Kitaaba Faaru'uu 142
142
Miidhaa Jalaa Bayiisaaf Daadimata Dhikaate
Wolaloo Daawitii, ta yennaa inni gadda keessa jiruu; Daadimata.
1Ani qoonqoo ol qabadhee,
gara Mootii Waan Maraa iyya;
marartii dhaggatiisaaf
Mootii Waan Maraa gaafadha.
2Komii tiyya mara
isa duratti dhangalaasa;
rakkinna kiyyalle
isa duratti himadha.
3Yennaa ani addii kutatiisa geyeeru,
gara ani ideemaaru ati hin beetta.
Daandii ani irra ideemu keessa,
isaan fonxoroo naaf dhossaneeran.
4Adaala kiyya ilaalii dhaggi;
nami naaf yaadatu hin jiru;
addeen ani itti baqadhu hin jirtu;
nami tokkolle haajaa kiyya hin qabu.
5Ee Mootii Waan Maraa,
ani gara keeti iyya;
ani, «Ati ka ani itti baqadhu;
lafa worra jiraata'aa tana keessatti
ati qooda kiyya» jedha.
6Ani waan qarqaarsa hin qanneef,
iyya tiyya naaf caqasi;
worri na miidhu
guddoo waan natti jabaataneef,
ati isaan jalaa na baasi.
7Maqaa keeti akka leellifadhu,
hidhaa keessaa na baasi.
Ati waan dansaa waan naa gooteef,
worri balchaan na hin marsan.
Currently Selected:
Kitaaba Faaru'uu 142: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
