Jenɛɛsë 26
26
Isaakë nyra Abimɛlɛkë
1'Ia 'fɩɔ ‑sia' nɩ, ‑gbëkananiea ‑gbëkananie nya pa kä 'ia 'blɩlɩa 'fɩɔa ‑gälɩ; 'ä ‑si ‑mälä pa käa' Abraamëa 'taɩnlɩ 'wʋ. Isaakë nya mi Gelaabätä, Filisëtënyüüa 'kɩɩ Abimɛlɛkëa 'jäkalɩ. 2Yawe nya 'tɔrɔ Isaakë 'klɩ 'ɔ ‑nëma: «‑Nyɩ mi Ejiipëtëa 'bre! ‑Maa ‑tʋtʋlʋ 'nëmäa' ‑mɩ srara 'ua ‑gälɩa kʋ. 3Kʋ ‑kätɩ ‑taa 'blɩlɩa ‑gälɩ; 'n bä ‑plɩɩ ‑na ‑gʋ, 'nyaa ‑mɩ 'nɩ 'paa, 'be ‑mɔ ‑bɛ ‑na 'jüa 'jü kɔsɔ 'nyaa 'amɩ ‑taa ‑tʋtʋlʋ kä 'fɩɔ kʋa' ‑pɩ ‑nyɩa. Wiili 'n 'sɔrɩ käa' ‑na tʋ Abraamëa 'klɩ, 'nyaa 'iin nʋa. 4'Nyaa ‑na 'jü ‑gälɩ 'paplaa ‑gböösa ‑beere cɛlɩa ‑särë, 'nyaa 'üün ‑taa ‑tʋtʋlʋa 'fɩɔ ‑nyɩa. ‑Na 'jü kälɩ 'nëmä ‑sröröa ‑bɛ 'mä ‑tʋtʋ ‑gälɩa 'blɩa 'fɩɔ 'nɩ 'pa. 5'Be Abraamë 'ba 'na papawii wiiwʋ, 'ɔnya ‑träärälɩ 'na ‑dɔlʋ kä 'fɩɔ 'n ‑nyɩa' 'ɔɔn.» 6'Ia ‑gʋ Isaakë kʋ Gelaabätä.
7Bätäläa 'mlɩa nyüü ma 'betre 'ɔɔn 'ɔa 'ŋlʋʋa ‑gä 'lɩ nɩ, 'kä 'ɔ nö: «'Na ‑wladia bäsaa.» 'Be 'ɔa 'ŋlʋʋ Rebekaa 'na kä, 'ü 'mrɛɛ ü 'bla kä 'ɔɔn 'ɔa 'ŋlʋʋlɔa ‑gʋ. 'Ii ma kä 'ɔɔn ŋalɛ 'wʋ 'ɔmä 'üün ‑gbala ‑maa: «'Na 'ŋlʋʋ bäsaa.» 8'Ɔ ‑sööa' jrüüa 'doo nɩ, 'taɩn 'doo 'lɩ Filisëtënyüüa 'kɩɩ Abimɛlɛkë ‑pʋpɔ ɩ 'ɔa nyukua ‑pumëmla 'lɩ, 'ɔnya 'jä Isaakë ‑bɛ 'ɔa 'ŋlʋʋ Rebeka, 'ü papla bei 'lɩ ‑bɛ 'ü ‑wlɛɛ ɩ. 9Abimɛlɛkë nya blɔ nyɔɔ ɔ we Isaakë; 'ɔnya ‑gbala 'ɔɔn: «'N jresaa ‑na 'ŋlʋʋ kʋ ‑pɩ! ‑Bɛ dɛplɛɛ kä ‑gʋ 'daa: ‹'Na ‑wladia 'ɔ bä le?› » 'Iibäa' Isaakë: «'Na plɛɛ, 'ünya 'mɩ 'blaa 'ɔa ‑gʋ.» 10'Iibäa' Abimɛlɛkë nɩ: «Dɛplɛɛ kä ‑gʋ ‑nʋ 'saa amɩ le? Diijie tɩɔlɩ 'na nyüüa ‑tɔrʋpɩɔa nyɔɔ nyra ‑na 'ŋlʋʋ 'mä ɩ 'pi, 'kä ‑nya ɩ amɩ ‑gisitrɔrɔ!» 11'Ia ‑gʋ Abimɛlɛkë nya 'palɩ ‑dɔ, 'ɔnya ‑gbala 'ɔa nyüüa 'fɩɔ: «Nyɔɔlɔ 'mäa' ‑taa nyɔɔlɔ 'aiɛ 'ɔa 'ŋlʋʋ ‑gbafɛ, 'ia nyɔɔlɔ bä jäjänyɔɔ.»
