1 Korɛɛntënyüü 13

‑Wawakʋ ‑si diia 'fɩɔwʋ

1Ama 'pa nyüü nyra 'aanjëa mlɩa wii, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'n ‑beere ‑gliii, 'aiɛ tutufʋfʋ 'ü böa', u käa' ‑yrɛ. 2‑Bɛ ama 'palanyɔsʋamlɩ, ama jre wiilia 'fɩɔ ‑sisiea', ama jre diia 'fɩɔ, ama 'klaa nyɔsʋaplɛ kpakilɛ 'mrɛɛa' ɛmäa' 'dʋgbë 'kou 'sa, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'nyɩ dɛɛ ‑a bä nyrɩkɩnyrɩkɩ. 3Ama 'sa 'na käkädiia 'fɩɔ 'kä 'mä 'pʋablanyüü 'klɩfini nɩ, ‑bakää 'n 'sa 'na fugba 'kä 'ümä 'mɩ 'pütö, ‑bɛ 'na ‑molooa ‑wawakʋ ma 'nyɩ 'na plɛ ‑gälɩ ‑a bä nɩ, 'ia 'fɩɔ bä 'fëflɛgbi.

4‑Wawakʋ kä plɛböblökʋ, ‑wawakʋ kä ‑gbinanakʋ; ‑wawakʋ 'nyɩ kä dɛɛnyü ‑a, ‑wawakʋ 'nyɩ 'pa 'ua ‑gä ‑a, 'unyɩ ‑gbalɩ ‑a, 5'unyɩ nʋ 'nyüsügbi ‑a, 'unyɩ tɛ ‑a kä, 'unyɩ ‑tʋ 'crɛ ‑a, 'unyɩ 'pa nyɔɔa 'crɛ 'mlɩ ‑a. 6'Unyɩ nʋ wiili 'nyɩa' 'klɩgäa dɔrʋ ‑a, ‑maa 'cɩcasaa dɔrʋ 'u nö. 7‑Wawakʋ cere wiia 'fɩɔ, 'u toro diia 'fɩɔ plɛ, 'u 'pie wiia 'fɩɔ plɛ ‑gälɩ, ‑bɛ 'u ‑gbötö wiia 'fɩɔ.

8‑Wawakʋ 'nyɩ bɩabɩa ‑a 'plɔʋ. Nyɔsʋaamlɩpalakʋ nya 'plä 'wʋ 'wʋa, nyüü ‑mölööa mlɩa wiia 'papakʋ nya 'nyüglöa, wiijejrekʋ nya 'plä 'wʋ 'wʋa. 9'Be ‑mää wiia 'fɩɔ anyɩ jre, ‑bɛ nyɔsʋaamlɩpalakʋa 'pɛ 'dee a jre. 10‑Maa wiili jräa' 'wli ma ji nɩ, ‑mɩlɩ 'nyɩa' 'wlijrä nya ‑plɩɩ sɔa. 11'N bä käa' nyʋklɔ nɩ, nyɔkɔsa 'maa 'paa wii, nyɔkɔgbi 'maa nö; ‑maa 'n 'bʋaa' nɩ, 'nyaa 'cɛrɛ nyɔkɔgbi ‑wälɩ. 12'Köklesaplɩɩ ɔ nɩ, a 'jääkä ‑beere ‑titre kä 'klʋɩ 'nyɩa' 'na. ‑Maa 'inya 'taɩn käa, 'kä anya diia 'fɩɔwʋ 'jä 'cɩcasa. Dɛɛlɛ a bäa' ‑plɩɩ ‑gälɩ nɩ, 'nyɩ 'saa 'ia 'fɩɔ ‑a jre, ‑maa 'inya 'taɩn 'käa 'kä 'nyaa Nyɔsʋa jre 'mʋfasa, 'sɩrɩ 'ɔa 'mʋgbɛ jrea' 'mɩ. 13‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

Currently Selected:

1 Korɛɛntënyüü 13: Bakwé

Highlight

Copy