Luk 7
7
Fo Yensa ajébunne wúur ni fégayireŋeŋ
1Angu afúrumi na, fo Yensa abollane bukawandinku jamaŋo dam, akeng adék ba a saariŋo n'ayéjuhne Kapáneyum. 2-3Bapúti Kapáneyum, ñanlaameku Ñanyahudo índukoŋ andéker anlahuntam na. Agida ummu básed m'ayik galoŋ,#7.2-3 Ummu básedo úmár, ñammi básedeŋ keme gamarahne. údin Rom, úmár abúuñureeniŋne ba imbi Yensa. Úfegeŋ, ummu básedo úmár, ayikyik údoolhánom mu jébireŋ. Úmár ayohyoh dáde. Agida údoolo úmár, asúumemsuum dáde, te úmár gafiyumne fanfaŋ. Angu, ummu básedo, adékdek alahun ñanlaameku Ñanyahudo ímpiinam. Balahuneeniŋ ayéjeeniŋ:
- Inini, ninkinan, ísiibáásiib k'údekeŋ ba imbi Yensa. Gúputeŋ úyejemeŋ adéker ajébindeem údoolhum.
4K'andék f'andék andaŋun Yensa. Bandaŋunem ammaanenem ammincin anyéjem:
- Arafaŋ, bonkerer! Mint, ummu básed údin Rom, úmár abúuñurne mint ba a binankan. Ayéji úduk újebinditem údoolhánom. Kanda, ingah! Ummu básedo úmár m'abúuñurne mint ii, abábár búkááñin 5mara úmár ii, apokunpokun mintor Ñanyahudo. Úmár acaamne k'anlódur mint jaameŋo.
6Angu banyéji nim, Yensa antuŋul hadéko ingi immereŋ ñanlaameku Ñanyahudo. Angu ankokaykokay andék f'andék andas dígo. Bandasi dígo, anrah ingi jamaŋ m'úpájul ummu básedo abúuñurne ba burahálinku Yensa. Agida immereŋ angune ñaññanku ummu básedo. Angu, banrahilinem anyéjem:
- Arafaŋ, uñankint ummu básedo, úmár ayéjne ídekermiŋ ídek irahálinomiŋ. Inini galóbne ayéj: «Umuyhum, dahu úduk uyoh hadéko ba a díkum. Ingah! Fi wúur úde, me ititiir, bádi bukucunkon. 7Gúmár akanne me morahum dékiriri búfeken. Kanda afeereemfer mara haani uwonn maŋ na k'ukiina bareŋ, upiren újebun údoolhum. 8Ingah! Me ípápájul n'amíirne mara me ii, iyikyik ñanlaamer a mángákum. Faka me fankum iyikyik galoŋ. Aji íyeji wúur «Déker!» f'adék. Aji íyeji úduk «Dókulo!» fo adéker. Gíbuuñi wúur, akandáram. Ípápájul n’amíirne. Angu, dahu úduk uyoh hadéko baman a díkum. Hómár jadaŋ.» Nim ummu básedo m'abúuñurne mint k'irahálinomiŋ ayéjne íteekinomiŋ.
9Angu f'anlóbne nim, Yensa anuurula imbi barumuno b'atifihemne. Angu, ayéjeeniŋ:
- Kanda bareŋ! Údiigeeno úmár! Ingah! Marigeno gílobohne. Me ii, fégahadi imbi jamanku Israyel wúur m’afiyumeem iniman ni uraagofoŋo ummu mu guyroŋne Uyahud afiyumeemne!
10Yensa balóbi nim, badétuni, jamaŋo nip mi ummu básedo abúuñurne, aŋŋoolin. Angu, baŋŋoolini, anlahun újebireŋo n'ajéb.
Fo Yensa akengunne hambaaniŋo m'aniirone
11Angu, Yensa bakengiri Kapáneyum, anen hadéko a binaalo ba a saariŋo n'aretuhne Nayin, úmár ingi ñantaalibehinem ingi jamaŋo índukoŋo m'anrumunne na. 12Angu, andék andék f'andék andas saariŋo. Angu, a burukumbanku saariŋo, na ganrahne ingi jamaŋ m'anfútoh k'andékeh ba búwubhu údiigeen mu Díino adooh. Agida, úmár hambaani, te nunom, hambaaniŋo ámár bareŋ gayikne. Ingi faka, nunom fankánam, údiigenkinem aniironiiro mees. Angu hambaaniŋo, anninkemnink a balankaaro k'andoohom, k'angu jamaŋo antifilinkeeniŋ anrumun k'andékeh ba gusuturahánam. 13Angu Yensa, bafégi nunko, arinkinem akab dáde. K'angu ayéjem:
- Ingah! Dahu uhooŋ!
14Bayéji nim mees, adék amapun balankaaro. Angu ñammi balankaaro anwonn. Banwonni, Yensa ayéj hambaaniŋo m'aniirone:
- Hambaanihum, memomiye n'íyejuho ukeng!
15Ki hambaaniŋo akeng k'anooh. Banoohi akomb balóbo. Angu, Yensa ayéj nunku hambaaniŋo:
- Ingah! Hambaanihen ummoŋe!
16Banfégi hómár, jamaŋo nip anjuhula k'andéwun dáde. K'angu anramunah Díino, anyéjeh:
- He mintoroŋ, ingah! Anabiyoŋ adé adékirne a binentor. Ingah! Díino adékridek ba búkááñinahinkintor, mintor jamankánam.
