Pahayag 6
6
U Pitto a Tatak
1Nadid, áelingán ko nikuna a ibutan nu Tupa u essa tu pitto a selyo. Sakay nasaneg ko a nagupos, a kasimbegsák nu kádduh, u essa tu áppat a linalang a biyag, kinagi na, “Karon he!” 2Sakay káileng ko ay naketaák ti kabayo a mapudew sakay u mágkabayo ay te tatawed a pana. Inatádden siya ti kurona sakay limmakad tán mákpaglaban sakay tulos-tulos a magtagumpay.
3Nikuna ibutan nu Tupa u kaduwwa a selyo ay nasaneg ko a kinagi nu kaduwwa a linalang a, “Karon he!” 4Sakay naketaák dámman ti essa a kabayo a madideg. U mágkabayo ay inatádden ti kapangyariyan a magpasapul ti gera ti lutaáy tánni mamágbunuwan u tolay hide. Sakay inatádden siya ti dakál a ispada.
5Nikuna a ibutan nu Tupa u katállo a selyo ay nasaneg ko a kinagi nu katállo a linalang a biyag, “Karon he!” Sakay naketaák ti kabayo a mangitet, u mágkabayo hod ay te táttawed a timbangan. 6Sakay te nasanigák a kumán a boses a gábwat tu páppágyanan nu áppat a linalang a biyag. Kinagi na, “Essa la a takal a trigo oni tállo a takal a sebada i mabaliyay nu saldew a hornal. Pero dyan sidaán u olibu sakay u ubas para te magimet a langis sakay alak!”
7Nikuna ibutan nu Tupa u kaáppat a selyo ay nasaneg ko a kinagi nu kaáppat a linalang a biyag a, “Karon he!” 8Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.
9Nikuna a ibutan nu Tupa#6:9 Tupa: U gusto na a kagiyán ay ti Jesu-Cristo. u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he. 10Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?” 11Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.
12Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige. 13Sakay minágkatákneg u biton hide ti lutaáy a konna tu kákkatákneg nu butáng hide nu kayo a igus ni sabáddán nu mabegsák a pahás. 14Nawan u langet a konna tu kasulatan a bigla a nalukot. Sakay u buked ay tu puduk ay neagton gábwat tu date de a págyanan. 15Nadid, u hare hide ti munduwáy sakay u gubernador hide, u heneral hide, u mágkayaman, u tehhod hide a kapangyariyan sakay u atanan a tolay, malaya oni alipin ay tumagu tu kuwe-kuweba sakay tu pag-itan nu bito-bito hide tu buked. 16Sakay kinagi de tu buked hide sakay tu bito hide, “Tapuhan moy kame tánni awan kame ketan nu mággetnod tu trono, sakay tánni awan mi dán madanas u iyamut nu Tupa! 17Dipo dummemát dán u aldew nu págparusa de tu tolay hide sakay awan ti makaligtas tu iyamut de!”
Currently Selected:
Pahayag 6: MBJC
Highlight
Copy
Compare
Share
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Pahayag 6
6
U Pitto a Tatak
1Nadid, áelingán ko nikuna a ibutan nu Tupa u essa tu pitto a selyo. Sakay nasaneg ko a nagupos, a kasimbegsák nu kádduh, u essa tu áppat a linalang a biyag, kinagi na, “Karon he!” 2Sakay káileng ko ay naketaák ti kabayo a mapudew sakay u mágkabayo ay te tatawed a pana. Inatádden siya ti kurona sakay limmakad tán mákpaglaban sakay tulos-tulos a magtagumpay.
3Nikuna ibutan nu Tupa u kaduwwa a selyo ay nasaneg ko a kinagi nu kaduwwa a linalang a, “Karon he!” 4Sakay naketaák dámman ti essa a kabayo a madideg. U mágkabayo ay inatádden ti kapangyariyan a magpasapul ti gera ti lutaáy tánni mamágbunuwan u tolay hide. Sakay inatádden siya ti dakál a ispada.
5Nikuna a ibutan nu Tupa u katállo a selyo ay nasaneg ko a kinagi nu katállo a linalang a biyag, “Karon he!” Sakay naketaák ti kabayo a mangitet, u mágkabayo hod ay te táttawed a timbangan. 6Sakay te nasanigák a kumán a boses a gábwat tu páppágyanan nu áppat a linalang a biyag. Kinagi na, “Essa la a takal a trigo oni tállo a takal a sebada i mabaliyay nu saldew a hornal. Pero dyan sidaán u olibu sakay u ubas para te magimet a langis sakay alak!”
7Nikuna ibutan nu Tupa u kaáppat a selyo ay nasaneg ko a kinagi nu kaáppat a linalang a biyag a, “Karon he!” 8Sakay naketaák ti malabut a kabayo. U ngahan nu mágkabayo hod ay Kákkatay, a áunonudán nu Hades. Sakay naatádden hide ti kapangyariyan tu kaáppat a bahagi ti lutaáy a mamuno tu pamamag-itan nu ispada, alap, saket sakay mágkatapang a hayup.
9Nikuna a ibutan nu Tupa#6:9 Tupa: U gusto na a kagiyán ay ti Jesu-Cristo. u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he. 10Makán pákhawán hide ti mabegsak, “Panginoon a Makapangyariyan, banal sakay tatahoden! Hanggan nikan kame pa a maguhay bagu mo a hatulan sakay parusaan u tolay hide a nangbuno nikame?” 11Kaya inatádden ti mágkapudew a badu u balang essa nide. Sakay kinagiyan hide a umimang pa ti sabadit a panahun, hanggan makompleto u bilang nu kákkapatkákka de hide sakay kakagumanan tu págserbi ni Cristo, a bunuwán be a konna nide.
12Nikuna a ibutan nu Tupa u kaánnám a selyo ay naglinog ti tunay a begsák. Nagdiham u aldew a konna tu damit a pangluksa sakay dimmideg u bulan a konna tu dige. 13Sakay minágkatákneg u biton hide ti lutaáy a konna tu kákkatákneg nu butáng hide nu kayo a igus ni sabáddán nu mabegsák a pahás. 14Nawan u langet a konna tu kasulatan a bigla a nalukot. Sakay u buked ay tu puduk ay neagton gábwat tu date de a págyanan. 15Nadid, u hare hide ti munduwáy sakay u gubernador hide, u heneral hide, u mágkayaman, u tehhod hide a kapangyariyan sakay u atanan a tolay, malaya oni alipin ay tumagu tu kuwe-kuweba sakay tu pag-itan nu bito-bito hide tu buked. 16Sakay kinagi de tu buked hide sakay tu bito hide, “Tapuhan moy kame tánni awan kame ketan nu mággetnod tu trono, sakay tánni awan mi dán madanas u iyamut nu Tupa! 17Dipo dummemát dán u aldew nu págparusa de tu tolay hide sakay awan ti makaligtas tu iyamut de!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.