Kitaaba Fakkeennaa 20
20
1Daadhiin woyni'ii murgaamessa,
untoon jadduun xeenxiraa nama gooti;
nami isaan kanaan dokonkore qaro'oo moti.
2Aariin mooti'ii akka neenqa dhangaa dhowuu ti;
nami isa aarsulle jiruu ifii dhaba.
3Wol dhaba irraa fagaatiis ulfinna namaaf kenna;
gowwaan yennaa mara lola kaasa.
4Nami booseyi yenna'aan hin qotatu;
yennaa midhaan galfatanu inni midhaan barbaada,
ammoo womaa hin dhaggatu.
5Yaadi gadhaa namaa akka bisaan qilee keessaa ti;
nami qalbii qabu ammoo
achi keessaa hin woraabbata.
6Nami hedduun, «Nuuti worra addatama'a» ifiin jedhan;
nama addatamaa ammoo eentu dhaggatuu dande'a?
7Nami balchaan komii malee le'a;
ijoolleen isa gula ideentulle ta hiree dansaa qaddu.
8Mootiin barcumaa mura'aa irra tee'eeru,
iluma ifiitiin waan hantuu ilaalee beeka.
9Eennutti, «Ani gadhaa kiyya qulqulleeffadheera;
ani cubbuu hin qabu» jedhuu dande'a ree?
10Mootiin Waan Maraa madaala sirrii hin te'inii fi
safara sirrii hin te'in jibba.
11Ijoolleenuu qulqulloota akka te'ane,
sirrii te'uu isaaniille,
hujii ifiitiin hin beekkaman.
12Gurra dhage'uu fi ila dhaggitu,
lachuu ka dade Mootii Waan Maraa ti.
13Akka hin hiyyoommane,
hirriiba hin jaalatin.
Midhaan akka quuttu,
dammaqii hujadhu.
14Nami woy bitatu,
«Wonni kun baddu'u, wonni kun baddu'u» jedha;
bitateen duuba, «Dansaa bitadhe» jedhee ifi jaja.
15Worqi'ii fi dooqi baca'atti jira;
afaan dubbii beekkumsaa dubbatu ammoo,
akka dhakaa gatii guddo'oo ti.
16Nama alaga'aaf wobii te'e woyaa irraa mulqadhu;
marroo nama alagaa sanii woyaa isaa qabadhu.
17Sagaleen hannaan dhaggante namatti hin mi'ootti;
duubarra ammoo akka maansa afaan nama guutee teeti.
18Gorsa fudhadhuu karoora baafadhu;
qajeelfama fudhadhuu duuli.
19Nami hamatu dhossaa mudhisa;
tanaaf nama dubbii baceessu irraa fagaadhu.
20Nami abba'aa fi haadha ifii abaaru,
akka issaa dukkana duudduu keessatti dhaamee hin te'a.
21Qabeenni jalqaba irratti
dafee dhaalaan dhufu,
dhuma irratti eebba hin qabu.
22Nami si irratti waan hantuu yoo huje,
«Anille deebisee waan hantuu irratti huja» hin jedhin;
Mootiin Waan Maraa si baasaa,
isa eegadhu.
23Mootiin Waan Maraa madaala sirrii hin te'in hin jibba;
safari sirrii hin te'inille isa hin gammachiisu.
24Ijjata namaa ka qajeelchu
Mootii Waan Maraa ti;
nami karaa ifii attam beekuu dande'a ree?
25Nami tokko adoo itti hin yaadin,
Waaqaaf waadaa galee,
duuba irra yoo gaabbe,
tiyyoo seeniisa.
26Mootiin qaroon worra hamaa miidhassee beeka;
inni marartii malee isaan hin adaba.
27Mootiin Waan Maraa qalbii namaa hin ilaala;
keessa namaalle hin qorqora.
28Mararti'ii fi addatamummaan nageyaan mootii eegan;
barcumaan mootummaa isaa
addatamumma'aan jabaatee dhaabbata.
29Ulfinni dargaggootaa jabeenna isaanii ti;
ulfinni maanguddootaalle arrii isaanii ti.
30Adabbiin madeessitu waan hantuu qulqulleessiti;
dhaaniisille keessa namaa qulqulleessa.
Currently Selected:
Kitaaba Fakkeennaa 20: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
