St Matthew 21
21
1Uhpe pashoo ahneduhnezewaud emuh Jerusaleming ahzhe anetuhgwishenoowaud emuh Bethphageïng, emuh wahjewing Olives azhenekahdag, medush uhpe Jesus keähnoonaud neezh enewh ookekenooähmahgunun.
2Oo‐oo keënaud, Ezhahyook emuh oodanaunsing ewh debishkoo ahyahyag anduhgoog, kazhetin dush kegahmekahwahwah mamaungesha takoobezood, kuhya enewh oomahnesheensemun: ahbahook, petahweshig.
3Keshpin dush ahweyah ningood enenag, oo‐oo kegahenahwah, Tabaningad suh ooweähwaun; kazhetin dush oogahpungedenaun.
4Kuhkenuh suh oo‐oo keëzhewabud, chedebishkoosag ewh kahekedood aunwahjega‐wenene, oo‐oo keëkedood,
5Weenduhmahwik Zion oodahnun, Benuh, kekeche‐oogemaum kepenaunzekaug, shawanjegad, pamoomegood enewh mamaungeshan, kuhya mahnesheensun mamaungesha oonejahnesun.
6Kemahjahwug dush egewh kekenooahmahgunug, keëzhechegawug dush ewh kahezhegahgaunzemegoowaud enewh Jesusun.
7Oogepeenahwaun enewh mamaungeshan kuhya enewh mahnesheensun, oogepemoondahahwaun dush enewh oodahgwewinewaun, kuhya oogenuhmuhduhbeähwaun emuh.
8Keche‐nebewah ahneshenahbag oogesuhswa‐wabenahnahwah oodahgwewinewaun emuh mahyahwekunah; ahnind dush oogekishkezhahnahwaun wahtikwaunsun emuh metikoong, kuhya oogesuhswa‐wabenahwaun emuh mahyahwekunah.
9Egewh dush waqueenoojig ahnishenahbag nahgahnejig, kuhya egewh nwahpenungig, kepepahgewug, oo‐oo keëkedoowaud, Hosanna enewh wagwessejin owh David! shahwandahgooze suh owh pahtuhgwishing emuh oodezhenekahzoowining owh Jehovah: mahnoo Hosanna keche-eshpeming!
10Uhpe dush kahpeendegad emuh Jerusaleming, keoojahnemezemahgud kuhkenuh oodanah, oo‐oo keëkedoong, Ahwanan mahbuh?
11Egewh dush mahyahmahwenoojig keëkedoowug, Mesuh mahbuh Jesus owh Nazareth Galileenaung oodanaung duhzhe aunwahjega‐wenene.
12Jesus dush kepeendega emuh Kesha‐Muhnedoo oodahnuhmeä‐weguhmigoong, oogesahgeje‐wabenaun dush enewh atahwahganejin kuhya enewh kaushpenujjeganejin emuh ahnuhmeä‐weguhmigoong, oogeähnemikoowabenuhmoowaun enewh ooduhdoopoowinene enewh muhyashquahdoonanejin shooneäun, kuhya oodahpuhbewinene enewh keche‐oomemeen atahwanejin.
13Oo‐oo dush keënaud, Oo‐oo ezhebeëgahda, Ahnuhmeä‐weguhmig suh tahezhenekahda newegewaum; kemoodeshke‐weguhmigoong suh kenuhwah kegedinwamekah-dahnahwah.
14Enewh kakepeengwanejin kuhya kuhyahgejekahdanejin oogepenaunzekahgoon emuh ahnuhmeä‐weguhmigoong; oogenoojemooäun dush.
15Uhpe dush egewh keche‐sahsahgewejega‐wenenewug kuhya egewh oozhebeëga‐wenenewug kahwahbunduhmoowaud enewh mahmaundahwejegunun kahezhechegad, kuhya ahbenoojeün pepahgenid emuh ahnuhmeä‐weguhmigoong, oo‐oo ekedoonid, Mahnoo Hosanna enewh wagwissejin owh David; kenishkahdezewug.
16Oo‐oo dush oogeënahwaun, Kenoondahwaug nuh ekedoowaud oogoo? Jesus dush oo‐oo oogeënaun, Aahe; kah nuh wekah kedahginduhsenahwah oo‐oo, Emuh oodoonewaung ahbenoojeüg kuhya nwaunejig kegekezhetoon ewh wahwezhanduhmoowin?
