Jaan 21
21
Jesu 'tɔrɔ 'ɔa 'wʋnyɛrɛnyüü 'klɩ Tiberiadëa 'nie ‑gba
Matiö 28.16; Lukë 5.1-11; Esaii 26.12
1'Ia 'fɩɔlʋ ‑sia nɩ, Jesu nya 'tɔrɔ 'sɔɔwʋ 'ɔa 'wʋnyɛrɛnyüü 'klɩ Tiberiadëa 'nie ‑gba. ‑Jää 'sɩ 'ɔ sraraa' 'ɔa nyufa: 2'Taɩn 'doo 'lɩ nɩ, Simɔɔ Piɛɛrë, Tomaalɔ 'ü 'daraa' Didimë, ‑bɛ Natanaɛɛlë, Galileea bätälä 'ü 'daraa' Kanaa, 'äa nyɔɔ, Sebedeea 'jü, nyra Jesua 'wʋnyɛrɛnyüü 'sɔɔ ‑mölöö, 'üa 'fɩɔ bä ɩ ‑pɩɔ 'doo 'wʋ. 3Simɔɔ Piɛɛrë ‑nëma: «Fɩakalɩ 'n mö.» 'Iibäa' 'üa 'fɩɔ nɩ: «A nyra ‑mɔ mö.» 'Ünya 'jra ‑gɔlʋ 'doo 'lɩ, ‑maa 'ia ‑gbialäa 'mlɩ nɩ, 'ünyɩ dɛɛ ‑a fɩa.
4‑Srɩ jö 'lee, ‑bɛ Jesu bä 'kɔtʋmlɩ, ‑maa 'wʋnyɛrɛnyüü 'nyɩ 'sa ‑a jre 'sɩrɩ 'i bäa' 'ɔɔn. 5Jesu nya ‑gbala 'üün: «'Na 'jü 'amɩ, 'a fɩa ‑srü?» 'Ü ‑nëma: «'Woo!» 6'Ɔnya ‑gbala 'üün: «'Ba be 'ana ‑tata ‑gɔlʋa 'dupa 'pɛlɩ, 'anya ‑srü 'jäa.» 'Ünya be 'lɩ 'ään, ‑srüa ‑sümlökʋa ‑gʋ nɩ, 'ünyɩ 'lɩ ‑a bɩa ü 'ba 'ään 'nie 'lɩ. 7'Wʋnyɛrɛnyɔɔlɔ Jesu ‑waa' nya ‑gbala Piɛɛrë: «'Pläkänyɔɔ bäsaa!» Simɔɔ Piɛɛrë 'nua' 'sɩrɩ 'i bäa' 'Pläkänyɔɔ nɩ, ‑bɛ 'ɔnyɩ ɩa' 'kotu 'lɩpa nɩ, 'ɔnya pa 'uun 'lɩ, 'ɔnya bere 'ɔa nyufa 'nie 'lɩ. 8'Wʋnyɛrɛnyüü ‑mülü nya ja ‑gɔlʋlʋ ‑bɛ 'ü 'kʋɛɛ ‑tatalä 'sia ‑srü 'klɩ. 'Ünyɩ 'lɩdɛrɩ ‑a tʋŋlʋ: sɔ 'kɔtʋ ‑gba ‑a mi 'niea ‑plɩɩlɩ 'ü bäa' 'i 'mrɛɛ i bä mɛtrëa ‑glʋɩgböö#21.8 Grɛɛkëwii 'lɩ 'iibä: «kudeea ‑glʋɩpʋ (200)». 'Ia nyakadɛɛ bä sɔ 'dasemrekete 'klɩ ‑a ji wlua 'mrʋ 'klɩ, 'aiɛ 'darʋa 'fɩɔ. 'Iibä mɛtrëa glʋɩgböö (100)..
