PHILIPPIANUN 4
4
1Benuh dush, nejekewaëdoog kache‐sahgeënenuhgoog kuhya kache‐nunduhwanemenenuhgoog, nemoojegezewin kuhya nesuhsagah‐wewuhquaun ahyahweyag, oo‐oo ezhesoongekahbahweyook oonje owh Tabaningad, kache‐sahgeënuhgoog.
2Nenundahwanemah Euodia, kuhya nenunduhwanemah owh Syntyche, nahsaub cheënanduhmoowaud oonje owh Tabaningad.
3Kepahgoosanemin dush kuhya keen quuhyuk nahyahdahmahweyun, weedookow oogoo equawug kahweedookahwejig emuh minwahjemoowining, kuhya owh Clement, kuhya ahnind kahnahdahmahwejig, egewh oodoonoozoowinewah wazhebeëgahdanig emuh bemahdezewine‐muzzeëguning.
4Moojegezetuhwik moonzhug owh Tabaningad: menuhwah dush nindekid, Moojegezeyook.
5Mahnoo kuhkenuh enenewug oogahkekandahnahwah kebakah‐bemahdezewinewah. Pashoo peähyah owh Tabaningad.
6Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.
7Kuhya ewh oopezaunewawin owh Kesha‐Muhnedoo, ewh ahweyah katanesittootunsigoobun, kegahguhnuhwane-megoonahwah emuh kedaëwaung kuhya emuh kedenanduhmoowinewaung oonje owh Christ Jesus.
8Ishquauj, nejekewaëdoog, wagoodoogwanun enewh uhyeëen duhyabwamahgukkin, wagoodoogwanun enewh uhyeëen quuhyuk‐azhewabukkin, wagoodoogwanun enewh uhyeëen manwandahgwukkin, wagoodoogwanun enewh uhyeëen pahnukkin, wagoodoogwanun enewh uhyeëen manwahbuhmenahgwukkin, wagoodoogwanun enewh uhyeëen manoo‐duhzhinjegahdagin; kishpin duhgoomahgudoogwan menoo‐ezhewabezewin, kishpin duhgoomahgudoogwan wahwezhanduhmoowin, me suh enewh kanuhnahgahdahwanduhmag.
9Enewh uhyeëen, kahkekenooähmoonenuhgoogin kuhya kahoodahpenuhmahweyagoon kuhya kahenittahweyagoon kuhya kahwahbunduhmahweyagoon ezhechegayook; kegahweejewegoowah dush owh Kesha‐Muhnedoo mahgewad ewh pezaunewawin.
10Ningekeche‐moojegezetuhwah dush owh Tabaningad, noongoom gaguhpe nayaub kebahbahmanemeyag; ewh ahnoo kebahbahmanemewagwan, kah suh gagoo kegekushketoosenahwah chemeezheyag.
11Kahween nindekedoose gagoo kemuhnazeyaun: ningeëzhekekenooähmahgoo muh nuhmunj azhewabezewaunan, chetabuhganemooyaun.
12Ninkekandaun muh kaëzheähgahsandahgooëgooyaun, kuhya nekekandaun kaëzhewahnuhdezeyaun: mezewa kuhya emuh kuhkenuh uhyeëeng nindezhekekenooähmahgoo chetabesineyaun kuhya chepuhkuddayaun, chewahnuhdezeyaun kuhya chemuhnazeyaun.
13Nekushketoonun ahnooj gagoo cheëzhechegayaun oonje owh Christ mashkahwanduhmooïd.
14Ahnahwe kegemenoo‐doodaum, keweedookahweyag uhpe katemahgezeyaun.
15Benuh dush Philippianedoog kekanduhmoog kuhya kenuhwah, uhpe muhyahje‐kuhgequang ewh minwahjemoowin, uhpe Macedoniaïng kahoonje‐mahjahyaun kahween ningooche duhzhe anuhmeähjig ningeweedookahgooseeg ewh meegewang, kuhya oodahpenegang kenuhwah atuh.
16Pooch egoo magwah keduhnezeyaun emuh Thessallonicaïng, ahbitting kuhya menuhwah kegepenindahewanahwah ewh kahmuhnazeyaun.
17Kahween ahnahwe nenunduhwanduhseen ewh meenegoowin; me atuh chebahtuheënuk ewh meenewin kenuhwah oonje.
18Kuhkenuh suh nindahyaunun, kuhya newahnuhdiz: nemooshkenashkahgoo, keöodahpenuhmahwug Epaphroditus enewh uhyeëen kahpenindahewayagoon, ewh kache‐menoomahgwuk, manwandahgwuk sahsahgewejegun, kaminwahbundung Kesha‐Muhnedoo.
19Nekesha‐Muhnedoom suh kegahmeenegoowah kuhkenuh ahnooj gagoo manazeyagoon debishkoo ashenudenig oowahnuhdezewin emuh peshegandahgoozewining emuh Christ Jesusing.
20Mahnoo tahpeshegandahgooze owh Kesha‐Muhnedoo kuhya Koosenaun kahgenig uhpena kahgenig Amen.
21Ahnemikahwik kuhkenuh egewh anuhmeähjig emuh Christ Jesusing, egewh wahjewuggig wejekewaëmaug kedahnemikahgoowaug.
22Kuhkenuh egewh anuhmeähjig keduhnemekahgoowaug, mamwach egewh tabandahgoozejig emuh oowegewauming owh Cæsar.
23Mahnoo kuhkenuh kenuhwah kegahahyahnahwah ooshahwanjegawin owh Tabanemenung Jesus Christ. Amen.