12Isaakë nya pla papladii 'üa 'brea ‑tʋtʋ ‑gälɩ. 'Ia ‑sʋlʋa 'mlɩ, 'ɔa papladii 'wʋlɩmlɩ ‑gböösa; 'ɔa papladii 'wʋlɩ mlɩ 'wʋ ‑glʋɩgböö 'wʋ (100). 'Be Yawe 'paa 'ɔɔn 'nɩ. 13Nyɔɔlɔ jö 'bɩɔ, 'ɔa käkädii 'paplagälɩa 'doo, 'ɔnya ji 'bɩɔ ‑gböösa. 14'Ɔa mlaa, 'ɔa ‑bablëë nyra 'ɔa bruu ‑sümlö; 'ɔa 'jrʋpafɛnyüü ‑sümlö bɩa. Filisëtënyüü nya tʋ 'ia wasä.
Isaakë nyra Abimɛlɛkë 'sɔa kuö
15'Ɔa tʋ Abraamëa 'taɩn 'lɩ, 'nɩbütügbülü kä 'fɩɔ 'ɔa tʋa 'jrʋpafɛnyüü ‑go käa' nɩ, Filisëtënyüü 'papa 'üa 'fɩɔa 'mlɩ ‑tʋtʋ 'ünya kala 'ümɩ. 16Abimɛlɛkë nya ‑gbala Isaakë: «'Cie ana bätä! 'Be ‑na 'klü ‑si ana nü 'wʋ ‑gböösa!» 17Isaakë nya sɔ 'lɩ, 'ɔnya mi Gelaa 'käblatʋtʋ ‑gälɩ kʋkalɩ.
18'Ɔa tʋ Abraamëa 'taɩn 'lɩa 'nɩbütügbülü 'ɔa tʋa 'jrʋpafɛnyüü ‑go käa' ‑bɛ Filisëtënyüü kala käa', 'taɩn 'lɩ 'ɔ jäa' nɩ, 'üü Isaakë 'patä 'ɔ ‑go. 'Ɔnya ‑nyɩ 'nɩbütügbülü 'nyrɩ 'doo 'lɩ 'ɔa tʋ ‑nyɩ käa' 'üün. 19Isaakëa 'jrʋpafɛnyüü nya ‑go 'käblatʋtʋlʋa ‑gälɩ ‑go ‑go 'ünya 'jrä 'mʋfa nɩ ‑gälɩ. 20Gelaa mlaa ‑gbanyɛrɛnyüü nya ja Isaakëa mlaa ‑gbanyɛrɛnyüü 'blarʋ; ‑jäsɩ 'ü ‑gbalaa' 'üün: «Ana 'nɩ bäsaa!» 'Ia ‑gʋ 'ɔnya 'dara 'nɩbütügbülü, Esɛɛkë#26.20 Esɛɛkë: 'Ia ‑gbaa bä: ‑Topokʋ Ebrööwii 'lɩ., 'be 'ü nyra 'ɔɔn ‑toplo 'lɩ 'nɩa ‑gʋ. 21'Ünya ‑go 'nɩbütügba ‑mölö. 'Ünya 'patä 'ünya ja ‑Topokʋ ‑moloo. 'Ɔnya 'dara 'ään bɩa Sitina#26.21 Sitina: 'Ia ‑gbaa bä: 'Wlitotrokʋ Ebrööwii 'lɩ.. 22'Ɔnya mi ‑pɩɔ ‑mɩ 'doo 'ɔnya ‑go 'nɩbütügba ‑mölöö. 'Ü ‑kanyɩ 'ia nä ‑gälɩ ‑a ‑toplo; 'ɔnya 'dara 'ään Reobutë#26.22 Reobutë: 'Ia ‑gbaa bä: ‑Saplɛ kpakii Ebrööwii 'lɩ.. 'Ɔ ‑nëma: «'Be Yawe 'a amɩ ana kʋfa kpakö ‑nyɩ, anya 'lɩmlɩjraraa.»