17Oogenuhguhnaun dush, kuhya keöonjemahjaud emuh oodanaung, ewede Bethanying keëzhaud; me emuh kuhpa‐tebik keähyaud.
18Kakezhabahwahgudenig dush menuhwah ezhaud emuh oodanaung, kepuhkudda.
19Wuhyahbuhmaud dush enewh figoomenahgahwunzheen emuh mahyahwekunah, oogenaunzekahwaun, kah dush gagoo oogemekunseen emuh, me atuh ahnebeshun, oo‐oo oodenaun, Kahween wekah kegahmenewese. Me dush goo bahbega kahezhewesahkoozood.
20Uhpe dush egewh kekenooahmahgunug wuhyahbuhmahwaud, kemahmahkahdanduhmoog, oo‐oo keëkedoowaud, Kagate keche‐bahbega kewesahkoozoo owh figoomenuhgahwunzh!
21Jesus dush oogenuhquatuhwaun oo‐oo keënaud, Kagate kedenenim, Keshpin ahyahmag ewh dabwayanduhmoowin, kuhnuhga dush ahgoonwayanduhsewag, kahween atuh oo‐oo kegahtaëzhechegaseem kahdoodahwug owh figoomenahgahwunzh, keshpin dush oo‐oo eduhmag oo‐oo wahjewh, Kegahmahjewenegoo kuhya kegahpahkoobewabenegoo emuh kechegummeeng: mesuh goo kaëzhewabuk.
22Kuhkenuh suh ahnooj gagoo kanundoodahmoowagwan uhpe anuhmeähyagoon, keshpin dabwayanduhmag, kegahmeenegoom suh goo.
23Uhpe dush kahpeendegad emuh keche‐ahnuhmeä‐weguhmigoong, magwah dush kekenooähmahgad oogepenaunzekahgoon enewh keche‐sahsahgewejega‐wenenewun kuhya ooketezemewaun egewh ahneshenahbag, oo‐oo ekedoonid, Wagoonan ewh kushkeäwezewin wanjeëzhechegayun oonoo? Ahwanan dush kahmeenik oo‐oo kushkeawezewin?
24Jesus dush oogenuhquatuhwaun oo‐oo keënaud, Kuhya neen kegahguhgwajeminenim pazhik kuhgwadwawin, keshpin dush weenduhmahweyag, kuhya neen kegahweenduhmoonenim wagoodoogwan kushkeäwezewin wanjeëzhechegayaun oonoo.
25Oobaptizooëwawin owh John, ahneende kahoonzekahnig? keche‐kezhegoong nuh, gamuh eneneeng? Keguhnoonindewug dush, oo‐oo keëkedoowaud, Keshpin keche‐kezhegoong, ekedooyung, oo‐oo kegahegoonaun, Ahneshwin dush kedabwayanemahsewag?
26Keshpin dush ween eneneeng ekedooyung; kekoosahnahnig egewh ahneshenahbag; kuhkenuh muh aunwahjega‐weneneeng ooduhyenanemahwaun enewh Johnun.
27Oogenuhquatuhwahwaun dush enewh Jesusun, oo‐oo keënahwaud, Kahween nekekanduhsemin. Kuhya ween oo‐oo oogeënaun, Kah suh dush kuhya neen keweenduhmoosenoonim ewh kushkeäwezewin wanjeëzhechegayaun oonoo.
28Ahneen dush enanduhmag? Pazhik enene keneezhewun oogwissisun; oogenaunzekahwaun dush pazhik, oo‐oo dush keënaud, Ningwis, mahjaun ahweähnookeen noongoom kezheguk emuh neshoowemene‐ketegauning.
29Oogenuhquatahgoon dush oo‐oo keëgood, Kahween nindenanduhse: Nahgujeesh dush keminjenahwayandum, kemahjaud dush.
30Oogepenaunzekahwaun dush menuhwah pazhik, me nahsaub kahenaud. Oogenuhquatahgoon dush, oo‐oo keëgood, Aahe! Noosa: kah dush keëzhahse.
31Ahwanan oogoo neezh kahezhechegad ewh oodenanduhmoowinene oosewaun? oo‐oo dush oodegoon, Owh suh netum. Jesus dush oo‐oo ooodenaun, Kagate kedenenim, Egewh mahwunjechega‐wenenewug kuhya egewh pazhigwahdezejig equawug tahpeendegawug emuh oodoogemahwewining owh Kesha‐Muhnedoo chepwah kenuhwah peendegayag.
