Matiö 19
19
SƆ PEREA ‑TƲTƲ ‑GÄLƖ ‑A JI JERUSALƐƐMË
19.1–20.34
'Ŋlʋʋa pɛprɛkʋ
Marëkë 10.1-12
1Jesu 'wlaraa' ‑taa 'kpɩkpɩakʋlʋ nɩ, 'ɔnya 'cie Galilee, 'ɔnya mi Judeea ‑tʋtʋ 'pɛ ‑mɛlɛ bäa' 'nielɛ 'ü 'daraa' Jurëdɛɛn a dɛrɩ. 2Nyüü 'kɔkɔmlɛ nya prɛ 'ɔɔn dɛrɩ, 'ɔnya 'plɔrɔ 'lɩ 'üa ‑wusublanyüü.
3 Farisinyüü nya jijrö 'ɔɔn ‑gba, 'ümä 'ɔɔn bɔʋdɛrɩ 'pa. 'Ünya 'bete 'ɔɔn: «Nyɔɔ 'mrɛɛ ɔ prɛ 'ɔa 'ŋlʋʋ wii o wiia ‑gʋ?» 4'Ɔnya ‑gbala 'üün: «'Anyɩ wiili ‑jɩjraa' nyɔsʋapɔɔkʋ 'lɩ ‑a ‑täsä, 'sɩrɩ 'Pläanʋnyɔɔ nʋa' ‑kätɩ nyɩbɛrʋ nyra 'ŋlʋʋ 'pläa 'käkolofa 'wʋ#19.4 Jenɛɛsë 1.27; 5.2.? 5Jesu ‑nëma 'sɔɔwʋ: 'Ia ‑gʋ nyɔɔ nya 'ɔa tʋ nyra 'ɔa 'yio ‑gbasɔa, 'kä 'ɔ nyra 'ɔa 'ŋlʋʋ nya ‑gba kpasraa, 'kä 'üa 'sɔɔ nya 'jajɛ 'dee bä#19.5 Jenɛɛsë 2.24.. 6'Ia 'taɩn 'lɩ nɩ, 'ü ‑kanyɩ 'sɔɔ ‑a bä, ‑maa nyɔɔ 'doo 'ü bä. 'Ia ‑gʋ, dɛɛlɛ Nyɔsʋa nröröa' 'dee 'lɩ nɩ, nyɔɔ 'nyɩ 'sasra 'ɛɛn ‑gba.» 7'Iibäa' nyüülü nɩ: «‑Bɛ dɛplɛɛ kä ‑gʋ Moisë 'daa 'kpɔɔ nyɔɔ ma nëmä 'ɔa 'ŋlʋʋ prɛ ɔ ‑nyɩ 'ɔɔn ‑gbasɔsrɔpɔɔkʋ 'fɩɔwʋ ‑bɛ 'ɔmä 'ɔɔn prɛ le#19.7 Deteronɔɔmë 24.1-4.?» 8'Ɔnya ‑gbala 'üün ‑maa: «'Ana 'nyakliwlisusukʋa ‑gʋ Moisë 'nyie 'amä 'ŋlʋʋ prɛ, ‑maa ‑kätɩsa ‑mää 'sɩ 'inyɩ bä. 9‑Maa 'amɔ 'n ‑gbala, nyɔɔ ma prɛ 'ɔa 'ŋlʋʋ ‑bɛ ima 'nyɩ bätësaa ‑gʋ ‑a bä, ‑bɛ ɔma kä 'ŋlʋʋ ‑moloo nɩ, bätësa 'ɔɔ 'paa. ‑Bɛ nyɔɔ o nyɔɔ käa' 'ŋlʋʋlɔ 'ɔa dʋɔ prɛa' nɩ, bätësa 'ɔ 'paa bɩa#19.9 ‑Bɛ nyɔɔ o nyɔɔ … bätësa 'ɔ 'paa bɩa: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..»
10'Iibäa' 'ɔa 'wʋnyɛrɛnyüü nɩ: «‑Bɛ ima 'daa 'asɩ 'imä bä nyɩbɛrʋ nyra 'ŋlʋʋ 'sɔa ‑tɔrʋpɩɔ nɩ, 'titiö 'a 'na dotro 'la!» 11'Ɔnya ‑gbala 'üün: «‑Mää nyüüa 'fɩɔ ‑nëmä ‑taa wiili 'klɩnyiere, ima 'nyɩ nyüülü kä 'doo Nyɔsʋa ‑nyɩa' 'ɔa 'klü ‑a bä. 12'Be ‑mölöö 'nyɩ nyɩbɛrʋ ‑a bä 'ünya ‑glooro, ‑mölöö bälɩ 'ü ‑wa 'üün. ‑Mölööa 'mlɔɔ nya 'daa 'ü ‑nëmä 'ti ‑a 'ti cɛɩɩa 'kamapläa ‑gʋ. Nyɔɔlɔ 'mrɛɛa' ɔmäa' 'iin 'lɩ 'nyiere 'ɔ nʋ dɛɛ!»
