Jenɛɛsë 29
29
Jakɔɔbë 'tɔa' Labaan a ‑nyɛɛ
1Jakɔɔbë nya sɔwʋ 'ɔnya mi 'blɩlɩ bäa' 'jrʋa 'wʋsɔrɔfa 'wʋ, 'ia 'pɛlɩ. 2'Ɔnya ‑fu 'nɩbütügba ‑wälɩ putua 'mlɩ, 'ɔ 'järä 'äa ‑gba ‑bablëë 'cakla mlaa, 'üa mlaa ‑glügbü tää, 'ü 'pala ɩ 'äa ‑gba ‑fʋflʋ. 'Be 'a 'nɩbütöläa 'nɩ 'ü 'mlaa. 'Täkä kpakö 'ŋʋɛrɛ 'nɩ bütölä 'klɩ. 3'Ii mlaa 'fɩɔ ma trara, nyüü ma ‑gbugble 'täkälä 'kä 'ü ma 'baalɩ 'ään 'klɩ, 'ü ma bɩa 'üün 'nɩ ‑nyɩnyɩkʋ nɩ, 'kä 'ü 'pie 'lɩ 'klɩ 'täkälä. 4Jakɔɔbë nya 'bete mla ‑gbanyɛrɛnyüülü: «'Na ‑wlajü 'amɩ, bätä 'plɛɛa 'mlɩ 'a sɔ le?» 'Ü ‑nëma: «Araan bätä a sɔ.» 5'Ɔnya 'bete: «'A jre Nakɔɔrëa 'jʋ, Labaan?» 'Ü ‑nëma: «‑Yɛɛ, a jre 'ɔɔn.» 6'Iibäa' 'ɔɔn: «'Ɔa fugba 'na?» 'Ü ‑nëma: «‑Yɛɛ, 'ɔa fugba 'na. ‑Jää 'ɔa 'jʋ Rasɛɛlë ja mlaa 'ɔ jö.» 7Jakɔɔbë ‑nëma: «‑Jää, 'jrʋ 'a ‑sopuplö, ‑mää mlaa ‑gbaplaplataɩn ‑a. 'Ba ‑nyɩ mlaalë 'nɩ, 'kä 'a fa 'üün 'ümä 'sipi ji.» 8'Ünya ‑gbala 'ɔɔn, ‑maa: «Anyɩ 'mrɛɛ ‑a mrɛɛ, mlaa kä 'ümä trara 'fɩɔwʋ ‑a ji amä 'nɩbütöa 'klɩ 'täkä 'ba; ‑bɛ amä 'üün 'nɩ ‑nyɩ 'ümä 'mla.»
9'Ɔ ‑ka 'paa ɩ wii dotro Rasɛɛlë nya 'tɔ; 'ɔ ja 'ɔa tʋa mlaa, 'be ‑bablëëgbanyɛrɛŋlʋʋ 'ɔ bä. 10Jakɔɔbë 'jäa' 'ɔa 'yioa ‑wlajʋ Labaan a 'ŋlëkayria Rasɛɛlë nyra 'ɔa 'yioa ‑wlajʋa mlaa nɩ, 'ɔnya mi 'ɔnya 'balɩ 'täkälä kpa ɩa' 'nɩbütölä 'klɩ; 'ɔnya ‑nyɩ 'ɔa 'yioa ‑wlajʋa mlaa 'nɩ 'ünya 'mla. 11'Ɔnya ‑gbere Rasɛɛlë, ‑bɛ 'ɔ 'wuö. 12'Ɔnya ‑gbala 'ɔɔn 'sɩrɩ 'ɔ bäa' 'ɔa tʋa 'wʋwʋnyɔɔ, 'sɩrɩ 'ɔ bäa Rebekaa 'jʋ. Rasɛɛlë nya fɔ 'ɔnya mi 'iin 'ɔa tʋ ‑gbalakalɩ. 13Labaan 'nua' 'ɔa ‑wladia 'jʋ Jakɔɔbëa ‑gä 'wli nɩ, fʋfɔlʋ 'ɔ ja 'ɔnya ji 'ɔɔn ‑gbere. 'Ɔnya fa 'ɔɔn ‑gbööli. Jakɔɔbë nya 'saralɩ 'ɔɔn wiili kä 'fɩɔ ‑sia'. 14Labaan ‑nëma: «'N jre 'saa ‑mɔ bä 'na 'kɔʋ nyra 'na 'jajɛ#29.14 ‑mɔ bä 'na 'kɔʋ nyra 'na 'jajɛ: 'Ia ‑gbaa bä: ‑mɔ bä 'na 'mlɔɔa ‑toru.!» Jakɔɔbë ‑si Labaan a ‑nyɛɛ ‑seple 'dee.