Nim jamaŋo ganyéjehne dam.
17Angu, afúrumi na, gúlobo a gubaarhu ni Yensa akengunne hambaaniŋo nómár a biniirohánom apas a didiirahu Júde nip ingi a didiiraŋo d'antéejayne mees.
Ho Yensa alóbne gu Yaya M'ayicimehne
18Angu, fo hómáráŋ nip ayikne, ñantaalibehu Yaya andék anlahun Yaya k'ankimbenemne a kasoŋo. Bampúti, antéekinem nip gu Yensa ingi h'akaanahne. Angu, f'antifuremne nip, Yaya afúnn inak imbi immereŋ ñantaalibehinem. 19Bafúnneeniŋ, abúuñeeniŋ ba imbi Umuyhintor Yensa. Ayéjeeniŋ:
- Inini ninkinan, dékereŋ ba imbi Yensa! Angu, gúputeŋ úmiiheŋ Yensa úyejemeŋ, «Arafaŋ, eke anabiyoŋoŋo anyéjyej mara Díino abúuñokuneh wúur m'ayéjuh Umaasaŋo mu Díino Acaabenne, te úmár ba bupahunkint gadékehne? Inini, hóge f’ugune wúuro úmár m'ítuyominne, karo nuko iñantamiŋ ítuymiŋ úduk?» Nim guñantaheŋne úmiiheŋ Yensa.
Angu Yaya babúuñeeniŋ mees, andék.
20Bampút imbi Yensa anyéjem:
- Arafaŋ, mint, Yaya M'ayicimehne, úmár abúuñurne mint. Eke anabiyoŋoŋo anyéjyej mara Díino abúuñokuneh wúur ba bupahunkint? Eke wúuro úmár gínyejohoŋne Umaasaŋo mu Díino Acaabenne? Inini, hóge f’ugune wúuro úmár m'ítuyominne, karo nuko wúuro úmár aroŋári? Nim Yaya abúuñurne mint k'imiihomiŋ.
Nim ñantaalibehu Yaya anlóbne Yensa.
21Agida, f'ampúturne imbi Yensa anlahuntam n'aŋay bújebunku ñanjébireŋo; mi banéreŋ balabahi alahne ingi m'anlánjurne. Ingi faka mees, immi mi fáguhoŋo anruurne ingi immi m'ampímne gaŋane bújebuno nip. Angu anféfeg ni Yensa aŋane bújebinkinin, immereŋ nip. 22Angu Yensa ayéjeeniŋ:
- Inini, ninkinan ŋoolinteŋ ba imbi Yaya m'abúuñuroonuŋne. Gúputeŋ útiferemeŋ h'ófegeŋne ingi h'oyennehineŋne a binaam nip. Téekintemeŋ mara «Ñampíminno ganfégefeg. Mi arinenkinin afoyne gandékedek. Mi kafaño alahne anjébjeb. M'anteerilinne ganyennehineyennehin. M'anniirone ankengunaakengun a biniirohánin.» Ufak úteekinemeŋ mara «ñanyikireŋo anyennehinyennehin Kúmbuuñaamo Kúnsuuminno.»#7.22 Agida Anabila Esay alóblob hómár f'amiñi a nintiku ho Umaasaŋo mu Díino Acaabenne adékehne bukaano. Bi díineŋo 700 adék díineŋ 600 jandiŋ Yensa babosumaa galóbne hómár k'añaañ. Angu, adékiidek balókunom bámár atoh angu a Hañaañeno.
23Yensa abocin ayéjeeniŋ:
- Gúteekinemeŋ mees, ubocineŋ úyejemeŋ, me íyeji: «Wúuro mu bayundaŋne gufiyunkum a gubaarhu n'ímiirne, ayikhineh barake.» Inini, dékereŋ! Téekintemeŋ hómáráŋ nip!
Nim Yensa ayéjne inako mi Yaya M’ayicimehne abúuñurne dam. 24K'angu anlah binaalo ba guŋoolino ba imbi Yaya. Angu immi bandoonay, Yensa akomb balóbo gu Yaya. Amiih barumuno b'antógne na, ayéjeeniŋ:
- Inini, ninkinan! F'ódekeŋne imbi Yaya a kanaŋaŋo kalaalinno, bútibhu horaŋ gúdekumeŋne bim? Karo búfeku wúur m'amíir ingi gúpoñ gu bawuco ayindineh gamali? Karo hómár gúdekumeŋne bim? 25Angu bútibhu horaŋ gúdekeŋne bim? Karo nuko buninghu údiigeen m'akaana gusol g'areñeh gúdekimeŋne bim? Wówo! Ingah! M'ankaanahne bayaaho b'areñehne k'anguy a neemhu duniyaŋo, guyroŋoŋ a kanaŋaŋo kalaalinno. Immereŋ imme bim a díku umaasaŋo. 26Angu, horaŋ gútibheŋne bim a kanaŋaŋo kalaalinno?
Abocin ayéjeeniŋ:
- Eke gútibhu anabiyoŋ gúdekeŋne bim? Háh! Marigenkinan, Yaya anabiyoŋ. Kanda túyomuŋ baŋ k'íteekinoonuŋ; úmár ii, anabiyoŋ adé n'alah badooh báde b'afaŋ imba anabiyoŋoŋo adúkoŋo.
