Galaatënyüü 5
5
'KRIISË 'BA AMƖ ‑DƆA ‑GEEIDƐƐ 'LƖ NYƆSƲAA ‑SUSU 'TIERE AMƖ
5.1–6.10
'Kriisë 'ba amɩ ‑dɔa ‑geeidɛɛ 'lɩ
1 'Kriisë 'ba amɩ ‑dɔa ‑geeidɛɛ 'lɩ, a ‑ka ‑pɩ ‑geei bä. 'Ii känyrɩ 'ba ‑sɔɔrɔwʋ 'wli 'klɩ. 'A ‑kanyɩ 'nyie, nyɔɔ ‑kanyɩ 'pa 'amɩ 'cɩ. 2'Ba ponyakli, 'mɔɔ 'Pɔɔlë, 'mɔɔ ‑gbala 'amɩ: 'ama 'bölö nɩ, 'Kriisë ‑kanyɩ ‑gbaa ‑a kä. 3'Amɔ 'n ‑gbala 'sɔɔwʋ: nyɔɔlɔ nëmäa' 'ɔa nyufa 'bö nɩ, 'ɔ kä 'ɔmä 'lɩ ‑dɔa 'fɩɔ ‑träärä. 4'Amɔ boboa' ‑maa ‑dɔa 'lɩträräkʋ nëmä 'amɩ 'klɩgä nɩ, 'a nyra 'Kriisë 'a ‑gbasɔsrɔ; 'a ‑kanyɩ Nyɔsʋaa ‑gbinanakʋ 'lɩ ‑a bä. 5‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ. 6'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii#5.6 Akëtë 5.13..
7'A ma fɔ#5.7 fɔ: 'Pɔɔlë ma 'pa fʋfɔlʋa ‑gä nɩ, Nyɔsʋaa wii 'lɩa 'bʋalakʋ 'ɔ 'daa. Tɛ Galaatënyüü 2.2 (tɛ ‑pɔɔkʋa bei ‑wälɩ); 1 Korɛɛntënyüü 9.26; 2 Timotee 4.7; Akëtë 20.24. 'cɩcasa 'la! Nyɔɔ 'plɛɛ 'kpla 'amɩ ‑bɛ 'a ‑kanyɩ ‑träärälɩ 'cɩcasa le? 8Wiili 'kplaa' 'amɩ nɩ, ‑mää Nyɔsʋalɔ wea' 'amɩ, ‑mää 'ɔa ‑nyɛɛ 'inyɩ sɔ. 9Levurë jie 'uu 'jrara bɔtɔfarinëa 'fɩɔ#5.9 Nyüülü 'paa' Galaatë mlüü 'lɩ 'üü 'Pɔɔlë 'dara 'saa, 'sɩrɩ nyɔɔ 'mäa' 'daa: «‑Fɛfɛsre 'dee 'ɛ bʋblɔ ‑srüa 'fɩɔ.». 10'Mɔɔlɔ nɩ, 'Pläkänyɔɔ 'sri 'na plɛ 'kä 'ana 'pɛ 'lɩ, 'sɩrɩ 'nyraa 'amɔ 'klaaa' bobowli 'doo. ‑Maa nyɔɔlɔ 'caklaa' 'ana bobowii 'lɩ nɩ, 'sɩmɩ 'ɔnyɩ bä, Nyɔsʋa nya 'ɔɔn 'pɔnɩa. 11'Mɔɔlɔ nɩ, 'na ‑wlajü 'amɩ, ima 'daa nyüü 'n ‑gbala ü 'bölö nɩ, dɛplɛɛ kä ‑gʋ 'ü ‑ka nö 'mɩ ‑gbi ‑gba le? 'Be ima bä 'iin nɩ, krʋaa ‑gogo#5.11 krʋaa ‑gogo: Dɛɛlɛ kä ‑gʋ 'Pɔɔlë 'paa' Jesua krʋaa ‑gälɩ järäkʋa ‑gʋ nɩ, 'inyɩ 'plɔʋ juifë 'tʋ ‑a kä. 'Ü nɩnɩa nyɔɔlɔ käa' ‑balʋ 'ɔɔ 'ü kolo krʋa ‑gälɩ. ‑ka ‑nëmä ɩ 'üa plɛklɩ ‑a fefe! 12Nyüülü 'caklaa' 'ana bobowii 'lɩ nɩ, ü 'balɩ 'ia nyɩbɛdiia 'fɩɔ#5.12 Deteronɔɔmë 23.1-2.!