Lea nyra Rasɛɛlë
15Labaan nya ‑gbala Jakɔɔbë: «‑Mää dɛɛlɛ kä ‑gʋ bäa' 'na nyɔɔ ‑mää 'ia ‑gʋ ‑nëmä 'na 'jrʋpa ‑fɛ 'flɛɛlɩ. ‑Gbala 'mɩ dɛɛlɛ 'nëmäa' ‑mɩ 'pɛɛ?» 16Labaanlɔ nɩ, 'ɔ kä 'ŋlëkayörü 'sɔɔ: kpaköa nʋa 'nyrɩ bä Lea, blaaadɩɔa 'nyrɩ bä Rasɛɛlë.
17Lea 'klaa 'mʋfa nyü, ‑maa Rasɛɛlë 'na 'ɔ bɩarɩ 'ŋlʋʋ. 18Jakɔɔbë ‑wa Rasɛɛlë, 'ɔ ‑nëma: «'Nyaa ‑na ‑nyɛɛ ‑sɩ ‑uunsɔɔa 'jrʋpa ‑fɛɛɛrɛa, bɛ ‑mä 'mɩ ‑na 'ŋlëkayria Rasɛɛlë ‑nyɩ 'mä 'ɔɔn kä.» 19Labaan ‑nëma: «'I ‑siwʋ ‑a ‑nyɩ ‑mɩ 'ɔɔn, 'kä 'mä 'ɔɔn nyɔɔ ‑moloo ‑nyɩ la! 'Nya 'nyie tɩɔ!» 20'Asɩ Jakɔɔbë nʋ 'ɔnya ‑fɛ ‑sɩ ‑uunsɔɔa 'jrʋpa Rasɛɛlëa ‑gʋ. Rasɛɛlëa ‑wawakʋa ‑gʋ, ‑sɩ ‑uunsɔɔ ‑si sɔsɔ 'ɔa 'nyü ‑gälɩ ‑beere jrüü.
21'Ɔa ‑sɩlɩ jräa' 'lɩ nɩ, 'ɔ ‑nëma: «‑Nyɩ 'mɩ 'na 'ŋlʋʋ 'mä 'ɔɔn kä 'be 'na 'jrʋpaa 'taɩn 'a bɩa!» 22Labaan nya tupo nyüülü kä 'fɩɔ kʋa' ‑tʋtʋlʋa ‑gälɩ, 'ɔnya nʋ ‑glɩsɩglɩsɩ kpaki. 23'Ia ‑gbiara nɩ, 'ɔnya fa 'ɔa 'ŋlëkayria Lea Jakɔɔbë, Jakɔɔbë nyra 'ɔɔn nya 'pi. 24Labaan nya ‑nyɩ 'ɔa 'ŋlëkayria Lea 'ɔa 'mʋgbɛa 'jrʋpafɛŋlʋʋlɔ 'ü 'daraa' Silipa 'ɔmä Lea ‑gbaji. 25'Ia ‑srɩ paa' nɩ, Jakɔɔbë 'mä 'ɔa ‑gba tɛkalɩ mi nɩ, Lea bäsaa! ‑Jää Jakɔɔbë 'bete Labaan: «‑Dɛplɛɛ kä ‑gʋ ‑nʋ 'saa 'mɩ le? ‑Mää Rasɛɛlëa ‑gʋ 'nyɩ ‑na 'jrʋpa ‑fɛ kpraalɩa ‑sɩ ‑uunsɔɔ? Dɛplɛɛ kä ‑gʋ ‑paa 'mɩ mlüü 'lɩ le?» 26'Iibäa' Labaan: «Ana 'bre nɩ, nyɔɔ 'nyɩ tɩ ‑plɩɩ kpaköa nɔ ‑bɛ 'ɔnyɩ 'tie blaadɩɔ ‑a. 27Bɩalɩ ‑taa nʋa 'titiöa 'sɔrɛ, ‑bɛ amä ‑mɩ ‑mɔlɔ ‑nyɩ, ‑bɛ ‑mä 'sɔɔwʋ 'na 'jrʋpa ‑fɛ ‑sɩ ‑uunsɔɔa 'mlɩ.»
