Akëtë 27
27
'Ü faa' 'Pɔɔlë Rɔmë
1'Taɩn 'lɩ 'ü 'daaa' ‑maa 'mɩɩ amä fa amä Italii mi nɩ, 'ünya ‑nyɩ 'Pɔɔlë nyra ‑jienyüü ‑mölöö 'sʋgɩaa 'kamanyɔɔ 'doo kälɩ, 'ɔɔ 'ü 'daraa' Juliusë. 'Ɔ 'kama 'kɩɩ kpakö Sesaa 'sʋgɩanyüü ‑mölöö. 2Anya 'jra Adramiitëbätäa 'mɩɩ 'deea 'mlɩ. 'Ɛ kä 'ɛmä Asii bätë ‑mölööa 'mlɩ 'nyüglö; anya mi ɔ. Alisëtaakë#27.2 Alisëtaakë: Tɛ Kolɔɔsënyüü 4.10 nyra Filemɔɔ 24. bälɩ, Masedoanëa 'blɩa bätälä 'ü 'daraa' Tɛsalonikë, 'ia nyɔɔ 'ɔ bä. 3'Ia ‑srɩ ‑gbaa' 'kä nɩ, anya 'cere Sidɔɔn. Juliusëa ‑gbi 'nara 'Pɔɔlë 'wʋ, 'ɔ 'cɛrɛ 'ɔɔn ‑wälɩ ɔ mi 'ɔa ‑gbötüa ‑nyɛɛ 'ümä 'ɔa wiigba kälä. 4A faa' 'mɩɩ ‑bɛ a sɔa' 'lɩ nɩ, anya ‑gblaara Siiprë, 'be ‑fʋflʋ 'jrara amɩ 'klɩ. 5Anya ‑gblaara Silisii nyra Pamëfilii, anya 'tɔ Mirabätä; Lisiia ‑tʋtʋ ‑gälɩ. 6'A 'ii 'sʋgɩaa 'kamanyɔɔ jrä Alesandriia 'mɩɩ, 'ɛ mö Italiia 'blɩ ‑gälɩ. 'Ɔnya 'jrara 'lɩ amɩ.
7'Mɩɩlɛ 'nyɩ mi mi ‑a sɔsɔ, 'ɛ ‑si jrüü 'kɔkɔmlɛ 'nie 'klɩ. A 'jä ‑sʋɩ anya 'mä Sinidëbätä 'tɔ. ‑Fʋflʋ 'jraraa' amɩ 'klɩ, 'unyɩ ‑nyɩa' amɩ 'casɩ ‑a amäa' 'klɩgötrö nɩ, anya ‑srörö Salëmoneebätäa 'pɛlɛ kä 'mlɩ ‑fʋflʋ 'nyɛa' 'tɔ; anya fa Krɛɛtëa dugba ‑gba. 8'A 'ia ‑sʋɛlɛa 'mlɩ anya mi anya 'tɔ ‑pɩɔ 'doo 'ü 'daraa' «'Mʋfamɩɩa 'Nyüglöfa», bätälä 'ü 'daraa' Lasee, 'äa ‑gba. 9‑Bɛ 'taɩn 'kɔkɔmlɛ nyaa' ‑si, 'nie käa' ŋalɛ 'wʋ 'mɩɩa ‑gʋ nɩ, ‑bɛ juifëa Sua ‑Srɩ#27.9 Sua ‑Srɩ: 'Asɩ 'ü ma 'dara bɩa juifëa ‑glɩsɩglɩsɩ kpaki. 'Ɛa ‑srɩ ma jrälɩ nɩ, ‑gbɔsapɛrɩnyɔɔ kpakö 'saa ‑gbɔ Israɛɛlëa ‑balʋlʋ 'ü nʋa' 'ua ‑gʋ (Levitiikë 16.29-34; Nɔɔbrë 29.7-11). ‑Pöpeeseple 'lɩ, 'aiɛ Klukä ‑seplea 'käkolofa 'wʋ 'ü 'järä ‑glɩsɩglɩsɩlɛ. 