Akëtë 21

'Pɔɔlë 'jraa' Jerusalɛɛmë

1A nyra 'üün 'sɔ sɔsrɔa' ‑gba nɩ, anya 'jra 'mɩɩ 'lɩ anya ‑götröklɩ anya mi Kɔɔsë. 'Ia ‑srɩgbaa' 'kä anya 'tɔ Roodë, 'i ‑sia' anya 'tɔ Patara. 2A jrä ‑plɩɩ 'mɩɩ, 'ɛ mö Fonisiia 'pɛlɩ, anya 'jra anya mi. 3A möa' nɩ, a jä dugbalä 'ü 'daraa' Siiprë ana kʋmla 'pɛlɩ, anya ‑si anya mi Siriia 'blɩ ‑gälɩ. Anya 'cere Tiirëbätä, 'be 'ii 'mɩɩ 'mä ɩ 'ɛa ‑pööti 'cere. 4A 'jäa' 'cɛcɩnyüü nɩ, anya ‑si 'lɩ jrüü ‑uunsɔɔ. ‑Susu nya ‑srörö 'üün kälɩ 'ünya ‑gbala 'Pɔɔlë ɔnyɩ 'jra Jerusalɛɛmë. 5'Ia jrüülü ‑sia' nɩ, anya mi. 'Üa 'fɩɔ nyra 'üa 'ŋlëgë nyra 'üa 'jü, 'ünya fala amɩ falaa 'ünya 'tɔrɔ amɩ bätä 'mäklɩ. 'A ‑plɩɩ, 'tanie 'mäklɩ, a 'pala kotifli, anya bibie Nyɔsʋa. 6Anya sɔsrɔgba, anya 'jra 'mɩɩ 'lɩ; 'ünya 'blöö 'üa ‑nyɛɛ dɛrɩ.

7Anya sɔ Tiirë anya 'tɔ Tolemee, 'a ‑nyɛɛ ana 'nie 'klɩa 'kousɔsɔkʋ bɩara. Anya 'trɛɛ ‑wlajülü bäa' 'lɩ. Anya ‑si 'üün jrüü 'doo ‑gba. 8'Ia ‑srɩgbaa' 'kä nɩ, anya#21.8 anya: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'Pɔɔlë nyra amɔ bäa' 'ɔa ‑gba. mi anya 'tɔ Sesareebätä. A 'tɔa' nɩ, anya pa Filipëa nyüköli 'ii a kʋ. 'Ɔɔ bä Nyɔsʋaa 'mʋfagogosanyɔɔ, 'ɔ bä Jerusalɛɛmëa nyüü ‑uunsɔɔlü 'ü 'baa' 'lɩ 'üa ‑tɔrʋpɩɔ#21.8 Akëtë 6.5; 8.5.. 9'Ɔ ma kä 'ŋlëkayörü mlɔɔ, 'ünyɩ nyɩbɛrʋ ‑a jre. Wiili Nyɔsʋa ‑gbalaa' 'üün 'ii 'ü 'saalɩ.

