Seb 26
26
UPawuli uziphendulela phambi kukaFestusi loAgripha
(9:1–19; 22:6–16; 26:12–18)
1UAgripha wasesithi kuPawuli: Uvunyelwe ukuziphendulela. UPawuli waseselula isandla sakhe, waziphendulela esithi:
2Ngizibona ngilenhlanhla yokuthi kuphambi kwakho, nkosi Agripha, lapho engizakuziphendulela khona lamuhla kukho konke engimangalelwa ngakho ngabaJuda, 3ikakhulu ngoba uyawazi wonke amasiko lokuphikisana kwabaJuda; ngakho ngiyakuncenga ukuba ungilalele ngesineke. 4Ukuhamba kwami konke kusukela ebutsheni bami, kuqala esizweni sakithi laseJerusalema kuyaziwa yibo bonke abaJuda; 5bayangazi kusukela ekuqaleni, uba bethanda ukufakaza ukuthi ngangihamba ngokwehlelo eliqinileyo lenkolo yakithi ngingumFarisi.#Seb 23:6; Fil 3:5 6Kodwa lamuhla ngimi lapha ngithonisiswa ngenxa yethemba lesithembiso esenziwa nguNkulunkulu kubokhokho, 7ezithemba ukufinyelela kuso izizwe zakithi ezilitshumi lambili, zikhonza uNkulunkulu ngesineke ebusuku lemini; ngenxa yalelothemba, nkosi, ngimangalelwe ngabaJuda. 8Kungani ukuba kube yinto engakholekiyo kini ukuthi uNkulunkulu uyabavusa abafileyo na? 9Lami ngokwami ngangisithi ngifanele ukwenza izinto ezinengi eziphambene lebizo likaJesu waseNazaretha;#Seb 8:3; 22:4, 5 10lokhu ngakwenza eJerusalema; ngafaka abanengi kwabangcwele entolongweni, ngiwatholile amandla kubapristi abakhulu, lalapho bebulawa ngavumelana lokubulawa kwabo. 11Ngabatshaya emasinagogeni wonke, ngazama ukubenza bahlambaze uKristu; ngahlanya kakhulu ngabo, ngabazingela kwaze kwafika emizini yabezizwe.
12Kwathi lapho ngisiya eDamaseko ngamandla langokuthunywa ngabapristi abakhulu, 13emini enkulu, nkosi, ngisendleleni, ngabona ukukhanya kuvela ezulwini, kudlula ukukhanya kwelanga, kwangizingelezela inxa zonke lalabo ababehamba lami. 14Kwathi sesiwele phansi, ngezwa ilizwi lisithi ngolimi lwesiHeberu: Sawuli, Sawuli, ungizingelelani na? Kubuhlungu ukukhahlela encijweni. 15Mina ngathi: Ungubani, Nkosi, na? INkosi yathi: NginguJesu omzingelayo. 16Kodwa sukuma, ume ngenyawo zakho; ngoba ngibonakelele lokho kuwe ukuba ngikumise ukuba ube yisikhonzi lofakazi walezozinto ozibonileyo losezakuzibona ngami, 17ngikophule esizweni lesi lakwabezizwe engikuthumela kubo 18ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.
19Ngakhoke, nkosi Agripha, kangalanga ukulalela umbono wasezulwini, 20kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.#Seb 9:20, 28, 29 21Ngenxa yalokho abaJuda bangibamba ethempelini, bafuna ukungibulala. 22Kuze kube lamuhla ngizuzile usizo oluvela kuNkulunkulu, ngakho ngimi lapha ngifakaza kwabancinyane labakhulu, ngingakhulumi lutho ngaphandle kwalokho abakukhulumayo abaprofethi loMose ukuthi kuzakwenzeka, 23ukuthi uKristu umele ukuhlupheka lokuthi, ngokuba engowokuqala ekuvukeni kwabafileyo, atshumayele ukukhanya kulesisizwe lakwabezizwe.#Isa 42:6; 49:6; 1 Kor 15:20
24Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa. 25Kodwa uPawuli wathi: Kangihlanyi, mhlekazi Festusi, kodwa ngikhuluma amazwi aliqiniso eliqondileyo. 26Inkosi iyazi ngalezizinto, ngakho ngikhuluma layo ngesibindi; ngoba ngikholwa ukuthi kalukho lalunye lwalezizinto olufihlakeleyo kuyo; ngoba lokhu kakwenziwanga engosini. 27Nkosi Agripha, uyakholwa abaprofethi na? Ngiyazi ukuthi uyakholwa. 28UAgripha wathi kuPawuli: Uthi ngokufitshane nje usuzangenza ngibe ngumKristu. 29UPawuli wasesithi: Bengingafisa kuNkulunkulu ukuba, loba ngokufitshane loba ngokude, kungabi nguwe wedwa kodwa bonke abangizwayo lamuhla babe njengami, ngaphandle kwalezizibopho.
30Yasisukuma inkosi lombusi loBernike kanye lalabo ababehlezi labo; 31kwathi sebephumile, bakhulumisana besithi: Lumuntu kenzi lutho olufanele ukufa kumbe ukubotshwa. 32UAgripha wathi kuFestusi: Lumuntu ubengakhululwa uba ebengalidluliselanga kuKesari.