'Ia 'taɩn 'lɩ 'nyɩ kä 'nie 'klɩ ‑a 'nara, 'i bʋbɔ ‑gböösa. nyaa' bɩa ‑si nɩ, 'ia ‑gʋ 'Pɔɔlë ‑gbala nyüü. 10'Ɔ nɩnɩa: «'Na nyüü 'amɩ, 'n jresaa ‑sʋɩ nëmäa' amɩ ‑gälɩjrä 'tanie ‑gälɩ ‑mää 'ɛa ‑srɩ 'nyɩ ‑pɛ; dii 'kɔkɔmlɛ nya bʋblɔa: ‑mää 'kä ‑pööti nyra 'mɩɩa 'doo 'mä 'mɔlɔ ‑a, ‑maa ana 'mʋgbɛ 'mrɛɛ a jä.» 11‑Maa 'sʋgɩaa 'kamanyɔɔ 'nyɩ 'Pɔɔlëa wii wii 'wʋ ‑a 'ba, 'mɩɩtierenyɔɔ nyra nyɔɔlɔ käa' 'mɩɩlɛ nɩ, 'üa ni 'ɔ 'dara wii. 12‑Bɛ ‑plɩɩlɩ 'ü 'nyüglö ɩa' 'nyɩ bɩa 'na ‑a 'na sɩɔa ‑gʋ, 'ia ‑gʋ nyüü 'kɔkɔmlɛ nya 'daa bɩa 'ü sɔ 'lɩ. 'Ü 'bata 'ümä Krɛɛtëa 'mɩɩa 'nyüglöfalä 'ü 'daraa' Feniisë 'tɔ sɩɔa ‑gʋ. 'Ii 'lɩ nɩ, 'i tɛ 'jrʋa 'cerefa 'wʋ.
‑Püpölä jia' 'tanie ‑gälɩ
13'Taɩn 'lɩ ‑fʋflʋ jie jaa' ‑tɛ 'jrʋa 'wʋsɔrɔfa 'wʋa 'dupa 'pɛlɩ nɩ, 'üa plɛ nɩnɩa wiili 'ü bɩa ɩa' nya 'nyɛa. 'Ü 'saa' 'mɩɩ du, 'ünya ‑gblaara Krɛɛtëa 'kɔtʋmlɩ. 14‑Maa fɩɩɩn, ‑fʋflʋ kpaku nya ja ‑tʋtʋa 'pɛlɩ, 'uu 'ü 'daraa' Örakilɔɔn#27.14 Örakilɔɔn: 'Ia ‑fʋflʋlʋ nɩ, ‑tɛ 'jrʋa 'wʋsɔrɔfa 'wʋa kʋmla 'pɛlɩ 'u jara.. 15‑Fʋflʋ nya fa 'mɩɩlɛ, ‑bɛ anyɩa' 'lɩbɩa amäa' ‑fʋflʋ 'klɩ 'jrara nɩ, anya 'cɛrɛ ‑fʋflʋ ‑wälɩ ‑bɛ 'u fa 'mɩɩlɛ. 16Anya ‑srörö dugbalä 'ü 'daraa' Klodaa 'pɛlɛ ‑fʋflʋ 'nyɩa' 'tɔ. Anya tritri 'asɩɛ anya 'balɩ 'mɩɩ kpakia mlɩa ‑gbajigɔlʋ anya kpasa 'uun. 17'Mɩɩlɛa nyüülü bɩaa' 'uun 'jrarakʋ nɩ, 'ünya kpasra 'bübli 'mɩɩa ‑wälɩ. 'Ünya 'cie 'taapöö, 'be ŋalɛ 'blaa 'üün 'ɛ ‑pɩ Siitëa#27.17 Siitë: 'Ii bä 'saarɩa Libii. 'pisiatu ‑gälɩ 'nyüglökalɩ mi. ‑Bɛ ‑fʋflʋ 'tuto 'üün a 'doo. 18‑Srɩ ‑gbaa' 'kä, 'ia ‑fʋflʋlʋ jöa' 'u ‑sɔɔrɔwʋ ‑gböösa anya be be 'dokluu 'tanie 'lɩ 'mɩɩ 'mä 'fʋma. 19Tääa ‑srɩ 'lɩ nɩ, ana 'mʋgbɛ anya#27.19 anya: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ünya. be be 'mɩɩa 'mlɩa dii ‑mɩdoo 'tanie 'lɩ. 20A ‑si jrüü 'kɔkɔmlɛ anyɩ 'jä 'jrʋ nyra ‑särë 'wʋ ‑a. ‑Püpö sɩara amɩ ‑gböösa anya ‑nëma 'nɩmɩ ana 'fɩɔ nya bɩaa.
