Marëkë 2
2
Nyɔɔlɔ kä ‑gbaa dii jäa' ‑bɛ Jesu 'pʋɔa'
Matiö 9.1-8; Lukë 5.17-26
1'Ii ‑sia' jrüü nɩ, 'ɔnya 'blöö Kapɛrënaumë dɛrɩ. Nyüü 'nua' 'ɔ 'a ji, ɔ bä ‑gbööli#2.1 ‑gbööli: Anya 'daa Andree ‑bɛ Simɔɔa ‑gbööö bäsaa. Tɛ 1.29. nɩ, 2'ünya ji ‑gbööli dotro#2.2 dotro: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. Nyüülü jia' 'üa ‑srɩ 'nyɩ ‑pɛ ‑a ‑pɛ. 'Mëmlaa 'fɩɔ kala; ‑sröröfa 'nyɩ 'lɩ ‑a bä nyüüa ‑sümlökʋa ‑gʋ. ‑Bɛ Jesu 'pala 'üün nyɔsʋaawii ‑gba. 3Nyɔɔ 'doo bälɩ 'ɔa ‑gbaa dii jä. Nyüü nya 'pie 'ɔɔn ‑gbitɛɛ ‑gälɩ, nyüü mlɔɔ nya ‑gbötö 'ɔɔn, 'ünya ja 'ɔɔn. 4‑Maa nyüüa ‑sümlökʋa ‑gʋ nɩ, 'ünyɩ 'lɩ ‑a bɩa 'ü 'tɔ Jesu ‑gba. 'Ü ‑gölöa' nɩ, nyukulu kä ‑wälɩ Jesu bäa' 'ua ‑gälɩ 'ü 'bö 'mä. Nyɔɔlɔ 'pi ‑gbitɛɛ ‑gälɩ, 'ünya 'cere 'lɩ 'ɔɔn. 5Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, ‑na ‑balʋ 'a ‑mɩ cere.»
6 ‑Dɔkpɩanyüülü bä käa' ‑plɩɩ nɩ, plɛ 'klɩ 'ü 'pala wii: 7«Dɛplɛɛ kä ‑gʋ nyɔɔlɔ nö 'saa ‑bɛ 'ɔ 'pawii le? Nyɔsʋa 'ɔ nɔpɔ. Ima 'nyɩ Nyɔsʋa 'doo ‑a bä nyɔɔ 'plɛɛ 'mrɛɛ ɔ cere ‑balʋ le?» 8Jesu jrea' 'üa bobowli nɩ, 'ɔnya 'bete 'üün: «Dɛplɛɛ kä ‑gʋ 'a 'pala 'samaa wii 'ana plɛ 'klɩ le? 9‑A ‑gbala nyɔɔlɔ kä ‑gbaa dii jäa': ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔ 'wʋ, dɔrɔ ‑na ‑gbitɛɛ 'wʋ, ‑bɛ ‑a ‑nyɛɛ ‑mä mi› nɩ, ‑mɩ 'plɛɛ klalɩ le? 10‑Maa 'amä 'saa jre 'sɩrɩ Nyɔɔa 'Jʋ#2.10 Nyɔɔa 'Jʋ: ‑Kätɩ kuöa 'mlɩ ‑taa waklöölä kʋa' ‑pɩ kolokä (Daniɛɛlë 7.13-14). Kuö dëdräa 'mlɩ nɩ, nyɔɔlɔ Nyɔsʋa ‑nyɛɛa' 'klü 'ɔmä ‑gä ‑tʋ nyra ‑balʋ cerekʋa 'klü; 'ɔɔ kuö dëdrä 'dara 'saa. 'Mʋfagogoa 'mlɩ nɩ, 'asɩ Jesu 'paa 'ɔa 'mʋgbɛa ‑gä. käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔnya ‑gbala nyɔɔlɔ: 11«‑Mɔ 'n 'daa, sɔwʋ, dɔrɔ ‑na ‑gbitɛɛ 'wʋ, 'kä mö ‑gbööli!» 12'Köklesaplɩɩ, nyüüa 'fɩɔa 'klɩ, nyɔɔlɔ nya sɔwʋ, 'ɔnya dɔrɔ 'ɔa ‑gbitɛɛ 'wʋ, 'ɔnya 'cie. 'I kala 'üa 'fɩɔ plɛ 'klɩ: «A ‑kaapɩɔ 'ia 'samaa wii 'jä!» 'Asɩ 'ü ‑gbaaa' ‑bɛ 'ü 'bʋala Nyɔsʋa 'nyrɩ.
