ROMANUN 8
8
1Kah dush kayahbe nahneboomahsewug egewh dabandahgoozejig emuh Christ Jesusing, anoosasejig azhewabuk weyausemah, anoosawaud atuh azhewabezid Keche‐oojechaug.
2Ootebahkoonegawin owh bemahdezewine‐oojechaug emuh Christ Jesusing ningepuggedenegoon debandahgoozeyaunbaun emuh mujje‐ezhewabezewine kuhya neboowine‐tebahkoonegawining.
3Ewh muh kepwahnuhwetoomahguk ewh tebahkoonegawin, ewh keshahgwewemahguk oonje weyausing, Kesha‐Muhnedoo kepeëzhenahzhahwaud enewh tebenuhwa oogwissun maje‐ezhewabuk weyausing keëzhenahgoozenid, ewh mujje‐ezhewabezewining kahoonjenahneboondung ewh mujje‐ezhewabezewin emuh weyausemaung:
4Ewh tebahkoonegawine quuhyuk‐ezhewabezewin chedebishkoosag emuh keyowenaung kenuhwind, anoosasewung ewh azhekuhgaundwamahguk weyausemah, azhekuhgaundwad atuh oojechaugoomah.
5Egewh muh azhewabezejig azhekuhgaundwamahguk ewh weyausemah oobahbahmandaunahwah weyausewe uhyeëen; egewh azhewabezejig azhekuhgaundwad owh oojechaugoomah oobahbahmandaunahwah enewh Oojechaugoowine‐uhyeëen.
6Bahbahmanduhming ewh weyausemah mesuh neboowin; bahbahmanemind dush owh Oojechaugoomah mesuh ewh bemahdezewin kuhya pezaunewawin.
7Ewh weyausewe‐bahbahmanduhmoowin me ewh mahgahnegood owh Kesha‐Muhnedoo: kah mah puggedenedezoomahgussenoon emuh oodebahkoonegawining owh Kesha‐Muhnedoo, kah dush kagate tahkushketoomahgussenoon.
8Mesuh dush ween egewh emuh weyahsewe‐bahbahmanduhmoowining ayahjig kahween kushkeöosewug cheminwanduhmooähwaud enewh Kesha‐Muhnedoon.
9Kahween kenuhwah kedahyahseem emuh weyahsewe‐bahbahmanduhmoowining, emuh atuh oojechaugoowine‐bahbahmanduhmoowining, kishpin kagate Kesha‐Muhnedoo Oojechaugwun anduhnezenid emuh keyowewaung. Kishpin gooshah ahweyah enene kekishkewahsig enewh Christ oojechaugwun kahween oodebanemegooseen enewh Christun.
10Kishpin dush kekishkahwag owh Christ, neboomahgud suh weyowemah, mujje‐ezhewabezewin oonje; owh dush ween Oojechaugoomah bemahdezewinewe quuhyuk‐ezhewabezewin oonje.
11Kishpin dush Oojechaugwun owh kahahbejebahaud enewh Jesusun duhnezenid emuh keyowewaung, owh kahahbejebahaud enewh Christun oogahahbejebahtoonun natuh‐neboomahgukkin keyowewaug oonje enewh Oojechaugwun ayahwag emuh keyowewaung.
12Nejekewaëdoog nemuzzeneëgamin gooshah, kah, nahsaub azhekuhgaundwamahguk‐weyausemah, cheëzhebemahdezeyungoobun.
13Kishpin mahween azhebemahdezeyag azhekuhgaundwamahguk weyausemah, kegahneboom: kishpin dush ween owh Oojechaugoomah oonje‐netooyag enewh weyowe-ezhechegawinun, kegahbemahdezeem.
14Menik suh goo kakenoowenegoojig enewh Oojechaugwun owh Kesha‐Muhnedoo, oodoogwissemegoowaun enewh Kesha‐Muhnedoon.
15Kahween dush kegeöodahpenahsewah owh buhmeetahgawine‐oojechaugoomah menuhwah chesagezeyag; kegeöodahpenahwah suh atuh oogwissewine‐oojechaugoomah, wanje‐enung Kesha‐Muhnedoo anuhmeätuhwungoon, Abba, Noosa.