21'Ünyɩa' dɛɛji 'ia jrüü kä. 'Pɔɔlë nya sɔwʋ 'üa ‑tɔrʋpɩɔ 'ɔ ‑nëma: «'Na nyüü 'amɩ, 'ama po ɩ 'mɩ 'nyakli a ‑nëmä ɩ Krɛɛtë ‑a sɔ, diili kä 'fɩɔ bʋblɔa' nyra ‑sʋɩlɩ a 'jäa', ‑nëmä ɩ 'lɩ ‑a jrä. 22‑Maa 'amɔ 'n ‑gbala, 'ba 'pa 'ana nyüfë 'klü 'lɩ, nyɔɔ ‑nëmä 'ana ‑tɔrʋpɩɔ ‑a sɔ. 'Mɩɩa 'doo nëmä bʋblɔ; 23'be Nyɔsʋalɔ käa' 'mɩ ɔ kä 'jrʋpa 'n ‑fɛɛɛa' nɩ, 'ɔa 'aanjë jijrö 'mɩ ‑gba ‑taa ‑gbiaralä. 24'Ɔnya ‑gbala 'mɩ: ‹'Pɔɔlë, ŋalɛ 'nyɩ 'bla ‑mɩ, ‑kä ‑mä Sesaa 'klɩ mi. Nyɔsʋa ‑nyɩ ‑mɩ nyüülü kä 'fɩɔ nyra 'üün möa' kälɩ!› 25'Ii känyrɩ, 'na nyüü 'amɩ, 'ba ‑sɔɔrɔ plɛ 'wʋ. 'N toro Nyɔsʋa plɛ: 'sɩrɩ 'ɔ ‑gbalaa' 'mɩ, 'asɩ 'imä nrörö. 26Dugba 'dööa ‑gälɩ 'nie kä 'ɛmä amɔ ‑bɛ 'mɩɩlɛ bere.»
27Jrüü ‑pʋ jrüü ‑mlɔɔa ‑gbiara nɩ, ‑maa ‑fʋflʋ fa 'mɩɩa 'doo 'u mö 'tanielɛ 'ü 'daraa' Adriatikëa 'mlɩ. ‑Gbia 'mä 'lɩ tʋŋlɔkalɩ mi nɩ, 'mɩɩlɛa nyüü nya jresaa ‑tʋtʋ ‑kanyɩ 'lɩdɛrɩ ‑a tʋŋlʋ. 28'Unya kpasra 'täkä 'bʋblʋ mlɩ, 'ünya be 'ään 'nie 'lɩ ‑plɩ 'lɩ ‑tʋtʋ blöröa' 'ümä 'iin 'jä. 'I jrä 'mɛtrʋ ‑glʋ ‑bɛ ‑pʋ ‑bɛ ‑uunsɔɔ. A mia' 'klɔɔtrʋ 'sɔɔwʋ nɩ, 'ünya be 'sɔɔwʋ 'bʋblʋlʋ, 'ua 'lɩtʋŋlɔdɛɛ bä 'mɛtrʋ ‑glʋ ‑bɛ ‑uuntää. 29Ŋalɛ 'blaa 'üün, 'üa plɛɛ 'mɩɩ nya 'täkë 'klɩ 'kalaa, 'ia ‑gʋ 'ünya be be 'mɩɩa duɩɩ mlɔɔ 'mɩɩlɛa dɛrɩ, ‑bɛ 'ü 'kʋɛɛ ‑srɩ. 30Nyüülü käläa' 'mɩɩa wii ‑gba 'bata 'ümä ɩ fɔ. 'Ünya be ‑gbajigɔlʋ 'nie 'lɩ 'sɩrɩ nyüü 'bata ɩa' 'ümäa' 'mɩɩa duɩɩ 'nie 'lɩ 'cere. 31'Pɔɔlë nya ‑gbala 'sʋgɩaa 'kamanyɔɔlɔ nyra 'sʋgɩanyüülü: «Nyüülü kʋa' ‑pɩ ma 'nyɩ 'mɩɩlɛa 'mlɩ ‑a tɩɔ, 'a ‑nëmä 'lɩmlɩ ‑a 'wʋ.» 32'Sʋgɩanyüü nya 'bö ‑gbajigɔlʋlʋa 'bübli, 'ünya mi. 33'Ü ‑glaaa' ‑srɩ nɩ, 'Pɔɔlë 'paa nyüüa 'fɩɔ 'klü 'lɩ ü jidɛɛ. 