St Matthew 10
10
1Uhpe dush kahnundoomaud metahswe‐ahshe‐neezh ookekenooahmahgunun, oogemeenaun kushkeäwezewin chesahgejewabenahnid mujje‐muhnedoon, kuhya chenoojemootoonid kuhkenuh ahkoosewinun kuhya nuhnepezewinun.
2Mesuh oonoo oodezhenekahsoowinewaun egewh matahswe‐ahshe‐neezhejig apostleüg; netum, owh Simon, Peter azhenekahzood, kuhya Andrew wejekewayun; James oogwissun owh Zebedee, kuhya John wejekewayun;
3Philip, kuhya Bartholomew; Thomas kuhya Matthew owh mahwunjechega‐wenene; James oogwissun owh Alpheus, kuhya Lebbeus kahduggooweenzood Thaddeus;
4Simon Zelotes, kuhya Judas Iscariot, me suh owh, kahbahtahaud enewh Jesusun.
5Oonoo metahswe‐ahshe‐neezh owh Jesus oogemahjenahzhahwaun, keähnoonaud, oo‐oo keëkedood, Emuh oomeekunahwaung egewh mayugezejig kagoo uhneëzhahkagoon, kuhya emuh oodoodanahwewaung egewh Samaritineüg kagoo peendegakagoon:
6Ezhahyook suh goo atuh egewh mahneshtahneshug waneshengig oowegewauming owh Israel dabandahgoozejig.
7Anepahbahmahdezeyag, debahjemooyook, oo‐oo kaekedooyag, Pashoo peähyahmahgud ewh Keche‐kezhegoong oonje oogemahwewin.
8Noojemooïk egewh ahyahkoosejig, oonishkahnik naboojig, peeneïk egewh wamegeejig, sahgechewabenik egewh mujje‐muhnedoog: wanepuzh kegeöodahpenahnahwah, wanepuzh meegewayook.
9Kagoo tebenewawezekagoon ewh oozahwah‐shooneyah, gamuh wahbe‐shooneyah, gamuh oozahwahbekoonsun emuh kekechepezoowinewaung.
10Kagoo kuhya ahyahwahkagoon ewh nuhwuhpoowenene‐mushkemood emuh meekunaung, kagoo kuhya ahyahwahkagoon naneezh pesekoowahgunun kuhya metikwuhkessenun, kagoo kuhya ahyahwahkagoon enewh suhkuhoonun; enandahgooze muh owh anookeetahgad cheähshummind.
11Kaënepeendegawagwanun dush enewh oodanahwun, kuhgwadwayook emuh ahwagwan apeetandahgoozegwan; me emuh kadahyag nahnauzh egoo uhnemahjahyag.
12Uhpe dush anepeendegayagoon emuh wegewauming, uhnemekahwik suh.
13Keshpin dush ahpetandahgwuk ewh wegewaum, mahnoo kepezaunewawinewah tahduhnezemahgud emuh; keshpin dush ahpetandahgwussenook, nayaub suh kegahoodessegoonahwah kepezaunewawinewah.
14Ahwagwan kaoodahpenesenoowagwan, kuhya kabezinduhsegwan enewh kedekedoowinewah, uhpe uhnesahguhumag emuh wegewauming gamuh emuh oodanaung pahpahwuhkessenashemoonoog.
15Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.
16Benuh, kedezhenahzhahoonim debishkoo mahneshtahneshug emuh anduhzhe‐maheengunekaug: kenabegoong ezhenebwahkahyook, kuhya keche‐oomemeeng ezhebakah-bemahdezeyook.
17Aungwahmezeyook gagoo chedoodoosenagwah egewh enenewug: kegahpuhgedenegoowaug muh emuh anduhzhe-mahmahwe‐tebahkoonegawaud, kuhya kegahpuhzhunzhaöogoowaug emuh oodahnuhmeä‐weguhmegoowaung.
18Kegahezhewenegoom dush emuh enahsuhmuhbewaud egewh oogemaug kuhya keche‐oogemaug neen oonje, kuhya cheoonjetebahjemootahwagwah egewh, kuhya egewh mayuggezejig.