32Kegepenaunzekahgoowah muh owh John emuh quuhyuk‐ezhewahezewine‐meekunaung, kah dush kegedabwayanemahsewahwah: egewh atuh mahwunjechega‐wenenewug kuhya egewh pazhegwahdezejig equawug oogedabwayanemahwaun: kenuhwah dush ween, kahwahbunduhmag, kahween kegeäunwanindezooseem, ewh dush chedabwayanemagoobun.
33Menuhwah pazhik ahwachegun bezinduhmook: Keähyah suh pazhik wawegewaumid enene, kahoozhetood ewh shoowemene‐ketegaunans, kekewetah‐mejekunahkoobetood, kuhya dush oogewahnekahdaun ewh shoowemenahboo‐ahtahsoowin, kuhya keöozhetood ewh ahkuhwahbewine‐wegewaum, keähweäud dush enewh ketega‐wenenewun, wahsuhwakummig dush keëzhemahjah.
34Uhpe dush gagah kahtebishkoosanig cheoodahpenungebuneen enewh menewinun emuh kahnetahwuhgingin, oogeëzhenahzhahwaun oobuhmeetahgunun, cheëzhahnid emuh ahyahnid enewh ketega‐wenenewnn, cheoodahpenuhmenid dush enewh menewinun.
35Egewh dush ketega‐wenenewug oogeöodahpenahwaun enewh oobuhmeetahgunene, oogepuhzhunzhawahwaun dush pazhig, menuhwah pazhik oogenesahwaun, kuhya pazhik oogepemoosenuhahwaun.
36Menuhwah dush, oogeëzhenahzhahwaun bakahnezenejin buhmeetahgunun ahwahshema kebahtuhyenewun ahpeech egewh netum; medush nahsaub kahdoodahwahwaud enewh.
37Eshquauj oogeëzhenahzhahwaun tebenuhwa oogwissun, oo‐ookeëkedood, Oogahkechetwahwanemahwaun enewh ningwissun.
38Egewh dush ketega‐wenenewug uhpe wuhyahbuhmahwaud enewh oogwissun, oo‐oo keëzheguhnoonindewug, Mesuh mahbuh kanahbishkahgad; umba nesahdah; medush chetebanduhmung enewh ootebenuhwawezewinun.
39Oogeoodahpenahwaun dush, emuh shoowemene‐ketegauning oogeoonjesahgeje‐wabenahwaun, kenesahwaud dush.
40Uhpe dush katuhgwishing owh tabandung ewh shoowemene‐ketegaun, ahneen kadoodahwaud oonoo ketega‐wenenewun?
41Oo‐oo dush oogeënahwaun, Oogahwesugge‐nesaun oonoo majeëzhewabezenejin, kuhya dush oogahmeenaun ewh shoowemene‐ketegaun enewh bakahnezenejin, kameenegoojin enewh menewinun uhpe dabishkoosagin.
42Jesus dush oo‐oo oodenaun, Kah nuh wekah kedahginduhsenahwah emuh kechetwah‐oozhebeëguning, Ewh ahsin kahahnahwanduhmoowaud egewh wazhegajig, mesuh ewh kache‐negaunanduhgwuk ahsin emuh wuhyaquah‐wahkaheguning: Kesha‐Muhnedoong suh wanje‐ezhewabuk, keche‐mahmahkahdandahgwud emuh keshkinzhegoonaung?
43Mesuh ewh wanje‐enenuhgoog, Kegahmuhkummegoom suh kenuhwah ewh oodoogemahwewin owh Kesha‐Muhnedoo, tahmeenahwug dush egewh ahneshenahbag kameenewejig enewh oogemahwewine‐meenewinun.
44Owh suh kapungeshing emuh oo‐oo ahsineeng tahpegeshkeshin: ahwagwan dush ween kakezhekahgoogwan, oogahpeseboonegoon.
45Uhpe dush kahnoonduhmoowaud egewh keche‐sahsahgewejega‐wenenewug kuhya egewh Phariseeg enewh oodahwajegunun, oogekekandahnahwah wenuhwah kedebahjemegoowaud.
46Uhpe nunduhwanduhmoowaud chetuhkoonahwaud, oogekoosahwaun enewh ahneshenahban, aunwahchega‐weneneeng muh oogeühyenanemegoon enewh.