10Anya ‑si 'lɩ jrüü 'kɔkɔmlɛ. Nyɔsʋaamlɩpalanyɔɔ 'doo, 'ü 'daraa' Agabusë 'ɔ sɔ Judee 'ɔnya ji#21.10 Akëtë 10.8.. 11'Ɔ jräa' ‑plɩɩ amɩ nɩ, 'ɔnya dɔrɔ 'Pɔɔlëa ‑pɛɛtʋ 'wʋ 'ɔnya kpasa 'ɔa 'mʋgbɛa 'dari nyra 'ɔa bei, 'ɔ ‑nëma: «‑Jäsɩ 'Nyüna ‑Susu ‑gbaa': ‹Nyɔɔlɔ käa' ‑pɛɛtʋlʋ kʋa' ‑pɩ nɩ, 'asɩ juifë 'mä 'ɔɔn kpasa Jerusalɛɛmë, 'kä 'ünya 'ɔɔn nyüülü 'nyɩa' juifë bä kälɩ ‑nyɩ.› » 12A 'nua' 'iin 'wli nɩ, amɔ ‑bɛ bätäläa 'cɛcɩnyüü nya bibie 'ɔɔn ɔnyɩ mi Jerusalɛɛmë. 13'Ɔ ‑nëma nɩ: «Dɛplɛɛ kä ‑gʋ 'a 'wuö ‑bɛ 'a 'bata 'na 'klüa 'lɩjäräkʋ le? 'N ‑ëlere, ‑mää 'na kpasrakʋa 'dooa ‑gʋ ‑a, ‑maa 'mä 'nɩmɩ Jerusalɛɛmë järä 'Pläkänyɔɔ Jesua 'nyrɩklɩa ‑gʋ.» 14A jrea' 'saa anyɩ 'lɩ ‑a bɩa amä 'ɔa 'jrʋ 'bla nɩ, anya 'cɛrɛ 'ɔɔn ‑wälɩ. Anya ‑nëma: «Abɩa wiili Nyɔsʋa 'bataa' nrörö!»

15'Ia jrüülü ‑sia' nɩ, anya ‑te ana ‑pööti, anya 'jra Jerusalɛɛmë. 16Sesareea 'cɛcɩnyüü nya fala amɩ bɩa. 'Ünya fa amɩ nyɔɔ 'dooa ‑nyɛɛ, 'ɔɔ 'ü 'daraa' Mënasɔɔn, Siiprëa 'blɩ ‑gälɩa nyɔɔ. 'Ii a kʋ; 'ɔ bäa' 'cɛcɩnyɔɔ 'i 'a 'lɩwlɛ.

'Pɔɔlë nyra Jerusalɛɛmëa 'cɛcɩnyüüa 'wli 'klɩa nyüü traraa'

17A 'tɔa' Jerusalɛɛmë nɩ, 'cɛcɩnyüü nya 'kʋɛɛlɩ amɩ dɔrʋsa. 18‑Srɩ paa' nɩ, 'Pɔɔlë nyra amɔ nya mi Jaakëa ‑nyɛɛ. 'Cɛcɩa tagbüa 'fɩɔ trara 'lɩ. 19'Ɔ 'trɛɛa' 'üün nɩ, 'ɔnya blöplɛ 'ɔnya ‑gbala 'üün 'jrʋpalä Nyɔsʋa ‑fɛɛɛrɛa' nyüülü 'nyɩa' juifë bäa ‑tɔrʋpɩɔ.

