St Matthew 4
4
1Me dush uhpe Jesus kahmahjewenegood enewh Oojechaugwun, keëzhewenegood emuh bahquahdah-kuhmig, chekuhgwajeëgood enewh Mujje‐muhnedoon.
2Ahzhe dush nemeduhnuh duhsoo kezhik kuhya nemeduhnuh duhsoo tebik kahwesenesig; me dush uhpe kepuhkuhdad.
3Uhpe dush kahpeöodesegood enewh kagwajewanejin oogeëgoon, Keshpin suh Kesha‐Muhnedoo wagwesemik, edun oonoo ahseneen chebahquazhegunewung.
4Oogenuhquatuhwaun dush kuhya keëkedood, Ezhebeëgahda, Kahween bahquazhegun atuh kaöonjebemahdezid enene, andushing suh ekedoowin, Kesha‐Muhnedoo oodooning pahoonzekahnig.
5Me dush keëzheweenegood enewh Mujje‐muhnedoon emuh kechetwah‐oodanaung, oogenebahweëgoon dush emuh wahnahkoowung ewh keche‐ahnuhmeäweguhmig.
6Kuhya keëgood, Keshpin suh Kesha Muhnedoo wagwesemik, nesepuhgesoon; ezhebeëgahda muh, Oogahguhgaunzoomaun enewh oodangenemun keen oonje, emuh dush ooneenjewaung kegahuhneähyahsoonegoog koomah uhpe kegahpekesedashenun.
7Jesus ogeënaun, Menuhwah ezhebeëgahda, Kahween kedahkuhgwatebanemahse Jehovah keKesha Muhnedoom.
8Menuhwah dush oegemahjewenegoon enewh Mujjemuhnedoon, oogeëzhewenegoon emuh wahjewing kache-eshpahdenahnig, oogewahbunduhegoon dush kuhkenuh enewh uhkeeng duhzhe oogemahwewenun kuhya goo ewh azhepeshegandahgwudenigin.
9Oogeëgoon dush, Kuhkenuh oonoo kegahmeenin, keshpin kahwesayun oojecheengwuhnetuhweyun dush.
10Jesus dush oogeënaun, Ahwus Mahjaun Satan! ezhebeëgahda muh, Kegahoojecheengwuhnetuhwah owh Jehovah keKesha‐Muhnedoom, ween atuh kegahbuhmeetuhwah.
11Me dush kenuhguhnegood enewh Mujje‐muhnedoon; benuh dush oogepebuhmeetahgoon dush enewh angenun.
12Uhpe dush kahnoondung owh Jesus ewh kekebahquahoond owh John, keëzhemahjah emuh Galileeïng.
13Kuhya nuhguhdung ewh Nazereth, kepeöodatoo dush emuh Capernaüming, cheguhbeeg duhzhe oodanah, cheguhyëe emuh Zebuloning kuhya Nephthaliming.
14Chegedebishkoosag ewh kahekedoopun owh Ezaias aunwahjega‐wenene, akedood.
15Zebulon uhkee kuhya Nephthalim uhkee emuh anuhkagaum ewh kechegummee, ahgahming Jordan, mayuggezejig ooGalileemewah.
16Egewh Ahneshenahbag magwah puhsuhgesh‐tebik namuhduhbepuneeg oogewahbundahnahwah ewh keche‐wahsayahzewin, kuhya egewh namuhduhbepuneeg emuh ahgahwahtashing ewh neboowin wahsayahzewin kepesahgahtane.
17Me dush uhpe kemahje‐kuhgequad owh Jesus, akedood, Aunwanindezooyook, zhuhyegwah muh kechekezhegoong oogemahwewin pashoo peähyahmahgud.
18Jesus dush kepahbahmoosa emuh tetebawh kechegummeeng Galilee, oogewahbuhmaun neezh wawejekewaindenejin, owh Simon, Peter azhenekahzood kuhya enewh wejekewaün Andrew, pahkoobewabenahnid ahgwahbenahgun emuh kechegummeeng, kegegooëka‐wenenewegwahpun muh.
19Oogeënaun dush, Noopenuhzheshig, kegahahnoonenim dush chepeenduhunagwah egewh enenewug.
20Me dush goo kazhetena kenuhguhnahwaud ahgwahbenahgunun, kenoopenuhnahwaud.
21Kahuhnemahjaud, oogewahbuhmaun bakahnezenejin neezh wawejekewaïndenejin, James oogwissun owh Zebedee kuhya enewh wejekewaün Johnun nahbequauning weejahyahwahnid enewh oosene Zebedeün pahbuhgwahwahnid oodahgwahbenahgunewaun, oogenundoomaun dush.
22Bahbega dush oogenuhguhduhnahwah ewh nahbequaun kuhya enewh oosewaun, kenoopenuhnahwaud dush.
23Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.
24Kesuhswayahjemah dush menze emuh Syriaïng, oogepeetahmahwahwaun dush kuhkenuh enewh ahyahkoosenejin, kuhya enewh ahnooj papukaun anahpenanejin, kuhya enewh kahkekiskahnejin Mujje‐muhnedoon, kuhya enewh kahwahnahdezenejin, kuhya enewh naboowahpenanejin, oogenoojemooäun dush enewh.
25Oogenoopuhnuhnegoon dush kache‐ooqueenoonid ahneshenahban oonje Galilee kahoonjebahnejin, kuhya ewede Decapolising, kuhya Jerusaleming, kuhya ewede Judeaïng, kuhya ahwuse Jordan oonje.
Currently Selected:
St Matthew 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 4
4
1Me dush uhpe Jesus kahmahjewenegood enewh Oojechaugwun, keëzhewenegood emuh bahquahdah-kuhmig, chekuhgwajeëgood enewh Mujje‐muhnedoon.