16Keche‐Oojechaug tebenuhwa mahmahwe kuhya kenuhwind kechechaugoonahnig kedenahjemegoonahnig ewh oonejahnesemenung owh Kesha‐Muhnedoo:
17Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.
18Nindenandum suh dush enewh kootuggetoowinun noongoom ayaugin kah taähpeetandahgussenoon chetuhgoo‐ahginjegahdag e‐ewh peshegandahgoozewin kamezheshuh‐wahbunduhegooyung.
19Ewh muh ookeche‐nunduhwanduhmoowin owh kahoozheïnd nundahwanduhmoomahgudene chemezheshuh‐wahbuhmenahgoozenid oonejahnesun owh Kesha‐Muhnedoo.
20Owh muh kahoozheïnd ketahquahkoonah emuh ketemahgezewining, kahween egoo ween tebenuhwa keënanduhse, owh suh ween egoo kahtahquahkoonegad emuh ahpanemoowining.
21Owh muh kahoozheïnd tahpuggedenegahzoo noongoom azhedebandahgoozid emuh bahnahdezewining cheähyaud emuh‐kachetwahwandahgwudenig oopuggedenegah-zoowinewaung oonejahnesun owh Kesha‐Muhnedoo.
22Kekekandahmin muh kuhkenuh egewh kahoozheindjig mahmahpenawaud kuhya wesugganduhmoowaud mahmahwe peenish egoo noongoom.
23Kahween dush wenuhwah atuh, kuhya suh kenuhwind, ayahyung ewh netum oomeenewewin owh Oojechaugoomah, pooch kuhya kenuhwind kemahmahtwamin peenjenuh, beetooyung ewh tahquahkoonegawin, me suh ewh cheäunjechegahdag keyowenahnin.
24Ahpanemoowin suh kegebemahjeëgoonaun: ewh dush ahpanemoowin wahyahbunjegahdag kahween ahpanemoowin ahwunsenoon: ewh muh enene wuhyahbundung, wagoonan kayahbe kaöonje‐ahpanemood?
25Kishpin atuh ahpanemooyung ewh wuhyahbunduhsewung, me dush emuh sheebanduhmoowining kedezhebeetoomin.
26Mesuh kuhya owh Keche‐Oojechaug wahdookung kenuhneenemezewinenahnin; kah muh kekekanduhsemin kanundooduhmung kaëzhenundooduhmahgayungoobun: keguhnoodahmahgoonaun suh owh Keche‐oojechaug enewh nunduhwanduhmoowinun kakushketoosing cheëkedoong.
27Owh dush kakandung enewh oodaëmaun ookekandaun enanduhmenid Keche‐oojechaugwun, ooguhnoodahmahwaun muh enewh anuhmeähnejin debishkoo enanduhmenid enewh Kesha‐Muhnedoon.
28Kekekandahmin dush kuhkenuh enewh uhyeëen mahmahwe ahnookeemahgudoon cheöonjeshahwandahgoozewaud egewh suhyahgeähjig enewh Kesha‐Muhnedoon, mesuh egewh kahnundoomindjig emuh oodenanduhmoowining.
29Enewh muh kezhah kahkekanemahjin, mesuh enewh kezhah kahwuhwanahbuhmahjin cheëzhewabezeëmind debishkoo azhewabezenid Oogwissun chenetum‐negenid ahnoo bahtuheënid wejekewaün.
30Menuhwah enewh kezhah kahwuhwanahbuhmahjin, me enewh kahnundoomahjin: kuhya enewh kahnundoomahjin, me suh goo enewh kahquuhyuk‐ezbewabezeähjin: kuhya enewh kahquuhyuk‐ezhewabezeähjin mesuh enewh kahpeshegandahgooähjin.
31Ahneen dush kaëkedooyung noonduhmung oonoo uhyeëen? Kishpin weedookoonung owh Kesha‐Muhnedoo, ahwanan kamegahnenung?
32Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?