19Uhpe dush kepuggedenegooyag, kagoo oondummandunkagoon ewh kaëkedooyag; ewh suh uhpe kegahmeenegoom ewh kaëkedooyag.
20Kah mahween kenuhwah kegahkekedooseem, owh suh atuh Koosewah Oojechaugwun tahkekedoo peenjenah keyowewaung.
21Enene suh oogahpuhgedenaun enewh wejekewayun chenesemind, kuhya owh wagwessid oogahpuhgedenaun enewh oogwissun: kuhya dush wanejahnesemindjig oogahnoosoonawahwaun enewh ooketezemewaun, kuhya tahahnookeewug chenesemind.
22Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.
23Uhpe dush noosoonooënagwah emuh pazhik oodanaung, pakahnuk ezhenezhemooyook; kagate muh kedenenim, Kahween kegahtachahgeshkunsenahwah enewh Israel duhzhe oodanahwun, chepwah tuhgweshing owh Enene oogwissun.
24Kahween ahwahshema ahpetandahgoozese owh kekenooähmahgun apetandahgoozenid enewh kakenooahmahgoojin, kuhya owh buhmeetahgun kahween ahwahshema ahpetandahgoozese apetandahgoozenid oodoogemahmun.
25Me menik suh kishpin ahpetandahgoozid owh kekenooahmahgun apetandahgoozenid enewh kakenooahmahgoojin, kuhya owh buhmeetahgun apetandahgoozenid oodoogemahmun. Kishpin Beëlzebub ezhenekahnahwaud enewh wawegewahmenejin, ahneen menik ahwahshema kaëzhenekahnahwaud enewh dabandahgoozenejin emuh weewauming?
26Kagoo koosahkagoon egewh, kah muh gagoo kahjegahdasenoon, me atuh kapuggukkanjegahdag; kah dush gagoo keemooj ahtasenoon, me atuh kamezheshuhwejegahdag.
27Oo‐oo suh waunduhmoonuhgoog emuh pesuhgish‐tebik, me ewh kawahweenduhmag emuh wahsayahzewening: Kuhya oo‐oo waunduhmoonuhgoog emuh ketuhwuggahwaung, me ewh kawahweenduhmag oogedeguhmig.
28Kagoo kuhya koosahkagoon egewh natoojig ewh weyowemah, kushketoosegwah chenesahwaud oojechaugoomaun: ahwahshema dush koosik owh kasketood chebahnahjeäud enewh oojechaugoomaun kuhya weyowemaun emuh mujje‐ishkootang.
29Kah muh ween pazhik shoomahnekans enegeenzoosewug neezh penasewug? kah dush ween kuhnuhga pazhig oogoo tahpungeshinse, kishpin enanduhsig owh Koosewah.
30Ahginjegahdawun suh kuhkenuh enewh kenessesewaun emuh keshtequanewaung.
31Kagoo dush sagezekagoon, ahwahshema kenuhwah kedahpetandahgoozeem apetandahgoozewaud dush ween nebewah penaseüg.
32Ahwagwan dush ween kawahweezhegwan emuh anahsuhmewaud egewh enenewug, mesuh owh kuhya neen kawahweenug emuh enahsuhmuhbid owh Noos keche‐kezhegoong ayaud.
33Ahwagwan dush kaähgoonwatahwegwan emuh enahsuhmewaud enenewug, mesuh owh kuhya neen kaähgoonwatahwug emuh enahsuhmuhbid Noos keche‐kezhegoong ayaud.
34Kagoo enanemeshekagoon chepuhgedenuhmaun ewh pezaune‐bemahdezewin oomuh uhkeeng peoönjeëzhahyaun; kahween nepeoonjeëzhahse chepuhgedenuhmaun ewh pezaune‐bemahdezewin, ahzhahwashk suh atuh.
35Nempeoonjeëzhah suh ween chepuhgedenuhmaun ewh kekaundewin, owh enene chekekahmaud enewh oosun, owh dush wadahnesemind enewh oogeen, kuhya owh wasemind enewh oosegoosessun.
