Seb 13
13
Uhambo lokuqala lukaPawuli. Ukuthunywa kukaPawuli loBarnabasi
1Kwakukhona ebandleni laseAntiyoki abaprofethi labafundisi, oBarnabasi, loSimiyoni othiwa nguNigeri, loLukiyu waseKurene, loManayeni owayondliwe kanye loHerodi umbusi, loSawuli. 2Kwathi bekhonza iNkosi, bezila ukudla, uMoya oNgcwele wathi: Ngahlukaniselani oBarnabasi loSawuli ukuba baye emsebenzini engibabizele wona. 3Sebezile ukudla bakhuleka, babeka izandla zabo phezu kwabo, babathuma.
UPawuli utshumayela eKuprosi
4Bonake sebethunyiwe nguMoya oNgcwele behlela eSelukiya; basuka lapho, baya eKuprosi ngomkolo. 5Sebefikile eSalamisi batshumayela ilizwi likaNkulunkulu emasinagogeni abaJuda; babeloJohane engumsizi wabo. 6Kwathi sebedabule isihlenge sonke, bafika ePafosi, bafumana indoda ethile eyisanuse lomprofethi wamanga, umJuda othiwa nguBarjesu, 7wayelombusi uSegiyu Pawuli, indoda ehlakaniphileyo. Yena wabiza uBarnabasi loSawuli efuna ukuzwa ilizwi likaNkulunkulu. 8Lesisanuse, uEluma, ngoba litsho njalo ibizo lakhe, waphikisana labo efisa ukuphambukisa umbusi ekukholweni. 9Kodwa uSawuli othiwa nguPawuli, egcwele uMoya oNgcwele, wamjolozela 10wathi: Wena ndodana kaSathane, uyisitha sakho konke ukulunga, ugcwele inkohliso yonke lobubi bonke, kawuyekeli ukuphambukisa indlela eziqondileyo zeNkosi na? 11Khangela, isandla seNkosi siphezu kwakho; uzakuba yisiphofu okwesikhathi ungaliboni ilanga. Kwasekumfikela masinyane ukufiphala lomnyama, wahamba edinga abazamdonsa ngesandla. 12Kwang’khona umbusi esebonile okwenziweyo wakholwa, emangaliswa yimfundiso yeNkosi.
UPawuli utshumayela eAntiyoki lasePisidiya
13UPawuli lababelaye basuka ePafosi ngomkolo, bafika ePerga elasePamfiliya; kodwa uJohane wehlukana labo, wabuyela eJerusalema. 14Bona basuka ePerga baya eAntiyoki elasePisidiya; ngeSabatha bangena esinagogeni, bahlala phansi. 15Sekufundiwe umlayo labaprofethi, abaphathi besinagoge bathumela kubo besithi: Bazalwane, uba lilelizwi lokulaya abantu, khulumani. 16Ngakho uPawuli wasukuma, eqhweba ngesandla sakhe, wathi: Madoda akoIsrayeli, lani elesaba uNkulunkulu, lalelani. 17UNkulunkulu walesisizwe sakoIsrayeli wakhetha okhokho, wabaphakamisa abantu bengabafokazana nje elizweni laseGibithe; wabakhupha kulo ngamandla amakhulu.#Eks 1:7; 12:51 18Wababekezelela okweminyaka engamatshumi amane enkangala.#Nani 14:34; Dute 1:31 19Kodwa esechithile izizwe eziyisikhombisa elizweni laseKanani, wabanika ilizwe lazo libe ngelabo okweminyaka engamakhulu amane lamatshumi amahlanu;#Dute 7:1; Josh 14:1 20emva kwalokho wabanika abathonisisi kwaze kwavela uSamuweli umprofethi.#Hlu 2:16; 1 Sam 3:20 21Basebecela inkosi; uNkulunkulu wabanika uSawuli indodana kaKishi, umuntu wesizwe sakoBenjamini, okweminyaka engamatshumi amane.#1 Sam 8:5; 10:21 22Esemkhuphile wabamisela uDavida abe yinkosi yabo, afakaza ngaye ngokuthi: Ngimfumene uDavida indodana kaJese, engumuntu engimthandayo, ozakwenza konke engikuthandayo.#1 Sam 13:14; 16:12; Hubo 89:20 23Enzalweni yalumuntu uNkulunkulu ulethele uIsrayeli uMsilisi uJesu njengokuthembisa kwakhe; 24engakafiki yena uJohane wayesetshumayele ubhaphathizo lokuphenduka kubo bonke abantu bakoIsrayeli.#Mark 1:4; Luka 3:3 25UJohane esezaqeda ukuhamba kwakhe wathi: Lowo elithi nginguye, kangisuye mina; kodwa emva kwami uyeza engingafanele ukukhumula amanyathelo enyawo zakhe.#Mat 3:11; Mark 1:7; Luka 3:16; Joha 1:20, 27
26Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa. 27Ngoba labo abahlala eJerusalema lababusi babo kabamazanga yena, futhi kabaqedisisanga amazwi abaprofethi afundwayo amaSabatha wonke, kanti bawagcwalisa ngokumlahla; 28lanxa bengafumananga icala lokufa kuye kodwa bacela kuPilatu ukuba abulawe.#Mat 27:22, 23; Mark 15:13, 14; Luka 23:21–23; Joha 19:15 29Kwathi sebekugcwalisile konke okulotshiweyo ngaye, bamethula esiphambanweni, bambeka elibeni.#Mat 27:57–61; Mark 15:42–47; Luka 23:50–56; Joha 19:38–42 30Kodwa uNkulunkulu wamvusa kwabafileyo. 31Wabonwa insuku ezinengi yilabo ababekhuphuke laye eGalili ukuya eJerusalema, asebengofakazi bakhe ebantwini.#Seb 1:3 32Lathi sililethela ivangeli lesithembiso esenziwa kubokhokho 33ukuthi uNkulunkulu usigcwalisile sona kubantwana bethu ngokumvusa uJesu, njengokuba kulotshiwe futhi kulo ihubo lesibili ukuthi:
Wena uyiNdodana yami,
lamuhla ngikuzele.#Hubo 2:7
34Mayelana lokumvusa kwakhe kwabafileyo lokuba engasayikubuyela ekuboleni wakhuluma ngokunje, wathi:
Ngizakukunika izithembiso ezingcwele lezithembekileyo zikaDavida.#Isa 55:3
35Njalo kwelinye ihubo uthi:
Kawuyikuvuma ukuba ongcwele wakho abone ukubola.#Hubo 16:10
36Ngoba uDavida eselenzile icebo likaNkulunkulu esizukulwaneni sakhe, wafa, waya kwabaphansi, wabona ukubola. 37Kodwa lowo uNkulunkulu amvusayo kakubonanga ukubola. 38Ngakhoke yazini, bazalwane, ukuthi ngalowo kutshunyayelwa kini ukuthethelelwa kwezono; 39ngaye ilowo lalowo okholwayo uzalungisiswa kukho konke abengelungisiswe kukho ngomlayo kaMose. 40Ngakho qaphelani, funa lehlelwe yilokhu okwakhulunywa ngabaprofethi okokuthi:
41Khangelani lina zideleli, limangale, libhubhe,
ngoba mina ngenza imisebenzi ensukwini zenu,
imisebenzi elingayikuyikholwa,
lanxa umuntu elilandisela ngayo.#Hab 1:5
Ilizwi lamukelwa ngabezizwe liphikwa ngabaJuda
42Ekuphumeni kwabo esinagogeni abantu bacela ukuba lawomazwi akhulunywe futhi ngeSabatha elilandelayo. 43Kwathi inkonzo yesinagoge isiphumile, abaJuda abanengi labezizwe abakholwayo balandela uPawuli loBarnabasi; bona bakhuluma labo, bebakhuthaza ukuba babambelele emuseni kaNkulunkulu.
44NgeSabatha elilandelayo babuthana, kwaphose kwaba ngumuzi wonke ukuzwa ilizwi likaNkulunkulu. 45Kodwa abaJuda bebona ixuku bagcwala umona, baphikisa lokho okwakhulunywa nguPawuli bemhlambaza. 46Kwang’khona uPawuli loBarnabasi bekhuluma ngesibindi besithi: Kwakudingeka ukuthi ilizwi likaNkulunkulu litshunyayelwe kini kuqala; kodwa njengoba lilala, lizenza libe ngabangafanele ukuphila okungapheliyo, khangelani, sesisiya kwabezizwe. 47Ngoba iNkosi isilayile yathi:
Ngikumisile ube yikukhanya kwabezizwe,
ube yikusiliswa kuze kube semikhawulweni yomhlaba.#Isa 42:6; 49:6
48Kwathi abezizwe bekuzwa lokho, bathokoza, balidumisa ilizwi likaNkulunkulu; bakholwa bonke ababemiselwe ukuphila okungapheliyo. 49Ngokunjalo ilizwi leNkosi landa kulo ilizwe lonke. 50Kodwa abaJuda bavusa abesifazana abalesithunzi abakholwayo lezikhulu zomuzi, bavusela uPawuli loBarnabasi ukuzingelwa, babaxotsha endaweni yabo. 51Bona babathintithela uthuli lwenyawo zabo, badlulela eIkoniyuma.#Mat 10:14; Mark 6:11; Luka 9:5; 10:11 52Abafundi bagcwala intokozo loMoya oNgcwele.