23'Ɔ sɔa' ‑nyɛɛ, 'ɔnya mi Bɛɛseba. 24Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.» 25'A ‑plɩɩ 'ɔ 'pala ‑gbɔsatöwlö, 'a ‑plɩɩ 'ɔ ‑pʋplʋa Yawe. 'Ɔnya 'pala 'lɩ 'ɔa ‑tete. Isaakëa 'jrʋpafɛnyüü nya ‑goolo 'lɩ 'nɩbütügba.
26Abimɛlɛkë nya sɔ Gelaabätä, 'ɔ ‑bɛ 'ɔa ‑tɔɔlɩpanyɔɔ Ausatë nyra 'sʋgɩanyüüa 'kamanyɔɔ Fikɔlë, 'ünya ji ‑plɩɩlɩ 'ɔ bäa'.
27Isaakë nya 'bete 'üün: «Dɛplɛɛ kä ‑gʋ 'a ji ‑pɩ 'n bäa' le? 'Be 'a jrara 'mɩ 'nyüamlɩ 'anya prɛ 'mɩ 'ana bätä?» 28'Ü ‑nëma: «Anyaa' 'iin 'jä 'sɩrɩ Yawe bä 'tasɩrɩ ‑mɩ dɛrɩ. 'A 'ia ‑gʋ a 'daa: ‹A bibie ‑mɩ, abɩa 'sɔrɩkʋ bä amɔ ‑bɛ ‑mɔa ‑tɔrʋpɩɔ. 'Nyie amä kuö 'paa› 29'Sɔrɩ 'sɩrɩ ‑nëmäa' amɩ bʋbɔdɛɛ ‑gba nʋ. 'Sɩrɩ ana 'mʋgbɛ 'nyɩa' ‑mɩ bʋbɔgbi ‑gba nʋ, ‑bɛ a nʋa' ‑mɩ 'mʋfagbi ‑gba, a 'cɛrɛa' ‑mɩ ‑wälɩ ‑bɛ a 'nyɩa' ‑yrɛ be ‑bɛ ‑mia'. 'Saarɩ Yawe 'a ‑mɩ 'nɩ 'pa.» 30Isaakë nya nʋ ‑glɩsɩglɩsɩ kpaki; 'ünya jidɛɛ, 'ünya 'mla. 31‑Suwla ‑ŋʋɩsɩɩ 'ü tɛa' 'kä nɩ, ‑moloo nya 'sɔrɩ ‑moloo ‑gälɩ. Isaakë nya cɛrɛ 'üün ‑wälɩ, 'üa plɛ ‑gälɩ flɛrɛ 'ünya mi.
32'Ia jrüü 'doolüa 'mlɩ nɩ, Isaakëa 'jrʋpafɛnyüü nya ji 'ɔɔn 'nɩbütügbalä 'ü ‑goooa', 'äa ‑gogo 'sa. 'Ü ‑nëma: «Anyaa' 'nɩ 'jä.» 33'Ɔnya 'dara 'ään Seba. 'A 'ia ‑gʋ 'ü 'dara 'saarɩ 'ia bätälä: «Bɛɛseba#26.33 Bɛɛseba: 'I sɔrɔwʋ 'sɔɔwʋ Ebrööwiili, v. 28-31, 'be 'nyrɩlɩ bäa' Bɛɛseba 'ia ‑gbaa bä bɩa: 'Sɔrɩkʋa 'nɩbütü. Tɛ bɩa Jenɛɛsë 21.31..»
Esau käa' nyɔtugbaŋlëgë 'sɔɔ
34Esaua ‑sɩa ‑glʋɩsɔɔ 'ɔnya kä kä Itiŋlëgë 'sɔɔ. Sudiitë, Itinyɔɔ Beria 'ŋlëkayria; nyra Itinyɔɔ Elɔɔn a 'ŋlëkayria 'ü 'daraa' Basematë. 35'Üü fiere Isaakë nyra Rebekaa plɛ.