36Mesuh enewh emuh andaud ayahnejin kamegahneood owh enene.
37Ahwagwan ahwahshema suhyahgeähgwan enewh oosun gamuh oogeen apeech neen azhesahgeïd kahween ahpetandahgoozese chebuhmeetuhwid; owh dush ahwahshema suhyahgeäud enewh oogwissun gamuh oodahnissun apeech neen azhesahgeïd kahween ahpeetandahgoozese chebuhmeetuhwid.
38Ahwagwan dush kaöodahpenunsegwan oodahzhedayahtegoom, noopenuhzhesig dush, kahween ahpetandahgoozese chebuhmetahwid.
39Owh dush makung ewh oobemahdezewin oogahwuhnetoon: owh dush kawuhnetood oobemahdezewin neen oonje oogahmekaun suh.
40Owh suh wadahpenenoowagwan me suh goo kuhya neen wadahpenid; kuhya owh wadahpenegwan me suh kuhya goo wadahpenaud enewh kahahnoozhejin.
41Owh suh kaöodahpenahgwan enewh aunwahjega‐wenenewun emuh oodezhenekahzoowining owh aunwahjega‐wenene oogahoodahpenaun ootebahahmahgoowin owh aunwahjega‐wenene; owh dush kaöodahpenahgwan enewh manoo‐ezhewabezenejin emuh oodezhenekahzoowining owh manoo‐ezhewabezid ootebahahmahgoowin owh manoo‐ezhewabezid oogahoodahpenaun.
42Ahwagwan dush ningoo‐menequahjegauns tuhkegumme kameenahahgwan pazhik oonoo agahsheënejin emuh oodezhenekahzoowining owh kekenooahmahgun, kagate kedenenim, kah bahbahpish oogahwuhnetooseen ewh ootebahahmahgoowin.
Currently Selected:
St Matthew 10: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
St Matthew 10
10
1Uhpe dush kahnundoomaud metahswe‐ahshe‐neezh ookekenooahmahgunun, oogemeenaun kushkeäwezewin chesahgejewabenahnid mujje‐muhnedoon, kuhya chenoojemootoonid kuhkenuh ahkoosewinun kuhya nuhnepezewinun.
2Mesuh oonoo oodezhenekahsoowinewaun egewh matahswe‐ahshe‐neezhejig apostleüg; netum, owh Simon, Peter azhenekahzood, kuhya Andrew wejekewayun; James oogwissun owh Zebedee, kuhya John wejekewayun;
3Philip, kuhya Bartholomew; Thomas kuhya Matthew owh mahwunjechega‐wenene; James oogwissun owh Alpheus, kuhya Lebbeus kahduggooweenzood Thaddeus;
4Simon Zelotes, kuhya Judas Iscariot, me suh owh, kahbahtahaud enewh Jesusun.
5Oonoo metahswe‐ahshe‐neezh owh Jesus oogemahjenahzhahwaun, keähnoonaud, oo‐oo keëkedood, Emuh oomeekunahwaung egewh mayugezejig kagoo uhneëzhahkagoon, kuhya emuh oodoodanahwewaung egewh Samaritineüg kagoo peendegakagoon:
6Ezhahyook suh goo atuh egewh mahneshtahneshug waneshengig oowegewauming owh Israel dabandahgoozejig.
7Anepahbahmahdezeyag, debahjemooyook, oo‐oo kaekedooyag, Pashoo peähyahmahgud ewh Keche‐kezhegoong oonje oogemahwewin.
8Noojemooïk egewh ahyahkoosejig, oonishkahnik naboojig, peeneïk egewh wamegeejig, sahgechewabenik egewh mujje‐muhnedoog: wanepuzh kegeöodahpenahnahwah, wanepuzh meegewayook.
9Kagoo tebenewawezekagoon ewh oozahwah‐shooneyah, gamuh wahbe‐shooneyah, gamuh oozahwahbekoonsun emuh kekechepezoowinewaung.