28Jakɔɔbë nya 'nyie 'ɔ nyra Lea nya 'bla 'sɔrɛlɛ; Labaan nya ‑nyɩ 'ɔɔn Rasɛɛlë 'ɔmä 'ɔɔn kä. 29Labaan nya ‑nyɩ 'ɔa 'ŋlëkayria Rasɛɛlë 'ɔa 'mʋgbɛa 'jrʋpafɛŋlʋʋlɔ 'ü 'daraa' Bilia 'ɔmä Rasɛɛlë ‑gbaji. 30Jakɔɔbë nya jre bɩa Rasɛɛlë. 'Ɔ ‑wa 'ɔɔn 'ɔnya ‑si Lea 'wʋ. 'Ɔnya ‑fɛ 'sɔɔwʋ Labaan a 'jrʋpa ‑sɩ ‑uunsɔɔ.
Jakɔɔbëa 'jü
31Yawe jrea' 'saa Leaa dʋɔ 'nyɩ 'ɔɔn ‑wa ‑a ‑wa nɩ, 'ɔnya jie 'ɔa 'jʋgumʋ, 'ɔnya blörö Rasɛɛlëa nu. 32Lea nya bä nʋgbla 'lɩ, 'ɔnya ‑gu nyɩbɛjʋ. 'Ɔnya 'dara 'ɔɔn Rubɛɛn#29.32 Rubɛɛn: Ebrööwii 'lɩ 'ia ‑gbaa 'mrɛɛ 'i bä: 'jä, nyɩbɛjʋ.; 'be 'ɔa plɛklɩ 'ɔ nɩnɩa: «Yawe 'a 'na 'klʋɩ 'nyüsü 'ba, 'na dʋɔ nya ‑mlatɩ 'mɩ ‑waa.» 33'Ɔnya bä 'sɔɔwʋ nʋgbla 'lɩ, 'ɔnya ‑gu 'sɔɔwʋ nyɩbɛjʋ. 'Ɔ ‑nëma: «Yawe jre 'iin 'sɩrɩ 'na dʋɔ 'nyɩa' 'mɩ ‑wa, 'a 'ia ‑gʋ 'ɔ ‑nyɩ 'sɔɔwʋ 'mɩ ‑taa nɔ!» 'Ɔnya 'dara 'ɔɔn Simeɔɔn#29.33 Simeɔɔn: Ebrööwii 'lɩ 'ia ‑gbaa 'mrɛɛ 'i bä: 'nu 'wli.. 34'Ɔnya bä 'klaa nʋgbla 'lɩ, 'ɔnya ‑gu nyɩbɛjʋ. 'Ɔ ‑nëma: «'Na dʋɔ ‑ka ‑nëmä ‑mlatɩ 'mɩ 'lɩdɛrɩ ‑a tʋŋlɔ; 'be 'n ‑nyɩ 'ɔɔn nyɩbɛjü tää!» 'Ia ‑gʋ, 'ɔa 'nyrɩ bä Levii#29.34 Levii: Ebrööwii 'lɩ 'ia ‑gbaa bä: 'magbakä.. 35'Ɔnya bä 'klaa nʋgbla 'lɩ, 'ɔnya ‑gu nyɩbɛjʋ. 'Ɔ ‑nëma: «‑Taa nili nɩ, Yawe 'nëmä 'trɛɛ!» 'Ia ‑gʋ 'ɔnya 'dara 'ɔɔn Judaa#29.35 Judaa: Ebrööwii 'lɩ 'ia ‑gbaa bä: 'ɔ 'bʋala.. 'Ɔnya 'nyüglö ‑gugukʋ.
