ሮሜ 12
12
1ኤሴ አይታሳክቶኖ! አቱንቲሶን ሀኦሶን ግርሱኒ ሀየዋ እማነዋ ኮርቶ ማአነ ዛግራ ሀኦሲክ እማትክ ሀኦሲ ጋራማክ ሺጵፋዉጝዋ። ኤስ ባር ደይ ማአ ንብንትስን ኬስፋ ፉቶኒ ሀኦኒ ሺጶሴዋ። 2ማአ ዉዛሴዋ ግርሱኒ ዉዛሴ ደይ ቱማ ስና ሀኦሲ ፍቃድኖን አሩ ችማትክ ካኑንትሶን ጋድዶሱክ ንብንቲሲ ሳፋራክ ሶልቶትታኖ ሀን ዳስታኪ አሱኒ ሜያነ ፌር ስናቲታዋ። 3ደይ እሳ እሳርኒቲስ ሀኦስ ንቶክ እምና አማንቶሲማቶ ሹጳክ ሳፋሮትታኖ ንቶክ ሾልስስታን ደናሎ ቴትንትሲክ ቤጋንቶክ ሳፋሮቲታ ይራ ታክ እምቴ ሀኦሲ ኦትማክ ማኬፋውጙዋ። 4እሳ አቱኒስታ ሾዎ ብልቲ ፋርዋ፥ ኤስ አቱኒሲ ብልት ደይ ቴትባ ቴትባሲክ ኦማ ኦማ ዎስቶባ ፋርዋ። 5ኤሲስማቶ ደይ እንኖ ሾዎ ስንፋት ክርስቶስኒክ እሳ አቱ ስንኒዋ። እሳ አቱኒ ብልት ስንኒ ቦርአ እኖትና እኖትና ደይ እሳርዋ። 6ኤስ ባሪ ቦርኣ ሀኦስ ኦቱምባሲክ እኖክ እምና ሾዎ ቴሳ እማሶን ዎስቶታ ፌሹንዋ። ኤስ እኖክ እምቴ እማስ ሀኦሲ ካማኖን አዋሱ ስንፋናነ አማንቶኒስማቶ ሀኦሲ ካማኖን አዋሱኒዋ። 7እኖክ እምቴ እማስ ኦምኒ ሜያኖን አርጋሱ ስንፋናነ ችምማ አሪጋሱኒዋ። እኖክ እምቴ እማስ አሱኒን አስሱ ስንፋናነ ማእስራ አስሱኒዋ። 8እኖክ እምቴ እማስ ችኑ ስንፋናነ ችኑንዋ፥ እኖክ እምቴ እማስ አሱኒክ እማ ስንፋናነ ማአ ንባክ እማንዋ። እኖክ እምቴ እማስ ሀእሱ ስንፋናነ ችማ ሀእሱኒዋ፥ እኖክ እምቴ እማስ ኬናሽቶ ስንፋናነ ኤስ ባሮን ደይ ግራክ ዛጉንዋ። 9ስንኖይ ስንና ቤስቶኒ ኡባ ፎንቶኖን ፉቶኒ ኬሽታናንት ፎንዋ። ማጙ ዉዛሶን ኦምቶት፥ ማአ ስና ዉዛስኔን አነ እሳር ስንት። 10ንቶትና ንቶትና አይና አይና አሲ ኬሽታናሲክ ዎል ሹኖት። ንቶትና ንቶትና ዎል ኡልፍንሱክ ታፕቶት። 11ሆፑኖይ ጉዙ አያናሲክ ዞኑስቴራ ዳሚሲክ ዎስቶት። 12አብዲሲክ ግሮትዋ፥ ሻና ያና ዎኖ ፋኩት። ዎንና ዎንና ሽጶት። 13አማኝ አይኝኒ ሜያኖን ራኮቤስሲሲክ አሪጋሱት። እርባ ስንነ የ ባሶትን ኤጳ እርባሱት። 14ንቶትን ካብግፌ ባሶትን ሱስት፥ ሱስትታኖ ኤርዉቲታ። 15ግሬፌ ባሶኔን አነ ግርሶት፥ ዋስሴፌ ባሶኔን አነ ዋሱሶት። 