Akëtë 7

Wiili Etiɛɛnë 'palaa' juifëa Tropina 'lɩ

1 ‑Gbɔsapɛrɩnyɔɔ kpakö nya 'bete 'ɔɔn: «Wiili 'ü 'saalɩ, 'cɩcasa bäsaa?» 2'Iibäa' Etiɛɛnë: «'Na tʋɩɩ 'amɩ ‑bɛ 'na ‑wlajü 'amɩ, 'ba ponyakli ‑o! Ana Nyɔsʋa ɔ 'bʋaa' 'wliklɩ, 'ɔ srara kä 'ɔa nyufa ana tʋ Abraamë 'taɩn 'lɩ 'ɔ ma kʋ käa' Mesopotamiinyüüa 'bre, 'fɩɔwʋ 'ɔnya 'mä Araabätä 'prɛrɛ. 3'Ɔnya ‑gbala Abraamë: Sɔ ‑na 'bre nyra ‑na nyüü ‑gba, mi 'blɩlɩ 'nëmäa' ‑mɩ srara 'ia 'mlɩ#7.3 Jenɛɛsë 12.1.. 4Abraamë nya sɔ Kalëdeenyüüa 'bre 'ɔnya mi Araa kʋkalɩ. 'Ɔa tʋ jäa' nɩ, Nyɔsʋa nya 'ba ‑nyɛɛ 'ɔɔn, 'ɔnya ja ‑tɛ 'ɔɔn ‑taa 'blɩlɩ kä 'mlɩ 'a kʋa' ‑plɩɩ#7.4 Jenɛɛsë 11.31; 12.4-5.. 5'Ɔnyɩ 'nɩmɩ 'ɔɔn ‑tʋtʋ 'pɛ 'dee ‑a ‑nyɩ, 'pɛjɔ jräa' 'ɔa boklu 'ɔnyɩ 'ɔmɩ 'ɔɔn ‑a ‑nyɩ. ‑Maa 'ɔ ‑gbala kä 'ɔɔn 'ɔnya 'ɔmɩ 'uun ‑nyɛɛa 'ɔɔ ‑bɛ 'ɔa 'jüa 'jü. 'Be 'ɔnyɩ kä 'jʋ ‑a kä#7.5 Jenɛɛsë 12.7; 13.15; 15.18; 17.8; 48.4.. 6Nyɔsʋa nya ‑gbala 'ɔɔn: 'Blɩlɩ kä 'mlɩ ‑na 'jü 'mäa' kʋ nɩ, ‑mää 'üa 'bre ‑a; ‑gooudɛɛ 'ü nëmä 'lɩnrörö, 'ünya 'üün ‑gbigba nʋ nʋ ‑sɩa ‑duu (400). 7‑Maa 'blɩlɩ nëmäa' 'üün ‑geeidɛɛ 'lɩnrörö nɩ, 'na 'mʋgbɛ nya 'blɩlɩa ‑gä 'böa. 'Ia 'fɩɔlʋ ma ‑si nɩ, 'kä 'ünya 'blɩlɩa 'mlɩ sɔ 'ümä ‑tɛ 'mɩ bibrie#7.6-7 Jenɛɛsë 15.13-14; Ɛgësɔɔdë 3.12.. 8Nyɔsʋa nyra Abraamë nya 'pa kuö; nyɩberüa 'böbökʋ bä kä kuöa tie. 'Ii känyrɩ 'taɩn 'lɩ Abraamë ‑gua' Isaakë nɩ, 'ɔ 'bö 'ɔɔn jrüü ‑uuntääa ‑srɩ 'lɩ. Isaakë ‑gua' Jakɔɔbë nɩ, 'ɔnya 'bö 'ɔɔn; Jakɔɔbëa 'mʋgbɛ nya nʋ ‑glügbü ‑pʋ ‑bɛ 'sɔɔläa ni.