9'Ü 'tɔa' 'kɔtʋ ‑gba nɩ, 'ü jrä ‑plɩɩ kaprajruu, 'ua ‑gälɩa ‑srü nyra 'flɔɔ. 10Jesu nya ‑gbala 'üün: «‑Srülü 'a fɩaa' nɩ, 'ba ja ‑mölöö.» 11Simɔɔ Piɛɛrë nya 'jra ‑gɔlʋa 'mlɩ 'ɔnya 'kʋɛɛrɛ ‑tatalä ‑tʋtʋ 'wʋ. 'Äa 'mlɩa ‑srü kpaküa ‑glʋɩ ‑uunsɔɔ ‑srü ‑pʋ ‑bɛ tää (153). 'Asɩɛ ‑tatalä 'nyɩ köklö ‑a köklö. 12Jesu nya ‑gbala 'üün: «'Ba ji, 'amä dɛɛji.» 'Üa ‑tɔrʋpɩɔa nyɔɔ 'doo 'nyɩ 'ɔɔn 'bete ‑a 'bete «Nyɔɔ 'plɛɛ bä le?» 'Be 'ü jre 'iin 'sɩrɩ 'i bäa' 'Pläkänyɔɔ. 13Jesu jijröa' 'üün ‑gba nɩ, 'ɔ dɔrɔa' 'flɔɔ 'wʋ 'ɔnya ‑nyɩ 'ümɩ 'üün, 'ɔnya ‑nyɩ bɩa 'üün ‑sre. 14Jesu sɔa' 'kuaabre nɩ, 'a tää 'wʋ 'ɔ srara 'ɔa nyufa 'ɔa 'wʋnyɛrɛnyüü 'klɩ.
Jesu 'betea' Piɛɛrë
15'Ü bɩaraa' 'lɩ nɩ, Jesu nya 'bete Simɔɔ Piɛɛrë: «Jonaasëa 'jʋ#21.15-17 Jonaasëa 'jʋ: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: Jaan a 'jʋ. Simɔɔ, ‑wa 'mɩ ‑nya ‑si ü kʋa' ‑pɩ 'wʋ?» 'Ɔ ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.»
'Iibäa' Jesu nɩ: «'Fini 'na ‑bablëëjü 'klɩ.» 16'Ɔnya 'bete 'ɔɔn 'sɔɔwʋ: «Jonaasëa 'jʋ Simɔɔ, ‑wa 'mɩ?»
Piɛɛrë ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» Jesu nya ‑gbala 'ɔɔn: «‑Tʋ 'na ‑bablëë 'nyügba.» 17'Ɔnya ka 'sɔɔwʋ tää, 'ɔnya 'bete 'ɔɔn: «Jonaasëa 'jʋ Simɔɔ, ‑wa 'mɩ?» 'I pa Piɛɛrë ‑gba 'kä Jesu 'mä 'ɔɔn 'bete 'wʋ tää 'wʋ: «‑Wa 'mɩ?»
'Ɔ ‑nëma: «'Pläkänyɔɔ, ‑jre wiia 'fɩɔ; ‑jre 'iin 'sɩrɩ 'n ‑waa' ‑mɩ.» Jesu nya ‑gbala 'ɔɔn: «'Fini 'na ‑bablëë 'klɩ. 18'Tasɩrɩa 'cɩcasa 'n ‑gbala ‑mɩ, ‑bä käa' ‑sëgbajʋ nɩ, ‑na 'mʋgbɛ ma wlo ‑na ‑pɛɛtʋ; 'kä ‑ma mö ‑tɛ 'lɩ ‑waa'. ‑Maa 'taɩn 'lɩ ‑nëmäa' 'klɩbɩa nɩ, ‑na 'dari ‑nëmä to#21.18 ‑na 'dari ‑nëmä to: Wiili nëmäa' 'lɩjrä krʋa ‑gälɩ 'ii 'ɔ 'paplaklɩ., 'kä nyɔɔ ‑moloo nya ‑mɩ 'uun wlo, ‑plɩɩlɩ ‑nyɩ 'bataa' 'kä 'ɔnya 'lɩ ‑mɩ fa.»
19Wiili Jesu 'paa' nɩ, jäjäkʋlʋ Piɛɛrë 'mäa' jä ‑bɛ 'ɔmäa' Nyɔsʋa 'bʋala nɩ, 'ua ‑gä 'ɔ 'pa. 'Ɔnya ‑gbala Piɛɛrë: «‑Mɛ 'mɩ ‑gälɩ.»
20Piɛɛrë ‑siea' kälɩ nɩ, 'ɔ 'jä 'wʋnyɛrɛnyɔɔlɔ Jesu ‑waa'. 'A 'wʋnyɛrɛnyɔɔlɔ fala käa' Jesu 'wli ‑gba 'taɩn 'doo 'lɩ 'ü jö käa' dɛɛ, ‑bɛ ɔ 'bete käa' 'ɔɔn: «'Pläkänyɔɔ, nyɔɔ 'plɛɛ 'mä ‑mɩ 'sa le?» 21Piɛɛrë 'jäa' nyɔɔlɔ 'ɔnya 'bete Jesu: «'Pläkänyɔɔ, ‑bɛ ‑mɔlɔ kʋa' ‑pɩ le? Wii 'plɛɛ 'mä 'ɔɔn ‑gälɩjrä le?»