Jesu we Levii
Matiö 9.9-13; Lukë 5.27-32
13'I ‑sia' jrüü, Jesu nya 'blöö Galileea 'nie ‑gba dɛrɩ. Nyüü 'kɔkɔmlɛ ma ‑mɛɛɛ 'ɔɔn ‑gälɩ ‑bɛ 'ɔ ma 'kpɩa 'üün. 14'Ɔ mia' nɩ, 'ɔnya 'jä dapookälɩpɛrɛnyɔɔ 'doo, 'ɔ kʋ ‑plɩɩ 'lɩ 'ü 'pɛɛrɛa' dapoo. 'Ɔ 'ü 'daraa' Levii, Alëfeea 'jʋ. Jesu nya we 'ɔɔn, 'iibä: «Ji 'nyraa ‑mɔ 'mä 'nyɛ!» 'Ɔ sɔa' 'wʋ, ‑gälɩ 'ɔ ‑mɛ 'ɔɔn.
15‑Jää Jesu mi Leviia nyuku ‑wälɩ dɛɛjrörö. 'Ɔɔ ‑bɛ dapookälɩpɛrɛnyüü 'kɔkɔmlɛ nyra ‑balʋnyüü ‑mölöö; 'üü ji, 'üü ‑bɛ Jesu nyra 'ɔa 'wʋnyɛrɛnyüü nya tara 'wʋ. Nyüülü ma ‑mɛɛa' 'ɔɔn ‑gälɩ, 'ü ma ‑sümlö. 16Farisinyüü nyra ‑dɔkpɩanyüü 'jäa' Jesu ‑bɛ dapookälɩpɛrɛnyüü nyra ‑balʋnyüülü taraa' 'wʋ nɩ, 'ünya 'bete Jesua 'wʋnyɛrɛnyüü: «Dɛplɛɛ kä ‑gʋ 'ɔ nyra dapookälɩpɛrɛnyüü nyra ‑balʋnyüü ‑mölöö tara 'wʋ ‑bɛ 'ü 'mlara 'wʋ#2.16 ‑bɛ 'ü 'mlara 'wʋ: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. le?» 17Jesu 'nu wiili 'ü 'betea' 'wli, 'ɔnya ‑gbala 'üün: «Nyüülü kä fugbë 'naa' nɩ, ‑mää 'üün 'nyɩ mi ‑dɔta 'lɩ; ‑maa ‑wusublanyüü, 'üü mö ‑dɔta 'lɩ. 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»
Wiili kä ‑gʋ Jesua 'wʋnyɛrɛnyüü 'nyɩa' su pa
Matiö 9.14-17; Lukë 5.33-39
18Jrüü 'doo 'lɩ nɩ, Jaan a 'wʋnyɛrɛnyüü nyra Farisinyüüa nü pa su. Nyüü nya ji Jesu 'bete: «Wii 'plɛɛ kä ‑gʋ Jaan a 'wʋnyɛrɛnyüü nyra Farisinyüüa nü pa su, ‑bɛ ‑na nü 'nyɩ pa su le?» 19Jesu nya ‑gbala 'üün: «Nyɔɔ ma 'ti ‑bɛ üma 'brere 'ɔɔn 'klɩ nɩ, 'kä 'ɔa ‑mülü bäa' 'ɔɔn ‑gba nya ‑gbëka 'lɩ 'prere? 'Ü nyra 'ɔɔn ‑ka bäa' ‑plɩɩ nɩ, 'ünyɩ 'lɩ ‑a bɩa 'ümä su 'lɩ pa. 20‑Maa jrüülü kä 'mlɩ 'ümäa' 'ɔɔn 'üa ‑tɔrʋpɩɔ 'ba nɩ, 'bala 'ia jrüülüa 'mlɩ nɩ 'ünya su paa. 21Nyɔɔ 'nyɩ nʋ dapɛ dëdrä 'ɔnyɩ 'pa dafʋ 'pakɩ ‑a. Ɔma nʋ 'imɩ nɩ, dapɛ dëdrä nya sʋa nu 'ŋlaraa, 'kä 'ua 'ŋlarakʋ nya 'wlisie. 22‑Bɛ 'sɔɔwʋ nɩ, nyɔɔ 'nyɩ pɔtrɔ ‑duvɛɛn 'jɩjarɛ 'klɩbɩa mlafikpalë 'lɩ ‑a. Ɔma nʋ 'iin nɩ, ‑duvɛɛn 'jɩjarɛ nya 'kpalëlë wa wa, 'kä ‑duvɛɛnlɛ nya 'kägblɔɔ#2.22 'kägblɔɔ: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., 'kä 'kpalëlë nya bʋblɔ. Mlafikpalë dëdrëa 'mlɩ 'ü kä 'ümä#2.22 'ü kä 'ümä: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. ‑duvɛɛn 'jɩjarɛ 'pa.»
