Roma 4
4
UAbrahama walungisiswa ngokukholwa
1Phoke, sizakuthini ngoAbrahama ukhokho wethu ngokwenyama na? 2Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu. 3Ngoba umbhalo uthini na? Uthi: UAbrahama wakholwa kuNkulunkulu, wakubalelwa ukuthi kuyikulunga.#Gen 15:6; Gal 3:6
4Nxa umuntu esebenza, iholo lakhe kakutshiwo ukuthi liyisiphiwo kodwa uhola umvuzo wakhe. 5Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba kuyikulunga. 6Ngokunjalo uDavida laye ukhuluma ngokubusiswa komuntu uNkulunkulu ambalela ukulunga ngaphandle kwemisebenzi, esithi:
7Babusisiwe abathethelelwe iziphambeko zabo,
labazono zabo zisitshekelwe;#Hubo 32:1, 2
8ubusisiwe lowomuntu iNkosi engayikumbalela isono.
9Lokhukubusiswa kuqondene lalabo abasokileyo ingabe lalabo abangasokanga na? Ngoba sithi: Ukukholwa kukaAbrahama kwabalelwa ukuthi kuyikulunga. 10Pho, kwabalelwa kanjani na? Lapho esesokile yini ingabe lapho engakasoki na? Kakubanga esesokile, kodwa engakasoki. 11Wamukela isibonakaliso sokusoka sibe luphawu lokulunga ayelakho ngokukholwa engakasoki. Kwaba njalo ukuba abe nguyise wabo bonke abakholwayo bengasokanga, ukuze ukulunga kubalelwe kibo;#Gen 17:10 12abe nguyise futhi wabasokileyo, kungabi ngoba bengabasokileyo kuphela, kodwa ngoba bahamba endleleni yokukholwa ayelakho ubaba uAbrahama engakasoki.
13Ngoba isithembiso sokuthi uzakudla ilifa lomhlaba kasinikwanga uAbrahama lenzalo yakhe ngawo umlayo, kodwa sanikwa ngokulunga okungokukholwa.#Gen 17:4–6; 22:17, 18; Gal 3:29 14Ngoba uba izindlalifa ziyizo ngawo umlayo, ukukholwa kwenziwe ize lesithembiso senziwa ize.#Gal 3:18 15Ngoba umlayo uletha ulaka; kodwa lapho kungekho khona umlayo, kakukho lakweqa. 16Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,#Gal 3:7 17njengokulotshiweyo ukuthi: Ngikumisile ukuba ube nguyise wezizwe ezinengi. UAbrahama ungubaba wethu sonke phambi kukaNkulunkulu akholwa kuye, yena ovusa abafileyo, obiza okungekho ngokungathi kukhona.#Gen 17:5 18UAbrahama owathi lingasekho ithemba, wakholwa ngethemba, ukuze abe nguyise wezizwe ezinengi, njengalokho okwatshiwo kuye ukuthi: Izakuba njalo inzalo yakho.#Gen 15:5 19Kabanga buthakathaka ekukholweni nxa ebona umzimba wakhe ususifa, ngoba wayeseleminyaka elikhulu, lanxa ebona isizalo sikaSara siyinyumba.#Gen 17:17 20Kabanga lakuthandabuza ngesithembiso sikaNkulunkulu, kodwa waqina ekukholweni enika uNkulunkulu udumo, 21eqinisekile ukuthi lokho akuthembisileyo ulamandla okukwenza. 22Ngalokhoke ukukholwa kwakhe kwabalelwa kuye ukuthi kuyikulunga. 23Kodwa kakulotshwanga ngenxa yakhe yedwa ukuthi kwabalelwa kuye, 24kodwa langenxa yethu esizakubalelwa khona, thina esikholwa kuye owavusa uJesu iNkosi yethu kwabafileyo, 25owanikelwa ngenxa yeziphambeko zethu, wavuswa ngenxa yokulungisiswa kwethu.#Isa 53:4, 5
Currently Selected:
Roma 4: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
Roma 4
4
UAbrahama walungisiswa ngokukholwa
1Phoke, sizakuthini ngoAbrahama ukhokho wethu ngokwenyama na? 2Ngoba uba uAbrahama walungisiswa ngemisebenzi, ulakho angazincoma ngakho; kodwa kalakho phambi kukaNkulunkulu. 3Ngoba umbhalo uthini na? Uthi: UAbrahama wakholwa kuNkulunkulu, wakubalelwa ukuthi kuyikulunga.#Gen 15:6; Gal 3:6
4Nxa umuntu esebenza, iholo lakhe kakutshiwo ukuthi liyisiphiwo kodwa uhola umvuzo wakhe. 5Kodwa nxa engasebenzi, kodwa ethemba kuye olungisisa abeyisa uNkulunkulu, ukukholwa kwakhe kubalelwa ukuba kuyikulunga. 6Ngokunjalo uDavida laye ukhuluma ngokubusiswa komuntu uNkulunkulu ambalela ukulunga ngaphandle kwemisebenzi, esithi:
7Babusisiwe abathethelelwe iziphambeko zabo,
labazono zabo zisitshekelwe;#Hubo 32:1, 2
8ubusisiwe lowomuntu iNkosi engayikumbalela isono.
