Kitaaba Faaru'uu 65
65
Leellisaa Fi Galata
Faaruu Daawitii, sooressa faarfattootaatiif.
1Ee Waaqa, Xiyoon keessatti
si leellisuu,
waadaa si'iif gallelle muummessuu qanna.
2Ee ka daadimata namaa dhageettu,
nami marti gara keeti hin dhufa.
3Cubbuun nu moote;
ati ammoo yakkaa teenna nuu araarante.
4Worri ati filattee
badhinna mana keetii keessa akka le'anu
ka ifitti dhikeeffatte ka eebbifame.
Nuuti waan dansaa mana keetii,
ta Dunkaanii Woyyittii teetiitiin hin quunna.
5Ee Waaqa fayyisaa keenna,
hujii maade'ee
ta balchumma'aatiin deebii nuuf kennita.
Worri qaccee lafaa
abbaaya'aan gama fagoo jiru martille
addii sitti godhata.
6Ati hunna teeti uffattee,
jabeenna keetiin gaarota dadde.
7Ati Shookkessa abbaaya'aatii fi danbalii isi'ii,
caanca gosa biyya adda addaalle cadhi goota.
8Bilbaasa ati gooteen,
worri biyya lafaa irra le'u duudiin,
hin sodaata;
addee aduun baatu irraa
haga addee aduun seentuutitti,
ililleettiin akka dhage'antu hin goota.
9Ati lafa ilaaltee, rooba kennitaaf;
guddoo laattuu isii goota.
Lagi Waaqaa, bisaaniin guuteera;
akkas gootee waan qopheessiteef,
kolbaan midhaan dhaggatti.
10Fichaa qotame irratti
bokkeya bacaa roobisiitta;
quqquuqaa isaalle hin bulleessita;
biyyee tiifu'uun laafficha;
mudheen#65:10 Mudheen: Lafa tokko tokkotti mudhoon lattee akka guddattu goota.
11Arjummaa teetiin bara eebbitta!
Gara ati dhaxxe mara
midhaan baca'atti jiraata.
12Goomoleen marti bisiltee,
koobotille gammada akka woya'aa uffatan.
13Diidi tika hoolotaatiin,
dhooqille midhaaniin guutaman;
isaan ilillisaa faaruu faarfatan.
Currently Selected:
Kitaaba Faaru'uu 65: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