9«Ana tʋɩɩa tʋɩɩlü nɩ, 'taɩn 'lɩ 'ü ‑tʋa' Josɛɛfëa wasä nɩ, 'ünya 'pala 'ɔɔn Ejiipëtënyüü ‑gba 'peru. ‑Maa Nyɔsʋa bä kä 'ɔɔn dɛrɩ#7.9 Jenɛɛsë 37.11,28; 39.2-4.. 10'Ɔnya 'ba 'ɔɔn 'ɔa ‑sʋɩa 'fɩɔ 'lɩ. 'Ɔ ‑nyɩ 'ɔɔn wiijejrekʋ, 'ɔnya nʋ 'iin Ejiipëtëa 'kɩɩ Faraɔɔn nya ‑wa 'ɔɔn. 'Kɩɩlɔ nya ‑tʋ 'ɔɔn Ejiipëtë nyra 'ɔa ‑gböööa 'wliklɩ#7.10 Jenɛɛsë 41.39-41.. 11‑Gbëkananie nya pala Ejiipëtëa ‑tʋtʋ nyra Kanaan a 'fɩɔ ‑gälɩ. ‑Sʋɛlɛ bä käa' 'lɩ ‑mää 'ɛa ‑srɩ 'nyɩ 'pɛɛ, ana tʋɩɩa tʋɩɩ 'nyɩ 'jä kä jijrɛ ‑a 'ümä dɛɛji#7.11 Jenɛɛsë 41.57; 42.1-2.. 12'Taɩn 'lɩ Jakɔɔbë 'nua' ‑maa jijri bä Ejiipëtë nɩ, 'ɔnya 'saklɩ 'ɔnya blɔ 'lɩ ana tʋɩɩ. 13'Ü ‑ka mia' 'sɔɔfa 'wʋ nɩ, Josɛɛfë nya ‑gbala 'ɔa ‑wlajü nyɔɔlɔ 'ɔ bäa'. Faraɔɔn nya jre 'ɔa nyüü. 14Josɛɛfë nya blɔ nyüü ü mi 'ɔa tʋ Jakɔɔbë nyra 'ɔa nyüüa 'fɩɔa 'klɛɛ; 'üa nyüüa ‑glʋɩtää ‑bɛ ‑pʋ ‑bɛ ‑gböö (75)#7.14 Jenɛɛsë 45.9-10,17-18.. 15'Ii känyrɩ Jakɔɔbë nya mi Ejiipëtë. 'A ‑nyɛɛ 'ɔ järä; 'ɔɔ ‑bɛ ana tʋɩɩa 'fɩɔ. 16'Ünya fa 'üa jäjäa nü Sikɛɛmëbätä, 'ünya ‑träärä 'üün Abraamëa 'kuyulu 'ɔ ‑su käa' 'ua 'mlɩ. Mölii 'ɔ nʋ 'ɔnya ‑srooro 'uun Sikɛɛmëbätäa tʋ Emɔɔrëa 'jü kälɩ#7.16 Sikɛɛmëbätäa tʋ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «Sikɛɛmëbätä 'lɩ»..