16ንቶትና ንቶትና እሳ ሳፋራክ እሳር ስንና ፎቲ። ቴትንትሶን ቴጉክ ቤጋንቶሶን ቤይያ ቱካምኒ ሜያኔን አነ እሳሪክ ፎሶት፥ ቴትንትሲክ እንኖ አሩዋ ኡትታ። 17አሱ ዙታምባሴ አስ ስናክ ማአር ስና ዉዛሶን ዛጉትታኖ አሱኒ ሜያ ንቶስታ ማጙ ዉዛ ዛግሴፌ ካባሲክ ዎልግራ ማጙ ዉዛ ባሶስታ ዛጉትታ። 18ንቶክ ችምቴር ስንፋናነ አሱ ዙታምባሴኔን አነ ናጋክ ፎትክ ንቶኪን ሾልሲ ዉዛሶን ዙትራ ዛጉሶት። 19ኮንታሳክቶኖ! ግአሶን ሀኦሲክ ቤይትታኖ ንቶ ዎል ላ ጉማ ካስቶትታ፦ «ጉማ ካስቶኒስናዋ ጉማኒ ቆዋሶን ዎልጉኒስና ታዋ ይፋዋ ዳማ ሀኦስ» ይስቴራ ትቼዋ። 20ኤስ ባሪ ቦርኣ ጉማኒ ካስቶስታን ጉማኔስ ማክቴፋናነ ማሱ እክቴፋናነ ደይ ኡሹ፥ ኤስ ባሮን ዛጉኔሲክ ቴትባስታ ኢችቻንኒ ጌያ ዎቱታዋ። 21ማጙ ዉዛሶን ማአሪክ ሜሮታኖ ማጙ ዉዛሲክ ሜርቶታታዋ።
Currently Selected:
ሮሜ 12: YemNTEth
Highlight
Share
Copy
Want to have your highlights saved across all your devices? Sign up or sign in
The word for the world Ethiopia
ሮሜ 12
12
1ኤሴ አይታሳክቶኖ! አቱንቲሶን ሀኦሶን ግርሱኒ ሀየዋ እማነዋ ኮርቶ ማአነ ዛግራ ሀኦሲክ እማትክ ሀኦሲ ጋራማክ ሺጵፋዉጝዋ። ኤስ ባር ደይ ማአ ንብንትስን ኬስፋ ፉቶኒ ሀኦኒ ሺጶሴዋ። 2ማአ ዉዛሴዋ ግርሱኒ ዉዛሴ ደይ ቱማ ስና ሀኦሲ ፍቃድኖን አሩ ችማትክ ካኑንትሶን ጋድዶሱክ ንብንቲሲ ሳፋራክ ሶልቶትታኖ ሀን ዳስታኪ አሱኒ ሜያነ ፌር ስናቲታዋ። 3ደይ እሳ እሳርኒቲስ ሀኦስ ንቶክ እምና አማንቶሲማቶ ሹጳክ ሳፋሮትታኖ ንቶክ ሾልስስታን ደናሎ ቴትንትሲክ ቤጋንቶክ ሳፋሮቲታ ይራ ታክ እምቴ ሀኦሲ ኦትማክ ማኬፋውጙዋ። 4እሳ አቱኒስታ ሾዎ ብልቲ ፋርዋ፥ ኤስ አቱኒሲ ብልት ደይ ቴትባ ቴትባሲክ ኦማ ኦማ ዎስቶባ ፋርዋ። 5ኤሲስማቶ ደይ እንኖ ሾዎ ስንፋት ክርስቶስኒክ እሳ አቱ ስንኒዋ። እሳ አቱኒ ብልት ስንኒ ቦርአ እኖትና እኖትና ደይ እሳርዋ። 6ኤስ ባሪ ቦርኣ ሀኦስ ኦቱምባሲክ እኖክ እምና ሾዎ ቴሳ እማሶን ዎስቶታ ፌሹንዋ። ኤስ እኖክ እምቴ እማስ ሀኦሲ ካማኖን አዋሱ ስንፋናነ አማንቶኒስማቶ ሀኦሲ ካማኖን አዋሱኒዋ። 