33Ahwanan kaähnahmemaud gagoo enewh kahwuhwanahbuhmahjin owh Kesha‐Muhnedoo? Kesha‐Muhnedoo ahwe owh quuhyuk‐ezhewabezeëwad.
34Ahwanan owh kanahneboongad? Tahnahneboonga nuh Christ kahnebood, kagate dush nayaub kahahbejebaud, owh namuhduhbid emuh ookechenikaung owh Kesha‐Muhnedoo, mesuh kuhya owh ganooduhmoonenung?
35Ahwanan kapukkawenenung emuh oonje oosahgeëwawining owh Christ? kootugganduhmoowin nuh, gamuh ketemahgezewin, gamuh kooduggeëgoowin, gamuh pukkuddawin, gamuh pingwuhshahgedewin, gamuh nuhneezahnezewin, gamuh ewh ahzhahwashk?
36Debishkoo azhebeëgahdag, Keen oonje nenesegoomin kuhpa kezheguk; mahnishtahneshug wahnesindjig nindenanemegoonahnig.
37Menungakah! kuhkenuh oonoo uhyeëen ahwahshema kemahmauzhetwahmin oonje owh suhyahgeënung.
38Kagate gooshah nepuhgukkandaun, kahween neboowin, kuhya bemahdezewin, kuhya angenug, kuhya kachetwahwezejig, kuhya mashkahwezejig, kuhya enewh uhyeëen noongoom ayaugin, gamuh pecheenug wahpeäh-yaugin.
39Kuhya ishpahwin, kuhya keenweendeemahwin, kah kuhya gagoo wazhechegahdag, ningahtapuhkawenegoosenahnin oonje oosahgeëwawining owh Kesha‐Muhnedoo emuh Jesus Christing Tabanemenung.
Currently Selected:
ROMANUN 8: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
ROMANUN 8
8
1Kah dush kayahbe nahneboomahsewug egewh dabandahgoozejig emuh Christ Jesusing, anoosasejig azhewabuk weyausemah, anoosawaud atuh azhewabezid Keche‐oojechaug.
2Ootebahkoonegawin owh bemahdezewine‐oojechaug emuh Christ Jesusing ningepuggedenegoon debandahgoozeyaunbaun emuh mujje‐ezhewabezewine kuhya neboowine‐tebahkoonegawining.
3Ewh muh kepwahnuhwetoomahguk ewh tebahkoonegawin, ewh keshahgwewemahguk oonje weyausing, Kesha‐Muhnedoo kepeëzhenahzhahwaud enewh tebenuhwa oogwissun maje‐ezhewabuk weyausing keëzhenahgoozenid, ewh mujje‐ezhewabezewining kahoonjenahneboondung ewh mujje‐ezhewabezewin emuh weyausemaung:
4Ewh tebahkoonegawine quuhyuk‐ezhewabezewin chedebishkoosag emuh keyowenaung kenuhwind, anoosasewung ewh azhekuhgaundwamahguk weyausemah, azhekuhgaundwad atuh oojechaugoomah.
5Egewh muh azhewabezejig azhekuhgaundwamahguk ewh weyausemah oobahbahmandaunahwah weyausewe uhyeëen; egewh azhewabezejig azhekuhgaundwad owh oojechaugoomah oobahbahmandaunahwah enewh Oojechaugoowine‐uhyeëen.
6Bahbahmanduhming ewh weyausemah mesuh neboowin; bahbahmanemind dush owh Oojechaugoomah mesuh ewh bemahdezewin kuhya pezaunewawin.
7Ewh weyausewe‐bahbahmanduhmoowin me ewh mahgahnegood owh Kesha‐Muhnedoo: kah mah puggedenedezoomahgussenoon emuh oodebahkoonegawining owh Kesha‐Muhnedoo, kah dush kagate tahkushketoomahgussenoon.
8Mesuh dush ween egewh emuh weyahsewe‐bahbahmanduhmoowining ayahjig kahween kushkeöosewug cheminwanduhmooähwaud enewh Kesha‐Muhnedoon.