27Abocin ayéjeeniŋ:
- Ingah! Díino alóblob a Hañaañeno a nintiku Yaya. Inini Díino ayéjne Úbárám a gu Yaya: «Túyor baŋ k'íteekino: Fi, ba búbuuñhon ba a duniyaŋo gídekehne, kanda dúdek manini. Útuyhuneh k'íbuuñ úduk k'adék awuriro binaalo. Awuruldir binaalo mees, fi ukuru údek a duniyaŋo.#7.27 Anabiyoŋo m'aretuhne Malik añaañne hómár a Hañaañeno. »
Yensa abocin ayéjeeniŋ:
- Maŋ nim gaññaañne a Hañaañeno, te wúuro m'awurulne binaalo, úmár agune Yaya. 28Túyomuŋ baŋ k'íteekinoonuŋ: imbi m'ambosaane a duniyaŋo nip yikireŋ m'afaŋ Yaya. Ingah! Úmár wúur úde. Badokánom afufuuh. Kanda ingah! Imbi m'antohne a maasayahu Díino, m'afaŋunumne n'atiir, úmár adék afankánehne Yaya.
Nim Yensa alóbne.
29Abocin ayéjeeniŋ:
- Agida, m'anjantenehne kawandhu Yaya anrumunrumun deh. Haani ñanjutiŋo antohtoh na. Angu, ñanjutiŋo banjanteni kawandhánam, ampájul mara Díino awúuhwuuh ki immereŋ wúuhuroŋoŋne. Angu, ankúbul jamméejenkinin imbi Díino ki Yaya ayiceeniŋ. 30Kanda ñanfarasiyaŋo ingi ñankeekihu Hañaañeno, immereŋ mingu ancucuncucun ho Díino asíibane bujellihinkinin a gubaarhu kawandhu Yaya. Angu immereŋ lókiireŋeŋ biyicaŋo imbi Yaya.
31-34Yensa abocin ayéjeeniŋ:
- Ingah! Ninkinan, me ingi Yaya, neŋen neŋen gikaanminne dúlokiheŋ. Eke Yaya gara ayaahála guyaahála gújooni, gara aruuhoh kunnoŋ? Inini, ninkinan neeraŋ gúyejeheŋne a gubaarhu úmár? Eke úyejeŋyej, «Fáguho aruuremne!»? Inini, ba imbi Údiigeeno M'acaabenaane; Úmár mungu, beŋo gayiki, adék anooh na ingi jamaŋo k'ayaahálah k'aruuhoh kunnoŋo. Angu, jamaŋo neeraŋ ganlóbumohne a gubaarhu úmár? Ingah! Eke úyejeŋyej, ahachac guyaahálaŋo ingi buruku kunnoŋo? Ufak ujodamamaŋ k'úyejeŋ úmár apokunpokun kunnoŋo.
Ayéjeeniŋ:
Ingi faka úneeremeŋneer kayúulen a gubaarhu n'anlahayne bañankayo ingi ñanjutiŋo ingi ñankanku hójondoŋo. Nim gúneeremeŋne kayúuleno. Ninkinan, neŋen neŋen údoolhu Díino akanne, guru ulakaŋ. Jamanku waato inno, k'ímmiirinahinoonuŋ ingi horaŋ? Karo ímmiirinahinoonuŋ ingi jaraaho j'andoone bátilimboono k'andék ba a bantabaŋo kunnungaŋo. Kanda índinenkinin lókiireŋeŋ kunnunga dam. Neŋen neŋen ganrifne, índukoŋo anfoy. K'angu anyéj índinenkinin:
«Ninkinan! Ingah! Mint íduurimiŋduur batilimboono ki k'uñaŋaŋ, duñaŋaŋ! Angu, ifak ikimmiŋ bákinku baléero, ki k'uhooŋoŋ, dufak uhooŋoŋ!»
35Yensa abocin ayéjeeniŋ:
- Ingah! Ninkinan mingu lókiiroŋ kawandhu me ingi inka Yaya. Kanda índukoŋo mi Díino anéerne jamméej, immereŋ mingu anlókiloki kawandhint. Angu, uyitihineŋ jamaŋo immereŋ a gubaarhu níndekorunkinin ajóoninno.
Nim Yensa alóbne.
M'abonkeraane apokunkuneh m'abonkeremne
36Angu afúrumi na, babári bísiba, údiigeen úduk, ufarisi, úmár ahuyne Yensa ba guyaahálaŋo a díkinem. Ufarasiyo úmár, gurethinem Simon. Angu Simon bahuyem, Yensa adék ba a díkinem. Bapúti, adék a taabálo ba guyaahálaŋo.
