Pahayag 4
4
U Págsamba ti Langet
1Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”
2Biglaák a inggiya nu Banal a Ispirito nu Diyos, sakay netan ku hod ti langet u essa a trono a tehhod a essa a mággetnod sakay u mággetnod hod. 3Sakay u hupa nu mággetnod hod ay magsiláng-siláng a konna tu mágkahalaga a bito a haspe sakay kornalina. Sakay pumáppalebut u balangaw tu trono a kakurol nu bito a esmeralda. 4Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto. 5Te maggábwat a kilat tu trono, kasabay nu galungogung nu kádduh. Sakay tehhod be a pitto a maggehab a simbuwan tu atubang nu trono, iye u Ispirito nu Diyos ate pitto a gawain. 6Tu atubang nu trono ay tehhod a kumán a diget a bubug a tunay ti lekmang a konna tu kristal.
Sakay nakapalebut tu bawat kanto nu trono u áppat a linalang a biyag a putat ti mata tu atubang ay tu adág. 7U purumero a linalang a biyag ay kumán a liyon, u kaduwwa ay kumán a baguntao a baka, sakay u katállo ay kumán a hupa ni tolay. Sakay u kaáppat ay kumán a magegbáh a agila. 8Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he:
“Banal, banal, banal, u Panginoon a Diyos a makapangyariyan tu atanan.
U Diyos tu sapul, Diyos nadid sakay Diyos tu pademát.”
9Sakay mentras a mágkansiyon hide ti papure, parangal, sakay pasasalamat tu mággetnod tu trono, a te biyag hanggan-hanggan, 10ay limmuhud u duwwa a pulo ay ti áppat a tagapangasiwa tu atubang nu trono. Sakay sinamba de u mággetnod hod, u mabiyag a hanggan-hanggan. Inyalay de u kurona de tu atubang nu trono sakay kinagi de,
11“Karapat-dapat ka a tumanggap ti papure, pággalang,
sakay kapangyariyan, Panginoon me a Diyos;
Dipo hiko u nanglalang tu atanan a bagay.
Sakay ayun tu kagustuwan mo
ay nilalang mo hide sakay pinanatile ti iye.”
Currently Selected:
Pahayag 4: MBJC
Highlight
Copy
Compare
Share
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.
Pahayag 4
4
U Págsamba ti Langet
1Káttapos ni iye ay naketaák ti bumábbukas a pintuwan ti langet. Sakay nasaneg ko a huway u boses a kumán a trumpeta, kinagi na, “Sumangkay ka he ta ipeta ko niko u mangyare tu pademát a panahun.”
2Biglaák a inggiya nu Banal a Ispirito nu Diyos, sakay netan ku hod ti langet u essa a trono a tehhod a essa a mággetnod sakay u mággetnod hod. 3Sakay u hupa nu mággetnod hod ay magsiláng-siláng a konna tu mágkahalaga a bito a haspe sakay kornalina. Sakay pumáppalebut u balangaw tu trono a kakurol nu bito a esmeralda. 4Nakapalebut bi hod u duwwa a pulo ay ti áppat a trono. Sakay mággetnod hod u duwwa a pulo ay ti áppat a tagapangasiwa a nakasulot ti mágkapudew a badu sakay te manga kurona hide a ginto. 5Te maggábwat a kilat tu trono, kasabay nu galungogung nu kádduh. Sakay tehhod be a pitto a maggehab a simbuwan tu atubang nu trono, iye u Ispirito nu Diyos ate pitto a gawain. 6Tu atubang nu trono ay tehhod a kumán a diget a bubug a tunay ti lekmang a konna tu kristal.
Sakay nakapalebut tu bawat kanto nu trono u áppat a linalang a biyag a putat ti mata tu atubang ay tu adág. 7U purumero a linalang a biyag ay kumán a liyon, u kaduwwa ay kumán a baguntao a baka, sakay u katállo ay kumán a hupa ni tolay. Sakay u kaáppat ay kumán a magegbáh a agila. 8Tággánnám u pakpak nu nilalang hide a biyag sakay putat ti mata u bawat essa tu atubang sakay tu adág de. Sakay awan hide ti imang a mágkakansiyonán aldew ay ti gibi ti konna he:
“Banal, banal, banal, u Panginoon a Diyos a makapangyariyan tu atanan.
U Diyos tu sapul, Diyos nadid sakay Diyos tu pademát.”
9Sakay mentras a mágkansiyon hide ti papure, parangal, sakay pasasalamat tu mággetnod tu trono, a te biyag hanggan-hanggan, 10ay limmuhud u duwwa a pulo ay ti áppat a tagapangasiwa tu atubang nu trono. Sakay sinamba de u mággetnod hod, u mabiyag a hanggan-hanggan. Inyalay de u kurona de tu atubang nu trono sakay kinagi de,
11“Karapat-dapat ka a tumanggap ti papure, pággalang,
sakay kapangyariyan, Panginoon me a Diyos;
Dipo hiko u nanglalang tu atanan a bagay.
Sakay ayun tu kagustuwan mo
ay nilalang mo hide sakay pinanatile ti iye.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Pahanan Agta New Testament © Philippine Bible Society and Wycliffe Bible Translators, Inc., 2017.