9Kahween kenuhwah kedahyahseem emuh weyahsewe‐bahbahmanduhmoowining, emuh atuh oojechaugoowine‐bahbahmanduhmoowining, kishpin kagate Kesha‐Muhnedoo Oojechaugwun anduhnezenid emuh keyowewaung. Kishpin gooshah ahweyah enene kekishkewahsig enewh Christ oojechaugwun kahween oodebanemegooseen enewh Christun.
10Kishpin dush kekishkahwag owh Christ, neboomahgud suh weyowemah, mujje‐ezhewabezewin oonje; owh dush ween Oojechaugoomah bemahdezewinewe quuhyuk‐ezhewabezewin oonje.
11Kishpin dush Oojechaugwun owh kahahbejebahaud enewh Jesusun duhnezenid emuh keyowewaung, owh kahahbejebahaud enewh Christun oogahahbejebahtoonun natuh‐neboomahgukkin keyowewaug oonje enewh Oojechaugwun ayahwag emuh keyowewaung.
12Nejekewaëdoog nemuzzeneëgamin gooshah, kah, nahsaub azhekuhgaundwamahguk‐weyausemah, cheëzhebemahdezeyungoobun.
13Kishpin mahween azhebemahdezeyag azhekuhgaundwamahguk weyausemah, kegahneboom: kishpin dush ween owh Oojechaugoomah oonje‐netooyag enewh weyowe-ezhechegawinun, kegahbemahdezeem.
14Menik suh goo kakenoowenegoojig enewh Oojechaugwun owh Kesha‐Muhnedoo, oodoogwissemegoowaun enewh Kesha‐Muhnedoon.
15Kahween dush kegeöodahpenahsewah owh buhmeetahgawine‐oojechaugoomah menuhwah chesagezeyag; kegeöodahpenahwah suh atuh oogwissewine‐oojechaugoomah, wanje‐enung Kesha‐Muhnedoo anuhmeätuhwungoon, Abba, Noosa.
16Keche‐Oojechaug tebenuhwa mahmahwe kuhya kenuhwind kechechaugoonahnig kedenahjemegoonahnig ewh oonejahnesemenung owh Kesha‐Muhnedoo:
17Kishpin dush oonejahnesemegooyung, me ewh kaoonje‐debandahzooyung; chedebanduhmung Kesha‐Muhnedoo ooduhyeemun kuhya cheweej‐debandahsoomung owh Christ; kishpin dush oo‐oo azheähyahyung cheweeje‐kooduggetoomung, ewh edush nuh kuhya kenuhwind mahmahwe cheweeje‐peshegandahgoozemung.
18Nindenandum suh dush enewh kootuggetoowinun noongoom ayaugin kah taähpeetandahgussenoon chetuhgoo‐ahginjegahdag e‐ewh peshegandahgoozewin kamezheshuh‐wahbunduhegooyung.
19Ewh muh ookeche‐nunduhwanduhmoowin owh kahoozheïnd nundahwanduhmoomahgudene chemezheshuh‐wahbuhmenahgoozenid oonejahnesun owh Kesha‐Muhnedoo.
20Owh muh kahoozheïnd ketahquahkoonah emuh ketemahgezewining, kahween egoo ween tebenuhwa keënanduhse, owh suh ween egoo kahtahquahkoonegad emuh ahpanemoowining.
21Owh muh kahoozheïnd tahpuggedenegahzoo noongoom azhedebandahgoozid emuh bahnahdezewining cheähyaud emuh‐kachetwahwandahgwudenig oopuggedenegah-zoowinewaung oonejahnesun owh Kesha‐Muhnedoo.
22Kekekandahmin muh kuhkenuh egewh kahoozheindjig mahmahpenawaud kuhya wesugganduhmoowaud mahmahwe peenish egoo noongoom.
23Kahween dush wenuhwah atuh, kuhya suh kenuhwind, ayahyung ewh netum oomeenewewin owh Oojechaugoomah, pooch kuhya kenuhwind kemahmahtwamin peenjenuh, beetooyung ewh tahquahkoonegawin, me suh ewh cheäunjechegahdag keyowenahnin.