37-38Angu f'agune na, ayik udikaam úduk m'adéker alahuntam na.#7.37-38 Agida, imbi immereŋ Ñanyahudo, aji wúur ahuyuri arafaŋo ba guyaahálaŋo, úmár ayaahálaháneh a taabálo amánduko ingi ummu dígo. Jamaŋo índukoŋo ampirenpiren andéker k'anjanten kawandhu arafaŋo, kanda immereŋ danyaahála. Agida n'ayennehin mara Yensa akucunaakucun imbi Simon. Agida, udikaamo úmár apájulumaapájul a saariŋo mara níndekorunkunom jóndoŋ. Angu udikaamo bapúturi, adék awonn a mángáku Yensa bi hádikinem,#7.37-38 Immereŋ gaŋŋay guyaahálaŋo a taabálo, anwonnun gúhuurhinin k'ankihirin gusaalo ki hádikinin aŋoolin mángáár. n'alahar kárámánj. Agida, kárámánjo kámár n'ankaan a kono k'ójooni dáde. Kanda konoŋo kómár aseser dáde, mara ingi buwaal bújooni ganfilumne. Kárámánjo mees aseser fanfaŋ. Angu, udikaamo awonn na a mángáku Yensa ki munkulhunom afútoh k'ayotoh aneneh a hádiku Yensa. Angu udikaamo, bafégi mara munkulhunom umoŋe n'aneneh a hadiku Yensa, aŋoya k'adooh jégendhinem k'amunkuloh. Afonohom a hádiho k'adooh kárámánjo k'ahupundom afak amunkuloh kárámánjo. Agida, hómár nip h'akanne akankaan ba gúbuuñahu Yensa ingi buramunkánam a gubaarhu hójooninno h'akandemne.
39Angu, fo udikaamo akanne nim Yensa, angu, ufarasiyo úmár, ummu dígo, afég k'alóboh a jamméejhinem ayéjeh:
- Jeh! Me ilahlaher kari Yensa anabiyoŋ, kanda Yensa dapiren k'aguy anabiyoŋ. Aji úmár anabiyoŋ, agumb apájuler mara udikaamo ummu ununga. Angu, dabénnem k'amapunam.
Nim ummu dígo awosenne a jamméejhinem.
40Agida Yensa apápájul h'agune a jamméejhu ufarasiyo úmár m'aretuhne Simon. K'angu ayéjem:
- Simon! Ingah! Túyor k'íteekino honj.
Angu, úmár aŋoyindem ayéjem:
- Inini Arafaŋ, téekineem!
41Ki Yensa ayéjem:
- Ingah! Ayikyik índiigeen inak m'andék ammáág gukodi imbi údiigeen úduk. Úduko wuuliyeŋ haala (50,000 - sankant mil). Úduko wuuli (5,000 - sank mil). 42Angu, adékiidek, índiigeeno inako ampájul mara dampiren k'ancaam sinkindhinin. Angu, aŋŋoolin ba imbi údiigeeno m'amááguneeniŋne bakodiŋo. Angu bampúti, údiigeeno úmár ayaafuŋeeniŋ, índiigeeno immereŋ inako.
Angu Yensa abocin amiih Simon, ayéjem:
- Inini, a siwosenken, imbi immereŋ inako, hantaŋ afaŋunumne n'apokun údiigeeno m'ayaafuŋeeniŋne sinkindo?
43Simon aŋoyindem ayéjem:
- Ikaanumi mu sinkindhinem afaŋunumne n'afuuh, úmár afaŋununkunehne n'apokun m'ayaafuŋemne.
Yensa aŋoyindem ayéjem:
- Ukoŋkoŋ na.
44Yensa anuurula k'aning udikaamo k'ayéj Simon:
- Simon! Ingah! Eke me údeka nanka? Kanda f'éputurne a díken, fi kucundum n'aññantane ankucun údeka.
Ayéjem:
- F'éputurne nanka, wúur nédum baaru k'iyic hádikum.#7.44 Imbi Ñanyahudo, ñandéekaŋo gampútri úneereeniŋ baaru k'anyic hádikinin. Hómár atohne a bukucunku ñandeekaŋo hóbun.
Ayéjem:
- Kanda udikaamo ummu m'úfegne inini, úmár adéker ayic hádikum ingi munkulhunom k'amunkul hádikum ingi jégendhinem.
Ayéjem:
45- Bíputri, fi ramurum iniman n'iññantahoŋne inramayoŋ a bufoonhu hatokintor, kanda ummu, maŋ ni apúturne, atoŋ bufoonhu hádikum k'aramunkum. 46Ingi faka, fi hupundudum kárámánjo a bigokum, kanda udikaamo ummu ahupunhupun hádikum nip kárámánjo. Agida fi kando hómáráŋ nip ho udikaamo akanne. 47Udikaamo ummu ingi júnubonkánom n'alabane akafariyaakafari nip. Ingah! N'apájulne mara júnubonkánom afufuuh, te ayaafuŋaayaafuŋ jup, gúmár gapokuneemne dáde. Kanda wúuro m'alahne mara júnubonkánom fuuhuroŋ, úmár dapiren k'apokun dáde wúuro m'ayaafuŋemne.
48Yensa bayéji nim mees, ayéj udikaamo:
- Ingah! Júnubonkon nip akafariyaakafari.
49Angu, ñandékaŋo m'angune na anyéjeh a jamméejenkinin:
- Jeh! Ummu! Úmár agune hantaŋ k'abollen búyejhu wúuro júnubonkánom akafariyaakafari?
Nim jamaŋo m'ansorne dam ganwosenehne a jamméejenkinin.
50Angu na Yensa ayéj udikaamo:
- Inini, júnubonkon nip akafariyaakafari a gubaarhu n'ufiyumeemne. Díino apahunenpahun angu. Upiren údek ingi básuum.