Jesu nyra 'jüjie
Marëkë 10.13-16; Lukë 18.15-17
13'Ii ‑sia' nɩ, nyüü ja 'ɔɔn 'jü 'ɔmä 'üün klʋgbë ‑gälɩ 'pie 'ɔmä 'üa 'wlilia nyɔsʋabibie, ‑maa 'ɔa 'wʋnyɛrɛnyüü nya 'daa 'üün. 14Jesu nya ‑gbala 'üün: «'Ba 'cɛrɛ 'jü ‑wälɩ ü jijrö 'mɩ ‑gba, 'anyɩ kaka 'üün 'klɩ; 'be nyüülü bäa' 'üa 'saa, 'a 'üü kä cɛɩɩa 'kamaplä.» 15'Ɔnya 'pepe 'üün klʋgbë ‑gälɩ, 'ɔnya sɔwʋ 'ɔnya mi.
Jesu nyra 'bɩɔjinyɔɔ 'doo
Marëkë 10.17-31; Lukë 18.18-30; 13.30
16‑Jää nyɔɔ 'doo ji ɔ 'bete Jesu: «'Cɩca 'kpɩkpɩanyɔɔ, 'cɩcadii 'plɛɛ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?» 17'Ɔnya ‑gbala 'ɔɔn: «Dɛplɛɛ kä ‑gʋ ‑daara 'mɩ 'Cɩcanyɔɔ le? Nyɔsʋaa 'doo 'ɔɔ bä 'cɩcanyɔɔ. ‑Maa ‑ama 'bata ‑mä 'klälä 'nyɩa' blöröfa kä 'jä nɩ, ‑träärälɩ Nyɔsʋaa ‑dɔ!» 18'Iibäa' nyɔɔlɔ: «‑Dɔ 'plɛɛ le?» Jesu ‑nëma: «‑Nyɩ kä ‑a kä ‑mä nyɔɔ 'bla. ‑Nyɩ kä ‑a kä ‑mä bätësa 'pa. ‑Nyɩ kä ‑a kä ‑mä nyɔɔ ‑gbagblɛ ‑gälɩ ‑tʋ. ‑Nyɩ kä ‑a kä ‑mä 'jie. 19‑Träärälɩ ‑na tʋ nyra ‑na 'yio. 'Sɩrɩ ‑waa' ‑na nyufa, ‑wa 'saa ‑na ‑moloo#19.19 Ɛgësɔɔdë 20.12-16; Deteronɔɔmë 5.16-20; Levitiikë 19.18..» 20'Iibäa' ‑sëgbanyʋklɔlɔ nɩ: «'Ii kä 'fɩɔ ‑daaa', 'nyaa kä 'iin 'lɩträärä kolo 'na nyɔkɔdɛɛ 'lɩ 'kä#19.20 kolo 'na nyɔkɔdɛɛ 'lɩ 'kä: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. Dɛplɛɛ tɩɔ 'lɩ 'mä nʋ le?» 21Jesu nya ‑gbala 'ɔɔn: «‑Ama 'bata ‑mä 'wlijrä nɩ, mi, 'pa diili kä 'fɩɔ ‑klaaa' 'peru, ‑nyɩ 'iin 'pʋablanyüü, ‑bɛ ‑mä 'bɩɔ cɛlɩ kälä, 'kä ‑jö ‑bɛ 'nyraa ‑mɔ 'mä 'nyɛ.» 22‑Maa ‑sëgbanyʋklɔlɔ 'nua' ‑taa wiili 'wli nɩ, 'ɔa 'klü jä 'lɩ ‑bɛ 'ɔ mö, 'be 'ɔ kä dii 'kɔkɔmlɛ.