17«‑Bɛ 'taɩnlɩ wiili Nyɔsʋa ‑gbala käa' Abraamë 'cicrea' ‑wälɩ 'imäa' nrörö nɩ, ana ‑glügbö nya 'paplagälɩ, 'ünya ‑sümlö Ejiipëtë. 18'Kɩɩ ‑moloo nya 'mä Ejiipëtëa 'bre ji, ɔnyɩa' Josɛɛfë jre#7.18 Ɛgësɔɔdë 1.8-10.. 19Yrʋ 'ɔ ma 'sara ana 'fua nyüü ‑bɛ 'ɔ ma nö ana tʋɩɩ ‑gbigba. 'Ɔ ma kpɛrɛ 'üün 'üa 'jülü ‑glooroa' ‑plɩɩ ü tɩ 'üün ‑fälɩ 'ümä jä jä. 20'A 'ia 'taɩnlɩa 'mlɩ Moisë ‑glooro 'ɔ 'na kä 'ɔnya kä kä Nyɔsʋaa 'tʋ. 'Ü 'fini 'ɔɔn 'klɩ 'ɔa tʋa nyuku ‑wälɩ ‑söplü tää#7.20 Ɛgësɔɔdë 2.2.. 21'Taɩn 'lɩ 'ü bea' 'ɔɔn ‑fälɩ nɩ, Faraɔɔn a 'ŋlëkayria nya dɔrɔ 'ɔɔn 'wʋ, 'ɔnya 'bʋa 'ɔɔn ‑beere 'ɔa 'mʋgbɛa nyɩbɛjʋ#7.21 Ɛgësɔɔdë 2.3-10.. 22'Asɩ Moisë nʋ Ejiipëtënyüüa wiia 'fɩɔa jejrekʋ, ‑bɛ ɔma 'pawii nyüüa 'fɩɔ ‑träärälɩ 'ɔmɩ 'ɔa nʋnʋdiia 'fɩɔa 'mlɩ. 23'Ɔ 'jäa' ‑sɩa ‑glʋɩsɔɔ nɩ, 'ɔnya mi 'ɔa ‑wlajü 'jäkalɩ, Israɛɛlëa 'jü. 24'Ɔnya 'jä Ejiipëtënyɔɔ ‑bɛ 'ɔ nö Israɛɛlënyɔɔ 'doo ‑gbigba; 'ɔnya 'ba nyɔɔlɔa 'wli 'lɩa ‑gbi, 'ɔnya bɔtɔ Ejiipëtënyɔɔlɔ. 25'Ɔa plɛ nɩnɩa 'ɔa ‑wlajü jre 'iin 'sɩrɩ Nyɔsʋa 'bataa' 'ɔmäa' 'ɔɔn kälɩsrörö ‑bɛ 'ɔmäa' 'üün 'lɩmlɩba. ‑Maa 'ünyɩ 'iin 'wli ‑a 'nu. 26'Ia ‑srɩ ‑gbaa' 'kä nɩ, 'ɔnya 'jä ‑wlajü 'sɔɔ ‑bɛ 'ü ‑fuuö. 'Ɔnya 'pa 'üün ‑tɔɔ 'lɩ ü 'nönröwli, 'ɔnya ‑gbala 'üün: ‹'Na ‑wlajü 'amɩ, ‑mää ‑wlajü 'anyɩ bä? Dɛplɛɛ kä ‑gʋ 'a ‑fuuö le?› 27‑Maa ‑mɔlɔ bɔtɔ ɩa' ‑mɔlɔ, 'ɔnya 'tuto Moisë, 'ɔ ‑nëma: ‹Nyɔɔ 'plɛɛ 'daa ‑a ‑bä ana 'cifi nyra ana ‑gätʋnyɔɔ le? 28‑Ale 'sɩrɩ ‑blaa' braasrɩɩ Ejiipëtënyɔɔlɔ, 'asɩ ‑baata ‑mä 'mɩ 'blaa#7.26-28 Ɛgësɔɔdë 2.14.?› 29Moisë 'nua' 'iin 'wli nɩ 'ɔnya fɔ 'ɔnya mi Madiaana ‑tʋtʋ ‑gälɩ nyɔtugbabre. 'Ɔnya ‑glooro 'lɩ nyɩbɛjü 'sɔɔ.

30«'Ü ‑sia' ‑sɩa ‑glʋɩsɔɔ, 'dʋgbalä 'ü 'daraa' Sinaii, ä bäa' ‑aaga 'lɩ nɩ, Nyɔsʋaa *'aanjë nya 'tɔrɔ Moisë 'klɩ tuu jɔlɔ fie käa' 'ua ‑tɔrʋpɩɔ#7.30 Ɛgësɔɔdë 3.2.. 31Moisë 'jäa' 'iin nɩ, 'ɔa plɛklɩkala; 'ɔ ‑ka jijrö ɩ 'lɩ 'ɔmä ɩ 'iin 'nyügbatʋ 'cɩcasa ‑bɛ 'ɔ 'nu 'Pläkänyɔɔa 'papawii 'wli ‑bɛ 'ɔ 'pala 'ɔɔn wii ‑gba: 32‹'Mɔɔ bä ‑na tʋɩɩa Nyɔsʋa; Abraamëa Nyɔsʋa, Isaakëa Nyɔsʋa, 'nyaa bä Jakɔɔbëa Nyɔsʋa.› Moisë tɩtrɛ 'ɔnyɩ 'lɩ ‑a bɩa ɔ tɛ 'ɔɔn 'klɩ. 33Nyɔsʋa nya ‑gbala 'ɔɔn: ‹'Balɩ ‑na 'sii, 'be ‑plɩɩlɩ ‑nyüüglöa' 'i pa, 'mɔɔ kä. 34'N 'jä 'kasa 'sɩrɩ 'na ‑glügbö 'jääa' ‑sʋɩ Ejiipëtëa 'bre; 'n 'nu 'üa ‑sɩsrakʋ 'wli, 'nyaa 'cie 'mä 'üün 'lɩmlɩba. 'Ii känyrɩ ji 'mä ‑mɩ Ejiipëtë blɔ#7.33-34 Ɛgësɔɔdë 3.7-10..›