Currently Selected:
Luk 7: GD
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal
Luk 7
7
Fo Yensa ajébunne wúur ni fégayireŋeŋ
1Angu afúrumi na, fo Yensa abollane bukawandinku jamaŋo dam, akeng adék ba a saariŋo n'ayéjuhne Kapáneyum. 2-3Bapúti Kapáneyum, ñanlaameku Ñanyahudo índukoŋ andéker anlahuntam na. Agida ummu básed m'ayik galoŋ,#7.2-3 Ummu básedo úmár, ñammi básedeŋ keme gamarahne. údin Rom, úmár abúuñureeniŋne ba imbi Yensa. Úfegeŋ, ummu básedo úmár, ayikyik údoolhánom mu jébireŋ. Úmár ayohyoh dáde. Agida údoolo úmár, asúumemsuum dáde, te úmár gafiyumne fanfaŋ. Angu, ummu básedo, adékdek alahun ñanlaameku Ñanyahudo ímpiinam. Balahuneeniŋ ayéjeeniŋ:
- Inini, ninkinan, ísiibáásiib k'údekeŋ ba imbi Yensa. Gúputeŋ úyejemeŋ adéker ajébindeem údoolhum.
4K'andék f'andék andaŋun Yensa. Bandaŋunem ammaanenem ammincin anyéjem:
- Arafaŋ, bonkerer! Mint, ummu básed údin Rom, úmár abúuñurne mint ba a binankan. Ayéji úduk újebinditem údoolhánom. Kanda, ingah! Ummu básedo úmár m'abúuñurne mint ii, abábár búkááñin 5mara úmár ii, apokunpokun mintor Ñanyahudo. Úmár acaamne k'anlódur mint jaameŋo.
6Angu banyéji nim, Yensa antuŋul hadéko ingi immereŋ ñanlaameku Ñanyahudo. Angu ankokaykokay andék f'andék andas dígo. Bandasi dígo, anrah ingi jamaŋ m'úpájul ummu básedo abúuñurne ba burahálinku Yensa. Agida immereŋ angune ñaññanku ummu básedo. Angu, banrahilinem anyéjem:
- Arafaŋ, uñankint ummu básedo, úmár ayéjne ídekermiŋ ídek irahálinomiŋ. Inini galóbne ayéj: «Umuyhum, dahu úduk uyoh hadéko ba a díkum. Ingah! Fi wúur úde, me ititiir, bádi bukucunkon. 7Gúmár akanne me morahum dékiriri búfeken. Kanda afeereemfer mara haani uwonn maŋ na k'ukiina bareŋ, upiren újebun údoolhum. 8Ingah! Me ípápájul n'amíirne mara me ii, iyikyik ñanlaamer a mángákum. Faka me fankum iyikyik galoŋ. Aji íyeji wúur «Déker!» f'adék. Aji íyeji úduk «Dókulo!» fo adéker. Gíbuuñi wúur, akandáram. Ípápájul n’amíirne. Angu, dahu úduk uyoh hadéko baman a díkum. Hómár jadaŋ.» Nim ummu básedo m'abúuñurne mint k'irahálinomiŋ ayéjne íteekinomiŋ.
9Angu f'anlóbne nim, Yensa anuurula imbi barumuno b'atifihemne. Angu, ayéjeeniŋ:
- Kanda bareŋ! Údiigeeno úmár! Ingah! Marigeno gílobohne. Me ii, fégahadi imbi jamanku Israyel wúur m’afiyumeem iniman ni uraagofoŋo ummu mu guyroŋne Uyahud afiyumeemne!
10Yensa balóbi nim, badétuni, jamaŋo nip mi ummu básedo abúuñurne, aŋŋoolin. Angu, baŋŋoolini, anlahun újebireŋo n'ajéb.
Fo Yensa akengunne hambaaniŋo m'aniirone
11Angu, Yensa bakengiri Kapáneyum, anen hadéko a binaalo ba a saariŋo n'aretuhne Nayin, úmár ingi ñantaalibehinem ingi jamaŋo índukoŋo m'anrumunne na. 12Angu, andék andék f'andék andas saariŋo. Angu, a burukumbanku saariŋo, na ganrahne ingi jamaŋ m'anfútoh k'andékeh ba búwubhu údiigeen mu Díino adooh. Agida, úmár hambaani, te nunom, hambaaniŋo ámár bareŋ gayikne. Ingi faka, nunom fankánam, údiigenkinem aniironiiro mees. Angu hambaaniŋo, anninkemnink a balankaaro k'andoohom, k'angu jamaŋo antifilinkeeniŋ anrumun k'andékeh ba gusuturahánam. 13Angu Yensa, bafégi nunko, arinkinem akab dáde. K'angu ayéjem:
- Ingah! Dahu uhooŋ!
14Bayéji nim mees, adék amapun balankaaro. Angu ñammi balankaaro anwonn. Banwonni, Yensa ayéj hambaaniŋo m'aniirone:
- Hambaanihum, memomiye n'íyejuho ukeng!
15Ki hambaaniŋo akeng k'anooh. Banoohi akomb balóbo. Angu, Yensa ayéj nunku hambaaniŋo:
- Ingah! Hambaanihen ummoŋe!
16Banfégi hómár, jamaŋo nip anjuhula k'andéwun dáde. K'angu anramunah Díino, anyéjeh:
- He mintoroŋ, ingah! Anabiyoŋ adé adékirne a binentor. Ingah! Díino adékridek ba búkááñinahinkintor, mintor jamankánam.