Nyɔsʋaa ‑Susu 'tiere amɩ
13'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa#5.13 Galaatënyüü 5.6.. 14'Be ‑dɔa 'fɩɔ 'pala waklöö 'döö 'lɩ, 'ä bä: «'Sɩrɩ ‑waa' ‑na nyufa nɩ, ‑wa 'saa ‑na ‑moloo#5.14 Rɔmënyüü 13.8-10; Levitiikë 19.18..» 15‑Maa 'ama mömlö 'lɩ 'ana ‑tɔrʋpɩɔ ‑beere mlaa, ‑bɛ 'ama 'babla 'lɩ nɩ, 'ba ‑tre 'ana nyüfë 'a ‑pɩ 'lɩbɩa. 16'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ. 17'Be bʋbɔgbili käa' plɛ 'tʋ nɩ, ‑mää 'iin 'nyɩ ‑Susu 'tʋkä. ‑Bɛ ‑mɩlɩ käa' ‑Susu 'tʋ nɩ, ‑mää 'iin plɛ 'nyɩ plɛ 'tʋkä. 'Ü jajranyüüa 'mlɩ, 'kä wiili 'a 'bataa' 'a ‑pɩ 'iin nʋ. 18‑Maa ima 'daa ‑Susu 'tiere 'amɩ nɩ, 'a ‑kanyɩ ‑dɔa ‑goou ‑a bä. 19‑Bɛ nyüüa 'fɩɔ jre nyɔɔa bʋbɔplɛa 'jrʋpa, 'ää bä: bätësa, ‑sagbili Nyɔsʋa 'nyɩ 'bataa', nʋnʋgbili plaa' ‑fre 'lɩ, ‑nyɩ 'ba ‑na nyufa nyɔɔ 'wʋ, 20‑wäsɩa ‑pʋpʋakʋ, ‑gëglä 'papakʋ, 'crɛ 'mlɩpapakʋ, 'blarakʋ, wasä käkäkʋ, 'crɛ käkäkʋ, ‑gbakäklɛkʋ, ‑gbasɔsrɔkʋ, dɛrɩsɔsrɔkʋ, 21dɛɛnyükäkäkʋ, nyüübablakʋ, 'nʋbablakʋ, jijri jijikʋ nyra dii ‑mɩlɩ 'i nyra 'iin bäa' dɛɛ 'dee. 'Amɔ 'n ‑gbala dotro, ‑bɛ 'n 'paa 'amɩ plɛ, 'sɩrɩ nyüülü nöa' 'ia 'samaa diili nɩ, 'üa kʋfa 'nyɩ Nyɔsʋaa 'kamaplä ‑a bä. 22‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ#5.22 ‑gbinanakʋ nyra jre ‑na 'mʋgbɛa 'kpakplakʋ: ‑Grɛɛkë kätɩpɔɔkɩ ‑mɩdoo ‑tʋʋä ‑taa waklüülü 23 'lɩ.; 23‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na. 24Nyüülü bäa' Jesu#5.24 Jesu: ‑Taa ‑waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.
25Ama 'daa ‑Susu ‑nyɩ amɩ 'klä nɩ, a cɛrɛ ‑Susu ‑wälɩ 'umä amɩ 'tiere ‑bɛ amä 'nyɛ. 26Anyɩ ‑gbalɩ, a ‑pɩ ana ‑tɔrʋpɩɔ plɛklɩfefekʋ nyra wasä ja.