'Ɔ ‑nëma: «'Ana 'sɔrë 'sɔɔ 'saarɩ ‑mää dɛɛ 'anyɩ ji 'ana plɛa 'lɩtaarakʋa ‑gʋ. 34'Ii känyrɩ 'n ‑gbala 'amɩ, 'ba jidɛɛ. 'I 'na 'kä 'ana 'lɩmlɩwʋwʋkʋa ‑gʋ; 'ŋueieji 'dee ‑nëmä 'nɩmɩ 'ana ‑tɔrʋpɩɔa nyɔɔ 'dooa 'wli ‑a sɔ 'ɛmä blö!» 35'Ɔ bɩaa' 'lɩsasakʋ nɩ, 'ɔnya dɔrɔ 'flɔɔ 'wʋ, nyüüa 'fɩɔa 'klɩ 'ɔnya 'trɛɛ Nyɔsʋa, 'ɔnya 'böblö 'uun ‑tɩa 'ɔnya jidɛɛ. 36'Üa 'fɩɔ nya 'jä 'klü 'üa 'mʋgbɛ nya jidɛɛ. 37Ana 'fɩɔlü bä ɩa' 'mɩɩlɛa 'mlɩ nɩ, ana nyüüa ‑glʋɩpʋ nyüüa ‑glʋɩtää nyüü ‑pʋ ‑bɛ ‑uundoo (276). 38'Ü jia' dɛɛji ji ‑bɛ 'ü döa' nɩ, 'ünya be be ‑bleee#27.38 ‑bleee: Juifëa jijri; 'i ‑beere ‑kɔpʋ. 'tanie 'lɩ 'mɩɩ 'mä 'fʋma.
'Mɩɩ bʋblɔa' 'nie 'lɩ
39‑Srɩ paa' nɩ, 'ü ‑kanyɩ ‑plɩɩlɩ 'ü bäa' ‑a jre; ‑maa 'ü 'jäa' ‑pɩɔ 'dooa 'pisiatu 'wʋ ‑bɛ 'inyɩa' 'lɩtʋŋlɔ nɩ, 'ünya 'daa 'ümä 'iin 'jä 'üma nya 'lɩ 'mɩɩlɛ 'nyüglö. 40'Ünya ‑jejie duɩɩ 'ünya be 'uun 'tanie 'lɩ. 'Ünya ‑jejie bɩa 'büblili kpasraa' 'mɩɩa ‑blʋ ‑gba. 'A ‑plɩɩ 'ü kʋ dotro 'ünya 'jrara 'mɩɩa 'klɩa 'taapöö, ‑bɛ ‑fʋflʋ fala 'üün 'taniea 'kɔtʋmlɩ. 41‑Maa 'ü 'tɔa' 'niea trarafa 'wʋ nɩ, 'mɩɩlɛ nya ‑fɛ ‑tʋtʋ ‑gba. 'Ɛa 'wli ‑kanyɩ 'lɩ ‑a bɩa i sɔkou. 'Taniea dakë 'kakla 'mɩɩa dɛrɩ 'klɩ, ‑bɛ 'ɛ wala 'ɛ mö. 42'Sʋgɩanyüülü ‑nëma 'ümä 'jejienyüülü 'bla, 'üa ‑tɔrʋpɩɔa nyɔɔ ‑pɩ 'nie ‑futo 'ɔ ‑pɩ fɔ. 43‑Maa 'sʋgɩaa 'kamanyɔɔ 'nyie 'Pɔɔlë 'mä 'lɩmlɩwʋ, 'ia ‑gʋ 'ɔnyɩ 'nyie ‑a 'nyie: 'ɔnya ‑gbala nyüülü jrea' 'nie, 'ü 'pa 'nɩdari 'ümä 'kɔtʋmlɩ mi. 44‑Mülü 'nyɩa' 'nie jre nɩ, ü 'pepe tuu 'pɩa ‑gälɩ, 'aiɛ 'mɩɩlɛ walaa' 'ɛa dii ‑mɩlɩ bä bäa' 'nie 'klɩ ü 'kplakpla 'iin. 'Asɩ nyüüa 'fɩɔ nʋ 'ünya 'tɔ 'kɔtʋmlɩ, dɛɛ 'nyɩ nyɔɔ ‑a nʋ.