Jesu ‑bɛ ‑fʋflʋpasrɩ
Matiö 12.1-8; Lukë 6.1-5
23‑Srɩlɩ bäa' 'üa ‑fʋflʋpasrɩ nɩ, Jesu nyra 'ɔa 'wʋnyɛrɛnyüü ‑srörö ‑bleeeputu 'lɩ. 'Asɩ 'ü 'nyɛɛ, ‑bɛ 'ɔa 'wʋnyɛrɛnyüü 'saa ‑bleee#2.23 ‑bleee: Juifëa 'brea jijri; 'i ‑beere ‑kɔpʋ. Deteronɔɔmë 23.25.. 24'Iibäa' Farisinyüü nɩ: «‑Jää 'iin 'wʋ, ‑bɛ dɛplɛɛ kä ‑gʋ ‑na 'wʋnyɛrɛnyüü nö wiili 'nyɩa' nʋnʋsa bä ‑fʋflʋpasrɩ 'lɩ le?»
25'Iibäa' Jesu nɩ: «‑Gbëka 'bla käa' Daviidë, wiili 'ɔɔ ‑bɛ 'ɔa 'wʋnyɛrɛnyüü nʋa', 'a ‑kaapɩɔ 'iin ‑täsä ‑a ‑täsä? 26'Sɩrɩ ‑gbɔsapɛrɩnyɔɔ kpakölɔ 'ü 'daraa' Abiataa#2.26 Abiataa: 2 Samiɛɛlë 15.35. 'ɔa 'taɩn 'lɩ, Daviidë paa' Nyɔsʋaanyuku ‑wälɩ, 'ɔ 'baalɩ 'flɔɔlʋ 'ü 'saraa' Nyɔsʋaa 'nyrɩklɩa ‑gʋ, u nyɔɔ ‑molo 'nyɩ jia' ima 'nyɩ ‑gbɔsapɛrɩnyüüa 'doo ‑a bä, 'ɔ ji 'uun. 'Ɔnya ‑nyɩ 'nɩmɩ 'ɔa 'wʋnyɛrɛnyüü, 'ünya ji bɩa 'uun#2.26 1 Samiɛɛlë 21.2-7. ‑Gbɔsapɛrɩnyüüa 'doo kä 'ii 'klü. Levitiikë 24.9..» 27Jesu nya ‑gbala 'üün: «Nyɔɔa ‑gʋ Nyɔsʋa ‑tʋ 'lɩ ‑fʋflʋpasrɩ, ‑maa 'ɔnyɩ nyɔɔ ‑a nʋ ‑fʋflʋpasrɩa ‑gʋ. 28'Asɩ Nyɔɔa 'Jʋ ‑si 'nɩmɩ ‑fʋflʋpasrɩ 'wʋ.»