Currently Selected:
Jenɛɛsë 29: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jenɛɛsë 29
29
Jakɔɔbë 'tɔa' Labaan a ‑nyɛɛ
1Jakɔɔbë nya sɔwʋ 'ɔnya mi 'blɩlɩ bäa' 'jrʋa 'wʋsɔrɔfa 'wʋ, 'ia 'pɛlɩ. 2'Ɔnya ‑fu 'nɩbütügba ‑wälɩ putua 'mlɩ, 'ɔ 'järä 'äa ‑gba ‑bablëë 'cakla mlaa, 'üa mlaa ‑glügbü tää, 'ü 'pala ɩ 'äa ‑gba ‑fʋflʋ. 'Be 'a 'nɩbütöläa 'nɩ 'ü 'mlaa. 'Täkä kpakö 'ŋʋɛrɛ 'nɩ bütölä 'klɩ. 3'Ii mlaa 'fɩɔ ma trara, nyüü ma ‑gbugble 'täkälä 'kä 'ü ma 'baalɩ 'ään 'klɩ, 'ü ma bɩa 'üün 'nɩ ‑nyɩnyɩkʋ nɩ, 'kä 'ü 'pie 'lɩ 'klɩ 'täkälä. 4Jakɔɔbë nya 'bete mla ‑gbanyɛrɛnyüülü: «'Na ‑wlajü 'amɩ, bätä 'plɛɛa 'mlɩ 'a sɔ le?» 'Ü ‑nëma: «Araan bätä a sɔ.» 5'Ɔnya 'bete: «'A jre Nakɔɔrëa 'jʋ, Labaan?» 'Ü ‑nëma: «‑Yɛɛ, a jre 'ɔɔn.» 6'Iibäa' 'ɔɔn: «'Ɔa fugba 'na?» 'Ü ‑nëma: «‑Yɛɛ, 'ɔa fugba 'na. ‑Jää 'ɔa 'jʋ Rasɛɛlë ja mlaa 'ɔ jö.» 7Jakɔɔbë ‑nëma: «‑Jää, 'jrʋ 'a ‑sopuplö, ‑mää mlaa ‑gbaplaplataɩn ‑a. 'Ba ‑nyɩ mlaalë 'nɩ, 'kä 'a fa 'üün 'ümä 'sipi ji.» 8'Ünya ‑gbala 'ɔɔn, ‑maa: «Anyɩ 'mrɛɛ ‑a mrɛɛ, mlaa kä 'ümä trara 'fɩɔwʋ ‑a ji amä 'nɩbütöa 'klɩ 'täkä 'ba; ‑bɛ amä 'üün 'nɩ ‑nyɩ 'ümä 'mla.»
9'Ɔ ‑ka 'paa ɩ wii dotro Rasɛɛlë nya 'tɔ; 'ɔ ja 'ɔa tʋa mlaa, 'be ‑bablëëgbanyɛrɛŋlʋʋ 'ɔ bä. 10Jakɔɔbë 'jäa' 'ɔa 'yioa ‑wlajʋ Labaan a 'ŋlëkayria Rasɛɛlë nyra 'ɔa 'yioa ‑wlajʋa mlaa nɩ, 'ɔnya mi 'ɔnya 'balɩ 'täkälä kpa ɩa' 'nɩbütölä 'klɩ; 'ɔnya ‑nyɩ 'ɔa 'yioa ‑wlajʋa mlaa 'nɩ 'ünya 'mla. 11'Ɔnya ‑gbere Rasɛɛlë, ‑bɛ 'ɔ 'wuö. 12'Ɔnya ‑gbala 'ɔɔn 'sɩrɩ 'ɔ bäa' 'ɔa tʋa 'wʋwʋnyɔɔ, 'sɩrɩ 'ɔ bäa Rebekaa 'jʋ. Rasɛɛlë nya fɔ 'ɔnya mi 'iin 'ɔa tʋ ‑gbalakalɩ. 13Labaan 'nua' 'ɔa ‑wladia 'jʋ Jakɔɔbëa ‑gä 'wli nɩ, fʋfɔlʋ 'ɔ ja 'ɔnya ji 'ɔɔn ‑gbere. 'Ɔnya fa 'ɔɔn ‑gbööli. Jakɔɔbë nya 'saralɩ 'ɔɔn wiili kä 'fɩɔ ‑sia'. 14Labaan ‑nëma: «'N jre 'saa ‑mɔ bä 'na 'kɔʋ nyra 'na 'jajɛ#29.14 ‑mɔ bä 'na 'kɔʋ nyra 'na 'jajɛ: 'Ia ‑gbaa bä: ‑mɔ bä 'na 'mlɔɔa ‑toru.!» Jakɔɔbë ‑si Labaan a ‑nyɛɛ ‑seple 'dee.