20'Ü 'nua' 'iin 'wli nɩ, 'ünya 'bʋala 'Pläkänyɔɔ#21.20 'Pläkänyɔɔ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Nyɔsʋa.. 'Ünya ‑gbala 'Pɔɔlë: «Ana ‑wlajʋ, ‑nyɩ 'jää 'sɩrɩ juifë 'kɔkɔmlɛ toroa' Nyɔsʋa plɛ ‑a; 'ü ‑träärälɩ ‑Dɔ ‑gböösa. 21'Ünya 'nu 'sɩrɩ ‑kpɩaraa' juifënyüülü kʋa' nyüülü 'nyɩa' juifë bäa 'blɩ ‑gälɩ, ‑bɛ ‑gbaalaa' 'üün ü 'pie Moisëa ‑Dɔ: ü 'nɩ 'bö 'üa 'jü, ü 'nɩ ‑träärälɩ juifëa ‑dɔ. 22Dɛplɛɛ amä nʋ le? 'Kasa 'ünya traraa 'be#21.22 'Kasa 'ünya traraa 'be: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. 'ünya 'nua 'sɩrɩ bäa' ‑plɩɩ. 23'Ii känyrɩ wiili a nëmäa' ‑mɩ ‑gbala, 'ii ‑a ‑nʋ. Nyüü mlɔɔ bä ana ‑tɔrʋpɩɔ, 'ü 'sɔrɩ waklüü 'dooa 'nyrɩklɩ. 24Fa 'ümɩ nyra 'üün 'mä ‑gbafuto, 'kä ‑pɛɛɛ 'ümä 'wli kpla#21.24 Tɛ Akëtë 18.18 nyra wiili ‑jɩjraa' ‑pɔɔkʋa bei 'wʋ. 'Ii ‑gbala amɩ 'sɩrɩ nyɔɔ ma 'sɔrɩ Nyɔsʋa juifëa ‑nyɛɛ.. 'Ia 'taɩn 'lɩ nyüüa 'fɩɔ nya 'saa jrea wiili 'ü 'nua' 'wli ‑na ‑gʋ 'nyɩ 'cɩcasa ‑a bä. 'Ümä 'saa jre 'sɩrɩ ‑na 'mʋgbɛ ‑trääräa' 'lɩ ‑Dɔ. 25‑Maa dɛɛlɛ bäa' nyüülü 'nyɩa' juifë bä ü toroa' Nyɔsʋa plɛ nɩ, a ‑jɩjra 'üün 'wʋ anya ‑gbala 'üün wiili a ‑tʋa' 'lɩ: 'ü kä 'ümä ‑gbɔsajijri ‑wäsɩa ‑gba cɛrɛ, 'ü 'nɩ ji ‑toru, 'ü 'nɩ ji mrɛɛlɛ 'nyɩa' ‑plɛlɩ 'bölö, 'ü 'nɩ nʋ ‑sagbili Nyɔsʋa 'nyɩ 'bataa'#21.25 Akëtë 15.23-29..»

26‑Srɩ ‑gbaa' 'kä nɩ, 'Pɔɔlë nyra nyüülü nya mi 'ünya ‑futogba. 'Ɔnya pa Nyɔsʋaanyuku kpaku ‑wälɩ, 'ɔnya ‑gbala 'üün 'doorodoo 'taɩn 'lɩ 'üa ‑gbafuto jrüü 'mäa' blö nyra 'taɩn 'lɩ kä 'mlɩ 'ümäa' Nyɔsʋa ‑gbɔ 'sa.

'Ü 'nyüglöa' 'Pɔɔlë Nyɔsʋaanyuku kpaku ‑wälɩ

27'Ia jrüü ‑uunsɔɔlüa bɩarafa 'wʋ nɩ, Asiia juifë nya 'järä 'Pɔɔlë Nyɔsʋaanyuku kpaku ‑wälɩ. 'Ünya 'tuto nyüü 'kɔkɔmlɛ, 'ü 'kpla 'ɔɔn. 28'Üa 'kpökpöwiia 'mlɩ 'ü nɩnɩa nɩ: «Israɛɛlënyüü 'amɩ, 'ba ji! 'Ba ‑jää nyɔɔlɔ ɔ 'kpɩaraa' ‑pɩɔa 'fɩɔ, ɔ ‑gbalaa' nyüü 'ünyɩ ‑träärälɩ ana ‑Dɔ nyra ‑plɩɩlɩ kʋa' ‑pɩ! 'Ɔnya pla 'nɩmɩ grɛɛkënyüü ana papapɩɔ, 'ümä 'lɩ ‑fre pla!» 29'Be 'ü 'järä 'ɔɔn bätä 'ɔɔ ‑bɛ Ɛfɛsënyɔɔlɔ 'ü 'daraa' Trofimë#21.29 Akëtë 20.4.; 'üa plɛɛ 'ɔ pla 'Pɔɔlë Nyɔsʋaanyuku kpaku ‑wälɩ. 30Jerusalɛɛmëa bätäa 'fɩɔ nya sɔwʋ 'änya 'nyüglö, 'ünya ji püpö 'lɩ 'ünya 'kpla 'Pɔɔlë 'ünya 'kʋɛɛrɛ 'ɔɔn ‑fälɩ, 'ünya 'pa dotro Nyɔsʋaanyukua tatia.

