Lukë 9.10-17; Jaan 6.1-15
30 Apotrëlü Jesu blɔ käa' nya trara 'ɔɔn 'klɩ ‑bɛ 'ü 'saa 'ɔɔn ‑gogo, wiili kä 'fɩɔ 'ü nʋa' nyra 'ii kä 'fɩɔ 'ü 'kpɩaa' nyüü. 31'Ü 'nɩ jä 'taɩn ‑a 'ümä dɛɛji, nyüülü jöa' ü möa' 'üa ‑gʋ; Jesu nya ‑gbala 'üün: «'Ba ji amä 'klɩbere ‑aaga 'lɩ, 'amä ‑fʋflʋ 'pa jie.» 32'Ünya 'jra ‑gɔlʋ 'lɩ 'ünya mi ‑aaga 'lɩ 'ünya bereklɩ. 33Nyüü 'jä 'üa mimidɛɛ; 'kɔkɔmlɛ ‑tʋ 'üün 'nyü ‑gba. Nyüü sɔsɔ bätëa 'mlɩ 'ünya fa bei 'ünya 'bösrö 'üün ‑aaga 'lɩ.
34Jesu 'mä ‑gɔlʋ 'lɩ 'ciekalɩ mi nɩ, nyüü 'kɔkɔmlɛa ‑jria 'ɔ 'jä, 'üa nyatɛrɩ nya ‑sie 'ɔɔn 'wli. 'Ü ‑beere ‑bablëëlë 'nyɩa' ‑gbanyɛrɛnyɔɔ kä#6.34 ‑bablëëlë 'nyɩa' ‑gbanyɛrɛnyɔɔ kä: Nɔɔbrë 27.17; 1 'Kɩɩ 22.17.. 'A ‑plɩɩ 'ɔ 'bala 'üa wii 'kɔkɔmlɛa 'kpɩkpɩakʋ. 35‑Bɛ 'taɩn ‑söööa' nɩ, Jesua 'wʋnyɛrɛnyüü nya jijrö 'ɔɔn ‑gba 'ünya ‑gbala 'ɔɔn: «‑Plɩɩlɩ a bäa' nɩ, ‑aaga 'lɩ bäsaa; ‑bɛ 'taɩn 'a ‑si! 36'Cɛrɛ 'üün ‑wälɩ, 'ümä bätë nyra 'kpafëlë bäa' ‑pɩklɩa 'mlɩ mi 'ümä 'üa jijri ‑su, 'be 'ünyɩ jijri ‑a kä 'ümä dɛɛji#6.36 'be 'ünyɩ jijri ‑a kä 'ümä dɛɛji: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..» 37'Ɔnya ‑gbala 'üün: «'Amɔ, 'ba ‑nyɩ 'üün jijri.» 'Iibäa' 'üün nɩ: «‑Yaa! ‑Bakää anyɩ ‑su deniea ‑glʋɩsɔɔa#6.37 deniea ‑glʋɩsɔɔ: Denie 'dee bä jrüü 'dooa 'jrʋpaa 'pɛpɛɛkʋ. Matiö 20.2. 'flɔɔ, 'kä 'unya 'üün mlɩ bɩaa?» 38Jesu nya 'bete 'üün: «'Flɔɔbü ‑srüplɛɛ 'a 'klaa le?» 'Ü tɛa' 'lɩ, 'iibä: «'Flɔɔbü ‑gböö nyra ‑srü 'sɔɔ.» 39Jesu nya ‑gbala 'üün ü 'sesre nyüü 'klɩkä, 'kä ü ‑gbala 'üün ü kɔkɔ 'sipi ‑gälɩ. 40'Ünya 'sesre nyüülü 'klɩkä, 'ünya kɔkɔwälɩ. 'Üa ‑glügbö ‑mölöö bä ‑glʋɩgböö (100), ‑mölöö bä ‑glʋɩsɔɔ ‑bɛ ‑pʋ (50). 41Jesu nya dɔrɔ 'flɔɔbü ‑gböö nyra ‑srü 'sɔɔlü 'wʋ, 'ɔnya 'jrara cɛ 'nyü 'kä, 'ɔnya 'trɛɛ Nyɔsʋa. 'Ɔ bɩaa' Nyɔsʋa 'tɛtrɛɛkʋ nɩ, 'ɔnya 'böblö 'flɔɔ nyra ‑srülü ‑tɩa, 'ɔnya ‑nyɩ 'iin 'ɔa 'wʋnyɛrɛnyüü 'ümä 'iin nyüülü 'lɩ ‑päälä. 42'Üa 'fɩɔ nya jidɛɛ 'ünya dö. 43'Ü ‑nyɩglaa' ‑srü nyra 'flɔɔ klüülü tɩɔa' 'lɩ 'kä nɩ, 'ü 'sie dɔgbɩ ‑pʋ ‑bɛ 'sɔɔ#6.43 2 'Kɩɩ 4.42-44.. 44Nyüülü jia' jijrili 'üa nyɩberüa ‑diipʋ ‑diisɔɔ ‑glʋɩpʋ (5 000)#6.44 Matiö 14.21..