Lea nyra Rasɛɛlë
15Labaan nya ‑gbala Jakɔɔbë: «‑Mää dɛɛlɛ kä ‑gʋ bäa' 'na nyɔɔ ‑mää 'ia ‑gʋ ‑nëmä 'na 'jrʋpa ‑fɛ 'flɛɛlɩ. ‑Gbala 'mɩ dɛɛlɛ 'nëmäa' ‑mɩ 'pɛɛ?» 16Labaanlɔ nɩ, 'ɔ kä 'ŋlëkayörü 'sɔɔ: kpaköa nʋa 'nyrɩ bä Lea, blaaadɩɔa 'nyrɩ bä Rasɛɛlë.
17Lea 'klaa 'mʋfa nyü, ‑maa Rasɛɛlë 'na 'ɔ bɩarɩ 'ŋlʋʋ. 18Jakɔɔbë ‑wa Rasɛɛlë, 'ɔ ‑nëma: «'Nyaa ‑na ‑nyɛɛ ‑sɩ ‑uunsɔɔa 'jrʋpa ‑fɛɛɛrɛa, bɛ ‑mä 'mɩ ‑na 'ŋlëkayria Rasɛɛlë ‑nyɩ 'mä 'ɔɔn kä.» 19Labaan ‑nëma: «'I ‑siwʋ ‑a ‑nyɩ ‑mɩ 'ɔɔn, 'kä 'mä 'ɔɔn nyɔɔ ‑moloo ‑nyɩ la! 'Nya 'nyie tɩɔ!» 20'Asɩ Jakɔɔbë nʋ 'ɔnya ‑fɛ ‑sɩ ‑uunsɔɔa 'jrʋpa Rasɛɛlëa ‑gʋ. Rasɛɛlëa ‑wawakʋa ‑gʋ, ‑sɩ ‑uunsɔɔ ‑si sɔsɔ 'ɔa 'nyü ‑gälɩ ‑beere jrüü.
21'Ɔa ‑sɩlɩ jräa' 'lɩ nɩ, 'ɔ ‑nëma: «‑Nyɩ 'mɩ 'na 'ŋlʋʋ 'mä 'ɔɔn kä 'be 'na 'jrʋpaa 'taɩn 'a bɩa!» 22Labaan nya tupo nyüülü kä 'fɩɔ kʋa' ‑tʋtʋlʋa ‑gälɩ, 'ɔnya nʋ ‑glɩsɩglɩsɩ kpaki. 23'Ia ‑gbiara nɩ, 'ɔnya fa 'ɔa 'ŋlëkayria Lea Jakɔɔbë, Jakɔɔbë nyra 'ɔɔn nya 'pi. 24Labaan nya ‑nyɩ 'ɔa 'ŋlëkayria Lea 'ɔa 'mʋgbɛa 'jrʋpafɛŋlʋʋlɔ 'ü 'daraa' Silipa 'ɔmä Lea ‑gbaji. 25'Ia ‑srɩ paa' nɩ, Jakɔɔbë 'mä 'ɔa ‑gba tɛkalɩ mi nɩ, Lea bäsaa! ‑Jää Jakɔɔbë 'bete Labaan: «‑Dɛplɛɛ kä ‑gʋ ‑nʋ 'saa 'mɩ le? ‑Mää Rasɛɛlëa ‑gʋ 'nyɩ ‑na 'jrʋpa ‑fɛ kpraalɩa ‑sɩ ‑uunsɔɔ? Dɛplɛɛ kä ‑gʋ ‑paa 'mɩ mlüü 'lɩ le?» 26'Iibäa' Labaan: «Ana 'bre nɩ, nyɔɔ 'nyɩ tɩ ‑plɩɩ kpaköa nɔ ‑bɛ 'ɔnyɩ 'tie blaadɩɔ ‑a. 27Bɩalɩ ‑taa nʋa 'titiöa 'sɔrɛ, ‑bɛ amä ‑mɩ ‑mɔlɔ ‑nyɩ, ‑bɛ ‑mä 'sɔɔwʋ 'na 'jrʋpa ‑fɛ ‑sɩ ‑uunsɔɔa 'mlɩ.»
