Sealm 128
128
Sealm 127
1Eadige syndon ealle þe him ecne god
Drihten ondrædað, and his gedefne weg
on hyra lifes tid lustum gangað.
2Þonne þu þines gewinnes wæstme byrgest,
etest oretes, and þu eadig leofast,
and þe wel weorðeð on wynburgum.
3Beoð þines wifes welan gelice,
swa on wingearde weaxen berigean,
and on þines huses hwommum genihtsum.
Synd þine bearn swylce samed anlicast,
swa elebeamas æþele weaxen,
ymb þinne beod utan blæda standen.
4Efne swa bið gebletsad beorna æghwylc
mann on moldan þe him metodes ege
on his dædum Drihten forhtað.
5Þe of Sionbeorge swylce Drihten
bealde bletsige, and þu bruce eac
on Hierusalem gōda gehwylces
ealle lange dagas lifes þines.
6And þu þinra bearna bearn sceawige,
geseo samed gangan sibb ofer Israhel.
Currently Selected:
Sealm 128: ASPsa
Highlight
Share
Compare
Copy
Want to have your highlights saved across all your devices? Sign up or sign in
The first 50 psalms are credited to King Alfred the Great and were written in c.890-899 AD, and the last 100 psalms were translated c.900-950 AD by an unknown poet.
