Kitaaba Seera Dadaa 49
49
Jecha Yaaqoob Muummee Irratti Ilmaan Ifiititti Dubbate
1Achiin duuba Yaaqoob ilmaan ifii waammatee, «Waan gara duraa isinitti dhufu akka isinitti himuuf, wolitti dacha'a'a!
2«Ilmaan Yaaqoobii, wolitti dacha'a'aa dhage'a'a;
abbaa keessan Yaaqoob dhage'a'a.
3«Ruuben, ati ilma kiyya angaficha,
hunna tiyyaa fi jabeenna kiyya ka qaraa ti;
ulfinnaa fi hunnaan ilmaan tiyya mara hin caalta.
4Te'uu malee, ati ka akka bisaanii daaquu waan teeteef,
obboleeyyan teeti hin sooressitu;
rifanoo abbaa keetii irra waan baateef,
dubartoota gursumeeyyii abbaa keetii woliin ratteerta.
5«Shimi'oonii fi Lewwiin obboleeyyan;
shallaagaan isaanii
meya isaan hunnaan nama irratti ka'anu.
6Isaan aari'iin namoota waan ijjeesaneef,
taphaaf jedhanee korommii waan mogolchaneef,
ani marii isaaniititti hin galu;
yaa'ii isaaniille hin qoodamu.
7Aariin isaanii jadduu,
mufiin isaanii gadhi-jabeettii waan teeteef,
ta abaarante teetuu ti!
Ani gosa Yaaqoobii odduu isaan qoqoodee
Israa'el keessa isaan hin bittinneessa.
8«Yihuda'a, obboleeyyan teeti si hin leellisan;
ati diina keeti hin injifatta;
ilmaan abbaa keetii si duratti gad hin jedhan.
9Ilmi kiyya Yihudaan akka ilmee neenqaa,
ta adamo'oo gara mandhee ifii deebituu ti.
Akka neenqaa diriirfatee irkata;
eentu isa kaasiisaaf itti guula?
10Ka kolbaan duudiin ajajantuuf,
haga bara baraa ka bulchu,
ka mootummaan isaaf malte, haga dhufutti,
bokkuun harka Yihuda'aatii hin baatu.
Mootoleen maatii Yihuda'aa irraa hin dhufan;
nami tokko Yihudaa irraa yennaa mara
barcumaa mootumma'aa irra hin tee'a.
Ka mootummaan isaaf malte haga dhufutti
Yihudaan hin bulcha;
gosi biyya adda addaalle isaaf hin ajajaman.
11Inni woynii bacaa qaba;
harree ifii muka woyni'iititti,
ilmayyoo harree ifii woynii filatantetti hidhata.
Inni woyaa ifii daadhii woyni'iitiin,
bullukkoo ifii dhiiga midhaan woyni'iitiin dhiqata.
12Ilti isaa daadhii woyni'ii caalaa diimatti;
ilkaan isaa aanan caalaa addaata.
13«Zebuloon qarqara abbaaya'aa hin le'a;
qarqarri abbaaya'aa ka isaa sun
lafa buufata hoboloota gugurddo'oo hin te'a.
Meessaan lafa isaa Sidoon hin te'a.
14«Yisaakor akka harree jadduu,
wodhakkaa fe'iisaa ciittuu ti.
15Ammoo addeen isaa ta fooraa dansaa,
latti isaalle
attam akka gammachiittu yennaa dhagge,
fe'amiisaaf dudda ifii cillaaffatee garba te'a.
16«Daan kolbaa ifii
gosa Israa'elii keessaa takkattii hin bulcha.
17Daan akka dhudhuufaa karaa irgaa,
akka buutii daandii cina'aa,
ta kottee fardaa idditee
nama irra tee'eeru irraa buuttuu ti.
18«Ee Mootii Waan Maraa,
ani fayyisiisa keeti eegadha.
19«Saantuun Gaad hin miiti;
inni ammoo deebisee isaan hin miidha.
20«Latti Asheerii sagalee dansaa bacaa kenniti.
Inni sagalee mootichaaf teetu hin kenna.
21«Naftaalem akka ilmee dansaa gadansaa bilisa;
inni jechoota dadansaa dubbata.
22«Yoseef akka muka woyni'ii midhaanicha,
madda bira jiru,
ka dameen dalleya irra baatuu ti.
23Worri daaya qabatu isa duchiisanee,
diinumma'aan daaya itti gad lakkisan.
24Ammoo hunna Waaqa Yaaqoobiitiin,
maqaa tissee jabaa Israa'eliitiin,
guubeen isaatii fi irreen isaa hin jabaatti.
25Waaqi abbaa keetii ka si qarqaaru,
Waaqi waan mara dande'u,
rooba gubba'aatiin,
madda golbaatiin,
horii heddu'uu fi
ijoollee hedduu kenniisaan si eebbisu.
26Eebbi abbaa keetii
waan eebba gaarota bara duriitii jalqabanee jiranuu fi
kooba bara baraa irraa dhagganu caala.
Eebbi kun marti mataa Yoseefii,
ka obboleeyyan ifii irraa adda baye
surrii isaa irratti bu'uu ti.
27«Beniyaamin akka yayyii beelottee ti;
ganamaan waan adanse nyaata;
galgala waan booji'e qoqooda» jedhe.
28Gosi Israa'elii kudhanii lama isaan kana. Abbaan isaanii eebba isaaniif te'uun tokko tokkoo isaanii yennaa isaan eebbise, wonni isaaniin jedhe tana.
Du'aa Fi Awwaalama Yaaqoobii
29Achiin duuba Yaaqoob, isaan gorsee, «Ani du'uu geyeera; isin abbootii tiyya woliin goda fichaa Efronii namicha biyya Heetii keessatti na awwaala'a. 30Godi sun lafa Kana'aanii keessa, Mamree irraa gara aduun baatu, fichaa Makfela'aa keessa jirti; Abrahaam fichaa godi awwaalaa tun keessa jirtu, addee awwaalaatiif Efronii heeticha irraa bitate. 31Abrahaamii fi niitii isaa Saaraa achitti awwaalane; Yisihaqii fi niitii isaa Ribqaa achitti awwaalane; anille Liyaa achitti awwaale. 32Fichaan sunii fi godi fichaa san keessaa sun namoota biyya Heetii irraa bitamane» isaaniin jedhe.
33Yaaqoob ilmaan ifiititti gorsee yennaa fixe, miila ifii taqee irratti ol deebifatee, du'ee, gara kolbaa ifii ta addee dhuga'aa jirtuu gale.
Currently Selected:
Kitaaba Seera Dadaa 49: guj
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and Bible Society of Ethiopia