22'Iibäa' Jesu nɩ: «Ama 'bata ɔ kʋ ‑tʋtʋ ‑gälɩ kʋ kʋ 'kä 'n jö nɩ, 'inyɩ ‑na wii ‑a bä. ‑Mɔlɔ nɩ, ‑mɛ 'mɩ ‑gälɩ!» 23Wiili Jesu 'paa' nɩ, 'i blöa' ‑wlajülüa 'nyakli 'lɩ nɩ, 'üa plɛɛ ‑mɔlɔ ‑nëmä jä ‑a jä. ‑Bɛ Jesu 'nyɩ 'daa 'ɔ ‑nëmä jä ‑a jä, ‑maa 'ɔ nɩnɩa: «Ama 'bata ɔ kʋ ‑tʋtʋ ‑gälɩ kʋ kʋ 'kä 'n jö nɩ, 'inyɩ ‑na wii ‑a bä.»
24'A 'wʋnyɛrɛnyɔɔ 'doolɔ nɩ, 'ɔɔ 'jä wiili kä 'fɩɔ kʋa' ‑pɩ, 'ɔɔ ‑jɩjra bɩa 'iin, ‑bɛ a jre 'iin 'sɩrɩ wiili 'ɔ 'saalɩ bäa' 'cɩcasa.
25Jesu nʋ wii 'kɔkɔmlɛ ‑mɩdoo. Ama 'daa amä plɛblö amä 'ia 'fɩɔlʋ ‑jɩjra nɩ, 'ia ‑pɔɔkɩa ‑tʋfa ‑nëmä ‑tʋtʋ ‑gälɩ ‑a bä. 'Asɩ i bä#21.25 'Asɩ i bä: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..
Currently Selected:
Jaan 21: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jaan 21
21
Jesu 'tɔrɔ 'ɔa 'wʋnyɛrɛnyüü 'klɩ Tiberiadëa 'nie ‑gba
Matiö 28.16; Lukë 5.1-11; Esaii 26.12
1'Ia 'fɩɔlʋ ‑sia nɩ, Jesu nya 'tɔrɔ 'sɔɔwʋ 'ɔa 'wʋnyɛrɛnyüü 'klɩ Tiberiadëa 'nie ‑gba. ‑Jää 'sɩ 'ɔ sraraa' 'ɔa nyufa: 2'Taɩn 'doo 'lɩ nɩ, Simɔɔ Piɛɛrë, Tomaalɔ 'ü 'daraa' Didimë, ‑bɛ Natanaɛɛlë, Galileea bätälä 'ü 'daraa' Kanaa, 'äa nyɔɔ, Sebedeea 'jü, nyra Jesua 'wʋnyɛrɛnyüü 'sɔɔ ‑mölöö, 'üa 'fɩɔ bä ɩ ‑pɩɔ 'doo 'wʋ. 3Simɔɔ Piɛɛrë ‑nëma: «Fɩakalɩ 'n mö.» 'Iibäa' 'üa 'fɩɔ nɩ: «A nyra ‑mɔ mö.» 'Ünya 'jra ‑gɔlʋ 'doo 'lɩ, ‑maa 'ia ‑gbialäa 'mlɩ nɩ, 'ünyɩ dɛɛ ‑a fɩa.