Currently Selected:
Akëtë 27: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Akëtë 27
27
'Ü faa' 'Pɔɔlë Rɔmë
1'Taɩn 'lɩ 'ü 'daaa' ‑maa 'mɩɩ amä fa amä Italii mi nɩ, 'ünya ‑nyɩ 'Pɔɔlë nyra ‑jienyüü ‑mölöö 'sʋgɩaa 'kamanyɔɔ 'doo kälɩ, 'ɔɔ 'ü 'daraa' Juliusë. 'Ɔ 'kama 'kɩɩ kpakö Sesaa 'sʋgɩanyüü ‑mölöö. 2Anya 'jra Adramiitëbätäa 'mɩɩ 'deea 'mlɩ. 'Ɛ kä 'ɛmä Asii bätë ‑mölööa 'mlɩ 'nyüglö; anya mi ɔ. Alisëtaakë#27.2 Alisëtaakë: Tɛ Kolɔɔsënyüü 4.10 nyra Filemɔɔ 24. bälɩ, Masedoanëa 'blɩa bätälä 'ü 'daraa' Tɛsalonikë, 'ia nyɔɔ 'ɔ bä. 3'Ia ‑srɩ ‑gbaa' 'kä nɩ, anya 'cere Sidɔɔn. Juliusëa ‑gbi 'nara 'Pɔɔlë 'wʋ, 'ɔ 'cɛrɛ 'ɔɔn ‑wälɩ ɔ mi 'ɔa ‑gbötüa ‑nyɛɛ 'ümä 'ɔa wiigba kälä. 4A faa' 'mɩɩ ‑bɛ a sɔa' 'lɩ nɩ, anya ‑gblaara Siiprë, 'be ‑fʋflʋ 'jrara amɩ 'klɩ. 5Anya ‑gblaara Silisii nyra Pamëfilii, anya 'tɔ Mirabätä; Lisiia ‑tʋtʋ ‑gälɩ. 6'A 'ii 'sʋgɩaa 'kamanyɔɔ jrä Alesandriia 'mɩɩ, 'ɛ mö Italiia 'blɩ ‑gälɩ. 'Ɔnya 'jrara 'lɩ amɩ.
7'Mɩɩlɛ 'nyɩ mi mi ‑a sɔsɔ, 'ɛ ‑si jrüü 'kɔkɔmlɛ 'nie 'klɩ. A 'jä ‑sʋɩ anya 'mä Sinidëbätä 'tɔ. ‑Fʋflʋ 'jraraa' amɩ 'klɩ, 'unyɩ ‑nyɩa' amɩ 'casɩ ‑a amäa' 'klɩgötrö nɩ, anya ‑srörö Salëmoneebätäa 'pɛlɛ kä 'mlɩ ‑fʋflʋ 'nyɛa' 'tɔ; anya fa Krɛɛtëa dugba ‑gba. 8'A 'ia ‑sʋɛlɛa 'mlɩ anya mi anya 'tɔ ‑pɩɔ 'doo 'ü 'daraa' «'Mʋfamɩɩa 'Nyüglöfa», bätälä 'ü 'daraa' Lasee, 'äa ‑gba. 9‑Bɛ 'taɩn 'kɔkɔmlɛ nyaa' ‑si, 'nie käa' ŋalɛ 'wʋ 'mɩɩa ‑gʋ nɩ, ‑bɛ juifëa Sua ‑Srɩ#27.9 Sua ‑Srɩ: 'Asɩ 'ü ma 'dara bɩa juifëa ‑glɩsɩglɩsɩ kpaki. 'Ɛa ‑srɩ ma jrälɩ nɩ, ‑gbɔsapɛrɩnyɔɔ kpakö 'saa ‑gbɔ Israɛɛlëa ‑balʋlʋ 'ü nʋa' 'ua ‑gʋ (Levitiikë 16.29-34; Nɔɔbrë 29.7-11). ‑Pöpeeseple 'lɩ, 'aiɛ Klukä ‑seplea 'käkolofa 'wʋ 'ü 'järä ‑glɩsɩglɩsɩlɛ. 