Currently Selected:
St Matthew 21: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 21
21
1Uhpe pashoo ahneduhnezewaud emuh Jerusaleming ahzhe anetuhgwishenoowaud emuh Bethphageïng, emuh wahjewing Olives azhenekahdag, medush uhpe Jesus keähnoonaud neezh enewh ookekenooähmahgunun.
2Oo‐oo keënaud, Ezhahyook emuh oodanaunsing ewh debishkoo ahyahyag anduhgoog, kazhetin dush kegahmekahwahwah mamaungesha takoobezood, kuhya enewh oomahnesheensemun: ahbahook, petahweshig.
3Keshpin dush ahweyah ningood enenag, oo‐oo kegahenahwah, Tabaningad suh ooweähwaun; kazhetin dush oogahpungedenaun.
4Kuhkenuh suh oo‐oo keëzhewabud, chedebishkoosag ewh kahekedood aunwahjega‐wenene, oo‐oo keëkedood,
5Weenduhmahwik Zion oodahnun, Benuh, kekeche‐oogemaum kepenaunzekaug, shawanjegad, pamoomegood enewh mamaungeshan, kuhya mahnesheensun mamaungesha oonejahnesun.
6Kemahjahwug dush egewh kekenooahmahgunug, keëzhechegawug dush ewh kahezhegahgaunzemegoowaud enewh Jesusun.
7Oogepeenahwaun enewh mamaungeshan kuhya enewh mahnesheensun, oogepemoondahahwaun dush enewh oodahgwewinewaun, kuhya oogenuhmuhduhbeähwaun emuh.
8Keche‐nebewah ahneshenahbag oogesuhswa‐wabenahnahwah oodahgwewinewaun emuh mahyahwekunah; ahnind dush oogekishkezhahnahwaun wahtikwaunsun emuh metikoong, kuhya oogesuhswa‐wabenahwaun emuh mahyahwekunah.
9Egewh dush waqueenoojig ahnishenahbag nahgahnejig, kuhya egewh nwahpenungig, kepepahgewug, oo‐oo keëkedoowaud, Hosanna enewh wagwessejin owh David! shahwandahgooze suh owh pahtuhgwishing emuh oodezhenekahzoowining owh Jehovah: mahnoo Hosanna keche-eshpeming!
10Uhpe dush kahpeendegad emuh Jerusaleming, keoojahnemezemahgud kuhkenuh oodanah, oo‐oo keëkedoong, Ahwanan mahbuh?
11Egewh dush mahyahmahwenoojig keëkedoowug, Mesuh mahbuh Jesus owh Nazareth Galileenaung oodanaung duhzhe aunwahjega‐wenene.
12Jesus dush kepeendega emuh Kesha‐Muhnedoo oodahnuhmeä‐weguhmigoong, oogesahgeje‐wabenaun dush enewh atahwahganejin kuhya enewh kaushpenujjeganejin emuh ahnuhmeä‐weguhmigoong, oogeähnemikoowabenuhmoowaun enewh ooduhdoopoowinene enewh muhyashquahdoonanejin shooneäun, kuhya oodahpuhbewinene enewh keche‐oomemeen atahwanejin.
13Oo‐oo dush keënaud, Oo‐oo ezhebeëgahda, Ahnuhmeä‐weguhmig suh tahezhenekahda newegewaum; kemoodeshke‐weguhmigoong suh kenuhwah kegedinwamekah-dahnahwah.
14Enewh kakepeengwanejin kuhya kuhyahgejekahdanejin oogepenaunzekahgoon emuh ahnuhmeä‐weguhmigoong; oogenoojemooäun dush.
15Uhpe dush egewh keche‐sahsahgewejega‐wenenewug kuhya egewh oozhebeëga‐wenenewug kahwahbunduhmoowaud enewh mahmaundahwejegunun kahezhechegad, kuhya ahbenoojeün pepahgenid emuh ahnuhmeä‐weguhmigoong, oo‐oo ekedoonid, Mahnoo Hosanna enewh wagwissejin owh David; kenishkahdezewug.
16Oo‐oo dush oogeënahwaun, Kenoondahwaug nuh ekedoowaud oogoo? Jesus dush oo‐oo oogeënaun, Aahe; kah nuh wekah kedahginduhsenahwah oo‐oo, Emuh oodoonewaung ahbenoojeüg kuhya nwaunejig kegekezhetoon ewh wahwezhanduhmoowin?
