رومی کلیسارا نامه 16
16
سلام و درود
1چَمَه خالا فیبی سیفارشی بَشمَه بَکَم. اَ شَهرِ کِنِخریَه کِلیسا پاسَریونکارَ. 2بَی خداوندی دِلَکا، اَتَه کن موقدَسون لایِقَه، قِبول بکَرَ و هر کمکی کن شِمَکا اَپیشَه اَیکا دَریغ مَدارَ، اِمی خونِه کن اَ خَیلیون، حتی بَمن، وِرَ کاریَری آدوعَشَه.
3پْریسکیلا و آکیلا، چمن همکارِن مسیحْ عیسی دِلَکا، سلام بِدرَ. 4اَیِن اِشتَن جانی چمن خونِه خَطَریکا دَرَفَندِشون، و نِه تاکَه اَز، بَلکَم گِردِ غَیرِ یَهودیون کِلیسا اِن اَوونکا تَشکُر بَکَن. 5هِنتَرَکِه کِلیسا ایی کن چَوون کَکا یندِنَه جَم آنَّب، سلام بدرَ. چمن خاجَتیَه رِفِق اِپینِتوسی سَلام آدَرَ، اَ، اَیِنیکا کن آسیا دِلکا ایمان وَردَشونَه، اولین نفر بَه. 6مَریَمیرا کن شِمَرا وِرَ زحمَت کَشتِش، سلام بِدرَ. 7چمن خیشون، آندرونیکوس و یونیاسی کن بَمِنَه زیندانیکا بینَه، سَلام بدرَ. اَیِن رَسولون دِلَکا، سرشناسین کن بَمِنکا بَه نَ مَسیح کا ایمان دارینَه. 8چمن خاجَتییَه رَفِق خداوندی دِلَکا، آمپْلیاتوسی سلام بدَرَ. 9مَسیح دِلَه هَم کارون اوربانوسی، و چمن خاجَتیَه رَفِق، اِستاخیسی، سَلام بدَرَ. 10آپِلیسی کن اِشتَن ایمتحانی مَسیح دِلَکا پس آدوعَشَه، سلام بدَرَ. آریستوبُلوسی کَه آدَمون سلام بِدرَ. 11چمن خیش هیرودیونی و نارکیسوسی کَه آدَمون کن خِداوَندیکا هِستین، سلام بدرَ. 12تْریفینا و تْریفوسا، اَ پاسَرییِنی کن خداوندی خیدمتی دِلَکا زَمَت بکَشتین سلام بدرَ، و چمن اَیلَه خاجَتیَه رَفِق پِرسیسی، کن خداوندیکا بَرک زَمت بَکَشتی، سلام بدَرَ. 13روفوسی کن خِداوَندیکا اینتخاب آبه یَه، و چَی نَنَه کن چمن حَقیکا نی نَنَه گیری کَردَشَه، سلام بدرَ. 14آسینکْریتوس، فْلیگون، هِرماس، پاتْروباس و هِرمِس و دیَرَ برا اِنی کن اَوونَّه مَندینَه، سلام بِدرَ. 15فیلولوگوس، یولیا، نیریاس و چَی خالا و اولیمپاس و گِردِ موقدّسینی کن اَوونَّه دَرِ اینَه، سلام بدرَ. 16یَندِ موقدَسه ماچینِه نَه سلام بِدرَ. مَسیح کِلیسا اِن گِرد، بَشِمَه سلام باتین.
آخِرین سیفارش
17برا اِن، بَپیمَه شِمَکا خاشتو خاز بِکَرِم، اَیِنی کا کن جِدایی دَنَّفَند هواسِرون ببو، شِمَه راه دِلَکا مانِع بَنان و آموجینَه کن شِمَه گَتَرونَه مُخالیفَت بَکَنَه، اَوونکا رَت آبَه، 18اِمی خونه کن اِنتَرَ آدَمِن چَمَه خداوند مسیح خیدمَت نینَّکرد، بَسکَم اِشتَن اِشکَمشه فکریکان و خاصه گَفینَه و چاپلوسینَه سادَ آدَمون گول بَژَن. 19شِمَه فِرمون بَردِ تَریف گَردی دِلَکا گَه به گَه آبَه یَه؛ شِمَه خونِه را وِر خَشیمَه. ولی بَشِمَکا اَپیمَه اَ چیی ایی ناریکا کن چاکَه، اَلمَند، و اَ چیی ایی ناریکا کن بَدَ، سادَ بِبَه.