7እኖክ እምቴ እማስ ኦምኒ ሜያኖን አርጋሱ ስንፋናነ ችምማ አሪጋሱኒዋ። እኖክ እምቴ እማስ አሱኒን አስሱ ስንፋናነ ማእስራ አስሱኒዋ። 8እኖክ እምቴ እማስ ችኑ ስንፋናነ ችኑንዋ፥ እኖክ እምቴ እማስ አሱኒክ እማ ስንፋናነ ማአ ንባክ እማንዋ። እኖክ እምቴ እማስ ሀእሱ ስንፋናነ ችማ ሀእሱኒዋ፥ እኖክ እምቴ እማስ ኬናሽቶ ስንፋናነ ኤስ ባሮን ደይ ግራክ ዛጉንዋ። 9ስንኖይ ስንና ቤስቶኒ ኡባ ፎንቶኖን ፉቶኒ ኬሽታናንት ፎንዋ። ማጙ ዉዛሶን ኦምቶት፥ ማአ ስና ዉዛስኔን አነ እሳር ስንት። 10ንቶትና ንቶትና አይና አይና አሲ ኬሽታናሲክ ዎል ሹኖት። ንቶትና ንቶትና ዎል ኡልፍንሱክ ታፕቶት። 11ሆፑኖይ ጉዙ አያናሲክ ዞኑስቴራ ዳሚሲክ ዎስቶት። 12አብዲሲክ ግሮትዋ፥ ሻና ያና ዎኖ ፋኩት። ዎንና ዎንና ሽጶት። 13አማኝ አይኝኒ ሜያኖን ራኮቤስሲሲክ አሪጋሱት። እርባ ስንነ የ ባሶትን ኤጳ እርባሱት። 14ንቶትን ካብግፌ ባሶትን ሱስት፥ ሱስትታኖ ኤርዉቲታ። 15ግሬፌ ባሶኔን አነ ግርሶት፥ ዋስሴፌ ባሶኔን አነ ዋሱሶት። 16ንቶትና ንቶትና እሳ ሳፋራክ እሳር ስንና ፎቲ። ቴትንትሶን ቴጉክ ቤጋንቶሶን ቤይያ ቱካምኒ ሜያኔን አነ እሳሪክ ፎሶት፥ ቴትንትሲክ እንኖ አሩዋ ኡትታ። 17አሱ ዙታምባሴ አስ ስናክ ማአር ስና ዉዛሶን ዛጉትታኖ አሱኒ ሜያ ንቶስታ ማጙ ዉዛ ዛግሴፌ ካባሲክ ዎልግራ ማጙ ዉዛ ባሶስታ ዛጉትታ። 18ንቶክ ችምቴር ስንፋናነ አሱ ዙታምባሴኔን አነ ናጋክ ፎትክ ንቶኪን ሾልሲ ዉዛሶን ዙትራ ዛጉሶት። 19ኮንታሳክቶኖ! ግአሶን ሀኦሲክ ቤይትታኖ ንቶ ዎል ላ ጉማ ካስቶትታ፦ «ጉማ ካስቶኒስናዋ ጉማኒ ቆዋሶን ዎልጉኒስና ታዋ ይፋዋ ዳማ ሀኦስ» ይስቴራ ትቼዋ። 20ኤስ ባሪ ቦርኣ ጉማኒ ካስቶስታን ጉማኔስ ማክቴፋናነ ማሱ እክቴፋናነ ደይ ኡሹ፥ ኤስ ባሮን ዛጉኔሲክ ቴትባስታ ኢችቻንኒ ጌያ ዎቱታዋ። 21ማጙ ዉዛሶን ማአሪክ ሜሮታኖ ማጙ ዉዛሲክ ሜርቶታታዋ።
Currently Selected:
:
Highlight
Share
Copy
Want to have your highlights saved across all your devices? Sign up or sign in
The word for the world Ethiopia