10Kagoo kuhya ahyahwahkagoon ewh nuhwuhpoowenene‐mushkemood emuh meekunaung, kagoo kuhya ahyahwahkagoon naneezh pesekoowahgunun kuhya metikwuhkessenun, kagoo kuhya ahyahwahkagoon enewh suhkuhoonun; enandahgooze muh owh anookeetahgad cheähshummind.
11Kaënepeendegawagwanun dush enewh oodanahwun, kuhgwadwayook emuh ahwagwan apeetandahgoozegwan; me emuh kadahyag nahnauzh egoo uhnemahjahyag.
12Uhpe dush anepeendegayagoon emuh wegewauming, uhnemekahwik suh.
13Keshpin dush ahpetandahgwuk ewh wegewaum, mahnoo kepezaunewawinewah tahduhnezemahgud emuh; keshpin dush ahpetandahgwussenook, nayaub suh kegahoodessegoonahwah kepezaunewawinewah.
14Ahwagwan kaoodahpenesenoowagwan, kuhya kabezinduhsegwan enewh kedekedoowinewah, uhpe uhnesahguhumag emuh wegewauming gamuh emuh oodanaung pahpahwuhkessenashemoonoog.
15Kagate kedenenim, nahwuj puhbanug tahdoodahchegahda ewh Sodom kuhya Gomorrah duhzhe uhkee uhpe tebahkoonewa‐kezheguk, ewh dush ween oodanah.
16Benuh, kedezhenahzhahoonim debishkoo mahneshtahneshug emuh anduhzhe‐maheengunekaug: kenabegoong ezhenebwahkahyook, kuhya keche‐oomemeeng ezhebakah-bemahdezeyook.
17Aungwahmezeyook gagoo chedoodoosenagwah egewh enenewug: kegahpuhgedenegoowaug muh emuh anduhzhe-mahmahwe‐tebahkoonegawaud, kuhya kegahpuhzhunzhaöogoowaug emuh oodahnuhmeä‐weguhmegoowaung.
18Kegahezhewenegoom dush emuh enahsuhmuhbewaud egewh oogemaug kuhya keche‐oogemaug neen oonje, kuhya cheoonjetebahjemootahwagwah egewh, kuhya egewh mayuggezejig.
19Uhpe dush kepuggedenegooyag, kagoo oondummandunkagoon ewh kaëkedooyag; ewh suh uhpe kegahmeenegoom ewh kaëkedooyag.
20Kah mahween kenuhwah kegahkekedooseem, owh suh atuh Koosewah Oojechaugwun tahkekedoo peenjenah keyowewaung.
21Enene suh oogahpuhgedenaun enewh wejekewayun chenesemind, kuhya owh wagwessid oogahpuhgedenaun enewh oogwissun: kuhya dush wanejahnesemindjig oogahnoosoonawahwaun enewh ooketezemewaun, kuhya tahahnookeewug chenesemind.
22Kegahsheenganemegoowaug dush kuhkenuh enenewug nendezhenekahzoowin oonje; owh dush nahnauzh wuhyaquah‐ahyaug kaäungwahmezid tahbemahjeäh.
23Uhpe dush noosoonooënagwah emuh pazhik oodanaung, pakahnuk ezhenezhemooyook; kagate muh kedenenim, Kahween kegahtachahgeshkunsenahwah enewh Israel duhzhe oodanahwun, chepwah tuhgweshing owh Enene oogwissun.
24Kahween ahwahshema ahpetandahgoozese owh kekenooähmahgun apetandahgoozenid enewh kakenooahmahgoojin, kuhya owh buhmeetahgun kahween ahwahshema ahpetandahgoozese apetandahgoozenid oodoogemahmun.
25Me menik suh kishpin ahpetandahgoozid owh kekenooahmahgun apetandahgoozenid enewh kakenooahmahgoojin, kuhya owh buhmeetahgun apetandahgoozenid oodoogemahmun. Kishpin Beëlzebub ezhenekahnahwaud enewh wawegewahmenejin, ahneen menik ahwahshema kaëzhenekahnahwaud enewh dabandahgoozenejin emuh weewauming?