Currently Selected:
Marëkë 2: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Marëkë 2
2
Nyɔɔlɔ kä ‑gbaa dii jäa' ‑bɛ Jesu 'pʋɔa'
Matiö 9.1-8; Lukë 5.17-26
1'Ii ‑sia' jrüü nɩ, 'ɔnya 'blöö Kapɛrënaumë dɛrɩ. Nyüü 'nua' 'ɔ 'a ji, ɔ bä ‑gbööli#2.1 ‑gbööli: Anya 'daa Andree ‑bɛ Simɔɔa ‑gbööö bäsaa. Tɛ 1.29. nɩ, 2'ünya ji ‑gbööli dotro#2.2 dotro: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. Nyüülü jia' 'üa ‑srɩ 'nyɩ ‑pɛ ‑a ‑pɛ. 'Mëmlaa 'fɩɔ kala; ‑sröröfa 'nyɩ 'lɩ ‑a bä nyüüa ‑sümlökʋa ‑gʋ. ‑Bɛ Jesu 'pala 'üün nyɔsʋaawii ‑gba. 3Nyɔɔ 'doo bälɩ 'ɔa ‑gbaa dii jä. Nyüü nya 'pie 'ɔɔn ‑gbitɛɛ ‑gälɩ, nyüü mlɔɔ nya ‑gbötö 'ɔɔn, 'ünya ja 'ɔɔn. 4‑Maa nyüüa ‑sümlökʋa ‑gʋ nɩ, 'ünyɩ 'lɩ ‑a bɩa 'ü 'tɔ Jesu ‑gba. 'Ü ‑gölöa' nɩ, nyukulu kä ‑wälɩ Jesu bäa' 'ua ‑gälɩ 'ü 'bö 'mä. Nyɔɔlɔ 'pi ‑gbitɛɛ ‑gälɩ, 'ünya 'cere 'lɩ 'ɔɔn. 5Jesu 'jäa' 'üa nyɔsʋaplɛ nɩ, 'ɔnya ‑gbala nyɔɔlɔ: «'Na 'jʋ, ‑na ‑balʋ 'a ‑mɩ cere.»
6 ‑Dɔkpɩanyüülü bä käa' ‑plɩɩ nɩ, plɛ 'klɩ 'ü 'pala wii: 7«Dɛplɛɛ kä ‑gʋ nyɔɔlɔ nö 'saa ‑bɛ 'ɔ 'pawii le? Nyɔsʋa 'ɔ nɔpɔ. Ima 'nyɩ Nyɔsʋa 'doo ‑a bä nyɔɔ 'plɛɛ 'mrɛɛ ɔ cere ‑balʋ le?» 8Jesu jrea' 'üa bobowli nɩ, 'ɔnya 'bete 'üün: «Dɛplɛɛ kä ‑gʋ 'a 'pala 'samaa wii 'ana plɛ 'klɩ le? 9‑A ‑gbala nyɔɔlɔ kä ‑gbaa dii jäa': ‹‑Na ‑balʋ 'a ‑mɩ cere›, ‑bɛ ‑a ‑gbala 'ɔɔn: ‹Sɔ 'wʋ, dɔrɔ ‑na ‑gbitɛɛ 'wʋ, ‑bɛ ‑a ‑nyɛɛ ‑mä mi› nɩ, ‑mɩ 'plɛɛ klalɩ le? 10‑Maa 'amä 'saa jre 'sɩrɩ Nyɔɔa 'Jʋ#2.10 Nyɔɔa 'Jʋ: ‑Kätɩ kuöa 'mlɩ ‑taa waklöölä kʋa' ‑pɩ kolokä (Daniɛɛlë 7.13-14). Kuö dëdräa 'mlɩ nɩ, nyɔɔlɔ Nyɔsʋa ‑nyɛɛa' 'klü 'ɔmä ‑gä ‑tʋ nyra ‑balʋ cerekʋa 'klü; 'ɔɔ kuö dëdrä 'dara 'saa. 'Mʋfagogoa 'mlɩ nɩ, 'asɩ Jesu 'paa 'ɔa 'mʋgbɛa ‑gä. käläa' ‑tʋtʋ ‑gälɩ 'kamakʋ. 'Ɔ 'mrɛɛ 'ɔ cere ‑balʋ.» 'Ia ‑gʋ 'ɔnya ‑gbala nyɔɔlɔ: 11«‑Mɔ 'n 'daa, sɔwʋ, dɔrɔ ‑na ‑gbitɛɛ 'wʋ, 'kä mö ‑gbööli!» 12'Köklesaplɩɩ, nyüüa 'fɩɔa 'klɩ, nyɔɔlɔ nya sɔwʋ, 'ɔnya dɔrɔ 'ɔa ‑gbitɛɛ 'wʋ, 'ɔnya 'cie. 'I kala 'üa 'fɩɔ plɛ 'klɩ: «A ‑kaapɩɔ 'ia 'samaa wii 'jä!» 'Asɩ 'ü ‑gbaaa' ‑bɛ 'ü 'bʋala Nyɔsʋa 'nyrɩ.