'Ia 'taɩn 'lɩ 'nyɩ kä 'nie 'klɩ ‑a 'nara, 'i bʋbɔ ‑gböösa. nyaa' bɩa ‑si nɩ, 'ia ‑gʋ 'Pɔɔlë ‑gbala nyüü. 10'Ɔ nɩnɩa: «'Na nyüü 'amɩ, 'n jresaa ‑sʋɩ nëmäa' amɩ ‑gälɩjrä 'tanie ‑gälɩ ‑mää 'ɛa ‑srɩ 'nyɩ ‑pɛ; dii 'kɔkɔmlɛ nya bʋblɔa: ‑mää 'kä ‑pööti nyra 'mɩɩa 'doo 'mä 'mɔlɔ ‑a, ‑maa ana 'mʋgbɛ 'mrɛɛ a jä.» 11‑Maa 'sʋgɩaa 'kamanyɔɔ 'nyɩ 'Pɔɔlëa wii wii 'wʋ ‑a 'ba, 'mɩɩtierenyɔɔ nyra nyɔɔlɔ käa' 'mɩɩlɛ nɩ, 'üa ni 'ɔ 'dara wii. 12‑Bɛ ‑plɩɩlɩ 'ü 'nyüglö ɩa' 'nyɩ bɩa 'na ‑a 'na sɩɔa ‑gʋ, 'ia ‑gʋ nyüü 'kɔkɔmlɛ nya 'daa bɩa 'ü sɔ 'lɩ. 'Ü 'bata 'ümä Krɛɛtëa 'mɩɩa 'nyüglöfalä 'ü 'daraa' Feniisë 'tɔ sɩɔa ‑gʋ. 'Ii 'lɩ nɩ, 'i tɛ 'jrʋa 'cerefa 'wʋ.
‑Püpölä jia' 'tanie ‑gälɩ
13'Taɩn 'lɩ ‑fʋflʋ jie jaa' ‑tɛ 'jrʋa 'wʋsɔrɔfa 'wʋa 'dupa 'pɛlɩ nɩ, 'üa plɛ nɩnɩa wiili 'ü bɩa ɩa' nya 'nyɛa. 'Ü 'saa' 'mɩɩ du, 'ünya ‑gblaara Krɛɛtëa 'kɔtʋmlɩ. 14‑Maa fɩɩɩn, ‑fʋflʋ kpaku nya ja ‑tʋtʋa 'pɛlɩ, 'uu 'ü 'daraa' Örakilɔɔn#27.14 Örakilɔɔn: 'Ia ‑fʋflʋlʋ nɩ, ‑tɛ 'jrʋa 'wʋsɔrɔfa 'wʋa kʋmla 'pɛlɩ 'u jara.. 15‑Fʋflʋ nya fa 'mɩɩlɛ, ‑bɛ anyɩa' 'lɩbɩa amäa' ‑fʋflʋ 'klɩ 'jrara nɩ, anya 'cɛrɛ ‑fʋflʋ ‑wälɩ ‑bɛ 'u fa 'mɩɩlɛ. 16Anya ‑srörö dugbalä 'ü 'daraa' Klodaa 'pɛlɛ ‑fʋflʋ 'nyɩa' 'tɔ. Anya tritri 'asɩɛ anya 'balɩ 'mɩɩ kpakia mlɩa ‑gbajigɔlʋ anya kpasa 'uun. 17'Mɩɩlɛa nyüülü bɩaa' 'uun 'jrarakʋ nɩ, 'ünya kpasra 'bübli 'mɩɩa ‑wälɩ. 'Ünya 'cie 'taapöö, 'be ŋalɛ 'blaa 'üün 'ɛ ‑pɩ Siitëa#27.17 Siitë: 'Ii bä 'saarɩa Libii. 'pisiatu ‑gälɩ 'nyüglökalɩ mi. ‑Bɛ ‑fʋflʋ 'tuto 'üün a 'doo. 18‑Srɩ ‑gbaa' 'kä, 'ia ‑fʋflʋlʋ jöa' 'u ‑sɔɔrɔwʋ ‑gböösa anya be be 'dokluu 'tanie 'lɩ 'mɩɩ 'mä 'fʋma. 19Tääa ‑srɩ 'lɩ nɩ, ana 'mʋgbɛ anya#27.19 anya: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ünya. be be 'mɩɩa 'mlɩa dii ‑mɩdoo 'tanie 'lɩ. 20A ‑si jrüü 'kɔkɔmlɛ anyɩ 'jä 'jrʋ nyra ‑särë 'wʋ ‑a. ‑Püpö sɩara amɩ ‑gböösa anya ‑nëma 'nɩmɩ ana 'fɩɔ nya bɩaa.