Jesu 'nyɛrɛ 'nie 'klɩ
Matiö 14.22-33; Jaan 6.16-21
45'Ia 'fɩɔ ‑sia dotro Jesu nya ‑gbala 'ɔa 'wʋnyɛrɛnyüü, ü 'jra ‑gɔlʋ 'lɩ, ü ‑ta 'nyʋfɔ ü mi 'nie dɛrɩ, bätälä 'ü 'daraa' Bɛtësaidaa 'mlɩ, ‑bɛ 'ɔmä nyüülü ‑gbala 'ümä 'üa ‑nyɛɛ mömö. 46'Ü 'dɛrɩa' 'ɔɔn 'lɩ, 'ɔnya 'jra 'dʋgba 'wli 'ɔnya mi Nyɔsʋa bibie. 47‑Gbia kakla 'klɩ ä jö, ‑gɔlʋ 'a 'niea ‑tɔrʋpɩɔ 'tɔ, ‑bɛ Jesua 'doo bä 'nie 'mäklɩ 'dʋgbalä 'wli. 48‑Srɩkägbalawlaa, 'jöjrüükpü ‑ka pa#6.48 ‑Srɩkägbalawlaa, 'jöjrüükpü ‑ka pa: Grɛɛkëa ‑nyɛɛ 'ü 'böblö 'taɩn ‑tɩa. Sɔ ‑gbiaraa ‑gliiibei ‑uundoo ‑gälɩ, ‑a mi ‑gbiaraa ‑gliiibei ‑uunmlɔɔ ‑gälɩ, 'iibä ‑gbiaraa ‑gälɩglaaranyɔɔa 'taɩn 'doo. ‑Tɛklɩ nɩ, ‑gbiaraa ‑gälɩglaaranyɔɔa 'taɩn mlɔɔa ‑gä 'ü 'daa.; Jesu 'jäa' 'ɔa 'wʋnyɛrɛnyüü 'wʋ 'lee nɩ, 'üa 'dudukʋa ‑gʋ sɩa; ‑fʋflʋ 'jrara 'üün 'klɩ. Jesu nya 'nyɛrɛ 'nie 'klɩ, 'ɔnya mi 'üa 'pɛ 'lɩ, 'ɔmä ɩ 'üün ‑gbasi ‑o nɩ, 49'ü 'jäa' 'ɔɔn ‑bɛ 'ɔ 'nyɛrɛa' 'nie 'klɩ nɩ, 'ünya 'kpö, 'üa plɛɛ papadɛɛ. 50'Üa 'fɩɔ 'jäa' 'ɔɔn, 'üa 'fɩɔ tɩtrɛ ŋalɛa ‑gʋ. 'A ‑plɩɩ Jesu kʋ dotro, 'ɔnya ‑gbala 'üün: «'Ba 'pa plɛ 'mlɩ, ŋalɛ 'nyɩ 'bla 'amɩ, 'mɔɔ bäsaa.» 51'Ɔnya 'jra 'üa ‑gɔlʋ 'lɩ, ‑fʋflʋ nya 'nyüglö. 'I kala 'üün plɛklɩ ‑gböösa, 52‑bɛ 'ünyɩa' bobokʋ kä nɩ, 'flɔɔa ‑saragbili Jesu nʋa', 'ünyɩ 'ia ‑gbaa 'wli ‑a 'nu.
Nyüülü Jesu 'pʋɔa' Genesarɛtëa ‑tʋtʋ ‑gälɩ
Matiö 14.34-36
53Jesu nyra 'ɔa 'wʋnyɛrɛnyüü 'pɩa' 'nie nɩ, Genesarɛtëa ‑tʋtʋ ‑gälɩ 'ü 'nyüglö. 54'Ü 'ciea' ‑gɔlʋ 'lɩ nɩ, 'ia nyüü ‑tʋ Jesu 'nyügba, 55'ü ‑gbaala 'ia ‑tʋtʋa 'fɩɔ ‑gälɩ 'kä, 'ü 'pepe ‑wusublanyüü ‑gbituu ‑gälɩ, ‑bɛ 'ü fafa 'ɔmɩ 'üün ‑pɩɔ o ‑pɩɔ 'ɔ bäa'. 56‑Pɩɔ o ‑pɩɔ 'ɔ 'tɔɔa', ‑kä bätëa 'mlɩ, bätë kpaküa 'mlɩ, ‑kä 'kpafëa 'mlɩ, 'ü 'pepe ‑wusublanyüü ‑saplɛ 'lɩ, ‑bɛ 'ü bibie 'ɔɔn: «'Cɛrɛ 'üün ‑wälɩ ü ‑fɛ ‑na 'lɩpadɛɛa 'mäklɩ ‑gba.» Nyüülü kä 'fɩɔ ‑fɛɛɛa' 'ɔɔn ‑gba nɩ, 'ü 'pʋɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.