31'A 'taɩn 'lɩ 'ü 'bataa' 'ɔa 'bablakʋ nɩ, 'a ‑plɩɩ 'sʋgɩaa 'kamanyɔɔ 'nu 'sɩrɩ Jerusalɛɛmëa 'fɩɔ 'caklaa' 'lɩ. 32'Köklesaplɩɩ 'ɔnya 'papla 'ɔa 'sʋgɩa nyra 'üa 'cifu ‑gba 'ünya fɔ 'ünya ji 'lɩ. Nyüülü 'jäa' 'kamanyɔɔlɔ nyra 'sʋgɩa nɩ, 'ünya 'nyüglö 'Pɔɔlëa bɔtɔkʋ. 33'Kamanyɔɔlɔ nya 'tɔ 'ɔa ‑gba 'ɔnya 'kpla 'ɔɔn, 'ɔnya ‑gbala 'ɔa nyüü ü nʋ 'cɩ 'sɔɔ ü kpasa 'ɔɔn. 'Ɔnya 'bete nyüülü nyɔɔlɔ 'ɔ bäa' nyra dɛɛlɛ 'ɔ nöa'. 34‑Maa ‑mölöö ma bälɩ 'üa ni 'ü 'paa; ‑yrɛa ‑gʋ 'ɔnyɩ 'lɩ ‑a bɩa 'ɔmä 'cɩcasa 'wli 'nu, 'ia ‑gʋ 'ɔnya ‑gbala 'sʋgɩanyüü ü fa 'ɔɔn 'sʋgɩanyuku kpaku ‑wälɩ. 35'Ü nyra 'ɔɔn 'tɔa' nyukumëmla 'klɩ nɩ, 'sʋgɩanyüü nya dɔrɔ 'ɔɔn 'wʋ nyüüa 'crɛa ‑gʋ. 36Nyüüa 'fɩɔ prɛ 'ɔɔn dɛrɩ ‑bɛ 'ü nö: «'Ba 'bla 'ɔɔn!»

'Pɔɔlë ‑gbalaa' Rɔmëa 'sʋgɩaa 'kamanyɔɔ

37'Taɩn 'lɩ 'sʋgɩanyüü 'bata ɩa' 'sʋgɩanyuku kpaku ‑wälɩ 'paplakʋ nɩ, 'Pɔɔlë nya ‑gbala 'kamanyɔɔlɔ: «'N 'mrɛɛ ‑a ‑gbala ‑mɩ wiijie?» 'Iibäa' nyɔɔlɔ nɩ: «‑Yii ‑paa grɛɛkëwii? 38‑Mää ‑mɔ 'nyɩ Ejiipëtënyɔɔlɔ bea' nyüüa ‑tɔrʋpɩɔ ‑yrɛ ‑taa jrüülüa 'mlɩ ‑a? ‑Mää ‑mɔ faa' toufunyüüa ‑diipʋ (4 000) ‑aaga 'lɩ ‑a?» 39'Iibäa' 'Pɔɔlë nɩ: «Juifënyɔɔ 'n bä. Tarësënyɔɔ 'n bä, Silisiia ‑tʋtʋ ‑gälɩ, bätälä känyrɩ möa' 'mʋfasa 'äa ‑glügbönyɔɔ 'n bä. 'N bibie ‑mɩ, sɔ 'mɩ ‑gba ‑a 'pala nyüü wii ‑gba.»

'Pɔɔlë 'saa' 'lɩ 'sɩrɩ 'ü ‑tʋa' 'ɔɔn ‑gbagblɛ ‑gälɩ

40'Sʋgɩaa 'kamanyɔɔ nya 'nyie. 'Pɔɔlë nya 'nyüglö nyukumëmla 'klɩ, 'ɔnya to nyüü 'darʋ 'klɩ. 'Üa 'fɩɔ nya 'kpla 'mä. 'Ɔnya 'pa Ebrööwii 'ɔnya ‑gbala nyüülü ‑maa:

Currently Selected:

Akëtë 21: Bakwé

Highlight

Copy