Kitaaba Faaru'uu 26
26
Daadimata Nama Komii hin qannee
Faaruu Daawitii.
1Ani komii tokko malee,
sitti addadhee raafama malee waan le'eef,
Ee Mootii Waan Maraa, naaf muri.
2Ee Mootii Waan Maraa,
na qorqori, hagalle na ilaali;
gadhaa kiyyaa fi qalbii tiyya qorqori.
3Jaalalli keeti ka bara baraa
ila tiyya dura jira;
anille dhugaa teetiin hin ideema.
4Ani sobaaleyyii woliin hin tee'u;
worra kijiboolee jaala hin godhadhu.
5Ani yaa'ii worra hantuu hujuu hin jibba;
hamaaleyyii wolille'een hin tee'u.
6Yakkaa akka hin qanne mudhisiisaaf,
harka dhiqadha;
Ee Mootii Waan Maraa,
addee ciinca'aa teeti cinaa mara.
7Faaruu galataa guddisee faarfataa,
hujii maade'ee teeti hin odeessa.
8Ee Mootii Waan Maraa, mana keeti addee ati leetu,
addee ulfinni keeti jiru, ani hin jaaladha.
9Lubbuu tiyya cubbaaleyyii woliin,
jiruu tiyya worra dhiiga namaa dhangalaasu woliin
hin balleessin.
10Harka worra akkasii keessa karoora hama'atti jira;
harka isaanii middicha keessa safu'utti#26:10 Safuu: Yookiin malaamaltumma. guuteera.
11Ani ammoo komii malee le'a;
na wodi; na mararfadhu.
12Miilli kiyya lafa wol qixxee irra dhaabbateera;
gumii guddoo keessatti
ani Mootii Waan Maraa leellisa.
Currently Selected:
Kitaaba Faaru'uu 26: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