2Ahzhe dush nemeduhnuh duhsoo kezhik kuhya nemeduhnuh duhsoo tebik kahwesenesig; me dush uhpe kepuhkuhdad.
3Uhpe dush kahpeöodesegood enewh kagwajewanejin oogeëgoon, Keshpin suh Kesha‐Muhnedoo wagwesemik, edun oonoo ahseneen chebahquazhegunewung.
4Oogenuhquatuhwaun dush kuhya keëkedood, Ezhebeëgahda, Kahween bahquazhegun atuh kaöonjebemahdezid enene, andushing suh ekedoowin, Kesha‐Muhnedoo oodooning pahoonzekahnig.
5Me dush keëzheweenegood enewh Mujje‐muhnedoon emuh kechetwah‐oodanaung, oogenebahweëgoon dush emuh wahnahkoowung ewh keche‐ahnuhmeäweguhmig.
6Kuhya keëgood, Keshpin suh Kesha Muhnedoo wagwesemik, nesepuhgesoon; ezhebeëgahda muh, Oogahguhgaunzoomaun enewh oodangenemun keen oonje, emuh dush ooneenjewaung kegahuhneähyahsoonegoog koomah uhpe kegahpekesedashenun.
7Jesus ogeënaun, Menuhwah ezhebeëgahda, Kahween kedahkuhgwatebanemahse Jehovah keKesha Muhnedoom.
8Menuhwah dush oegemahjewenegoon enewh Mujjemuhnedoon, oogeëzhewenegoon emuh wahjewing kache-eshpahdenahnig, oogewahbunduhegoon dush kuhkenuh enewh uhkeeng duhzhe oogemahwewenun kuhya goo ewh azhepeshegandahgwudenigin.
9Oogeëgoon dush, Kuhkenuh oonoo kegahmeenin, keshpin kahwesayun oojecheengwuhnetuhweyun dush.
10Jesus dush oogeënaun, Ahwus Mahjaun Satan! ezhebeëgahda muh, Kegahoojecheengwuhnetuhwah owh Jehovah keKesha‐Muhnedoom, ween atuh kegahbuhmeetuhwah.
11Me dush kenuhguhnegood enewh Mujje‐muhnedoon; benuh dush oogepebuhmeetahgoon dush enewh angenun.
12Uhpe dush kahnoondung owh Jesus ewh kekebahquahoond owh John, keëzhemahjah emuh Galileeïng.
13Kuhya nuhguhdung ewh Nazereth, kepeöodatoo dush emuh Capernaüming, cheguhbeeg duhzhe oodanah, cheguhyëe emuh Zebuloning kuhya Nephthaliming.
14Chegedebishkoosag ewh kahekedoopun owh Ezaias aunwahjega‐wenene, akedood.
15Zebulon uhkee kuhya Nephthalim uhkee emuh anuhkagaum ewh kechegummee, ahgahming Jordan, mayuggezejig ooGalileemewah.
16Egewh Ahneshenahbag magwah puhsuhgesh‐tebik namuhduhbepuneeg oogewahbundahnahwah ewh keche‐wahsayahzewin, kuhya egewh namuhduhbepuneeg emuh ahgahwahtashing ewh neboowin wahsayahzewin kepesahgahtane.
17Me dush uhpe kemahje‐kuhgequad owh Jesus, akedood, Aunwanindezooyook, zhuhyegwah muh kechekezhegoong oogemahwewin pashoo peähyahmahgud.
18Jesus dush kepahbahmoosa emuh tetebawh kechegummeeng Galilee, oogewahbuhmaun neezh wawejekewaindenejin, owh Simon, Peter azhenekahzood kuhya enewh wejekewaün Andrew, pahkoobewabenahnid ahgwahbenahgun emuh kechegummeeng, kegegooëka‐wenenewegwahpun muh.
19Oogeënaun dush, Noopenuhzheshig, kegahahnoonenim dush chepeenduhunagwah egewh enenewug.
20Me dush goo kazhetena kenuhguhnahwaud ahgwahbenahgunun, kenoopenuhnahwaud.
21Kahuhnemahjaud, oogewahbuhmaun bakahnezenejin neezh wawejekewaïndenejin, James oogwissun owh Zebedee kuhya enewh wejekewaün Johnun nahbequauning weejahyahwahnid enewh oosene Zebedeün pahbuhgwahwahnid oodahgwahbenahgunewaun, oogenundoomaun dush.
22Bahbega dush oogenuhguhduhnahwah ewh nahbequaun kuhya enewh oosewaun, kenoopenuhnahwaud dush.
23Jesus dush kepahbahezhah emuh mezewa Galileeïng, kuhgequad emuh oosynagogueoomewaung kuhya tebahdoodung ewh oogemahwewine minwahjemoowin, kuhya kenoojemootood ahnooj enahpenawinun kuhya ahkoosewinun magwa ahneshenahbang.
24Kesuhswayahjemah dush menze emuh Syriaïng, oogepeetahmahwahwaun dush kuhkenuh enewh ahyahkoosenejin, kuhya enewh ahnooj papukaun anahpenanejin, kuhya enewh kahkekiskahnejin Mujje‐muhnedoon, kuhya enewh kahwahnahdezenejin, kuhya enewh naboowahpenanejin, oogenoojemooäun dush enewh.
25Oogenoopuhnuhnegoon dush kache‐ooqueenoonid ahneshenahban oonje Galilee kahoonjebahnejin, kuhya ewede Decapolising, kuhya Jerusaleming, kuhya ewede Judeaïng, kuhya ahwuse Jordan oonje.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.