Currently Selected:
Seb 13: BE1978
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978
Seb 13
13
Uhambo lokuqala lukaPawuli. Ukuthunywa kukaPawuli loBarnabasi
1Kwakukhona ebandleni laseAntiyoki abaprofethi labafundisi, oBarnabasi, loSimiyoni othiwa nguNigeri, loLukiyu waseKurene, loManayeni owayondliwe kanye loHerodi umbusi, loSawuli. 2Kwathi bekhonza iNkosi, bezila ukudla, uMoya oNgcwele wathi: Ngahlukaniselani oBarnabasi loSawuli ukuba baye emsebenzini engibabizele wona. 3Sebezile ukudla bakhuleka, babeka izandla zabo phezu kwabo, babathuma.
UPawuli utshumayela eKuprosi
4Bonake sebethunyiwe nguMoya oNgcwele behlela eSelukiya; basuka lapho, baya eKuprosi ngomkolo. 5Sebefikile eSalamisi batshumayela ilizwi likaNkulunkulu emasinagogeni abaJuda; babeloJohane engumsizi wabo. 6Kwathi sebedabule isihlenge sonke, bafika ePafosi, bafumana indoda ethile eyisanuse lomprofethi wamanga, umJuda othiwa nguBarjesu, 7wayelombusi uSegiyu Pawuli, indoda ehlakaniphileyo. Yena wabiza uBarnabasi loSawuli efuna ukuzwa ilizwi likaNkulunkulu. 8Lesisanuse, uEluma, ngoba litsho njalo ibizo lakhe, waphikisana labo efisa ukuphambukisa umbusi ekukholweni. 9Kodwa uSawuli othiwa nguPawuli, egcwele uMoya oNgcwele, wamjolozela 10wathi: Wena ndodana kaSathane, uyisitha sakho konke ukulunga, ugcwele inkohliso yonke lobubi bonke, kawuyekeli ukuphambukisa indlela eziqondileyo zeNkosi na? 11Khangela, isandla seNkosi siphezu kwakho; uzakuba yisiphofu okwesikhathi ungaliboni ilanga. Kwasekumfikela masinyane ukufiphala lomnyama, wahamba edinga abazamdonsa ngesandla. 12Kwang’khona umbusi esebonile okwenziweyo wakholwa, emangaliswa yimfundiso yeNkosi.
UPawuli utshumayela eAntiyoki lasePisidiya
13UPawuli lababelaye basuka ePafosi ngomkolo, bafika ePerga elasePamfiliya; kodwa uJohane wehlukana labo, wabuyela eJerusalema. 14Bona basuka ePerga baya eAntiyoki elasePisidiya; ngeSabatha bangena esinagogeni, bahlala phansi. 15Sekufundiwe umlayo labaprofethi, abaphathi besinagoge bathumela kubo besithi: Bazalwane, uba lilelizwi lokulaya abantu, khulumani. 16Ngakho uPawuli wasukuma, eqhweba ngesandla sakhe, wathi: Madoda akoIsrayeli, lani elesaba uNkulunkulu, lalelani. 17UNkulunkulu walesisizwe sakoIsrayeli wakhetha okhokho, wabaphakamisa abantu bengabafokazana nje elizweni laseGibithe; wabakhupha kulo ngamandla amakhulu.#Eks 1:7; 12:51 18Wababekezelela okweminyaka engamatshumi amane enkangala.#Nani 14:34; Dute 1:31 19Kodwa esechithile izizwe eziyisikhombisa elizweni laseKanani, wabanika ilizwe lazo libe ngelabo okweminyaka engamakhulu amane lamatshumi amahlanu;#Dute 7:1; Josh 14:1 20emva kwalokho wabanika abathonisisi kwaze kwavela uSamuweli umprofethi.#Hlu 2:16; 1 Sam 3:20 21Basebecela inkosi; uNkulunkulu wabanika uSawuli indodana kaKishi, umuntu wesizwe sakoBenjamini, okweminyaka engamatshumi amane.#1 Sam 8:5; 10:21 22Esemkhuphile wabamisela uDavida abe yinkosi yabo, afakaza ngaye ngokuthi: Ngimfumene uDavida indodana kaJese, engumuntu engimthandayo, ozakwenza konke engikuthandayo.#1 Sam 13:14; 16:12; Hubo 89:20 23Enzalweni yalumuntu uNkulunkulu ulethele uIsrayeli uMsilisi uJesu njengokuthembisa kwakhe; 24engakafiki yena uJohane wayesetshumayele ubhaphathizo lokuphenduka kubo bonke abantu bakoIsrayeli.#Mark 1:4; Luka 3:3 25UJohane esezaqeda ukuhamba kwakhe wathi: Lowo elithi nginguye, kangisuye mina; kodwa emva kwami uyeza engingafanele ukukhumula amanyathelo enyawo zakhe.#Mat 3:11; Mark 1:7; Luka 3:16; Joha 1:20, 27