35«'A Moisëlɔ 'ünyɩ 'bataa', ɔ 'ü 'bete ɩa' ‑maa: ‹Nyɔɔ 'plɛɛ 'daa ‑a ‑kaama amɩ ‑bɛ ‑a ‑bä ana ‑gätʋnyɔɔ le?› 'Ɔɔ Nyɔsʋa blɔ 'ɔmä 'üa 'cifi nyra 'üa 'lɩmlɩbanyɔɔ bä; 'a 'aanjëlɔ kʋ ɩa' tuu jɔlɔ fie ɩa' a ‑tɔrʋpɩɔ nɩ, 'ɔɔ Nyɔsʋa ‑srörö kälɩ 'ɔnya ‑gbala Moisë. 36'A Moisëlɔ 'cie 'üün, 'ɔ nʋ plɛklɩkalawii nyra ‑saragbia tie Ejiipëtëa 'bre, ‑Fɔflɔɔ 'Tanie 'lɩ nyra ‑aaga 'lɩ; 'ɔ nʋ 'iin ‑sɩa ‑glʋɩsɔɔ#7.36 Ɛgësɔɔdë 7.5..

37«'A Moisëlɔ 'ɔɔ ‑gbala Israɛɛlëa 'jü ‑maa: ‹'Pläkänyɔɔ, 'ana#7.37 'Pläkänyɔɔ, 'ana: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. Nyɔsʋa nya 'amɩ nyɔsʋaamlɩpalanyɔɔ ‑moloo jaa ‑beere 'mɔɔ; 'ana ‑wlajüa ‑tɔrʋpɩɔ 'ɔmä tɛ#7.37 Grɛɛkë kätɩpɔɔkɩ ‑mɩdooa 'mlɩ 'i ‑jɩjra bɩa: 'ba po 'ɔɔn 'nyakli. Tɛ Deteronɔɔmë 18.15..› 38'Ɔɔlɔ nɩ, 'taɩn 'lɩ ‑glügböa 'fɩɔ bä käa' ‑aaga 'lɩ nɩ, 'ɔɔ bä kä 'lɩ, 'ɔ bä kä 'aanjëlɔ 'pala käa' Sinaiia 'dʋgba 'wli wii. Nyɔsʋa ‑nyɩ 'ɔɔn 'papawiili ‑nyɛɛa' 'klä 'ɔmä amɩ 'iin ‑nyɩ#7.38 Ɛgësɔɔdë 19.1–20.17; Deteronɔɔmë 5.1-33.. 39Ana tʋɩɩ 'nyɩ 'nyie ‑a 'nyie 'ümä 'lɩ 'ɔɔn ‑träärä; 'ü jrara 'ɔɔn, 'ünya 'blöö 'üa bobowli Ejiipëtë dɛrɩ#7.39 Nɔɔbrë 14.3.. 40'Ünya ‑gbala Arɔɔn#7.40 Arɔɔn: Moisëa ‑wlajʋ kpakö. Tɛ Ɛgësɔɔdë 6.20; 7.7. Leviia ‑glügbönyɔɔ 'ɔ bä. 'Ɔɔ ‑kätɩ bä kä Israɛɛlëa 'pɛrɩnyɔɔ kpakö.: ‹Nʋ ana nyɔsʋaɩɩ, 'ümäa' amɩ 'nyʋfɔ 'klɩ ‑ta; 'be Moisëlɔ 'ciea' amɩ Ejiipëtëa bätä, wiili jräa' ‑nyɛɛ 'ɔɔn ‑gälɩ anyɩ 'iin jre ‑a jre#7.40 Ɛgësɔɔdë 32.1..› 41'A 'ia 'taɩn 'lɩa 'mlɩ, 'ünya nʋ bruujʋ, 'üa ‑pʋpʋadɛɛ, 'ünya 'sa 'ɔɔn ‑gbɔ. 'Üa ‑pʋpʋa bruujʋlɔ 'ü nʋa' nɩ, 'ünya nʋ 'ɔa ‑glɩsɩglɩsɩ#7.41 Ɛgësɔɔdë 32.2-6.. 42‑Maa Nyɔsʋa nya be 'üün ‑gälɩ 'klɩ, 'ɔnya 'cɛrɛ 'üün ‑wälɩ ü trara 'jrʋ 'wli, ü trara ‑seple nyra ‑särë 'wli, 'sɩrɩ 'i ‑jɩjraa' nyɔsʋaamlɩpalanyüüa ‑pɔɔkʋ 'lɩ:

Israɛɛlëa ‑glügbö,

'mɔɔ 'a 'sa ‑gbɔ nyra 'sraka,

'taɩn 'lɩ 'a ‑sia' ‑aaga 'lɩ ‑sɩa ‑glʋɩmlɔɔ?

43 'A ‑gbötö Molɔkënyɔsʋaa ‑tete,

nyra 'ana nyɔsʋa Refanëa ‑särëeju,

‑taa ‑wäsɩalë 'a nʋa' 'üü 'a trarawli!

'A 'ia ‑gʋ 'nyaa 'amɩ kpaun faa, 'anya 'lɩdɛrɩtʋŋlɔa 'kä 'anya Babilɔɔnëa 'bre 'wʋsi # 7.42-43 Tɛ Amɔɔsë 5.25-27 . Molɔkënyɔsʋa: Nyüülü ma kʋa' Kanaan a 'blɩ, 'üa nyɔsʋaɩɩa ‑tɔrʋpɩɔa nyɔsʋa 'doo. Nyüü 'ü ma nö ‑bɛ 'ü 'saa ‑gbɔ. Refanëa ‑särëeju: 'Üa ‑kätɩ nyɔsʋa 'ü ma ‑pʋpʋaa', 'ɔɔ ü 'dara ‑tʋtʋ 'pɛlɛ 'ü 'daraa' Saturënëa nyɔsʋa..

44«Ana tʋɩɩ ma 'klaa Nyɔsʋaa Kuöa ‑Tete 'sɩrɩ Nyɔsʋa ‑gbala käa' Moisë ‑aaga 'lɩ nɩ, 'asɩ 'ɛ pala. Nyɔsʋa ‑gbala kä Moisë ‑maa: ‹'Sɩrɩ ‑jäa' 'uun 'asɩ ‑a ‑paa 'uun#7.44 Ɛgësɔɔdë 25.40.›. 45'Asɩ 'i nʋ, 'ɛ sɔa' ana tʋɩɩa tʋɩɩ kälɩ nɩ, ana tʋɩɩ nya dɔrɔ 'ɛɛn 'wʋ. 'Üü ‑bɛ Josuee nya ‑gbötö 'ɛɛn; 'ünya dɔrɔ 'blɩlɩ Nyɔsʋa 'ba kä ana 'nyüamlɩjraranyüü kälɩ 'ɔnya ‑nyɩ 'iin ana tʋɩɩ. 'Ɛnya kʋ ‑plɩɩ kʋ kʋ 'Kɩɩ Daviidë nya jrä ‑plɩɩ 'ɛɛn#7.45 Josuee 3.14-17.. 46Daviidëlɔ nɩ, 'ɔ kä Nyɔsʋa 'tʋ, 'ɔnya ‑gbala Nyɔsʋa 'ɔmä nyuku 'pa 'ɔmä Jakɔɔbëa Nyɔsʋa ‑nyɩ. 47‑Maa Salomɔɔ 'ɔɔ 'pa nyukulu#7.47 1 'Kɩɩ 6.1-38; 2 Kroniikë 3.1-17.; 48‑bɛ 'Wʋsi Nyɔsʋa 'nyɩ kʋ nyüüa 'papanyëka ‑wälɩ ‑a, 'sɩrɩ nyɔsʋaamlɩpalanyɔɔ ‑gba käa':

49 'Pläkänyɔɔ nɩnɩa: Cɛ bä 'na 'kɩɩ 'kpata,

‑tʋtʋ bä 'na böklia kpö.