Currently Selected:
PHILIPPIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
PHILIPPIANUN 4
4
1Benuh dush, nejekewaëdoog kache‐sahgeënenuhgoog kuhya kache‐nunduhwanemenenuhgoog, nemoojegezewin kuhya nesuhsagah‐wewuhquaun ahyahweyag, oo‐oo ezhesoongekahbahweyook oonje owh Tabaningad, kache‐sahgeënuhgoog.
2Nenundahwanemah Euodia, kuhya nenunduhwanemah owh Syntyche, nahsaub cheënanduhmoowaud oonje owh Tabaningad.
3Kepahgoosanemin dush kuhya keen quuhyuk nahyahdahmahweyun, weedookow oogoo equawug kahweedookahwejig emuh minwahjemoowining, kuhya owh Clement, kuhya ahnind kahnahdahmahwejig, egewh oodoonoozoowinewah wazhebeëgahdanig emuh bemahdezewine‐muzzeëguning.
4Moojegezetuhwik moonzhug owh Tabaningad: menuhwah dush nindekid, Moojegezeyook.
5Mahnoo kuhkenuh enenewug oogahkekandahnahwah kebakah‐bemahdezewinewah. Pashoo peähyah owh Tabaningad.
6Kagoo oojahnemandunkagoon gagoo; ahnooj dush gagoo azhenunduhwanduhmagoon weenduhmahwik Kesha‐Muhnedoo emuh ahnuhmeähwining kuhya nundoodahmahgawining mahmahwe kuhya mahmooyahwuhmik.
7Kuhya ewh oopezaunewawin owh Kesha‐Muhnedoo, ewh ahweyah katanesittootunsigoobun, kegahguhnuhwane-megoonahwah emuh kedaëwaung kuhya emuh kedenanduhmoowinewaung oonje owh Christ Jesus.
8Ishquauj, nejekewaëdoog, wagoodoogwanun enewh uhyeëen duhyabwamahgukkin, wagoodoogwanun enewh uhyeëen quuhyuk‐azhewabukkin, wagoodoogwanun enewh uhyeëen manwandahgwukkin, wagoodoogwanun enewh uhyeëen pahnukkin, wagoodoogwanun enewh uhyeëen manwahbuhmenahgwukkin, wagoodoogwanun enewh uhyeëen manoo‐duhzhinjegahdagin; kishpin duhgoomahgudoogwan menoo‐ezhewabezewin, kishpin duhgoomahgudoogwan wahwezhanduhmoowin, me suh enewh kanuhnahgahdahwanduhmag.
9Enewh uhyeëen, kahkekenooähmoonenuhgoogin kuhya kahoodahpenuhmahweyagoon kuhya kahenittahweyagoon kuhya kahwahbunduhmahweyagoon ezhechegayook; kegahweejewegoowah dush owh Kesha‐Muhnedoo mahgewad ewh pezaunewawin.
10Ningekeche‐moojegezetuhwah dush owh Tabaningad, noongoom gaguhpe nayaub kebahbahmanemeyag; ewh ahnoo kebahbahmanemewagwan, kah suh gagoo kegekushketoosenahwah chemeezheyag.
11Kahween nindekedoose gagoo kemuhnazeyaun: ningeëzhekekenooähmahgoo muh nuhmunj azhewabezewaunan, chetabuhganemooyaun.
12Ninkekandaun muh kaëzheähgahsandahgooëgooyaun, kuhya nekekandaun kaëzhewahnuhdezeyaun: mezewa kuhya emuh kuhkenuh uhyeëeng nindezhekekenooähmahgoo chetabesineyaun kuhya chepuhkuddayaun, chewahnuhdezeyaun kuhya chemuhnazeyaun.
13Nekushketoonun ahnooj gagoo cheëzhechegayaun oonje owh Christ mashkahwanduhmooïd.
14Ahnahwe kegemenoo‐doodaum, keweedookahweyag uhpe katemahgezeyaun.
15Benuh dush Philippianedoog kekanduhmoog kuhya kenuhwah, uhpe muhyahje‐kuhgequang ewh minwahjemoowin, uhpe Macedoniaïng kahoonje‐mahjahyaun kahween ningooche duhzhe anuhmeähjig ningeweedookahgooseeg ewh meegewang, kuhya oodahpenegang kenuhwah atuh.
16Pooch egoo magwah keduhnezeyaun emuh Thessallonicaïng, ahbitting kuhya menuhwah kegepenindahewanahwah ewh kahmuhnazeyaun.
17Kahween ahnahwe nenunduhwanduhseen ewh meenegoowin; me atuh chebahtuheënuk ewh meenewin kenuhwah oonje.
18Kuhkenuh suh nindahyaunun, kuhya newahnuhdiz: nemooshkenashkahgoo, keöodahpenuhmahwug Epaphroditus enewh uhyeëen kahpenindahewayagoon, ewh kache‐menoomahgwuk, manwandahgwuk sahsahgewejegun, kaminwahbundung Kesha‐Muhnedoo.
19Nekesha‐Muhnedoom suh kegahmeenegoowah kuhkenuh ahnooj gagoo manazeyagoon debishkoo ashenudenig oowahnuhdezewin emuh peshegandahgoozewining emuh Christ Jesusing.
20Mahnoo tahpeshegandahgooze owh Kesha‐Muhnedoo kuhya Koosenaun kahgenig uhpena kahgenig Amen.
21Ahnemikahwik kuhkenuh egewh anuhmeähjig emuh Christ Jesusing, egewh wahjewuggig wejekewaëmaug kedahnemikahgoowaug.
22Kuhkenuh egewh anuhmeähjig keduhnemekahgoowaug, mamwach egewh tabandahgoozejig emuh oowegewauming owh Cæsar.
23Mahnoo kuhkenuh kenuhwah kegahahyahnahwah ooshahwanjegawin owh Tabanemenung Jesus Christ. Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.