23Jesu nya ‑gbala 'ɔa 'wʋnyɛrɛnyüü ‑maa: «'Cɩcasa 'n ‑gbala 'amɩ, 'inya 'lɩklaa 'kä 'bɩɔjinyɔɔ 'mä cɛɩɩa 'kamapläa 'mlɩ pa.» 24'Amɔ 'n ‑gbala 'sɔɔwʋ: «'I klalɩ 'kä Samoo 'mä 'kʋɛɛa ‑flääa 'mlɩ ‑srörö, ‑maa 'bɩɔjinyɔɔa ni nya 'wʋsia ɔma nëmä Nyɔsʋaa 'kamapläa 'mlɩ pa.» 25'Ɔa 'wʋnyɛrɛnyüü 'nua' 'iin 'wli nɩ, 'üa plɛklɩkala ‑gböösa, 'ü ‑nëma: «‑Bɛ ‑mɔ 'plɛɛ nya ɔ 'lɩmlɩwʋ le?» 26Jesu nya tɛ 'üün 'klɩ, 'ɔ ‑nëma: «'Inyɩ nʋnʋsa ‑a bä nyɔɔa ‑nyɛɛ, ‑maa Nyɔsʋaa ‑nyɛɛ diia 'fɩɔ bä nʋnʋsa.»
27'Iibäa' Piɛɛrë nɩ: «Tɛ 'lɩ, ‑na ‑gʋ a ‑gba ‑nyɛɛ ana dii 'kä, a nyra ‑mɔ 'mä 'nyɛ. ‑Asɩ ana ‑gbaa ‑gä nya bä le?» 28Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä. 29‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ#19.29 'ŋlʋʋ: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä. 30'Kɔkɔmlɛ bä 'wliklɩ, 'ünya ‑srɩɩ dɛrɩtäpaa, 'kä 'kɔkɔmlɛlü 'paa' dɛrɩtä nya ‑srɩɩ 'wliklɩ bä.»
Currently Selected:
Matiö 19: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Matiö 19
19
SƆ PEREA ‑TƲTƲ ‑GÄLƖ ‑A JI JERUSALƐƐMË
19.1–20.34
'Ŋlʋʋa pɛprɛkʋ
Marëkë 10.1-12
1Jesu 'wlaraa' ‑taa 'kpɩkpɩakʋlʋ nɩ, 'ɔnya 'cie Galilee, 'ɔnya mi Judeea ‑tʋtʋ 'pɛ ‑mɛlɛ bäa' 'nielɛ 'ü 'daraa' Jurëdɛɛn a dɛrɩ. 2Nyüü 'kɔkɔmlɛ nya prɛ 'ɔɔn dɛrɩ, 'ɔnya 'plɔrɔ 'lɩ 'üa ‑wusublanyüü.
3 Farisinyüü nya jijrö 'ɔɔn ‑gba, 'ümä 'ɔɔn bɔʋdɛrɩ 'pa. 'Ünya 'bete 'ɔɔn: «Nyɔɔ 'mrɛɛ ɔ prɛ 'ɔa 'ŋlʋʋ wii o wiia ‑gʋ?» 4'Ɔnya ‑gbala 'üün: «'Anyɩ wiili ‑jɩjraa' nyɔsʋapɔɔkʋ 'lɩ ‑a ‑täsä, 'sɩrɩ 'Pläanʋnyɔɔ nʋa' ‑kätɩ nyɩbɛrʋ nyra 'ŋlʋʋ 'pläa 'käkolofa 'wʋ#19.4 Jenɛɛsë 1.27; 5.2.? 5Jesu ‑nëma 'sɔɔwʋ: 'Ia ‑gʋ nyɔɔ nya 'ɔa tʋ nyra 'ɔa 'yio ‑gbasɔa, 'kä 'ɔ nyra 'ɔa 'ŋlʋʋ nya ‑gba kpasraa, 'kä 'üa 'sɔɔ nya 'jajɛ 'dee bä#19.5 Jenɛɛsë 2.24.. 6'Ia 'taɩn 'lɩ nɩ, 'ü ‑kanyɩ 'sɔɔ ‑a bä, ‑maa nyɔɔ 'doo 'ü bä. 'Ia ‑gʋ, dɛɛlɛ Nyɔsʋa nröröa' 'dee 'lɩ nɩ, nyɔɔ 'nyɩ 'sasra 'ɛɛn ‑gba.» 7'Iibäa' nyüülü nɩ: «‑Bɛ dɛplɛɛ kä ‑gʋ Moisë 'daa 'kpɔɔ nyɔɔ ma nëmä 'ɔa 'ŋlʋʋ prɛ ɔ ‑nyɩ 'ɔɔn ‑gbasɔsrɔpɔɔkʋ 'fɩɔwʋ ‑bɛ 'ɔmä 'ɔɔn prɛ le#19.7 Deteronɔɔmë 24.1-4.?» 8'Ɔnya ‑gbala 'üün ‑maa: «'Ana 'nyakliwlisusukʋa ‑gʋ Moisë 'nyie 'amä 'ŋlʋʋ prɛ, ‑maa ‑kätɩsa ‑mää 'sɩ 'inyɩ bä. 9‑Maa 'amɔ 'n ‑gbala, nyɔɔ ma prɛ 'ɔa 'ŋlʋʋ ‑bɛ ima 'nyɩ bätësaa ‑gʋ ‑a bä, ‑bɛ ɔma kä 'ŋlʋʋ ‑moloo nɩ, bätësa 'ɔɔ 'paa. ‑Bɛ nyɔɔ o nyɔɔ käa' 'ŋlʋʋlɔ 'ɔa dʋɔ prɛa' nɩ, bätësa 'ɔ 'paa bɩa#19.9 ‑Bɛ nyɔɔ o nyɔɔ … bätësa 'ɔ 'paa bɩa: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..»
