Kitaaba Faaru'uu 8
8
Guddinna Waaqaatii Fi Ulfinna Namaa
Sooressa faarfattootaatiif, faaruu Daawitii ta suusulle'een faarfatante.
1Ee Mootii Waan Maraa, Goottaa keenna!
Maqaan keeti lafa maratti attam attam gudda'a!
Ulfinna keeti ol-gubbaa irratti diriirsiteerta.
2Diinota keeti loliisaaf,
nyaaphotaa fi worra haluu bayu cadhi godhiisaaf,
afaan ijoolle'eetii fi daa'immaan harma hootuutiin,
hunna qopheessite.
3Ani ol-gubbaa ati dadde,
hujii harka keetii,
ji'aa fi urjoota ati dadde
yennaa ilaalu,
4akka ati isaaf yaadattuuf,
nami maan inni?
Akka ati isa kunuunsituuf,
ilmi namaa maan inni?
5Ati diqquma Waaqa#8:5 Diqquma Waaqa isa hanqitte: Hiikkaan afaan Giriikii Ergantoota Waaqaa isa hanqitte jedha. isa hanqittee,
kallacha guddinnaa fi ulfinnaa itti keette.
6Hujii harka keetii mara irratti bulchaa isa gootee,
waan mara baallii ilma namaatiin jala goote.
7Hoole'ee fi loon mara,
bineensota,
8sinbirrootaa fi qurxummii mara,
dada abbaayaa keessaa mara
baallii ilma namaatiin jala goote.
9Ee Mootii Waan Maraa, Goottaa keenna!
Maqaan keeti lafa maratti attam attam gudda'a!
Currently Selected:
Kitaaba Faaru'uu 8: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
