Kitaaba Faaru'uu 16
16
Waaqatti Addii Godhatiisaaf Daadimata Dhikaate
Faaruu Daawitii.
1Ee Waaqa, ani sitti waan baqadhuuf,
ati na eegi.
2Ani Mootii Waan Maraatiin,
«Ati Goottaa kiyya;
si'iin malee ani waan dansaa hin qabu» jedhe.
3Worri isaaf woyyoomee lafa irra le'u, ka ulfaate;
ani isaanitti gammada.
4Worra waaqota dhibii waaqonfatu
gadda gudda'atti isaan dhaqqaba.
Ani waaqota dharaatiif
ciincaa dhiigaa hin dhikeessu;
afaan kiyyalle'een maqaa isaanii hin dhowu.
5Ee Mootii Waan Maraa,
qoodi lafa tiyyaatii fi hireen tiyya si'i.
Qoodi lafa tiyyaa harka keeti keessa jira.
6Wodaroon tiyya ta meessaa ittiin mikanu#16:6 Ittiin mikanu: Hagam akka dheeratu yookiin badhatu ittiin beekanu
addee dansaa irra naaf buute;
dhugumaan ani lafa dansaa qaba.
7Ani Mootii Waan Maraa
ka gorsa naaf kennu hin leellifadha.
Halkan keessalle
wodanaan kiyya ifi na eeggachiisa.
8Mootiin Waan Maraa
fuula kiyya dura akka naaf jiru,
ani yennaa mara hin beeka.
Inni midda kiyya waan jiruuf,
ani hin raafamu.
9Tanaaf, gadhaan kiyya hin gammada;
arrabi kiyya hin ilillisa;
nafi kiyyalle sodaa malee hin foorfata.
10Ati addee worri du'e jirutti
waan na hin lakkinneef,
ati woyyicha keeti akka shamu hin gootu.
11Ati daandii jiru'uu natti hin mudhitta;
gammadi guutuun fuula keeti dura,
wonni haga bara baraa nama gammachiisu
harka keeti middicha keessa jira.
Currently Selected:
Kitaaba Faaru'uu 16: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