10'Iibäa' 'ɔa 'wʋnyɛrɛnyüü nɩ: «‑Bɛ ima 'daa 'asɩ 'imä bä nyɩbɛrʋ nyra 'ŋlʋʋ 'sɔa ‑tɔrʋpɩɔ nɩ, 'titiö 'a 'na dotro 'la!» 11'Ɔnya ‑gbala 'üün: «‑Mää nyüüa 'fɩɔ ‑nëmä ‑taa wiili 'klɩnyiere, ima 'nyɩ nyüülü kä 'doo Nyɔsʋa ‑nyɩa' 'ɔa 'klü ‑a bä. 12'Be ‑mölöö 'nyɩ nyɩbɛrʋ ‑a bä 'ünya ‑glooro, ‑mölöö bälɩ 'ü ‑wa 'üün. ‑Mölööa 'mlɔɔ nya 'daa 'ü ‑nëmä 'ti ‑a 'ti cɛɩɩa 'kamapläa ‑gʋ. Nyɔɔlɔ 'mrɛɛa' ɔmäa' 'iin 'lɩ 'nyiere 'ɔ nʋ dɛɛ!»
Jesu nyra 'jüjie
Marëkë 10.13-16; Lukë 18.15-17
13'Ii ‑sia' nɩ, nyüü ja 'ɔɔn 'jü 'ɔmä 'üün klʋgbë ‑gälɩ 'pie 'ɔmä 'üa 'wlilia nyɔsʋabibie, ‑maa 'ɔa 'wʋnyɛrɛnyüü nya 'daa 'üün. 14Jesu nya ‑gbala 'üün: «'Ba 'cɛrɛ 'jü ‑wälɩ ü jijrö 'mɩ ‑gba, 'anyɩ kaka 'üün 'klɩ; 'be nyüülü bäa' 'üa 'saa, 'a 'üü kä cɛɩɩa 'kamaplä.» 15'Ɔnya 'pepe 'üün klʋgbë ‑gälɩ, 'ɔnya sɔwʋ 'ɔnya mi.
Jesu nyra 'bɩɔjinyɔɔ 'doo
Marëkë 10.17-31; Lukë 18.18-30; 13.30
16‑Jää nyɔɔ 'doo ji ɔ 'bete Jesu: «'Cɩca 'kpɩkpɩanyɔɔ, 'cɩcadii 'plɛɛ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?» 17'Ɔnya ‑gbala 'ɔɔn: «Dɛplɛɛ kä ‑gʋ ‑daara 'mɩ 'Cɩcanyɔɔ le? Nyɔsʋaa 'doo 'ɔɔ bä 'cɩcanyɔɔ. ‑Maa ‑ama 'bata ‑mä 'klälä 'nyɩa' blöröfa kä 'jä nɩ, ‑träärälɩ Nyɔsʋaa ‑dɔ!» 18'Iibäa' nyɔɔlɔ: «‑Dɔ 'plɛɛ le?» Jesu ‑nëma: «‑Nyɩ kä ‑a kä ‑mä nyɔɔ 'bla. ‑Nyɩ kä ‑a kä ‑mä bätësa 'pa. ‑Nyɩ kä ‑a kä ‑mä nyɔɔ ‑gbagblɛ ‑gälɩ ‑tʋ. ‑Nyɩ kä ‑a kä ‑mä 'jie. 19‑Träärälɩ ‑na tʋ nyra ‑na 'yio. 'Sɩrɩ ‑waa' ‑na nyufa, ‑wa 'saa ‑na ‑moloo#19.19 Ɛgësɔɔdë 20.12-16; Deteronɔɔmë 5.16-20; Levitiikë 19.18..» 20'Iibäa' ‑sëgbanyʋklɔlɔ nɩ: «'Ii kä 'fɩɔ ‑daaa', 'nyaa kä 'iin 'lɩträärä kolo 'na nyɔkɔdɛɛ 'lɩ 'kä#19.20 kolo 'na nyɔkɔdɛɛ 'lɩ 'kä: ‑Taa waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä.. Dɛplɛɛ tɩɔ 'lɩ 'mä nʋ le?» 21Jesu nya ‑gbala 'ɔɔn: «‑Ama 'bata ‑mä 'wlijrä nɩ, mi, 'pa diili kä 'fɩɔ ‑klaaa' 'peru, ‑nyɩ 'iin 'pʋablanyüü, ‑bɛ ‑mä 'bɩɔ cɛlɩ kälä, 'kä ‑jö ‑bɛ 'nyraa ‑mɔ 'mä 'nyɛ.» 22‑Maa ‑sëgbanyʋklɔlɔ 'nua' ‑taa wiili 'wli nɩ, 'ɔa 'klü jä 'lɩ ‑bɛ 'ɔ mö, 'be 'ɔ kä dii 'kɔkɔmlɛ.
