1 Korɛɛntënyüü 5

‑SAGBILI NYRA 'BLARƲLƲ NYƆSƲA 'NYƖ 'BATAA''I BÄA' 'CƐCƖNYÜÜA ‑TƆRƲPƖƆ

5.1–6.20

‑Sagbili Nyɔsʋa 'nyɩ 'bataa' bä 'cɛcɩnyüüa ‑tɔrʋpɩɔ

1A 'nrörö 'plɔʋplɔʋ nyüüa mlɩ wii 'wli 'ana 'pɛlɩ. Nyüü nɩnɩa ‑sagbili Nyɔsʋa 'nyɩ 'bataa', 'inyɩa' 'nɩmɩ nyüülü 'nyɩa' Nyɔsʋa jrea ‑tɔrʋpɩɔ bä nɩ, 'ii 'a nö. 'Ü nɩnɩa 'ana ‑tɔrʋpɩɔa nyɔɔ 'ba 'ɔa tʋ 'ŋlʋʋ kälɩ! 2'I kä 'imä ɩ 'amɩ ‑gbapa ‑gböösa, 'amä 'nɩmɩ 'ana ‑tɔrʋpɩɔ 'ia nyɔɔlɔ 'ba. ‑Maa 'lɩ 'a ‑gbaa! 3'Mɔɔlɔ nɩ, 'nyɩ 'ana ‑tɔrʋpɩɔ ‑a bä, ‑maa ama bobo 'n bä 'ana ‑tɔrʋpɩɔ. 'Ii känyrɩ, 'sɩrɩ 'mä ɩa' 'ɔa ‑gä 'bö nɩ, 'ii 'n ‑gbala 'amɩ ‑beere 'sɩrɩ 'n bäa' ‑plɩɩ. 4'Ama trara ana 'Pläkänyɔɔ Jesu 'Kriisëa 'nyrɩklɩ nɩ, 'na bobowli, 'Pläkänyɔɔ Jesu 'Kriisëa 'klü, ‑bɛ 'amɔ, bä ‑pɩɔ 'doo 'wʋ#5.4 'Kriisë … 'Kriisë: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 5'Ba 'sara 'ia 'sama nyɔɔlɔ Sataan kälɩ, 'ɔa 'jajɛ 'mä bʋblɔ, ‑bɛ 'ɔa ‑susu 'mä 'lɩmlɩwʋ 'Pläkänyɔɔ Jesua ‑srɩ 'lɩ.

6'Ana 'lɩgbagbakʋ 'nyɩ 'na ‑a 'na! 'Anyɩ 'saa ‑a jre levurë jie, 'ii 'jrara bɔtɔfarinëa 'fɩɔ? 7'Ba 'ba 'ana ‑gba ‑kätɩ levurë#5.7 ‑kätɩ levurë: 'Iili nɩ, 'ii ‑beere juifëa 'brea ‑dɔ 'lɩ, 'sɩrɩ 'ü ma nöa' 'Paakëa ‑glɩsɩglɩsɩ: ‑glɩsɩglɩsɩ ma nëmä 'lɩjrä nɩ, 'ü ma 'baalɩ levurëa 'fɩɔa ‑pi nyüköli (Ɛgësɔɔdë 12.8,20) 'kä 'ü ma nö ‑bablëëjʋ 'kä 'ü ma 'saa ‑gbɔ, 'kä 'ü ma jö 'flɔɔlʋ kä 'mlɩ 'nyɩa' levurë bä. 'Ia 'fɩɔlʋ mia' blö nɩ, 'Kriisë 'lɩ 'i blörö., 'amä bɔtɔfarinë dëdrä bä. Nyüülü levurë 'nyɩa' 'lɩbä nɩ, 'ia nyüü 'a bä, 'be ana 'Paakëa ‑gʋ 'Kriisë 'sara ‑gbɔ 'lɩ ana ‑gʋ. 8'Ii känyrɩ, a nʋ ‑glɩsɩglɩsɩ ‑maa anyɩ 'cakla 'ɛɛn ‑kätɩ levurë, anyɩ 'cakla 'ɛɛn bʋbɔgbi nyra plɛbʋbɔkʋa levurë. ‑Maa a nʋ 'flɔɔlʋ 'nyɩa' levurë kä, amä ‑glɩsɩglɩsɩlɛ nʋ, 'iibä 'nyünanakʋ nyra 'cɩcasa.

9'N ja 'amɩ ‑pɔɔkʋ 'doo, 'nyaa ‑gbala 'amɩ 'sɩrɩ 'a nyra nyüülü nöa' ‑sagbili Nyɔsʋa 'nyɩ 'bataa', 'a nyra 'üün 'nyɩ kʋ ‑pɩɔ 'doo 'wʋ. 10‑Mää nyüülü 'nyɩa' nyɔsʋaanyüü bä ‑bɛ ü 'paaa' ‑sagbili 'nyɩ 'daa, ‑mää tɛkänyüüa 'fɩɔ 'nyɩ 'daa, 'inya 'nyɩ bɩa 'jejienyüüa 'fɩɔ bä, ‑mää bɩa ‑wäsɩapʋpʋanyüü 'nyɩ bɩa 'daa. Ima ‑gä ɩ 'ia ‑gä nɩ, 'anya ɩ 'blɩa 'mlɩ sɔa 'la! 11Wii ‑mɩlɩ 'n jaa' ‑plɩɩ 'amɩ ɔ nɩ, 'iibä nyɔɔ ma 'daa 'cɛcɩnyɔɔ 'ɔ bä, ‑bɛ ɔma nʋ ‑sagbili, 'aiɛ ɔma kä tɛ, ɔma ‑pʋpʋa ‑wäsɩa nɩ, ɔma bä nyüüsrɛnyɔɔ, 'aiɛ ɔma bä 'nʋblanyɔɔ 'aiɛ 'jejienyɔɔ nɩ, 'a nyra 'ia 'samaa nyɔɔ 'nyɩ tara 'wʋ 'plɔʋ. 12'Mɔɔ kä 'mä nyüülü 'nyɩa' Nyɔsʋa jrea ‑gä ‑tʋ? ‑Mää ‑mülü bäa' 'cɛcɩnyüüa ‑tɔrʋpɩɔ, ‑mää 'üa ‑gä 'a ‑nëmä ‑tʋ? 13‑Mülü 'nyɩa' Nyɔsʋa jre nɩ, Nyɔsʋa nëmä 'üa ‑gä ‑tʋ. 'I ‑jɩjra ‑maa: «'Ba 'ba 'ana ‑tɔrʋpɩɔ plɛbʋbɔnyɔɔ#5.13 Deteronɔɔmë 17.7. 'Asɩ 'i ‑jɩjra ‑kätɩ grɛɛkëwii 'lɩ ‑Kätɩ Kuöa ‑pɔɔkʋa 'mlɩ..»

Currently Selected:

1 Korɛɛntënyüü 5: Bakwé

Highlight

Copy