21'Ünyɩa' dɛɛji 'ia jrüü kä. 'Pɔɔlë nya sɔwʋ 'üa ‑tɔrʋpɩɔ 'ɔ ‑nëma: «'Na nyüü 'amɩ, 'ama po ɩ 'mɩ 'nyakli a ‑nëmä ɩ Krɛɛtë ‑a sɔ, diili kä 'fɩɔ bʋblɔa' nyra ‑sʋɩlɩ a 'jäa', ‑nëmä ɩ 'lɩ ‑a jrä. 22‑Maa 'amɔ 'n ‑gbala, 'ba 'pa 'ana nyüfë 'klü 'lɩ, nyɔɔ ‑nëmä 'ana ‑tɔrʋpɩɔ ‑a sɔ. 'Mɩɩa 'doo nëmä bʋblɔ; 23'be Nyɔsʋalɔ käa' 'mɩ ɔ kä 'jrʋpa 'n ‑fɛɛɛa' nɩ, 'ɔa 'aanjë jijrö 'mɩ ‑gba ‑taa ‑gbiaralä. 24'Ɔnya ‑gbala 'mɩ: ‹'Pɔɔlë, ŋalɛ 'nyɩ 'bla ‑mɩ, ‑kä ‑mä Sesaa 'klɩ mi. Nyɔsʋa ‑nyɩ ‑mɩ nyüülü kä 'fɩɔ nyra 'üün möa' kälɩ!› 25'Ii känyrɩ, 'na nyüü 'amɩ, 'ba ‑sɔɔrɔ plɛ 'wʋ. 'N toro Nyɔsʋa plɛ: 'sɩrɩ 'ɔ ‑gbalaa' 'mɩ, 'asɩ 'imä nrörö. 26Dugba 'dööa ‑gälɩ 'nie kä 'ɛmä amɔ ‑bɛ 'mɩɩlɛ bere.»
27Jrüü ‑pʋ jrüü ‑mlɔɔa ‑gbiara nɩ, ‑maa ‑fʋflʋ fa 'mɩɩa 'doo 'u mö 'tanielɛ 'ü 'daraa' Adriatikëa 'mlɩ. ‑Gbia 'mä 'lɩ tʋŋlɔkalɩ mi nɩ, 'mɩɩlɛa nyüü nya jresaa ‑tʋtʋ ‑kanyɩ 'lɩdɛrɩ ‑a tʋŋlʋ. 28'Unya kpasra 'täkä 'bʋblʋ mlɩ, 'ünya be 'ään 'nie 'lɩ ‑plɩ 'lɩ ‑tʋtʋ blöröa' 'ümä 'iin 'jä. 'I jrä 'mɛtrʋ ‑glʋ ‑bɛ ‑pʋ ‑bɛ ‑uunsɔɔ. A mia' 'klɔɔtrʋ 'sɔɔwʋ nɩ, 'ünya be 'sɔɔwʋ 'bʋblʋlʋ, 'ua 'lɩtʋŋlɔdɛɛ bä 'mɛtrʋ ‑glʋ ‑bɛ ‑uuntää. 29Ŋalɛ 'blaa 'üün, 'üa plɛɛ 'mɩɩ nya 'täkë 'klɩ 'kalaa, 'ia ‑gʋ 'ünya be be 'mɩɩa duɩɩ mlɔɔ 'mɩɩlɛa dɛrɩ, ‑bɛ 'ü 'kʋɛɛ ‑srɩ. 30Nyüülü käläa' 'mɩɩa wii ‑gba 'bata 'ümä ɩ fɔ. 'Ünya be ‑gbajigɔlʋ 'nie 'lɩ 'sɩrɩ nyüü 'bata ɩa' 'ümäa' 'mɩɩa duɩɩ 'nie 'lɩ 'cere. 31'Pɔɔlë nya ‑gbala 'sʋgɩaa 'kamanyɔɔlɔ nyra 'sʋgɩanyüülü: «Nyüülü kʋa' ‑pɩ ma 'nyɩ 'mɩɩlɛa 'mlɩ ‑a tɩɔ, 'a ‑nëmä 'lɩmlɩ ‑a 'wʋ.» 32'Sʋgɩanyüü nya 'bö ‑gbajigɔlʋlʋa 'bübli, 'ünya mi. 33'Ü ‑glaaa' ‑srɩ nɩ, 'Pɔɔlë 'paa nyüüa 'fɩɔ 'klü 'lɩ ü jidɛɛ. 