Jesu we Levii
Matiö 9.9-13; Lukë 5.27-32
13'I ‑sia' jrüü, Jesu nya 'blöö Galileea 'nie ‑gba dɛrɩ. Nyüü 'kɔkɔmlɛ ma ‑mɛɛɛ 'ɔɔn ‑gälɩ ‑bɛ 'ɔ ma 'kpɩa 'üün. 14'Ɔ mia' nɩ, 'ɔnya 'jä dapookälɩpɛrɛnyɔɔ 'doo, 'ɔ kʋ ‑plɩɩ 'lɩ 'ü 'pɛɛrɛa' dapoo. 'Ɔ 'ü 'daraa' Levii, Alëfeea 'jʋ. Jesu nya we 'ɔɔn, 'iibä: «Ji 'nyraa ‑mɔ 'mä 'nyɛ!» 'Ɔ sɔa' 'wʋ, ‑gälɩ 'ɔ ‑mɛ 'ɔɔn.
15‑Jää Jesu mi Leviia nyuku ‑wälɩ dɛɛjrörö. 'Ɔɔ ‑bɛ dapookälɩpɛrɛnyüü 'kɔkɔmlɛ nyra ‑balʋnyüü ‑mölöö; 'üü ji, 'üü ‑bɛ Jesu nyra 'ɔa 'wʋnyɛrɛnyüü nya tara 'wʋ. Nyüülü ma ‑mɛɛa' 'ɔɔn ‑gälɩ, 'ü ma ‑sümlö. 16Farisinyüü nyra ‑dɔkpɩanyüü 'jäa' Jesu ‑bɛ dapookälɩpɛrɛnyüü nyra ‑balʋnyüülü taraa' 'wʋ nɩ, 'ünya 'bete Jesua 'wʋnyɛrɛnyüü: «Dɛplɛɛ kä ‑gʋ 'ɔ nyra dapookälɩpɛrɛnyüü nyra ‑balʋnyüü ‑mölöö tara 'wʋ ‑bɛ 'ü 'mlara 'wʋ#2.16 ‑bɛ 'ü 'mlara 'wʋ: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. le?» 17Jesu 'nu wiili 'ü 'betea' 'wli, 'ɔnya ‑gbala 'üün: «Nyüülü kä fugbë 'naa' nɩ, ‑mää 'üün 'nyɩ mi ‑dɔta 'lɩ; ‑maa ‑wusublanyüü, 'üü mö ‑dɔta 'lɩ. 'Nyɩ nyüülü ‑gäa' 'klɩ wekalɩ ‑a ji, ‑maa ‑balʋkänyüü 'n ji we 'ümä ‑balʋ 'pie.»
