Kitaaba Faaru'uu 2
2
Mootii Waaqi Filate
1Gosi biyya adda addaa maaf finqilti?
Kolbaan maaf mala bu'aa hin qanne dhootti?
2Mootii Waan Maraatii fi ka inni muude mormiisaaf,
moototi lafaa hin kakka'an;
bulchitootille isaan woliin mala isaanitti dhootti.
3Isaan, «Kowa'a, wodaroo sibiilaa ta isaanii
ifi irraa kunnuu ti!
Wodaroo isaaniille ifi irraa gannuu ti» jedhan.
4Ka ol-gubbaa jiru hin kolla; Mootiin Waan Maraa
isaanitti hin murga.
5Achiin duuba Mootiin Waan Maraa
aari'iin isaan hin xixa.
Mufii ifiitiin isaan hin bararassa.
6Inni, «Ani gaara kiyya woyyicha Xiyoon irratti
mootii kiyya muudeera» jedha.
7Mootichi, «Ani lassii Mootii Waan Maraa hin lassa;
inni anaan, ‹Ati ilma kiyya; ani adha si uumadhe.
8Na gaafadhu; gosa biyya adda addaa mara sii kenna;
kolbaan biyya lafaa marti qabeenna keeti hin teeti.
9Ati ulee bokku'uu ta sibiilaatiin isaan hin bulchita.
Akka okkote'ee isaan hin butuchita› jedhe» jedha.
10Tanaaf, isin mootoleen qalbeeffadha'a;
isin bulchitooti biyya lafaa ifi eeggadha'a.
11Sodaa guddo'oon Mootii Waan Maraa tajaajila'a.
Rommiisaan isaaf ajajama'a.
12Mufiin isaa ariiti'iin waan dhuttuuf,
isinitti mufatee akka isin hin balleessine,
qulqullumma'aan waaqonfadha'a.
Worri gara isaa baqatu
ka gammade.
Currently Selected:
Kitaaba Faaru'uu 2: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