4‑Srɩ jö 'lee, ‑bɛ Jesu bä 'kɔtʋmlɩ, ‑maa 'wʋnyɛrɛnyüü 'nyɩ 'sa ‑a jre 'sɩrɩ 'i bäa' 'ɔɔn. 5Jesu nya ‑gbala 'üün: «'Na 'jü 'amɩ, 'a fɩa ‑srü?» 'Ü ‑nëma: «'Woo!» 6'Ɔnya ‑gbala 'üün: «'Ba be 'ana ‑tata ‑gɔlʋa 'dupa 'pɛlɩ, 'anya ‑srü 'jäa.» 'Ünya be 'lɩ 'ään, ‑srüa ‑sümlökʋa ‑gʋ nɩ, 'ünyɩ 'lɩ ‑a bɩa ü 'ba 'ään 'nie 'lɩ. 7'Wʋnyɛrɛnyɔɔlɔ Jesu ‑waa' nya ‑gbala Piɛɛrë: «'Pläkänyɔɔ bäsaa!» Simɔɔ Piɛɛrë 'nua' 'sɩrɩ 'i bäa' 'Pläkänyɔɔ nɩ, ‑bɛ 'ɔnyɩ ɩa' 'kotu 'lɩpa nɩ, 'ɔnya pa 'uun 'lɩ, 'ɔnya bere 'ɔa nyufa 'nie 'lɩ. 8'Wʋnyɛrɛnyüü ‑mülü nya ja ‑gɔlʋlʋ ‑bɛ 'ü 'kʋɛɛ ‑tatalä 'sia ‑srü 'klɩ. 'Ünyɩ 'lɩdɛrɩ ‑a tʋŋlʋ: sɔ 'kɔtʋ ‑gba ‑a mi 'niea ‑plɩɩlɩ 'ü bäa' 'i 'mrɛɛ i bä mɛtrëa ‑glʋɩgböö#21.8 Grɛɛkëwii 'lɩ 'iibä: «kudeea ‑glʋɩpʋ (200)». 'Ia nyakadɛɛ bä sɔ 'dasemrekete 'klɩ ‑a ji wlua 'mrʋ 'klɩ, 'aiɛ 'darʋa 'fɩɔ. 'Iibä mɛtrëa glʋɩgböö (100)..
9'Ü 'tɔa' 'kɔtʋ ‑gba nɩ, 'ü jrä ‑plɩɩ kaprajruu, 'ua ‑gälɩa ‑srü nyra 'flɔɔ. 10Jesu nya ‑gbala 'üün: «‑Srülü 'a fɩaa' nɩ, 'ba ja ‑mölöö.» 11Simɔɔ Piɛɛrë nya 'jra ‑gɔlʋa 'mlɩ 'ɔnya 'kʋɛɛrɛ ‑tatalä ‑tʋtʋ 'wʋ. 'Äa 'mlɩa ‑srü kpaküa ‑glʋɩ ‑uunsɔɔ ‑srü ‑pʋ ‑bɛ tää (153). 'Asɩɛ ‑tatalä 'nyɩ köklö ‑a köklö. 12Jesu nya ‑gbala 'üün: «'Ba ji, 'amä dɛɛji.» 'Üa ‑tɔrʋpɩɔa nyɔɔ 'doo 'nyɩ 'ɔɔn 'bete ‑a 'bete «Nyɔɔ 'plɛɛ bä le?» 'Be 'ü jre 'iin 'sɩrɩ 'i bäa' 'Pläkänyɔɔ. 13Jesu jijröa' 'üün ‑gba nɩ, 'ɔ dɔrɔa' 'flɔɔ 'wʋ 'ɔnya ‑nyɩ 'ümɩ 'üün, 'ɔnya ‑nyɩ bɩa 'üün ‑sre. 14Jesu sɔa' 'kuaabre nɩ, 'a tää 'wʋ 'ɔ srara 'ɔa nyufa 'ɔa 'wʋnyɛrɛnyüü 'klɩ.
Jesu 'betea' Piɛɛrë
15'Ü bɩaraa' 'lɩ nɩ, Jesu nya 'bete Simɔɔ Piɛɛrë: «Jonaasëa 'jʋ#21.15-17 Jonaasëa 'jʋ: Grɛɛkë kätɩpɔɔkɩ ‑mɩdooa 'mlɩ 'i ‑jɩjra: Jaan a 'jʋ. Simɔɔ, ‑wa 'mɩ ‑nya ‑si ü kʋa' ‑pɩ 'wʋ?» 'Ɔ ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.»
'Iibäa' Jesu nɩ: «'Fini 'na ‑bablëëjü 'klɩ.» 16'Ɔnya 'bete 'ɔɔn 'sɔɔwʋ: «Jonaasëa 'jʋ Simɔɔ, ‑wa 'mɩ?»
Piɛɛrë ‑nëma: «‑Yɛɛ! 'Pläkänyɔɔ, 'sɩrɩ 'n ‑waa' ‑mɩ ‑jre 'iin.» Jesu nya ‑gbala 'ɔɔn: «‑Tʋ 'na ‑bablëë 'nyügba.» 17'Ɔnya ka 'sɔɔwʋ tää, 'ɔnya 'bete 'ɔɔn: «Jonaasëa 'jʋ Simɔɔ, ‑wa 'mɩ?» 'I pa Piɛɛrë ‑gba 'kä Jesu 'mä 'ɔɔn 'bete 'wʋ tää 'wʋ: «‑Wa 'mɩ?»