26Kagoo koosahkagoon egewh, kah muh gagoo kahjegahdasenoon, me atuh kapuggukkanjegahdag; kah dush gagoo keemooj ahtasenoon, me atuh kamezheshuhwejegahdag.
27Oo‐oo suh waunduhmoonuhgoog emuh pesuhgish‐tebik, me ewh kawahweenduhmag emuh wahsayahzewening: Kuhya oo‐oo waunduhmoonuhgoog emuh ketuhwuggahwaung, me ewh kawahweenduhmag oogedeguhmig.
28Kagoo kuhya koosahkagoon egewh natoojig ewh weyowemah, kushketoosegwah chenesahwaud oojechaugoomaun: ahwahshema dush koosik owh kasketood chebahnahjeäud enewh oojechaugoomaun kuhya weyowemaun emuh mujje‐ishkootang.
29Kah muh ween pazhik shoomahnekans enegeenzoosewug neezh penasewug? kah dush ween kuhnuhga pazhig oogoo tahpungeshinse, kishpin enanduhsig owh Koosewah.
30Ahginjegahdawun suh kuhkenuh enewh kenessesewaun emuh keshtequanewaung.
31Kagoo dush sagezekagoon, ahwahshema kenuhwah kedahpetandahgoozeem apetandahgoozewaud dush ween nebewah penaseüg.
32Ahwagwan dush ween kawahweezhegwan emuh anahsuhmewaud egewh enenewug, mesuh owh kuhya neen kawahweenug emuh enahsuhmuhbid owh Noos keche‐kezhegoong ayaud.
33Ahwagwan dush kaähgoonwatahwegwan emuh enahsuhmewaud enenewug, mesuh owh kuhya neen kaähgoonwatahwug emuh enahsuhmuhbid Noos keche‐kezhegoong ayaud.
34Kagoo enanemeshekagoon chepuhgedenuhmaun ewh pezaune‐bemahdezewin oomuh uhkeeng peoönjeëzhahyaun; kahween nepeoonjeëzhahse chepuhgedenuhmaun ewh pezaune‐bemahdezewin, ahzhahwashk suh atuh.
35Nempeoonjeëzhah suh ween chepuhgedenuhmaun ewh kekaundewin, owh enene chekekahmaud enewh oosun, owh dush wadahnesemind enewh oogeen, kuhya owh wasemind enewh oosegoosessun.
36Mesuh enewh emuh andaud ayahnejin kamegahneood owh enene.
37Ahwagwan ahwahshema suhyahgeähgwan enewh oosun gamuh oogeen apeech neen azhesahgeïd kahween ahpetandahgoozese chebuhmeetuhwid; owh dush ahwahshema suhyahgeäud enewh oogwissun gamuh oodahnissun apeech neen azhesahgeïd kahween ahpeetandahgoozese chebuhmeetuhwid.
38Ahwagwan dush kaöodahpenunsegwan oodahzhedayahtegoom, noopenuhzhesig dush, kahween ahpetandahgoozese chebuhmetahwid.
39Owh dush makung ewh oobemahdezewin oogahwuhnetoon: owh dush kawuhnetood oobemahdezewin neen oonje oogahmekaun suh.
40Owh suh wadahpenenoowagwan me suh goo kuhya neen wadahpenid; kuhya owh wadahpenegwan me suh kuhya goo wadahpenaud enewh kahahnoozhejin.
41Owh suh kaöodahpenahgwan enewh aunwahjega‐wenenewun emuh oodezhenekahzoowining owh aunwahjega‐wenene oogahoodahpenaun ootebahahmahgoowin owh aunwahjega‐wenene; owh dush kaöodahpenahgwan enewh manoo‐ezhewabezenejin emuh oodezhenekahzoowining owh manoo‐ezhewabezid ootebahahmahgoowin owh manoo‐ezhewabezid oogahoodahpenaun.
42Ahwagwan dush ningoo‐menequahjegauns tuhkegumme kameenahahgwan pazhik oonoo agahsheënejin emuh oodezhenekahzoowining owh kekenooahmahgun, kagate kedenenim, kah bahbahpish oogahwuhnetooseen ewh ootebahahmahgoowin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.