Currently Selected:
Galaatënyüü 5: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Galaatënyüü 5
5
'KRIISË 'BA AMƖ ‑DƆA ‑GEEIDƐƐ 'LƖ NYƆSƲAA ‑SUSU 'TIERE AMƖ
5.1–6.10
'Kriisë 'ba amɩ ‑dɔa ‑geeidɛɛ 'lɩ
1 'Kriisë 'ba amɩ ‑dɔa ‑geeidɛɛ 'lɩ, a ‑ka ‑pɩ ‑geei bä. 'Ii känyrɩ 'ba ‑sɔɔrɔwʋ 'wli 'klɩ. 'A ‑kanyɩ 'nyie, nyɔɔ ‑kanyɩ 'pa 'amɩ 'cɩ. 2'Ba ponyakli, 'mɔɔ 'Pɔɔlë, 'mɔɔ ‑gbala 'amɩ: 'ama 'bölö nɩ, 'Kriisë ‑kanyɩ ‑gbaa ‑a kä. 3'Amɔ 'n ‑gbala 'sɔɔwʋ: nyɔɔlɔ nëmäa' 'ɔa nyufa 'bö nɩ, 'ɔ kä 'ɔmä 'lɩ ‑dɔa 'fɩɔ ‑träärä. 4'Amɔ boboa' ‑maa ‑dɔa 'lɩträräkʋ nëmä 'amɩ 'klɩgä nɩ, 'a nyra 'Kriisë 'a ‑gbasɔsrɔ; 'a ‑kanyɩ Nyɔsʋaa ‑gbinanakʋ 'lɩ ‑a bä. 5‑Maa amɔlɔ nɩ, a jre 'iin ana nyɔsʋaplɛtorokʋ kälɩ Nyɔsʋa 'mä ‑srörö ‑bɛ 'ɔmä 'daa a ‑gäklɩ. 'Ii a ‑glaara ‑Susu 'lɩ. 6'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii#5.6 Akëtë 5.13..
7'A ma fɔ#5.7 fɔ: 'Pɔɔlë ma 'pa fʋfɔlʋa ‑gä nɩ, Nyɔsʋaa wii 'lɩa 'bʋalakʋ 'ɔ 'daa. Tɛ Galaatënyüü 2.2 (tɛ ‑pɔɔkʋa bei ‑wälɩ); 1 Korɛɛntënyüü 9.26; 2 Timotee 4.7; Akëtë 20.24. 'cɩcasa 'la! Nyɔɔ 'plɛɛ 'kpla 'amɩ ‑bɛ 'a ‑kanyɩ ‑träärälɩ 'cɩcasa le? 8Wiili 'kplaa' 'amɩ nɩ, ‑mää Nyɔsʋalɔ wea' 'amɩ, ‑mää 'ɔa ‑nyɛɛ 'inyɩ sɔ. 9Levurë jie 'uu 'jrara bɔtɔfarinëa 'fɩɔ#5.9 Nyüülü 'paa' Galaatë mlüü 'lɩ 'üü 'Pɔɔlë 'dara 'saa, 'sɩrɩ nyɔɔ 'mäa' 'daa: «‑Fɛfɛsre 'dee 'ɛ bʋblɔ ‑srüa 'fɩɔ.». 10'Mɔɔlɔ nɩ, 'Pläkänyɔɔ 'sri 'na plɛ 'kä 'ana 'pɛ 'lɩ, 'sɩrɩ 'nyraa 'amɔ 'klaaa' bobowli 'doo. ‑Maa nyɔɔlɔ 'caklaa' 'ana bobowii 'lɩ nɩ, 'sɩmɩ 'ɔnyɩ bä, Nyɔsʋa nya 'ɔɔn 'pɔnɩa. 11'Mɔɔlɔ nɩ, 'na ‑wlajü 'amɩ, ima 'daa nyüü 'n ‑gbala ü 'bölö nɩ, dɛplɛɛ kä ‑gʋ 'ü ‑ka nö 'mɩ ‑gbi ‑gba le? 'Be ima bä 'iin nɩ, krʋaa ‑gogo#5.11 krʋaa ‑gogo: Dɛɛlɛ kä ‑gʋ 'Pɔɔlë 'paa' Jesua krʋaa ‑gälɩ järäkʋa ‑gʋ nɩ, 'inyɩ 'plɔʋ juifë 'tʋ ‑a kä. 'Ü nɩnɩa nyɔɔlɔ käa' ‑balʋ 'ɔɔ 'ü kolo krʋa ‑gälɩ. ‑ka ‑nëmä ɩ 'üa plɛklɩ ‑a fefe! 12Nyüülü 'caklaa' 'ana bobowii 'lɩ nɩ, ü 'balɩ 'ia nyɩbɛdiia 'fɩɔ#5.12 Deteronɔɔmë 23.1-2.!