Wiili kä ‑gʋ Jesua 'wʋnyɛrɛnyüü 'nyɩa' su pa
Matiö 9.14-17; Lukë 5.33-39
18Jrüü 'doo 'lɩ nɩ, Jaan a 'wʋnyɛrɛnyüü nyra Farisinyüüa nü pa su. Nyüü nya ji Jesu 'bete: «Wii 'plɛɛ kä ‑gʋ Jaan a 'wʋnyɛrɛnyüü nyra Farisinyüüa nü pa su, ‑bɛ ‑na nü 'nyɩ pa su le?» 19Jesu nya ‑gbala 'üün: «Nyɔɔ ma 'ti ‑bɛ üma 'brere 'ɔɔn 'klɩ nɩ, 'kä 'ɔa ‑mülü bäa' 'ɔɔn ‑gba nya ‑gbëka 'lɩ 'prere? 'Ü nyra 'ɔɔn ‑ka bäa' ‑plɩɩ nɩ, 'ünyɩ 'lɩ ‑a bɩa 'ümä su 'lɩ pa. 20‑Maa jrüülü kä 'mlɩ 'ümäa' 'ɔɔn 'üa ‑tɔrʋpɩɔ 'ba nɩ, 'bala 'ia jrüülüa 'mlɩ nɩ 'ünya su paa. 21Nyɔɔ 'nyɩ nʋ dapɛ dëdrä 'ɔnyɩ 'pa dafʋ 'pakɩ ‑a. Ɔma nʋ 'imɩ nɩ, dapɛ dëdrä nya sʋa nu 'ŋlaraa, 'kä 'ua 'ŋlarakʋ nya 'wlisie. 22‑Bɛ 'sɔɔwʋ nɩ, nyɔɔ 'nyɩ pɔtrɔ ‑duvɛɛn 'jɩjarɛ 'klɩbɩa mlafikpalë 'lɩ ‑a. Ɔma nʋ 'iin nɩ, ‑duvɛɛn 'jɩjarɛ nya 'kpalëlë wa wa, 'kä ‑duvɛɛnlɛ nya 'kägblɔɔ#2.22 'kägblɔɔ: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., 'kä 'kpalëlë nya bʋblɔ. Mlafikpalë dëdrëa 'mlɩ 'ü kä 'ümä#2.22 'ü kä 'ümä: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. ‑duvɛɛn 'jɩjarɛ 'pa.»
Jesu ‑bɛ ‑fʋflʋpasrɩ
Matiö 12.1-8; Lukë 6.1-5
23‑Srɩlɩ bäa' 'üa ‑fʋflʋpasrɩ nɩ, Jesu nyra 'ɔa 'wʋnyɛrɛnyüü ‑srörö ‑bleeeputu 'lɩ. 'Asɩ 'ü 'nyɛɛ, ‑bɛ 'ɔa 'wʋnyɛrɛnyüü 'saa ‑bleee#2.23 ‑bleee: Juifëa 'brea jijri; 'i ‑beere ‑kɔpʋ. Deteronɔɔmë 23.25.. 24'Iibäa' Farisinyüü nɩ: «‑Jää 'iin 'wʋ, ‑bɛ dɛplɛɛ kä ‑gʋ ‑na 'wʋnyɛrɛnyüü nö wiili 'nyɩa' nʋnʋsa bä ‑fʋflʋpasrɩ 'lɩ le?»
25'Iibäa' Jesu nɩ: «‑Gbëka 'bla käa' Daviidë, wiili 'ɔɔ ‑bɛ 'ɔa 'wʋnyɛrɛnyüü nʋa', 'a ‑kaapɩɔ 'iin ‑täsä ‑a ‑täsä? 26'Sɩrɩ ‑gbɔsapɛrɩnyɔɔ kpakölɔ 'ü 'daraa' Abiataa#2.26 Abiataa: 2 Samiɛɛlë 15.35. 'ɔa 'taɩn 'lɩ, Daviidë paa' Nyɔsʋaanyuku ‑wälɩ, 'ɔ 'baalɩ 'flɔɔlʋ 'ü 'saraa' Nyɔsʋaa 'nyrɩklɩa ‑gʋ, u nyɔɔ ‑molo 'nyɩ jia' ima 'nyɩ ‑gbɔsapɛrɩnyüüa 'doo ‑a bä, 'ɔ ji 'uun. 'Ɔnya ‑nyɩ 'nɩmɩ 'ɔa 'wʋnyɛrɛnyüü, 'ünya ji bɩa 'uun#2.26 1 Samiɛɛlë 21.2-7. ‑Gbɔsapɛrɩnyüüa 'doo kä 'ii 'klü. Levitiikë 24.9..» 27Jesu nya ‑gbala 'üün: «Nyɔɔa ‑gʋ Nyɔsʋa ‑tʋ 'lɩ ‑fʋflʋpasrɩ, ‑maa 'ɔnyɩ nyɔɔ ‑a nʋ ‑fʋflʋpasrɩa ‑gʋ. 28'Asɩ Nyɔɔa 'Jʋ ‑si 'nɩmɩ ‑fʋflʋpasrɩ 'wʋ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.