23Jesu nya ‑gbala 'ɔa 'wʋnyɛrɛnyüü ‑maa: «'Cɩcasa 'n ‑gbala 'amɩ, 'inya 'lɩklaa 'kä 'bɩɔjinyɔɔ 'mä cɛɩɩa 'kamapläa 'mlɩ pa.» 24'Amɔ 'n ‑gbala 'sɔɔwʋ: «'I klalɩ 'kä Samoo 'mä 'kʋɛɛa ‑flääa 'mlɩ ‑srörö, ‑maa 'bɩɔjinyɔɔa ni nya 'wʋsia ɔma nëmä Nyɔsʋaa 'kamapläa 'mlɩ pa.» 25'Ɔa 'wʋnyɛrɛnyüü 'nua' 'iin 'wli nɩ, 'üa plɛklɩkala ‑gböösa, 'ü ‑nëma: «‑Bɛ ‑mɔ 'plɛɛ nya ɔ 'lɩmlɩwʋ le?» 26Jesu nya tɛ 'üün 'klɩ, 'ɔ ‑nëma: «'Inyɩ nʋnʋsa ‑a bä nyɔɔa ‑nyɛɛ, ‑maa Nyɔsʋaa ‑nyɛɛ diia 'fɩɔ bä nʋnʋsa.»
27'Iibäa' Piɛɛrë nɩ: «Tɛ 'lɩ, ‑na ‑gʋ a ‑gba ‑nyɛɛ ana dii 'kä, a nyra ‑mɔ 'mä 'nyɛ. ‑Asɩ ana ‑gbaa ‑gä nya bä le?» 28Jesu ‑nëma: «'Cɩcasa 'n ‑gbala 'amɩ, 'taɩn 'lɩ Nyɔɔa 'Jʋ 'mäa' 'ɔa 'kɩɩkpatalä 'bʋawliklɩ ‑gälɩ kʋ nɩ, 'amɔlɔ prɛa' 'mɩ dɛrɩ nɩ, 'ana 'mʋgbɛ nya 'kɩɩkpatë ‑pʋ ‑bɛ ‑uunsɔɔ ‑gälɩ kɔ kɔa 'amä Israɛɛlëa ‑glügbü ‑pʋ ‑bɛ 'sɔɔa 'cifu bä. 29‑Bɛ nyɔɔ o nyɔɔ ma ‑gba ‑nyɛɛ 'ɔa nyëka 'kä, 'palɩ 'ɔa ‑wlajü, ‑wlayörü, tʋ, 'yio, 'ŋlʋʋ#19.29 'ŋlʋʋ: ‑Taa waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä., 'jü, 'aiɛ 'ɔa papladii, 'kä 'na 'nyrɩklɩa ‑gʋ, 'ɔnya 'iin 'wʋ ‑glʋɩgböö 'wʋ 'järäa, 'kä 'ɔnya 'klälä 'nyɩa' blöröfa kä 'jä. 30'Kɔkɔmlɛ bä 'wliklɩ, 'ünya ‑srɩɩ dɛrɩtäpaa, 'kä 'kɔkɔmlɛlü 'paa' dɛrɩtä nya ‑srɩɩ 'wliklɩ bä.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.