Nim jamaŋo ganyéjehne dam.
17Angu, afúrumi na, gúlobo a gubaarhu ni Yensa akengunne hambaaniŋo nómár a biniirohánom apas a didiirahu Júde nip ingi a didiiraŋo d'antéejayne mees.
Ho Yensa alóbne gu Yaya M'ayicimehne
18Angu, fo hómáráŋ nip ayikne, ñantaalibehu Yaya andék anlahun Yaya k'ankimbenemne a kasoŋo. Bampúti, antéekinem nip gu Yensa ingi h'akaanahne. Angu, f'antifuremne nip, Yaya afúnn inak imbi immereŋ ñantaalibehinem. 19Bafúnneeniŋ, abúuñeeniŋ ba imbi Umuyhintor Yensa. Ayéjeeniŋ:
- Inini ninkinan, dékereŋ ba imbi Yensa! Angu, gúputeŋ úmiiheŋ Yensa úyejemeŋ, «Arafaŋ, eke anabiyoŋoŋo anyéjyej mara Díino abúuñokuneh wúur m'ayéjuh Umaasaŋo mu Díino Acaabenne, te úmár ba bupahunkint gadékehne? Inini, hóge f’ugune wúuro úmár m'ítuyominne, karo nuko iñantamiŋ ítuymiŋ úduk?» Nim guñantaheŋne úmiiheŋ Yensa.
Angu Yaya babúuñeeniŋ mees, andék.
20Bampút imbi Yensa anyéjem:
- Arafaŋ, mint, Yaya M'ayicimehne, úmár abúuñurne mint. Eke anabiyoŋoŋo anyéjyej mara Díino abúuñokuneh wúur ba bupahunkint? Eke wúuro úmár gínyejohoŋne Umaasaŋo mu Díino Acaabenne? Inini, hóge f’ugune wúuro úmár m'ítuyominne, karo nuko wúuro úmár aroŋári? Nim Yaya abúuñurne mint k'imiihomiŋ.
Nim ñantaalibehu Yaya anlóbne Yensa.
21Agida, f'ampúturne imbi Yensa anlahuntam n'aŋay bújebunku ñanjébireŋo; mi banéreŋ balabahi alahne ingi m'anlánjurne. Ingi faka mees, immi mi fáguhoŋo anruurne ingi immi m'ampímne gaŋane bújebuno nip. Angu anféfeg ni Yensa aŋane bújebinkinin, immereŋ nip. 22Angu Yensa ayéjeeniŋ:
- Inini, ninkinan ŋoolinteŋ ba imbi Yaya m'abúuñuroonuŋne. Gúputeŋ útiferemeŋ h'ófegeŋne ingi h'oyennehineŋne a binaam nip. Téekintemeŋ mara «Ñampíminno ganfégefeg. Mi arinenkinin afoyne gandékedek. Mi kafaño alahne anjébjeb. M'anteerilinne ganyennehineyennehin. M'anniirone ankengunaakengun a biniirohánin.» Ufak úteekinemeŋ mara «ñanyikireŋo anyennehinyennehin Kúmbuuñaamo Kúnsuuminno.»#7.22 Agida Anabila Esay alóblob hómár f'amiñi a nintiku ho Umaasaŋo mu Díino Acaabenne adékehne bukaano. Bi díineŋo 700 adék díineŋ 600 jandiŋ Yensa babosumaa galóbne hómár k'añaañ. Angu, adékiidek balókunom bámár atoh angu a Hañaañeno.
23Yensa abocin ayéjeeniŋ:
- Gúteekinemeŋ mees, ubocineŋ úyejemeŋ, me íyeji: «Wúuro mu bayundaŋne gufiyunkum a gubaarhu n'ímiirne, ayikhineh barake.» Inini, dékereŋ! Téekintemeŋ hómáráŋ nip!
Nim Yensa ayéjne inako mi Yaya M’ayicimehne abúuñurne dam. 24K'angu anlah binaalo ba guŋoolino ba imbi Yaya. Angu immi bandoonay, Yensa akomb balóbo gu Yaya. Amiih barumuno b'antógne na, ayéjeeniŋ:
- Inini, ninkinan! F'ódekeŋne imbi Yaya a kanaŋaŋo kalaalinno, bútibhu horaŋ gúdekumeŋne bim? Karo búfeku wúur m'amíir ingi gúpoñ gu bawuco ayindineh gamali? Karo hómár gúdekumeŋne bim? 25Angu bútibhu horaŋ gúdekeŋne bim? Karo nuko buninghu údiigeen m'akaana gusol g'areñeh gúdekimeŋne bim? Wówo! Ingah! M'ankaanahne bayaaho b'areñehne k'anguy a neemhu duniyaŋo, guyroŋoŋ a kanaŋaŋo kalaalinno. Immereŋ imme bim a díku umaasaŋo. 26Angu, horaŋ gútibheŋne bim a kanaŋaŋo kalaalinno?
Abocin ayéjeeniŋ:
- Eke gútibhu anabiyoŋ gúdekeŋne bim? Háh! Marigenkinan, Yaya anabiyoŋ. Kanda túyomuŋ baŋ k'íteekinoonuŋ; úmár ii, anabiyoŋ adé n'alah badooh báde b'afaŋ imba anabiyoŋoŋo adúkoŋo.