Currently Selected:
Jenɛɛsë 26: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Jenɛɛsë 26
26
Isaakë nyra Abimɛlɛkë
1'Ia 'fɩɔ ‑sia' nɩ, ‑gbëkananiea ‑gbëkananie nya pa kä 'ia 'blɩlɩa 'fɩɔa ‑gälɩ; 'ä ‑si ‑mälä pa käa' Abraamëa 'taɩnlɩ 'wʋ. Isaakë nya mi Gelaabätä, Filisëtënyüüa 'kɩɩ Abimɛlɛkëa 'jäkalɩ. 2Yawe nya 'tɔrɔ Isaakë 'klɩ 'ɔ ‑nëma: «‑Nyɩ mi Ejiipëtëa 'bre! ‑Maa ‑tʋtʋlʋ 'nëmäa' ‑mɩ srara 'ua ‑gälɩa kʋ. 3Kʋ ‑kätɩ ‑taa 'blɩlɩa ‑gälɩ; 'n bä ‑plɩɩ ‑na ‑gʋ, 'nyaa ‑mɩ 'nɩ 'paa, 'be ‑mɔ ‑bɛ ‑na 'jüa 'jü kɔsɔ 'nyaa 'amɩ ‑taa ‑tʋtʋlʋ kä 'fɩɔ kʋa' ‑pɩ ‑nyɩa. Wiili 'n 'sɔrɩ käa' ‑na tʋ Abraamëa 'klɩ, 'nyaa 'iin nʋa. 4'Nyaa ‑na 'jü ‑gälɩ 'paplaa ‑gböösa ‑beere cɛlɩa ‑särë, 'nyaa 'üün ‑taa ‑tʋtʋlʋa 'fɩɔ ‑nyɩa. ‑Na 'jü kälɩ 'nëmä ‑sröröa ‑bɛ 'mä ‑tʋtʋ ‑gälɩa 'blɩa 'fɩɔ 'nɩ 'pa. 5'Be Abraamë 'ba 'na papawii wiiwʋ, 'ɔnya ‑träärälɩ 'na ‑dɔlʋ kä 'fɩɔ 'n ‑nyɩa' 'ɔɔn.» 6'Ia ‑gʋ Isaakë kʋ Gelaabätä.
7Bätäläa 'mlɩa nyüü ma 'betre 'ɔɔn 'ɔa 'ŋlʋʋa ‑gä 'lɩ nɩ, 'kä 'ɔ nö: «'Na ‑wladia bäsaa.» 'Be 'ɔa 'ŋlʋʋ Rebekaa 'na kä, 'ü 'mrɛɛ ü 'bla kä 'ɔɔn 'ɔa 'ŋlʋʋlɔa ‑gʋ. 'Ii ma kä 'ɔɔn ŋalɛ 'wʋ 'ɔmä 'üün ‑gbala ‑maa: «'Na 'ŋlʋʋ bäsaa.» 8'Ɔ ‑sööa' jrüüa 'doo nɩ, 'taɩn 'doo 'lɩ Filisëtënyüüa 'kɩɩ Abimɛlɛkë ‑pʋpɔ ɩ 'ɔa nyukua ‑pumëmla 'lɩ, 'ɔnya 'jä Isaakë ‑bɛ 'ɔa 'ŋlʋʋ Rebeka, 'ü papla bei 'lɩ ‑bɛ 'ü ‑wlɛɛ ɩ. 9Abimɛlɛkë nya blɔ nyɔɔ ɔ we Isaakë; 'ɔnya ‑gbala 'ɔɔn: «'N jresaa ‑na 'ŋlʋʋ kʋ ‑pɩ! ‑Bɛ dɛplɛɛ kä ‑gʋ 'daa: ‹'Na ‑wladia 'ɔ bä le?› » 'Iibäa' Isaakë: «'Na plɛɛ, 'ünya 'mɩ 'blaa 'ɔa ‑gʋ.» 10'Iibäa' Abimɛlɛkë nɩ: «Dɛplɛɛ kä ‑gʋ ‑nʋ 'saa amɩ le? Diijie tɩɔlɩ 'na nyüüa ‑tɔrʋpɩɔa nyɔɔ nyra ‑na 'ŋlʋʋ 'mä ɩ 'pi, 'kä ‑nya ɩ amɩ ‑gisitrɔrɔ!» 11'Ia ‑gʋ Abimɛlɛkë nya 'palɩ ‑dɔ, 'ɔnya ‑gbala 'ɔa nyüüa 'fɩɔ: «Nyɔɔlɔ 'mäa' ‑taa nyɔɔlɔ 'aiɛ 'ɔa 'ŋlʋʋ ‑gbafɛ, 'ia nyɔɔlɔ bä jäjänyɔɔ.»