20صلح و سلامَتی خدا، خَیلی زو شَیطونی شِمَه لِنگون بنیکا لِرت آرَکَرد.
چَمَه خداوند عیسی فِیض شِمَنَه دَرِ ببو.
21چمن همکار تیموتائوس بَشِمَه سلام دَرِ. چمن خیشِن، لوکیوس، یاسون و سوسیپاتِر نی شِمَرا سَلام دَرِن.
22اَز، تِرتیوس، اِم نامَه اَنِوِس، خداوندی دِلَکا بَشِمَه سلام باتیم.
23گایوس کن بَمنکا و اِم جِگا کِلیسا آدَمون گِردیکا مِیمان نوازی کَردشَه، شِمَرا سلام دَرِ.
اِراستوس کن شهری خَزانَه دارَ، و چَمَه برا کوآرتوس شِمَرا سلام دَرِن.
24و چَمَه خداوند عیسای مَسیح فِیض شِمَه گِردینَه ببو. آمین». 25ایسَه اَ کن بَشایَه چمن اِنجیل و عیسای مسیح موعِیظَه واتَنَه، بَشِمَه آمبَست آکَرِ، یعنی هنتَه ایلَه نونَکه رازی کن دیار آبَه، کن خَیلی وقت بَه نون بَه. 26اَمّا ایسَه پَیغَمبَرون نِوِشتَه اون واتَنَه، و زَیرونَه خدا حِکمینَه، گِردِ قامونرا دیار آبَه تا اَیِن ایمان بوَعن و ایطاعَت بِکَن، 27اَ کن تاکَه اَلمَندَ خِدایَه، عیسای مَسیح واسیطَنَه زَیرونَه شکوه و جلال ببو! آمین.
Currently Selected:
رومی کلیسارا نامه 16: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
رومی کلیسارا نامه 16
16
سلام و درود
1چَمَه خالا فیبی سیفارشی بَشمَه بَکَم. اَ شَهرِ کِنِخریَه کِلیسا پاسَریونکارَ. 2بَی خداوندی دِلَکا، اَتَه کن موقدَسون لایِقَه، قِبول بکَرَ و هر کمکی کن شِمَکا اَپیشَه اَیکا دَریغ مَدارَ، اِمی خونِه کن اَ خَیلیون، حتی بَمن، وِرَ کاریَری آدوعَشَه.
3پْریسکیلا و آکیلا، چمن همکارِن مسیحْ عیسی دِلَکا، سلام بِدرَ. 4اَیِن اِشتَن جانی چمن خونِه خَطَریکا دَرَفَندِشون، و نِه تاکَه اَز، بَلکَم گِردِ غَیرِ یَهودیون کِلیسا اِن اَوونکا تَشکُر بَکَن. 5هِنتَرَکِه کِلیسا ایی کن چَوون کَکا یندِنَه جَم آنَّب، سلام بدرَ. چمن خاجَتیَه رِفِق اِپینِتوسی سَلام آدَرَ، اَ، اَیِنیکا کن آسیا دِلکا ایمان وَردَشونَه، اولین نفر بَه. 6مَریَمیرا کن شِمَرا وِرَ زحمَت کَشتِش، سلام بِدرَ. 7چمن خیشون، آندرونیکوس و یونیاسی کن بَمِنَه زیندانیکا بینَه، سَلام بدرَ. اَیِن رَسولون دِلَکا، سرشناسین کن بَمِنکا بَه نَ مَسیح کا ایمان دارینَه. 8چمن خاجَتییَه رَفِق خداوندی دِلَکا، آمپْلیاتوسی سلام بدَرَ. 9مَسیح دِلَه هَم کارون اوربانوسی، و چمن خاجَتیَه رَفِق، اِستاخیسی، سَلام بدَرَ. 10آپِلیسی کن اِشتَن ایمتحانی مَسیح دِلَکا پس آدوعَشَه، سلام بدَرَ. آریستوبُلوسی کَه آدَمون سلام بِدرَ. 