24Ahpanemoowin suh kegebemahjeëgoonaun: ewh dush ahpanemoowin wahyahbunjegahdag kahween ahpanemoowin ahwunsenoon: ewh muh enene wuhyahbundung, wagoonan kayahbe kaöonje‐ahpanemood?
25Kishpin atuh ahpanemooyung ewh wuhyahbunduhsewung, me dush emuh sheebanduhmoowining kedezhebeetoomin.
26Mesuh kuhya owh Keche‐Oojechaug wahdookung kenuhneenemezewinenahnin; kah muh kekekanduhsemin kanundooduhmung kaëzhenundooduhmahgayungoobun: keguhnoodahmahgoonaun suh owh Keche‐oojechaug enewh nunduhwanduhmoowinun kakushketoosing cheëkedoong.
27Owh dush kakandung enewh oodaëmaun ookekandaun enanduhmenid Keche‐oojechaugwun, ooguhnoodahmahwaun muh enewh anuhmeähnejin debishkoo enanduhmenid enewh Kesha‐Muhnedoon.
28Kekekandahmin dush kuhkenuh enewh uhyeëen mahmahwe ahnookeemahgudoon cheöonjeshahwandahgoozewaud egewh suhyahgeähjig enewh Kesha‐Muhnedoon, mesuh egewh kahnundoomindjig emuh oodenanduhmoowining.
29Enewh muh kezhah kahkekanemahjin, mesuh enewh kezhah kahwuhwanahbuhmahjin cheëzhewabezeëmind debishkoo azhewabezenid Oogwissun chenetum‐negenid ahnoo bahtuheënid wejekewaün.
30Menuhwah enewh kezhah kahwuhwanahbuhmahjin, me enewh kahnundoomahjin: kuhya enewh kahnundoomahjin, me suh goo enewh kahquuhyuk‐ezbewabezeähjin: kuhya enewh kahquuhyuk‐ezhewabezeähjin mesuh enewh kahpeshegandahgooähjin.
31Ahneen dush kaëkedooyung noonduhmung oonoo uhyeëen? Kishpin weedookoonung owh Kesha‐Muhnedoo, ahwanan kamegahnenung?
32Owh muh kahsahgetuhmoosenoowung tebenuhwa oogwissun, kepuggedenaud dush ween kuhkenuh kenuhwind oonje, ahneen dush kaöonje‐meenissenoowung mahmahwe wanepuzh ahnooj gagoo?
33Ahwanan kaähnahmemaud gagoo enewh kahwuhwanahbuhmahjin owh Kesha‐Muhnedoo? Kesha‐Muhnedoo ahwe owh quuhyuk‐ezhewabezeëwad.
34Ahwanan owh kanahneboongad? Tahnahneboonga nuh Christ kahnebood, kagate dush nayaub kahahbejebaud, owh namuhduhbid emuh ookechenikaung owh Kesha‐Muhnedoo, mesuh kuhya owh ganooduhmoonenung?
35Ahwanan kapukkawenenung emuh oonje oosahgeëwawining owh Christ? kootugganduhmoowin nuh, gamuh ketemahgezewin, gamuh kooduggeëgoowin, gamuh pukkuddawin, gamuh pingwuhshahgedewin, gamuh nuhneezahnezewin, gamuh ewh ahzhahwashk?
36Debishkoo azhebeëgahdag, Keen oonje nenesegoomin kuhpa kezheguk; mahnishtahneshug wahnesindjig nindenanemegoonahnig.
37Menungakah! kuhkenuh oonoo uhyeëen ahwahshema kemahmauzhetwahmin oonje owh suhyahgeënung.
38Kagate gooshah nepuhgukkandaun, kahween neboowin, kuhya bemahdezewin, kuhya angenug, kuhya kachetwahwezejig, kuhya mashkahwezejig, kuhya enewh uhyeëen noongoom ayaugin, gamuh pecheenug wahpeäh-yaugin.
39Kuhya ishpahwin, kuhya keenweendeemahwin, kah kuhya gagoo wazhechegahdag, ningahtapuhkawenegoosenahnin oonje oosahgeëwawining owh Kesha‐Muhnedoo emuh Jesus Christing Tabanemenung.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.