12Isaakë nya pla papladii 'üa 'brea ‑tʋtʋ ‑gälɩ. 'Ia ‑sʋlʋa 'mlɩ, 'ɔa papladii 'wʋlɩmlɩ ‑gböösa; 'ɔa papladii 'wʋlɩ mlɩ 'wʋ ‑glʋɩgböö 'wʋ (100). 'Be Yawe 'paa 'ɔɔn 'nɩ. 13Nyɔɔlɔ jö 'bɩɔ, 'ɔa käkädii 'paplagälɩa 'doo, 'ɔnya ji 'bɩɔ ‑gböösa. 14'Ɔa mlaa, 'ɔa ‑bablëë nyra 'ɔa bruu ‑sümlö; 'ɔa 'jrʋpafɛnyüü ‑sümlö bɩa. Filisëtënyüü nya tʋ 'ia wasä.
Isaakë nyra Abimɛlɛkë 'sɔa kuö
15'Ɔa tʋ Abraamëa 'taɩn 'lɩ, 'nɩbütügbülü kä 'fɩɔ 'ɔa tʋa 'jrʋpafɛnyüü ‑go käa' nɩ, Filisëtënyüü 'papa 'üa 'fɩɔa 'mlɩ ‑tʋtʋ 'ünya kala 'ümɩ. 16Abimɛlɛkë nya ‑gbala Isaakë: «'Cie ana bätä! 'Be ‑na 'klü ‑si ana nü 'wʋ ‑gböösa!» 17Isaakë nya sɔ 'lɩ, 'ɔnya mi Gelaa 'käblatʋtʋ ‑gälɩ kʋkalɩ.
18'Ɔa tʋ Abraamëa 'taɩn 'lɩa 'nɩbütügbülü 'ɔa tʋa 'jrʋpafɛnyüü ‑go käa' ‑bɛ Filisëtënyüü kala käa', 'taɩn 'lɩ 'ɔ jäa' nɩ, 'üü Isaakë 'patä 'ɔ ‑go. 'Ɔnya ‑nyɩ 'nɩbütügbülü 'nyrɩ 'doo 'lɩ 'ɔa tʋ ‑nyɩ käa' 'üün. 19Isaakëa 'jrʋpafɛnyüü nya ‑go 'käblatʋtʋlʋa ‑gälɩ ‑go ‑go 'ünya 'jrä 'mʋfa nɩ ‑gälɩ. 20Gelaa mlaa ‑gbanyɛrɛnyüü nya ja Isaakëa mlaa ‑gbanyɛrɛnyüü 'blarʋ; ‑jäsɩ 'ü ‑gbalaa' 'üün: «Ana 'nɩ bäsaa!» 'Ia ‑gʋ 'ɔnya 'dara 'nɩbütügbülü, Esɛɛkë#26.20 Esɛɛkë: 'Ia ‑gbaa bä: ‑Topokʋ Ebrööwii 'lɩ., 'be 'ü nyra 'ɔɔn ‑toplo 'lɩ 'nɩa ‑gʋ. 21'Ünya ‑go 'nɩbütügba ‑mölö. 'Ünya 'patä 'ünya ja ‑Topokʋ ‑moloo. 'Ɔnya 'dara 'ään bɩa Sitina#26.21 Sitina: 'Ia ‑gbaa bä: 'Wlitotrokʋ Ebrööwii 'lɩ.. 22'Ɔnya mi ‑pɩɔ ‑mɩ 'doo 'ɔnya ‑go 'nɩbütügba ‑mölöö. 'Ü ‑kanyɩ 'ia nä ‑gälɩ ‑a ‑toplo; 'ɔnya 'dara 'ään Reobutë#26.22 Reobutë: 'Ia ‑gbaa bä: ‑Saplɛ kpakii Ebrööwii 'lɩ.. 'Ɔ ‑nëma: «'Be Yawe 'a amɩ ana kʋfa kpakö ‑nyɩ, anya 'lɩmlɩjraraa.»