Currently Selected:
Seb 26: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
Seb 26
26
UPawuli uziphendulela phambi kukaFestusi loAgripha
(9:1–19; 22:6–16; 26:12–18)
1UAgripha wasesithi kuPawuli: Uvunyelwe ukuziphendulela. UPawuli waseselula isandla sakhe, waziphendulela esithi:
2Ngizibona ngilenhlanhla yokuthi kuphambi kwakho, nkosi Agripha, lapho engizakuziphendulela khona lamuhla kukho konke engimangalelwa ngakho ngabaJuda, 3ikakhulu ngoba uyawazi wonke amasiko lokuphikisana kwabaJuda; ngakho ngiyakuncenga ukuba ungilalele ngesineke. 4Ukuhamba kwami konke kusukela ebutsheni bami, kuqala esizweni sakithi laseJerusalema kuyaziwa yibo bonke abaJuda; 5bayangazi kusukela ekuqaleni, uba bethanda ukufakaza ukuthi ngangihamba ngokwehlelo eliqinileyo lenkolo yakithi ngingumFarisi.#Seb 23:6; Fil 3:5 6Kodwa lamuhla ngimi lapha ngithonisiswa ngenxa yethemba lesithembiso esenziwa nguNkulunkulu kubokhokho, 7ezithemba ukufinyelela kuso izizwe zakithi ezilitshumi lambili, zikhonza uNkulunkulu ngesineke ebusuku lemini; ngenxa yalelothemba, nkosi, ngimangalelwe ngabaJuda. 8Kungani ukuba kube yinto engakholekiyo kini ukuthi uNkulunkulu uyabavusa abafileyo na? 9Lami ngokwami ngangisithi ngifanele ukwenza izinto ezinengi eziphambene lebizo likaJesu waseNazaretha;#Seb 8:3; 22:4, 5 10lokhu ngakwenza eJerusalema; ngafaka abanengi kwabangcwele entolongweni, ngiwatholile amandla kubapristi abakhulu, lalapho bebulawa ngavumelana lokubulawa kwabo. 11Ngabatshaya emasinagogeni wonke, ngazama ukubenza bahlambaze uKristu; ngahlanya kakhulu ngabo, ngabazingela kwaze kwafika emizini yabezizwe.
12Kwathi lapho ngisiya eDamaseko ngamandla langokuthunywa ngabapristi abakhulu, 13emini enkulu, nkosi, ngisendleleni, ngabona ukukhanya kuvela ezulwini, kudlula ukukhanya kwelanga, kwangizingelezela inxa zonke lalabo ababehamba lami. 14Kwathi sesiwele phansi, ngezwa ilizwi lisithi ngolimi lwesiHeberu: Sawuli, Sawuli, ungizingelelani na? Kubuhlungu ukukhahlela encijweni. 15Mina ngathi: Ungubani, Nkosi, na? INkosi yathi: NginguJesu omzingelayo. 16Kodwa sukuma, ume ngenyawo zakho; ngoba ngibonakelele lokho kuwe ukuba ngikumise ukuba ube yisikhonzi lofakazi walezozinto ozibonileyo losezakuzibona ngami, 17ngikophule esizweni lesi lakwabezizwe engikuthumela kubo 18ukuvula amehlo abo ukuze basuke emnyameni, baphendukele ekukhanyeni, basuke emandleni kaSathane, baphendukele kuNkulunkulu, ukuze bamukeliswe ukuthethelelwa kwezono lendawo phakathi kwalabo abahlukanisiweyo ngokukholwa kimi.
19Ngakhoke, nkosi Agripha, kangalanga ukulalela umbono wasezulwini, 20kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.#Seb 9:20, 28, 29 21Ngenxa yalokho abaJuda bangibamba ethempelini, bafuna ukungibulala. 22Kuze kube lamuhla ngizuzile usizo oluvela kuNkulunkulu, ngakho ngimi lapha ngifakaza kwabancinyane labakhulu, ngingakhulumi lutho ngaphandle kwalokho abakukhulumayo abaprofethi loMose ukuthi kuzakwenzeka, 23ukuthi uKristu umele ukuhlupheka lokuthi, ngokuba engowokuqala ekuvukeni kwabafileyo, atshumayele ukukhanya kulesisizwe lakwabezizwe.#Isa 42:6; 49:6; 1 Kor 15:20
24Kwathi esaziphendulela ngokunjalo, uFestusi wathi ngelizwi elikhulu: Pawuli, uyahlanya, ukufunda okunengi kuyakuhlanyisa. 25Kodwa uPawuli wathi: Kangihlanyi, mhlekazi Festusi, kodwa ngikhuluma amazwi aliqiniso eliqondileyo. 26Inkosi iyazi ngalezizinto, ngakho ngikhuluma layo ngesibindi; ngoba ngikholwa ukuthi kalukho lalunye lwalezizinto olufihlakeleyo kuyo; ngoba lokhu kakwenziwanga engosini. 27Nkosi Agripha, uyakholwa abaprofethi na? Ngiyazi ukuthi uyakholwa. 28UAgripha wathi kuPawuli: Uthi ngokufitshane nje usuzangenza ngibe ngumKristu. 29UPawuli wasesithi: Bengingafisa kuNkulunkulu ukuba, loba ngokufitshane loba ngokude, kungabi nguwe wedwa kodwa bonke abangizwayo lamuhla babe njengami, ngaphandle kwalezizibopho.
30Yasisukuma inkosi lombusi loBernike kanye lalabo ababehlezi labo; 31kwathi sebephumile, bakhulumisana besithi: Lumuntu kenzi lutho olufanele ukufa kumbe ukubotshwa. 32UAgripha wathi kuFestusi: Lumuntu ubengakhululwa uba ebengalidluliselanga kuKesari.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978