17Oogenuhguhnaun dush, kuhya keöonjemahjaud emuh oodanaung, ewede Bethanying keëzhaud; me emuh kuhpa‐tebik keähyaud.
18Kakezhabahwahgudenig dush menuhwah ezhaud emuh oodanaung, kepuhkudda.
19Wuhyahbuhmaud dush enewh figoomenahgahwunzheen emuh mahyahwekunah, oogenaunzekahwaun, kah dush gagoo oogemekunseen emuh, me atuh ahnebeshun, oo‐oo oodenaun, Kahween wekah kegahmenewese. Me dush goo bahbega kahezhewesahkoozood.
20Uhpe dush egewh kekenooahmahgunug wuhyahbuhmahwaud, kemahmahkahdanduhmoog, oo‐oo keëkedoowaud, Kagate keche‐bahbega kewesahkoozoo owh figoomenuhgahwunzh!
21Jesus dush oogenuhquatuhwaun oo‐oo keënaud, Kagate kedenenim, Keshpin ahyahmag ewh dabwayanduhmoowin, kuhnuhga dush ahgoonwayanduhsewag, kahween atuh oo‐oo kegahtaëzhechegaseem kahdoodahwug owh figoomenahgahwunzh, keshpin dush oo‐oo eduhmag oo‐oo wahjewh, Kegahmahjewenegoo kuhya kegahpahkoobewabenegoo emuh kechegummeeng: mesuh goo kaëzhewabuk.
22Kuhkenuh suh ahnooj gagoo kanundoodahmoowagwan uhpe anuhmeähyagoon, keshpin dabwayanduhmag, kegahmeenegoom suh goo.
23Uhpe dush kahpeendegad emuh keche‐ahnuhmeä‐weguhmigoong, magwah dush kekenooähmahgad oogepenaunzekahgoon enewh keche‐sahsahgewejega‐wenenewun kuhya ooketezemewaun egewh ahneshenahbag, oo‐oo ekedoonid, Wagoonan ewh kushkeäwezewin wanjeëzhechegayun oonoo? Ahwanan dush kahmeenik oo‐oo kushkeawezewin?
24Jesus dush oogenuhquatuhwaun oo‐oo keënaud, Kuhya neen kegahguhgwajeminenim pazhik kuhgwadwawin, keshpin dush weenduhmahweyag, kuhya neen kegahweenduhmoonenim wagoodoogwan kushkeäwezewin wanjeëzhechegayaun oonoo.
25Oobaptizooëwawin owh John, ahneende kahoonzekahnig? keche‐kezhegoong nuh, gamuh eneneeng? Keguhnoonindewug dush, oo‐oo keëkedoowaud, Keshpin keche‐kezhegoong, ekedooyung, oo‐oo kegahegoonaun, Ahneshwin dush kedabwayanemahsewag?
26Keshpin dush ween eneneeng ekedooyung; kekoosahnahnig egewh ahneshenahbag; kuhkenuh muh aunwahjega‐weneneeng ooduhyenanemahwaun enewh Johnun.
27Oogenuhquatuhwahwaun dush enewh Jesusun, oo‐oo keënahwaud, Kahween nekekanduhsemin. Kuhya ween oo‐oo oogeënaun, Kah suh dush kuhya neen keweenduhmoosenoonim ewh kushkeäwezewin wanjeëzhechegayaun oonoo.
28Ahneen dush enanduhmag? Pazhik enene keneezhewun oogwissisun; oogenaunzekahwaun dush pazhik, oo‐oo dush keënaud, Ningwis, mahjaun ahweähnookeen noongoom kezheguk emuh neshoowemene‐ketegauning.
29Oogenuhquatahgoon dush oo‐oo keëgood, Kahween nindenanduhse: Nahgujeesh dush keminjenahwayandum, kemahjaud dush.
30Oogepenaunzekahwaun dush menuhwah pazhik, me nahsaub kahenaud. Oogenuhquatahgoon dush, oo‐oo keëgood, Aahe! Noosa: kah dush keëzhahse.
31Ahwanan oogoo neezh kahezhechegad ewh oodenanduhmoowinene oosewaun? oo‐oo dush oodegoon, Owh suh netum. Jesus dush oo‐oo ooodenaun, Kagate kedenenim, Egewh mahwunjechega‐wenenewug kuhya egewh pazhigwahdezejig equawug tahpeendegawug emuh oodoogemahwewining owh Kesha‐Muhnedoo chepwah kenuhwah peendegayag.