23'Ɔ sɔa' ‑nyɛɛ, 'ɔnya mi Bɛɛseba. 24Yawe nya 'tɔrɔ 'ɔɔn 'klɩ 'ia ‑gbiara; 'Ɔnya ‑gbala 'ɔɔn ‑maa: «'Mɔɔ bä ‑na tʋ Abraamëa Nyɔsʋa; ŋalɛ 'nyɩ 'bla ‑mɩ, 'n bä ‑mɩ dɛrɩ. 'Na 'jrʋpafɛnyɔɔ Abraamëa ‑gʋ 'nyaa ‑mɩ 'nɩ 'paa, 'kä 'nyaa ‑na 'jüa 'jü ‑gälɩ 'paplaa.» 25'A ‑plɩɩ 'ɔ 'pala ‑gbɔsatöwlö, 'a ‑plɩɩ 'ɔ ‑pʋplʋa Yawe. 'Ɔnya 'pala 'lɩ 'ɔa ‑tete. Isaakëa 'jrʋpafɛnyüü nya ‑goolo 'lɩ 'nɩbütügba.
26Abimɛlɛkë nya sɔ Gelaabätä, 'ɔ ‑bɛ 'ɔa ‑tɔɔlɩpanyɔɔ Ausatë nyra 'sʋgɩanyüüa 'kamanyɔɔ Fikɔlë, 'ünya ji ‑plɩɩlɩ 'ɔ bäa'.
27Isaakë nya 'bete 'üün: «Dɛplɛɛ kä ‑gʋ 'a ji ‑pɩ 'n bäa' le? 'Be 'a jrara 'mɩ 'nyüamlɩ 'anya prɛ 'mɩ 'ana bätä?» 28'Ü ‑nëma: «Anyaa' 'iin 'jä 'sɩrɩ Yawe bä 'tasɩrɩ ‑mɩ dɛrɩ. 'A 'ia ‑gʋ a 'daa: ‹A bibie ‑mɩ, abɩa 'sɔrɩkʋ bä amɔ ‑bɛ ‑mɔa ‑tɔrʋpɩɔ. 'Nyie amä kuö 'paa› 29'Sɔrɩ 'sɩrɩ ‑nëmäa' amɩ bʋbɔdɛɛ ‑gba nʋ. 'Sɩrɩ ana 'mʋgbɛ 'nyɩa' ‑mɩ bʋbɔgbi ‑gba nʋ, ‑bɛ a nʋa' ‑mɩ 'mʋfagbi ‑gba, a 'cɛrɛa' ‑mɩ ‑wälɩ ‑bɛ a 'nyɩa' ‑yrɛ be ‑bɛ ‑mia'. 'Saarɩ Yawe 'a ‑mɩ 'nɩ 'pa.» 30Isaakë nya nʋ ‑glɩsɩglɩsɩ kpaki; 'ünya jidɛɛ, 'ünya 'mla. 31‑Suwla ‑ŋʋɩsɩɩ 'ü tɛa' 'kä nɩ, ‑moloo nya 'sɔrɩ ‑moloo ‑gälɩ. Isaakë nya cɛrɛ 'üün ‑wälɩ, 'üa plɛ ‑gälɩ flɛrɛ 'ünya mi.
32'Ia jrüü 'doolüa 'mlɩ nɩ, Isaakëa 'jrʋpafɛnyüü nya ji 'ɔɔn 'nɩbütügbalä 'ü ‑goooa', 'äa ‑gogo 'sa. 'Ü ‑nëma: «Anyaa' 'nɩ 'jä.» 33'Ɔnya 'dara 'ään Seba. 'A 'ia ‑gʋ 'ü 'dara 'saarɩ 'ia bätälä: «Bɛɛseba#26.33 Bɛɛseba: 'I sɔrɔwʋ 'sɔɔwʋ Ebrööwiili, v. 28-31, 'be 'nyrɩlɩ bäa' Bɛɛseba 'ia ‑gbaa bä bɩa: 'Sɔrɩkʋa 'nɩbütü. Tɛ bɩa Jenɛɛsë 21.31..»
Esau käa' nyɔtugbaŋlëgë 'sɔɔ
34Esaua ‑sɩa ‑glʋɩsɔɔ 'ɔnya kä kä Itiŋlëgë 'sɔɔ. Sudiitë, Itinyɔɔ Beria 'ŋlëkayria; nyra Itinyɔɔ Elɔɔn a 'ŋlëkayria 'ü 'daraa' Basematë. 35'Üü fiere Isaakë nyra Rebekaa plɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.