26Bazalwane, madodana ohlanga lukaAbrahama, lalabo phakathi kwenu abesaba uNkulunkulu, lithunyelwe kithi ilizwi lokusiliswa. 27Ngoba labo abahlala eJerusalema lababusi babo kabamazanga yena, futhi kabaqedisisanga amazwi abaprofethi afundwayo amaSabatha wonke, kanti bawagcwalisa ngokumlahla; 28lanxa bengafumananga icala lokufa kuye kodwa bacela kuPilatu ukuba abulawe.#Mat 27:22, 23; Mark 15:13, 14; Luka 23:21–23; Joha 19:15 29Kwathi sebekugcwalisile konke okulotshiweyo ngaye, bamethula esiphambanweni, bambeka elibeni.#Mat 27:57–61; Mark 15:42–47; Luka 23:50–56; Joha 19:38–42 30Kodwa uNkulunkulu wamvusa kwabafileyo. 31Wabonwa insuku ezinengi yilabo ababekhuphuke laye eGalili ukuya eJerusalema, asebengofakazi bakhe ebantwini.#Seb 1:3 32Lathi sililethela ivangeli lesithembiso esenziwa kubokhokho 33ukuthi uNkulunkulu usigcwalisile sona kubantwana bethu ngokumvusa uJesu, njengokuba kulotshiwe futhi kulo ihubo lesibili ukuthi:
Wena uyiNdodana yami,
lamuhla ngikuzele.#Hubo 2:7
34Mayelana lokumvusa kwakhe kwabafileyo lokuba engasayikubuyela ekuboleni wakhuluma ngokunje, wathi:
Ngizakukunika izithembiso ezingcwele lezithembekileyo zikaDavida.#Isa 55:3
35Njalo kwelinye ihubo uthi:
Kawuyikuvuma ukuba ongcwele wakho abone ukubola.#Hubo 16:10
36Ngoba uDavida eselenzile icebo likaNkulunkulu esizukulwaneni sakhe, wafa, waya kwabaphansi, wabona ukubola. 37Kodwa lowo uNkulunkulu amvusayo kakubonanga ukubola. 38Ngakhoke yazini, bazalwane, ukuthi ngalowo kutshunyayelwa kini ukuthethelelwa kwezono; 39ngaye ilowo lalowo okholwayo uzalungisiswa kukho konke abengelungisiswe kukho ngomlayo kaMose. 40Ngakho qaphelani, funa lehlelwe yilokhu okwakhulunywa ngabaprofethi okokuthi:
41Khangelani lina zideleli, limangale, libhubhe,
ngoba mina ngenza imisebenzi ensukwini zenu,
imisebenzi elingayikuyikholwa,
lanxa umuntu elilandisela ngayo.#Hab 1:5
Ilizwi lamukelwa ngabezizwe liphikwa ngabaJuda
42Ekuphumeni kwabo esinagogeni abantu bacela ukuba lawomazwi akhulunywe futhi ngeSabatha elilandelayo. 43Kwathi inkonzo yesinagoge isiphumile, abaJuda abanengi labezizwe abakholwayo balandela uPawuli loBarnabasi; bona bakhuluma labo, bebakhuthaza ukuba babambelele emuseni kaNkulunkulu.
44NgeSabatha elilandelayo babuthana, kwaphose kwaba ngumuzi wonke ukuzwa ilizwi likaNkulunkulu. 45Kodwa abaJuda bebona ixuku bagcwala umona, baphikisa lokho okwakhulunywa nguPawuli bemhlambaza. 46Kwang’khona uPawuli loBarnabasi bekhuluma ngesibindi besithi: Kwakudingeka ukuthi ilizwi likaNkulunkulu litshunyayelwe kini kuqala; kodwa njengoba lilala, lizenza libe ngabangafanele ukuphila okungapheliyo, khangelani, sesisiya kwabezizwe. 47Ngoba iNkosi isilayile yathi:
Ngikumisile ube yikukhanya kwabezizwe,
ube yikusiliswa kuze kube semikhawulweni yomhlaba.#Isa 42:6; 49:6
48Kwathi abezizwe bekuzwa lokho, bathokoza, balidumisa ilizwi likaNkulunkulu; bakholwa bonke ababemiselwe ukuphila okungapheliyo. 49Ngokunjalo ilizwi leNkosi landa kulo ilizwe lonke. 50Kodwa abaJuda bavusa abesifazana abalesithunzi abakholwayo lezikhulu zomuzi, bavusela uPawuli loBarnabasi ukuzingelwa, babaxotsha endaweni yabo. 51Bona babathintithela uthuli lwenyawo zabo, badlulela eIkoniyuma.#Mat 10:14; Mark 6:11; Luka 9:5; 10:11 52Abafundi bagcwala intokozo loMoya oNgcwele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible Society of Zimbabwe 1978