Nyuku 'plɛɛ 'amä 'pa 'amä 'mɩ ‑nyɩ le?

'Aiɛ ‑a 'plɛɛ nëmä 'na ‑fʋflʋpalafa bä le?

50 ‑Mää 'mɔɔ 'nyɩ 'ia 'fɩɔlʋ nʋ # 7.49-50 Esaii 66.1-2 .?

51«'A 'sunyakliwli, 'ana polu nyra ana 'nyakli kala! 'A nɩnɩa 'a ‑nëmä 'lɩ 'Nyüna ‑Susu ‑a ‑träärä. 'Sɩrɩ 'ana tʋɩɩ ma bäa' 'asɩ 'ana 'mʋgbɛ bä! 52Nyɔsʋaamlɩpalanyɔɔ 'plɛɛ 'ünyɩ ‑gbigba nʋ le? 'Ü 'bla nyüülü 'paa' 'Klɩgänyɔɔa jijigä. 'Saarɩ 'sɔɔwʋ nɩ, 'anya 'Klɩgänyɔɔlɔ 'sa 'anya 'ɔɔn 'bla#7.51-52 Esaii 63.10; 2 Kroniikë 36.16; Matiö 23.31.! 53'Amɔlɔ Nyɔsʋaa ‑sröröa' 'aanjë kälɩ ‑bɛ 'ɔ jaa' 'ɔa ‑Dɔ, 'anyɩ 'lɩ 'umɩ ‑a ‑träärä!»

Etiɛɛnëa jäjäkʋ

54'Ü 'nua' wiili Etiɛɛnë 'paa' 'wli nɩ, 'crɛ nya 'bla 'üün ‑gböösa, ‑bɛ 'ü mlö 'mä 'ɔa ‑gʋ. 55‑Maa 'Nyüna ‑Susu 'si Etiɛɛnëlɔ 'klɩ. 'Ɔ 'jraraa' cɛ 'nyükä nɩ, 'ɔnya 'jä Jesu ‑bɛ 'ɔ 'nyüglö Nyɔsʋaa 'dupa 'pɛlɩ. 56'Ɔ ‑nëma: «'Ba tɛ 'lɩ! 'N 'jää cɛ 'wʋ ‑bɛ 'ɛ ‑gaaamlɩ, ‑bɛ Nyɔɔa 'Jʋ 'nyüglö Nyɔsʋaa 'dupa 'lɩ.» 57‑Maa nyüülü nɩ, 'ünya 'kpölɩkä, 'unya kala 'üa 'nyakli; 'üa 'fɩɔ nya ‑gblɔɔɔ 'ɔɔn ‑gälɩ 'kä. 58'Ünya 'cie 'ɔa 'klüa nɔ bätä, ‑bɛ 'ü 'kakla 'ɔɔn 'täkë. Nyüülü bä käa' 'ia ‑jria 'lɩ nya ‑nyɛnyɛ 'üa 'koti ‑sëgbanyɔklɔ 'doo 'ü 'daraa' Sɔɔlë#7.58 Nyüülü bä käa' 'ia ‑jria 'lɩ nɩ, a jresaa 'a nyüülü känyrɩ bäa' (Akëtë 6.13). Nyɔsʋaa ‑Dɔ nɩnɩa, 'üü ‑kätɩ be 'täkë (Levitiikë 24.14; Deteronɔɔmë 17.7).. 59'Ü 'kakla 'ɔɔn 'täkë ‑bɛ 'ɔ bibie Nyɔsʋa: «'Pläkänyɔɔ Jesu, fa 'na ‑susu!» 60'Ɔnya blö 'koti ‑gälɩ, 'ɔnya 'pawii ‑gböösa 'ɔ ‑nëma: «'Pläkänyɔɔ, cere 'üün ‑taa ‑balʋlʋ!» 'Ɔ bɩaa' ‑plɩɩ 'saa wiipapakʋ 'ɔnya jä#7.60 Lukë 23.34..

Currently Selected:

Akëtë 7: Bakwé

Highlight

Copy