28Jakɔɔbë nya 'nyie 'ɔ nyra Lea nya 'bla 'sɔrɛlɛ; Labaan nya ‑nyɩ 'ɔɔn Rasɛɛlë 'ɔmä 'ɔɔn kä. 29Labaan nya ‑nyɩ 'ɔa 'ŋlëkayria Rasɛɛlë 'ɔa 'mʋgbɛa 'jrʋpafɛŋlʋʋlɔ 'ü 'daraa' Bilia 'ɔmä Rasɛɛlë ‑gbaji. 30Jakɔɔbë nya jre bɩa Rasɛɛlë. 'Ɔ ‑wa 'ɔɔn 'ɔnya ‑si Lea 'wʋ. 'Ɔnya ‑fɛ 'sɔɔwʋ Labaan a 'jrʋpa ‑sɩ ‑uunsɔɔ.
Jakɔɔbëa 'jü
31Yawe jrea' 'saa Leaa dʋɔ 'nyɩ 'ɔɔn ‑wa ‑a ‑wa nɩ, 'ɔnya jie 'ɔa 'jʋgumʋ, 'ɔnya blörö Rasɛɛlëa nu. 32Lea nya bä nʋgbla 'lɩ, 'ɔnya ‑gu nyɩbɛjʋ. 'Ɔnya 'dara 'ɔɔn Rubɛɛn#29.32 Rubɛɛn: Ebrööwii 'lɩ 'ia ‑gbaa 'mrɛɛ 'i bä: 'jä, nyɩbɛjʋ.; 'be 'ɔa plɛklɩ 'ɔ nɩnɩa: «Yawe 'a 'na 'klʋɩ 'nyüsü 'ba, 'na dʋɔ nya ‑mlatɩ 'mɩ ‑waa.» 33'Ɔnya bä 'sɔɔwʋ nʋgbla 'lɩ, 'ɔnya ‑gu 'sɔɔwʋ nyɩbɛjʋ. 'Ɔ ‑nëma: «Yawe jre 'iin 'sɩrɩ 'na dʋɔ 'nyɩa' 'mɩ ‑wa, 'a 'ia ‑gʋ 'ɔ ‑nyɩ 'sɔɔwʋ 'mɩ ‑taa nɔ!» 'Ɔnya 'dara 'ɔɔn Simeɔɔn#29.33 Simeɔɔn: Ebrööwii 'lɩ 'ia ‑gbaa 'mrɛɛ 'i bä: 'nu 'wli.. 34'Ɔnya bä 'klaa nʋgbla 'lɩ, 'ɔnya ‑gu nyɩbɛjʋ. 'Ɔ ‑nëma: «'Na dʋɔ ‑ka ‑nëmä ‑mlatɩ 'mɩ 'lɩdɛrɩ ‑a tʋŋlɔ; 'be 'n ‑nyɩ 'ɔɔn nyɩbɛjü tää!» 'Ia ‑gʋ, 'ɔa 'nyrɩ bä Levii#29.34 Levii: Ebrööwii 'lɩ 'ia ‑gbaa bä: 'magbakä.. 35'Ɔnya bä 'klaa nʋgbla 'lɩ, 'ɔnya ‑gu nyɩbɛjʋ. 'Ɔ ‑nëma: «‑Taa nili nɩ, Yawe 'nëmä 'trɛɛ!» 'Ia ‑gʋ 'ɔnya 'dara 'ɔɔn Judaa#29.35 Judaa: Ebrööwii 'lɩ 'ia ‑gbaa bä: 'ɔ 'bʋala.. 'Ɔnya 'nyüglö ‑gugukʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.