'Ɔ ‑nëma: «'Pläkänyɔɔ, ‑jre wiia 'fɩɔ; ‑jre 'iin 'sɩrɩ 'n ‑waa' ‑mɩ.» Jesu nya ‑gbala 'ɔɔn: «'Fini 'na ‑bablëë 'klɩ. 18'Tasɩrɩa 'cɩcasa 'n ‑gbala ‑mɩ, ‑bä käa' ‑sëgbajʋ nɩ, ‑na 'mʋgbɛ ma wlo ‑na ‑pɛɛtʋ; 'kä ‑ma mö ‑tɛ 'lɩ ‑waa'. ‑Maa 'taɩn 'lɩ ‑nëmäa' 'klɩbɩa nɩ, ‑na 'dari ‑nëmä to#21.18 ‑na 'dari ‑nëmä to: Wiili nëmäa' 'lɩjrä krʋa ‑gälɩ 'ii 'ɔ 'paplaklɩ., 'kä nyɔɔ ‑moloo nya ‑mɩ 'uun wlo, ‑plɩɩlɩ ‑nyɩ 'bataa' 'kä 'ɔnya 'lɩ ‑mɩ fa.»
19Wiili Jesu 'paa' nɩ, jäjäkʋlʋ Piɛɛrë 'mäa' jä ‑bɛ 'ɔmäa' Nyɔsʋa 'bʋala nɩ, 'ua ‑gä 'ɔ 'pa. 'Ɔnya ‑gbala Piɛɛrë: «‑Mɛ 'mɩ ‑gälɩ.»
20Piɛɛrë ‑siea' kälɩ nɩ, 'ɔ 'jä 'wʋnyɛrɛnyɔɔlɔ Jesu ‑waa'. 'A 'wʋnyɛrɛnyɔɔlɔ fala käa' Jesu 'wli ‑gba 'taɩn 'doo 'lɩ 'ü jö käa' dɛɛ, ‑bɛ ɔ 'bete käa' 'ɔɔn: «'Pläkänyɔɔ, nyɔɔ 'plɛɛ 'mä ‑mɩ 'sa le?» 21Piɛɛrë 'jäa' nyɔɔlɔ 'ɔnya 'bete Jesu: «'Pläkänyɔɔ, ‑bɛ ‑mɔlɔ kʋa' ‑pɩ le? Wii 'plɛɛ 'mä 'ɔɔn ‑gälɩjrä le?»
22'Iibäa' Jesu nɩ: «Ama 'bata ɔ kʋ ‑tʋtʋ ‑gälɩ kʋ kʋ 'kä 'n jö nɩ, 'inyɩ ‑na wii ‑a bä. ‑Mɔlɔ nɩ, ‑mɛ 'mɩ ‑gälɩ!» 23Wiili Jesu 'paa' nɩ, 'i blöa' ‑wlajülüa 'nyakli 'lɩ nɩ, 'üa plɛɛ ‑mɔlɔ ‑nëmä jä ‑a jä. ‑Bɛ Jesu 'nyɩ 'daa 'ɔ ‑nëmä jä ‑a jä, ‑maa 'ɔ nɩnɩa: «Ama 'bata ɔ kʋ ‑tʋtʋ ‑gälɩ kʋ kʋ 'kä 'n jö nɩ, 'inyɩ ‑na wii ‑a bä.»
24'A 'wʋnyɛrɛnyɔɔ 'doolɔ nɩ, 'ɔɔ 'jä wiili kä 'fɩɔ kʋa' ‑pɩ, 'ɔɔ ‑jɩjra bɩa 'iin, ‑bɛ a jre 'iin 'sɩrɩ wiili 'ɔ 'saalɩ bäa' 'cɩcasa.
25Jesu nʋ wii 'kɔkɔmlɛ ‑mɩdoo. Ama 'daa amä plɛblö amä 'ia 'fɩɔlʋ ‑jɩjra nɩ, 'ia ‑pɔɔkɩa ‑tʋfa ‑nëmä ‑tʋtʋ ‑gälɩ ‑a bä. 'Asɩ i bä#21.25 'Asɩ i bä: ‑Taa ‑waklüülü 'nyɩ grɛɛkë kätɩpɔɔkɩ ‑mɩdooa 'mlɩ ‑a bä..
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.