9Lokhukubusiswa kuqondene lalabo abasokileyo ingabe lalabo abangasokanga na? Ngoba sithi: Ukukholwa kukaAbrahama kwabalelwa ukuthi kuyikulunga. 10Pho, kwabalelwa kanjani na? Lapho esesokile yini ingabe lapho engakasoki na? Kakubanga esesokile, kodwa engakasoki. 11Wamukela isibonakaliso sokusoka sibe luphawu lokulunga ayelakho ngokukholwa engakasoki. Kwaba njalo ukuba abe nguyise wabo bonke abakholwayo bengasokanga, ukuze ukulunga kubalelwe kibo;#Gen 17:10 12abe nguyise futhi wabasokileyo, kungabi ngoba bengabasokileyo kuphela, kodwa ngoba bahamba endleleni yokukholwa ayelakho ubaba uAbrahama engakasoki.
13Ngoba isithembiso sokuthi uzakudla ilifa lomhlaba kasinikwanga uAbrahama lenzalo yakhe ngawo umlayo, kodwa sanikwa ngokulunga okungokukholwa.#Gen 17:4–6; 22:17, 18; Gal 3:29 14Ngoba uba izindlalifa ziyizo ngawo umlayo, ukukholwa kwenziwe ize lesithembiso senziwa ize.#Gal 3:18 15Ngoba umlayo uletha ulaka; kodwa lapho kungekho khona umlayo, kakukho lakweqa. 16Kungakhoke kusiya ngokukholwa ukuze isithembiso sibe ngesomusa, siqiniseke enzalweni yakhe yonke, kungesiyo engeyomlayo kuphela, kodwa lakuyo engeyokukholwa kukaAbrahama ongubaba wethu sonke,#Gal 3:7 17njengokulotshiweyo ukuthi: Ngikumisile ukuba ube nguyise wezizwe ezinengi. UAbrahama ungubaba wethu sonke phambi kukaNkulunkulu akholwa kuye, yena ovusa abafileyo, obiza okungekho ngokungathi kukhona.#Gen 17:5 18UAbrahama owathi lingasekho ithemba, wakholwa ngethemba, ukuze abe nguyise wezizwe ezinengi, njengalokho okwatshiwo kuye ukuthi: Izakuba njalo inzalo yakho.#Gen 15:5 19Kabanga buthakathaka ekukholweni nxa ebona umzimba wakhe ususifa, ngoba wayeseleminyaka elikhulu, lanxa ebona isizalo sikaSara siyinyumba.#Gen 17:17 20Kabanga lakuthandabuza ngesithembiso sikaNkulunkulu, kodwa waqina ekukholweni enika uNkulunkulu udumo, 21eqinisekile ukuthi lokho akuthembisileyo ulamandla okukwenza. 22Ngalokhoke ukukholwa kwakhe kwabalelwa kuye ukuthi kuyikulunga. 23Kodwa kakulotshwanga ngenxa yakhe yedwa ukuthi kwabalelwa kuye, 24kodwa langenxa yethu esizakubalelwa khona, thina esikholwa kuye owavusa uJesu iNkosi yethu kwabafileyo, 25owanikelwa ngenxa yeziphambeko zethu, wavuswa ngenxa yokulungisiswa kwethu.#Isa 53:4, 5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978