Akëtë 6

Apotrë 'balɩ nyüü ‑uunsɔɔ 'ümä 'üün ‑gbaji

1'Ia 'taɩn 'lɩ nɩ, Jesua 'wʋnyɛrɛnyüü 'papla ‑gälɩ. Juifënyüülü 'paaa' grɛɛkëwii 'pala ‑plɛlɩ wii Ebröönyüüa#6.1 Ebröönyüü: 'A juifëlü ‑glooro 'a Israɛɛlë. Juifëlü ma 'paaa' grɛɛkëwii nɩ, ‑pasa ‑pɩɔ 'ü ‑glooro. ‑Srɩ ‑mɩdoo 'lɩ nɩ, Jerusalɛɛmë Nyɔsʋaanyuku bäa' 'ii 'üa 'kusroŋlëgë 'wlara 'üa jrüü. ‑gʋ, ‑bɛ 'ü ma ‑päää jijri ‑srɩ o ‑srɩ 'ünyɩ 'dara 'üa 'kusroŋlëgë nyüü ‑a. 2Apotrë ‑pʋ ‑bɛ 'sɔɔlü nya we 'wʋnyɛrɛnyüü 'kɔkɔmlɛ ‑mülü, 'ünya ‑gbala 'üün ‑maa: «'Inyɩ 'na ‑a 'na 'kä amä ‑plɩɩ Nyɔsʋaa mlɩa wii tɩ ‑bɛ amä nyüüa jijria 'lɩpääläkʋa 'jrʋpa kä. 3'Ii känyrɩ, 'na ‑wlajü 'amɩ, 'ba 'balɩ nyüü ‑uunsɔɔ 'ana ‑tɔrʋpɩɔ, ü nyüü poa' 'nyakli, ü 'Nyüna ‑Susu 'sia' 'klɩ ‑bɛ ü ‑glaa' 'lɩ, amä 'üün 'ia 'jrʋpalä ‑nyɩ. 4‑Bɛ amɔlɔ nɩ, amä Nyɔsʋaa bibiejrʋpa nyra Nyɔsʋaa 'wiipajrʋpa kä.»

5‑Jriaa 'fɩɔ 'nyiere wiili 'ü 'paa' 'klɩ. 'Ünya 'balɩ Etiɛɛnë. 'Ɔa nyɔsʋaplɛ ‑sɔɔrɔwʋ ‑gböösa, 'Nyüna ‑Susu nya 'si 'ɔɔn 'klɩ. 'Ünya 'ba bɩa 'lɩ Filipë, Prokɔrë, Nikanɔrë, Timɔɔ, Pameniasë, nyra Antiɔɔsëbätäa nyɔɔlɔ paa' juifëcɛcɩ ɔ 'ü 'daraa' Nikolasë. 6'Ünya ja 'üün Apotrëa 'klʋɩ. 'Ünya 'pie 'üün klʋgbë ‑gälɩ, 'ünya bibie 'üa 'wli 'lɩ.

7Nyɔsʋaawii möa 'doo, ‑bɛ Jesua 'wʋnyɛrɛnyüü 'papla bɩa ‑gälɩa 'doo Jerusalɛɛmë, ‑gbɔsapɛrɩnyüü 'kɔkɔmlɛ toro bɩa Jesu plɛ.

JESUA PLƐTOROKƲ MÖ ‑PƖƆA 'FƖƆ

6.8–9.31

Juifëa 'cifu 'kpla Etiɛɛnë

8Etiɛɛnëlɔ nɩ, 'ɔa nyɔsʋaplɛtorokʋ#6.8 nyɔsʋaplɛtorokʋ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ‑gbinanakʋ. 'bʋa ‑bɛ Nyɔsʋaa 'klü bä 'ɔɔn 'lɩ. 'Ɔ nörö nyüüa ‑tɔrʋpɩɔ plɛklɩkalawii nyra ‑saragbia tie 'kɔkɔmlɛ. 9Nyüü 'doo nya sɔ juifëa 'sraaplanyuku 'doo ‑wälɩ, i 'ü 'daraa' «Nyüülü ‑kanyɩa' ‑goou bäa trarafa». 'Ünya ji 'ü nyra 'ɔɔn 'mä wii sɔsrɔ. 'Üa ‑tɔrʋpɩɔ bä juifë: 'ü sɔ bätëlë 'ü 'daraa' Sirɛɛnë nyra Alesandrii, 'ünya sɔ bɩa Silisii nyra Asiia 'bre. 10‑Maa 'ünyɩ 'ɔɔn du ‑a du dɛtʋa 'mlɩ, 'be 'Nyüna ‑Susu ‑nyɛɛ 'ɔɔn dɛtʋa jejrekʋ#6.10 Lukë 12.12; 21.15.. 11'Ünya 'pɛɛ nyüü, ü 'ma 'ɔɔn ‑gbagblɛ ‑gälɩ 'kä, 'ü 'daa ‑maa: «A 'nu 'ɔɔn 'wli, 'ɔnya ‑jree Moisë nyra Nyɔsʋa 'ɔa 'papawiia 'mlɩ.» 12'Inya pla nyüü 'crɛ 'lɩ. Tagbü, ‑dɔkpɩanyüü, 'ünya blö Etiɛɛnë ‑gälɩ 'ünya 'kpla 'ɔɔn, 'ünya ja 'ɔɔn tropina 'lɩ. 13'Ü ja nyüü 'ümä 'ɔɔn ‑gbagblɛ ‑gälɩ ‑tʋ. Nyüülü ‑nëma: «Nyɔɔlɔ kʋa' ‑pɩ nɩ, 'ɔa 'papawiia 'mlɩ nɩ, Moisëa ‑Dɔ nyra Nyɔsʋaa 'nyünanyuku 'ɔ ‑jejreea 'doo; 14a bä ‑plɩɩ ‑bɛ 'ɔ 'daa ‑maa Nasarɛɛtënyɔɔ Jesu nya ‑plɩɩlɩ kʋa' ‑pɩ ‑gbloooa, 'kä 'ɔnya ‑Dɔlʋ Moisë ‑nyɩa' amɩ 'cici.» 15Nyüülü kä 'fɩɔ bäa' juifëa tropina 'lɩ nɩ, Etiɛɛnë 'ü tɛtɛklɩ tee; 'ɔa 'klʋɩ nya ‑beere 'aanjëa 'klʋɩ#6.15 Ɛgësɔɔdë 34.29-30..

Currently Selected:

Akëtë 6: Bakwé

Highlight

Copy