27Abocin ayéjeeniŋ:
- Ingah! Díino alóblob a Hañaañeno a nintiku Yaya. Inini Díino ayéjne Úbárám a gu Yaya: «Túyor baŋ k'íteekino: Fi, ba búbuuñhon ba a duniyaŋo gídekehne, kanda dúdek manini. Útuyhuneh k'íbuuñ úduk k'adék awuriro binaalo. Awuruldir binaalo mees, fi ukuru údek a duniyaŋo.#7.27 Anabiyoŋo m'aretuhne Malik añaañne hómár a Hañaañeno. »
Yensa abocin ayéjeeniŋ:
- Maŋ nim gaññaañne a Hañaañeno, te wúuro m'awurulne binaalo, úmár agune Yaya. 28Túyomuŋ baŋ k'íteekinoonuŋ: imbi m'ambosaane a duniyaŋo nip yikireŋ m'afaŋ Yaya. Ingah! Úmár wúur úde. Badokánom afufuuh. Kanda ingah! Imbi m'antohne a maasayahu Díino, m'afaŋunumne n'atiir, úmár adék afankánehne Yaya.
Nim Yensa alóbne.
29Abocin ayéjeeniŋ:
- Agida, m'anjantenehne kawandhu Yaya anrumunrumun deh. Haani ñanjutiŋo antohtoh na. Angu, ñanjutiŋo banjanteni kawandhánam, ampájul mara Díino awúuhwuuh ki immereŋ wúuhuroŋoŋne. Angu, ankúbul jamméejenkinin imbi Díino ki Yaya ayiceeniŋ. 30Kanda ñanfarasiyaŋo ingi ñankeekihu Hañaañeno, immereŋ mingu ancucuncucun ho Díino asíibane bujellihinkinin a gubaarhu kawandhu Yaya. Angu immereŋ lókiireŋeŋ biyicaŋo imbi Yaya.
31-34Yensa abocin ayéjeeniŋ:
- Ingah! Ninkinan, me ingi Yaya, neŋen neŋen gikaanminne dúlokiheŋ. Eke Yaya gara ayaahála guyaahála gújooni, gara aruuhoh kunnoŋ? Inini, ninkinan neeraŋ gúyejeheŋne a gubaarhu úmár? Eke úyejeŋyej, «Fáguho aruuremne!»? Inini, ba imbi Údiigeeno M'acaabenaane; Úmár mungu, beŋo gayiki, adék anooh na ingi jamaŋo k'ayaahálah k'aruuhoh kunnoŋo. Angu, jamaŋo neeraŋ ganlóbumohne a gubaarhu úmár? Ingah! Eke úyejeŋyej, ahachac guyaahálaŋo ingi buruku kunnoŋo? Ufak ujodamamaŋ k'úyejeŋ úmár apokunpokun kunnoŋo.
Ayéjeeniŋ:
Ingi faka úneeremeŋneer kayúulen a gubaarhu n'anlahayne bañankayo ingi ñanjutiŋo ingi ñankanku hójondoŋo. Nim gúneeremeŋne kayúuleno. Ninkinan, neŋen neŋen údoolhu Díino akanne, guru ulakaŋ. Jamanku waato inno, k'ímmiirinahinoonuŋ ingi horaŋ? Karo ímmiirinahinoonuŋ ingi jaraaho j'andoone bátilimboono k'andék ba a bantabaŋo kunnungaŋo. Kanda índinenkinin lókiireŋeŋ kunnunga dam. Neŋen neŋen ganrifne, índukoŋo anfoy. K'angu anyéj índinenkinin:
«Ninkinan! Ingah! Mint íduurimiŋduur batilimboono ki k'uñaŋaŋ, duñaŋaŋ! Angu, ifak ikimmiŋ bákinku baléero, ki k'uhooŋoŋ, dufak uhooŋoŋ!»
35Yensa abocin ayéjeeniŋ:
- Ingah! Ninkinan mingu lókiiroŋ kawandhu me ingi inka Yaya. Kanda índukoŋo mi Díino anéerne jamméej, immereŋ mingu anlókiloki kawandhint. Angu, uyitihineŋ jamaŋo immereŋ a gubaarhu níndekorunkinin ajóoninno.
Nim Yensa alóbne.
M'abonkeraane apokunkuneh m'abonkeremne
36Angu afúrumi na, babári bísiba, údiigeen úduk, ufarisi, úmár ahuyne Yensa ba guyaahálaŋo a díkinem. Ufarasiyo úmár, gurethinem Simon. Angu Simon bahuyem, Yensa adék ba a díkinem. Bapúti, adék a taabálo ba guyaahálaŋo.