Nyɔsʋaa ‑Susu 'tiere amɩ
13'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa#5.13 Galaatënyüü 5.6.. 14'Be ‑dɔa 'fɩɔ 'pala waklöö 'döö 'lɩ, 'ä bä: «'Sɩrɩ ‑waa' ‑na nyufa nɩ, ‑wa 'saa ‑na ‑moloo#5.14 Rɔmënyüü 13.8-10; Levitiikë 19.18..» 15‑Maa 'ama mömlö 'lɩ 'ana ‑tɔrʋpɩɔ ‑beere mlaa, ‑bɛ 'ama 'babla 'lɩ nɩ, 'ba ‑tre 'ana nyüfë 'a ‑pɩ 'lɩbɩa. 16'Ii känyrɩ, ‑jäsɩ 'n ‑gbalaa' 'amɩ nɩ: 'Ba 'cɛrɛ 'Nyüna ‑Susu ‑wälɩ 'umä 'amɩ 'tiere, 'a ‑pɩ bʋbɔgbili 'ana plɛ 'bataa' nʋ. 17'Be bʋbɔgbili käa' plɛ 'tʋ nɩ, ‑mää 'iin 'nyɩ ‑Susu 'tʋkä. ‑Bɛ ‑mɩlɩ käa' ‑Susu 'tʋ nɩ, ‑mää 'iin plɛ 'nyɩ plɛ 'tʋkä. 'Ü jajranyüüa 'mlɩ, 'kä wiili 'a 'bataa' 'a ‑pɩ 'iin nʋ. 18‑Maa ima 'daa ‑Susu 'tiere 'amɩ nɩ, 'a ‑kanyɩ ‑dɔa ‑goou ‑a bä. 19‑Bɛ nyüüa 'fɩɔ jre nyɔɔa bʋbɔplɛa 'jrʋpa, 'ää bä: bätësa, ‑sagbili Nyɔsʋa 'nyɩ 'bataa', nʋnʋgbili plaa' ‑fre 'lɩ, ‑nyɩ 'ba ‑na nyufa nyɔɔ 'wʋ, 20‑wäsɩa ‑pʋpʋakʋ, ‑gëglä 'papakʋ, 'crɛ 'mlɩpapakʋ, 'blarakʋ, wasä käkäkʋ, 'crɛ käkäkʋ, ‑gbakäklɛkʋ, ‑gbasɔsrɔkʋ, dɛrɩsɔsrɔkʋ, 21dɛɛnyükäkäkʋ, nyüübablakʋ, 'nʋbablakʋ, jijri jijikʋ nyra dii ‑mɩlɩ 'i nyra 'iin bäa' dɛɛ 'dee. 'Amɔ 'n ‑gbala dotro, ‑bɛ 'n 'paa 'amɩ plɛ, 'sɩrɩ nyüülü nöa' 'ia 'samaa diili nɩ, 'üa kʋfa 'nyɩ Nyɔsʋaa 'kamaplä ‑a bä. 22‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ#5.22 ‑gbinanakʋ nyra jre ‑na 'mʋgbɛa 'kpakplakʋ: ‑Grɛɛkë kätɩpɔɔkɩ ‑mɩdoo ‑tʋʋä ‑taa waklüülü 23 'lɩ.; 23‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na. 24Nyüülü bäa' Jesu#5.24 Jesu: ‑Taa ‑waklöölä 'nyɩ grɛɛkë kätɩpɔɔkɩ ‑mɩdooa 'mlɩ ‑a bä. 'Kriisë 'lɩ nɩ, 'ü kolo diili plɛ ‑waa' nyra bʋbɔgbili käa' 'ɛɛn 'tʋ krʋa ‑gälɩ.
25Ama 'daa ‑Susu ‑nyɩ amɩ 'klä nɩ, a cɛrɛ ‑Susu ‑wälɩ 'umä amɩ 'tiere ‑bɛ amä 'nyɛ. 26Anyɩ ‑gbalɩ, a ‑pɩ ana ‑tɔrʋpɩɔ plɛklɩfefekʋ nyra wasä ja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.