11چمن خیش هیرودیونی و نارکیسوسی کَه آدَمون کن خِداوَندیکا هِستین، سلام بدرَ. 12تْریفینا و تْریفوسا، اَ پاسَرییِنی کن خداوندی خیدمتی دِلَکا زَمَت بکَشتین سلام بدرَ، و چمن اَیلَه خاجَتیَه رَفِق پِرسیسی، کن خداوندیکا بَرک زَمت بَکَشتی، سلام بدَرَ. 13روفوسی کن خِداوَندیکا اینتخاب آبه یَه، و چَی نَنَه کن چمن حَقیکا نی نَنَه گیری کَردَشَه، سلام بدرَ. 14آسینکْریتوس، فْلیگون، هِرماس، پاتْروباس و هِرمِس و دیَرَ برا اِنی کن اَوونَّه مَندینَه، سلام بِدرَ. 15فیلولوگوس، یولیا، نیریاس و چَی خالا و اولیمپاس و گِردِ موقدّسینی کن اَوونَّه دَرِ اینَه، سلام بدرَ. 16یَندِ موقدَسه ماچینِه نَه سلام بِدرَ. مَسیح کِلیسا اِن گِرد، بَشِمَه سلام باتین.
آخِرین سیفارش
17برا اِن، بَپیمَه شِمَکا خاشتو خاز بِکَرِم، اَیِنی کا کن جِدایی دَنَّفَند هواسِرون ببو، شِمَه راه دِلَکا مانِع بَنان و آموجینَه کن شِمَه گَتَرونَه مُخالیفَت بَکَنَه، اَوونکا رَت آبَه، 18اِمی خونه کن اِنتَرَ آدَمِن چَمَه خداوند مسیح خیدمَت نینَّکرد، بَسکَم اِشتَن اِشکَمشه فکریکان و خاصه گَفینَه و چاپلوسینَه سادَ آدَمون گول بَژَن. 19شِمَه فِرمون بَردِ تَریف گَردی دِلَکا گَه به گَه آبَه یَه؛ شِمَه خونِه را وِر خَشیمَه. ولی بَشِمَکا اَپیمَه اَ چیی ایی ناریکا کن چاکَه، اَلمَند، و اَ چیی ایی ناریکا کن بَدَ، سادَ بِبَه.
20صلح و سلامَتی خدا، خَیلی زو شَیطونی شِمَه لِنگون بنیکا لِرت آرَکَرد.
چَمَه خداوند عیسی فِیض شِمَنَه دَرِ ببو.
21چمن همکار تیموتائوس بَشِمَه سلام دَرِ. چمن خیشِن، لوکیوس، یاسون و سوسیپاتِر نی شِمَرا سَلام دَرِن.
22اَز، تِرتیوس، اِم نامَه اَنِوِس، خداوندی دِلَکا بَشِمَه سلام باتیم.
23گایوس کن بَمنکا و اِم جِگا کِلیسا آدَمون گِردیکا مِیمان نوازی کَردشَه، شِمَرا سلام دَرِ.
اِراستوس کن شهری خَزانَه دارَ، و چَمَه برا کوآرتوس شِمَرا سلام دَرِن.
24و چَمَه خداوند عیسای مَسیح فِیض شِمَه گِردینَه ببو. آمین». 25ایسَه اَ کن بَشایَه چمن اِنجیل و عیسای مسیح موعِیظَه واتَنَه، بَشِمَه آمبَست آکَرِ، یعنی هنتَه ایلَه نونَکه رازی کن دیار آبَه، کن خَیلی وقت بَه نون بَه. 26اَمّا ایسَه پَیغَمبَرون نِوِشتَه اون واتَنَه، و زَیرونَه خدا حِکمینَه، گِردِ قامونرا دیار آبَه تا اَیِن ایمان بوَعن و ایطاعَت بِکَن، 27اَ کن تاکَه اَلمَندَ خِدایَه، عیسای مَسیح واسیطَنَه زَیرونَه شکوه و جلال ببو! آمین.
@ 2024 Korpu Company