32Kegepenaunzekahgoowah muh owh John emuh quuhyuk‐ezhewahezewine‐meekunaung, kah dush kegedabwayanemahsewahwah: egewh atuh mahwunjechega‐wenenewug kuhya egewh pazhegwahdezejig equawug oogedabwayanemahwaun: kenuhwah dush ween, kahwahbunduhmag, kahween kegeäunwanindezooseem, ewh dush chedabwayanemagoobun.
33Menuhwah pazhik ahwachegun bezinduhmook: Keähyah suh pazhik wawegewaumid enene, kahoozhetood ewh shoowemene‐ketegaunans, kekewetah‐mejekunahkoobetood, kuhya dush oogewahnekahdaun ewh shoowemenahboo‐ahtahsoowin, kuhya keöozhetood ewh ahkuhwahbewine‐wegewaum, keähweäud dush enewh ketega‐wenenewun, wahsuhwakummig dush keëzhemahjah.
34Uhpe dush gagah kahtebishkoosanig cheoodahpenungebuneen enewh menewinun emuh kahnetahwuhgingin, oogeëzhenahzhahwaun oobuhmeetahgunun, cheëzhahnid emuh ahyahnid enewh ketega‐wenenewnn, cheoodahpenuhmenid dush enewh menewinun.
35Egewh dush ketega‐wenenewug oogeöodahpenahwaun enewh oobuhmeetahgunene, oogepuhzhunzhawahwaun dush pazhig, menuhwah pazhik oogenesahwaun, kuhya pazhik oogepemoosenuhahwaun.
36Menuhwah dush, oogeëzhenahzhahwaun bakahnezenejin buhmeetahgunun ahwahshema kebahtuhyenewun ahpeech egewh netum; medush nahsaub kahdoodahwahwaud enewh.
37Eshquauj oogeëzhenahzhahwaun tebenuhwa oogwissun, oo‐ookeëkedood, Oogahkechetwahwanemahwaun enewh ningwissun.
38Egewh dush ketega‐wenenewug uhpe wuhyahbuhmahwaud enewh oogwissun, oo‐oo keëzheguhnoonindewug, Mesuh mahbuh kanahbishkahgad; umba nesahdah; medush chetebanduhmung enewh ootebenuhwawezewinun.
39Oogeoodahpenahwaun dush, emuh shoowemene‐ketegauning oogeoonjesahgeje‐wabenahwaun, kenesahwaud dush.
40Uhpe dush katuhgwishing owh tabandung ewh shoowemene‐ketegaun, ahneen kadoodahwaud oonoo ketega‐wenenewun?
41Oo‐oo dush oogeënahwaun, Oogahwesugge‐nesaun oonoo majeëzhewabezenejin, kuhya dush oogahmeenaun ewh shoowemene‐ketegaun enewh bakahnezenejin, kameenegoojin enewh menewinun uhpe dabishkoosagin.
42Jesus dush oo‐oo oodenaun, Kah nuh wekah kedahginduhsenahwah emuh kechetwah‐oozhebeëguning, Ewh ahsin kahahnahwanduhmoowaud egewh wazhegajig, mesuh ewh kache‐negaunanduhgwuk ahsin emuh wuhyaquah‐wahkaheguning: Kesha‐Muhnedoong suh wanje‐ezhewabuk, keche‐mahmahkahdandahgwud emuh keshkinzhegoonaung?
43Mesuh ewh wanje‐enenuhgoog, Kegahmuhkummegoom suh kenuhwah ewh oodoogemahwewin owh Kesha‐Muhnedoo, tahmeenahwug dush egewh ahneshenahbag kameenewejig enewh oogemahwewine‐meenewinun.
44Owh suh kapungeshing emuh oo‐oo ahsineeng tahpegeshkeshin: ahwagwan dush ween kakezhekahgoogwan, oogahpeseboonegoon.
45Uhpe dush kahnoonduhmoowaud egewh keche‐sahsahgewejega‐wenenewug kuhya egewh Phariseeg enewh oodahwajegunun, oogekekandahnahwah wenuhwah kedebahjemegoowaud.
46Uhpe nunduhwanduhmoowaud chetuhkoonahwaud, oogekoosahwaun enewh ahneshenahban, aunwahchega‐weneneeng muh oogeühyenanemegoon enewh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.