37-38Angu f'agune na, ayik udikaam úduk m'adéker alahuntam na.#7.37-38 Agida, imbi immereŋ Ñanyahudo, aji wúur ahuyuri arafaŋo ba guyaahálaŋo, úmár ayaahálaháneh a taabálo amánduko ingi ummu dígo. Jamaŋo índukoŋo ampirenpiren andéker k'anjanten kawandhu arafaŋo, kanda immereŋ danyaahála. Agida n'ayennehin mara Yensa akucunaakucun imbi Simon. Agida, udikaamo úmár apájulumaapájul a saariŋo mara níndekorunkunom jóndoŋ. Angu udikaamo bapúturi, adék awonn a mángáku Yensa bi hádikinem,#7.37-38 Immereŋ gaŋŋay guyaahálaŋo a taabálo, anwonnun gúhuurhinin k'ankihirin gusaalo ki hádikinin aŋoolin mángáár. n'alahar kárámánj. Agida, kárámánjo kámár n'ankaan a kono k'ójooni dáde. Kanda konoŋo kómár aseser dáde, mara ingi buwaal bújooni ganfilumne. Kárámánjo mees aseser fanfaŋ. Angu, udikaamo awonn na a mángáku Yensa ki munkulhunom afútoh k'ayotoh aneneh a hádiku Yensa. Angu udikaamo, bafégi mara munkulhunom umoŋe n'aneneh a hadiku Yensa, aŋoya k'adooh jégendhinem k'amunkuloh. Afonohom a hádiho k'adooh kárámánjo k'ahupundom afak amunkuloh kárámánjo. Agida, hómár nip h'akanne akankaan ba gúbuuñahu Yensa ingi buramunkánam a gubaarhu hójooninno h'akandemne.
39Angu, fo udikaamo akanne nim Yensa, angu, ufarasiyo úmár, ummu dígo, afég k'alóboh a jamméejhinem ayéjeh:
- Jeh! Me ilahlaher kari Yensa anabiyoŋ, kanda Yensa dapiren k'aguy anabiyoŋ. Aji úmár anabiyoŋ, agumb apájuler mara udikaamo ummu ununga. Angu, dabénnem k'amapunam.
Nim ummu dígo awosenne a jamméejhinem.
40Agida Yensa apápájul h'agune a jamméejhu ufarasiyo úmár m'aretuhne Simon. K'angu ayéjem:
- Simon! Ingah! Túyor k'íteekino honj.
Angu, úmár aŋoyindem ayéjem:
- Inini Arafaŋ, téekineem!
41Ki Yensa ayéjem:
- Ingah! Ayikyik índiigeen inak m'andék ammáág gukodi imbi údiigeen úduk. Úduko wuuliyeŋ haala (50,000 - sankant mil). Úduko wuuli (5,000 - sank mil). 42Angu, adékiidek, índiigeeno inako ampájul mara dampiren k'ancaam sinkindhinin. Angu, aŋŋoolin ba imbi údiigeeno m'amááguneeniŋne bakodiŋo. Angu bampúti, údiigeeno úmár ayaafuŋeeniŋ, índiigeeno immereŋ inako.
Angu Yensa abocin amiih Simon, ayéjem:
- Inini, a siwosenken, imbi immereŋ inako, hantaŋ afaŋunumne n'apokun údiigeeno m'ayaafuŋeeniŋne sinkindo?
43Simon aŋoyindem ayéjem:
- Ikaanumi mu sinkindhinem afaŋunumne n'afuuh, úmár afaŋununkunehne n'apokun m'ayaafuŋemne.
Yensa aŋoyindem ayéjem:
- Ukoŋkoŋ na.
44Yensa anuurula k'aning udikaamo k'ayéj Simon:
- Simon! Ingah! Eke me údeka nanka? Kanda f'éputurne a díken, fi kucundum n'aññantane ankucun údeka.
Ayéjem:
- F'éputurne nanka, wúur nédum baaru k'iyic hádikum.#7.44 Imbi Ñanyahudo, ñandéekaŋo gampútri úneereeniŋ baaru k'anyic hádikinin. Hómár atohne a bukucunku ñandeekaŋo hóbun.
Ayéjem:
- Kanda udikaamo ummu m'úfegne inini, úmár adéker ayic hádikum ingi munkulhunom k'amunkul hádikum ingi jégendhinem.
Ayéjem:
45- Bíputri, fi ramurum iniman n'iññantahoŋne inramayoŋ a bufoonhu hatokintor, kanda ummu, maŋ ni apúturne, atoŋ bufoonhu hádikum k'aramunkum. 46Ingi faka, fi hupundudum kárámánjo a bigokum, kanda udikaamo ummu ahupunhupun hádikum nip kárámánjo. Agida fi kando hómáráŋ nip ho udikaamo akanne. 47Udikaamo ummu ingi júnubonkánom n'alabane akafariyaakafari nip. Ingah! N'apájulne mara júnubonkánom afufuuh, te ayaafuŋaayaafuŋ jup, gúmár gapokuneemne dáde. Kanda wúuro m'alahne mara júnubonkánom fuuhuroŋ, úmár dapiren k'apokun dáde wúuro m'ayaafuŋemne.
48Yensa bayéji nim mees, ayéj udikaamo:
- Ingah! Júnubonkon nip akafariyaakafari.
49Angu, ñandékaŋo m'angune na anyéjeh a jamméejenkinin:
- Jeh! Ummu! Úmár agune hantaŋ k'abollen búyejhu wúuro júnubonkánom akafariyaakafari?
Nim jamaŋo m'ansorne dam ganwosenehne a jamméejenkinin.
50Angu na Yensa ayéj udikaamo:
- Inini, júnubonkon nip akafariyaakafari a gubaarhu n'ufiyumeemne. Díino apahunenpahun angu. Upiren údek ingi básuum.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright Vision Intégrale, Senegal