Kitaaba Fakkeennaa 31
31
Gorsa Mootichaaf Kenname
1Jechi asii gadii kun ka haati Lemu'elii mootichaa isa barsiitte:
2«Ee ilma kiyya,
ilma gadaamessa kiyyaa,
ilma Waadaa kiyyaa,
3hunna teeti dubartoota irratti hin fixin;
yennaa teetille dubartoota mootota balleessitu irratti hin fixin.
4«Ee Lemu'el, moototi daadhii woyni'ii unuu hin qabanu;
bulchitootille untoo nama macheessitu unuu hin qabanu.
5Isaan yoo unane,
seera hin dedhan;
worra cunqurfame mara haqa hin dhooggan.
6Untoo nama macheessitu,
nama badiisatti jiruuf,
daadhii woyni'iille nama farra hantuu keessa jiruuf kenni.
7Isaan unanee hiyyummaa ifii dedhanuu ti;
farra ifiille deebi'anee hin qaabatin.
8«Ati worra ifiif dubbatuu hin dandeenneef dubbadhu;
worra qarqaarsa hin qanne maraaf falmadhu.
9Dubbadhu;
dhugaa muri.
Haqa hiyyeessaatii fi
rakkata'aatiif falmadhu» jette.
Niitii Amala Dansaa qaddu
10Niitii qalbii qaddu eentu dhaggatuu dande'a?
Isiin dooqa diimaa caalti.
11Dhirsi isi'ii gadhaa tokkochaan isii addata;
Inni waan tokkolle hin dhabu.
12Bara jiruu isi'ii mara waan dansaa isaaf gooti malee,
waan hantuu isa irratti hin hujju.
13Isiin rifeensa hoole'eetii fi quncee talba'aa barbaaddee,
harka ifiitiin woyaa dhootti.
14Isiin akkuma hoboloota gugurdoo daldaltootaa,
biyya fago'oo irraa sagalee fiddi.
15Isiin ganama adoo latti hin bari'in kaatee,
maatii ifiitiif sagalee kenniti;
durra tajaajiltoota ifiitiifille
hujii isaanii itti qooddi.
16Isiin fichaa qorqortee bitatti;
bu'aa hujii harka ifiitiin
muka woyni'ii dhaabbatti.
17Isiin hunnaan hujii ifii hujatti;
irreen isi'iille huji'iif jaddu'u.
18Hujiin isi'ii bu'aa akka qaddu hin beetti;
issaan isi'iille halkan hin dhaamu.
19Harka ifiitiin fuuttaa qabatti.
Quba ifiitiin liqaaqaa irbiti.
20Isiin hiyyeessaaf hin kenniti;
rakkataalle hin qarqaarti.
21Maatiin isi'ii martinuu
woyaa qorra nama irraa dhooggitu waan qabanuuf,
yennaa rooba dhaka'aa isaaniif hin yaaddottu.
22Isiin woyaa taqee ifii irra afattu dhowatti;
isiin woyaa dansaa quncee talba'aa irraa hujantee fi
woyaa dhiillee uffatti.
23Dhirsi isi'ii jaarsolee biyyaa odduu,
badhinna karra qacha'aa yennaa tee'u ulfinna qaba.
24Isiin quncee talba'aa irraa woyaa dhoottee gurgurti;
daldaltootaafille hiituu gurgurti.
25Isiin hunnaa fi ulfinna akka woya'aa uffatti;
bara dhufaaru itti gammaddi.
26Isiin qarumma'aan dubbatti;
afaan isi'ii keessa barsiisa dansa'atti jira.
27Isiin jireenna maatii ifii akka dansaa eeddi;
isiin booseyaa moti.
28Ijoolleen isi'ii lafaa kaatee,
«Gammadee» jettee isii waanti;
abbaan manaa isi'iille akkasuma jedhaa, isii leellisaa,
29«Dubartooti hedduun waan dansaa hujaneeran;
ati ammoo isaan mara hin caalta» jedhaan.
30Miidhagiis nama soba;
dansummaan hin baddi;
dubartiin Mootii Waan Maraa sodaattu ammoo hin leellifanti.
31Bu'aa hujii isi'iitiif badhaasa kenna'aaf!
Hujiin isi'ii badhinna karra
qacha'aatitti isii leellittuu ti.
Currently Selected:
Kitaaba Fakkeennaa 31: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