'Ɔ ‑nëma: «'Ana 'sɔrë 'sɔɔ 'saarɩ ‑mää dɛɛ 'anyɩ ji 'ana plɛa 'lɩtaarakʋa ‑gʋ. 34'Ii känyrɩ 'n ‑gbala 'amɩ, 'ba jidɛɛ. 'I 'na 'kä 'ana 'lɩmlɩwʋwʋkʋa ‑gʋ; 'ŋueieji 'dee ‑nëmä 'nɩmɩ 'ana ‑tɔrʋpɩɔa nyɔɔ 'dooa 'wli ‑a sɔ 'ɛmä blö!» 35'Ɔ bɩaa' 'lɩsasakʋ nɩ, 'ɔnya dɔrɔ 'flɔɔ 'wʋ, nyüüa 'fɩɔa 'klɩ 'ɔnya 'trɛɛ Nyɔsʋa, 'ɔnya 'böblö 'uun ‑tɩa 'ɔnya jidɛɛ. 36'Üa 'fɩɔ nya 'jä 'klü 'üa 'mʋgbɛ nya jidɛɛ. 37Ana 'fɩɔlü bä ɩa' 'mɩɩlɛa 'mlɩ nɩ, ana nyüüa ‑glʋɩpʋ nyüüa ‑glʋɩtää nyüü ‑pʋ ‑bɛ ‑uundoo (276). 38'Ü jia' dɛɛji ji ‑bɛ 'ü döa' nɩ, 'ünya be be ‑bleee#27.38 ‑bleee: Juifëa jijri; 'i ‑beere ‑kɔpʋ. 'tanie 'lɩ 'mɩɩ 'mä 'fʋma.
'Mɩɩ bʋblɔa' 'nie 'lɩ
39‑Srɩ paa' nɩ, 'ü ‑kanyɩ ‑plɩɩlɩ 'ü bäa' ‑a jre; ‑maa 'ü 'jäa' ‑pɩɔ 'dooa 'pisiatu 'wʋ ‑bɛ 'inyɩa' 'lɩtʋŋlɔ nɩ, 'ünya 'daa 'ümä 'iin 'jä 'üma nya 'lɩ 'mɩɩlɛ 'nyüglö. 40'Ünya ‑jejie duɩɩ 'ünya be 'uun 'tanie 'lɩ. 'Ünya ‑jejie bɩa 'büblili kpasraa' 'mɩɩa ‑blʋ ‑gba. 'A ‑plɩɩ 'ü kʋ dotro 'ünya 'jrara 'mɩɩa 'klɩa 'taapöö, ‑bɛ ‑fʋflʋ fala 'üün 'taniea 'kɔtʋmlɩ. 41‑Maa 'ü 'tɔa' 'niea trarafa 'wʋ nɩ, 'mɩɩlɛ nya ‑fɛ ‑tʋtʋ ‑gba. 'Ɛa 'wli ‑kanyɩ 'lɩ ‑a bɩa i sɔkou. 'Taniea dakë 'kakla 'mɩɩa dɛrɩ 'klɩ, ‑bɛ 'ɛ wala 'ɛ mö. 42'Sʋgɩanyüülü ‑nëma 'ümä 'jejienyüülü 'bla, 'üa ‑tɔrʋpɩɔa nyɔɔ ‑pɩ 'nie ‑futo 'ɔ ‑pɩ fɔ. 43‑Maa 'sʋgɩaa 'kamanyɔɔ 'nyie 'Pɔɔlë 'mä 'lɩmlɩwʋ, 'ia ‑gʋ 'ɔnyɩ 'nyie ‑a 'nyie: 'ɔnya ‑gbala nyüülü jrea' 'nie, 'ü 'pa 'nɩdari 'ümä 'kɔtʋmlɩ mi. 44‑Mülü 'nyɩa' 'nie jre nɩ, ü 'pepe tuu 'pɩa ‑gälɩ, 'aiɛ 'mɩɩlɛ walaa' 'ɛa dii ‑mɩlɩ bä bäa' 'nie 'klɩ ü 'kplakpla 'iin. 'Asɩ nyüüa 'fɩɔ nʋ 'ünya 'tɔ 'kɔtʋmlɩ, dɛɛ 'nyɩ nyɔɔ ‑a nʋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.