پیدأیش ۳۸
۳۸
یوهودأ و تامار
1 هو روجأنٚ میأن بو کی یوهودأ خو پِئرٚ خأنه‌یَ ترکَ کوده، بوشؤ عدولام و اینفر حیره نأمٚ ورجأ زٚندیگی بوکوده. 2 اون اویَه ایتأ کنعأنی مردأی کی شوعا نأم دأشتی دؤخترٚ اَمرأ عروسی بوکوده 3 و جٚه اون ایتأ پٚسرٚ صأب بوبوسته کی اونٚ نأمَ عیر بٚنأ. 4 ایوأردِه شوعا شکم اوسأده و ایتأ پٚسر بٚزأ کی اونٚ نأمَ اونان بٚنأ. 5 او وخت کی اوشأن کزیب میأن ایسأبود، یوهودأ زن خو سیومی پٚسرَ بودونیأ بأوٚرد و اونٚ نأمَ شیله بٚنأ.
6 او وخت عیر، یوهودأ اوّلی پٚسر، پیلّه بوسته اونٚ پِئر ایتأ دؤختر تامار نأمَ اونٚ رِه بیگیفته. 7 ولی چونکی عیر شرورٚ آدم بو، خوداوند اونَ بوکوشت.
8 او وخت یوهودأ، عیرٚ برأرَ، اونانَ بوگفته: «اَمی رسمٚ موطأبق، تو وأستی تی برأر زن، تامارٚ اَمرأ عروسی بوکونی کی تی برأرٚ نتأج جٚه بین نشه.» 9 اونان تامارٚ اَمرأ عروسی بوکود، ولی چونکی نٚخأستی اونَ زأی اینفر دیگه شین بٚبه، هر زمأت کی اونٚ اَمرأ نیزدیکی کودی، ولأشتی کی تامار شکم اوسأنه کی زأی اونی بٚمٚرده برأرٚ شین بٚبه. 10 اونانٚ اَ کأر خوداوندَ خوش نأمؤ و خودا اونم بوکوشت. 11 یوهودأ خو عروس تامارَ بوگفته: «بوشو تی پِئرٚ خأنه و ویوه بِئیس تأ او وخت کی شیله می کوجه پٚسر پیلّه بٚه. او وخت تأنی اونٚ اَمرأ عروسی بوکونی.» ولی یوهودأ اَ کأرٚ رِه دیل و جأنٚ اَمرأ رأضی نوبو، چونکی ترسِیی شیله‌یٚم خو دوتأ برأرٚ مأنستَن بیمیره. پٚس تامار بوشؤ خو پِئرٚ خأنه.
12 ایتأ مودتٚ پٚسی، یوهودأ زنأی بٚمٚرده، او وخت کی عزأدأری روجأن تومأنَ بوسته، یوهودأ خو ریفِق حیره عدولامی اَمرأ بوشؤ تمنه میأن کی گوسوٚندأنٚ پشم زِئنٚ فأندرٚه.
13 تامارَ وأخٚوٚرَ کودٚد کی اونٚ مردٚ پِئر گوسوٚندأنٚ پشم زِئنٚ رِه شؤئؤندره تمنه ور. 14 تامار خو ویوه زنأکی رختَ جٚه خو جأن بیرون بأوٚرد و اَنٚ وأسی کی اونَ نشنأسٚد ایتأ چأدر خو سٚر تأوٚدأ، عینایمٚ دروأزه ورجأ تمنه رأ سٚر بینیشته، چونکی اون بیدِه کی شیله هر چن پیلّه بوسته ولی اونٚ اَمرأ عقد نوبوسته.
15 یوهودأ اونَ بیدِه، ولی چونکی اون خو دیمَ بٚپوشأنه بو، اونَ نشنأخته و گومأن بوکوده ایتأ نأجورٚ زنأی ایسٚه. 16 پٚس بوشؤ اونٚ ور جأده ورجأ، اونَ پیشنهأد بوکوده کی اونٚ اَمرأ بوخوسه، نأخٚوٚر جٚه اَنکی خودشٚ عروس ایسٚه. تامار اونَ بوگفته: «خأیی چندر مٚرَه فأدی؟»
17 یوهودأ بوگفته: «ایتأ بوزٚ زأی جٚه می گله تِرِه اوسه کونٚم.» زنأی بوگفته: «وأستی ایچی گیرو بٚنی می ورجأ کی خأطر جم بٚبم بوزٚ زأکَ اوسه کونی.»
18 یوهودأ بوگفته: «گیرویی چی بٚنم؟» زنأی جوأب بٚدأ: «مُهر و اونٚ تسمه بند و تی عصأیَ.» پٚس یوهودأ اوشأنَ اونَ فأدأ و اونٚ اَمرأ بوخوفته و آخرسٚرِی تامار شکم اوسأده.
19 اَ مأجیرأ کی تومأنَ بوسته، تامار وأگردسته خو خأنه و خو روبندَ اوسأده و خو ویوه زنأکی رختَ ایوأردِه دوکود.
20 یوهودأ بوزٚ زأکَ خو ریفِق حیره عدولامی‌یَ فأدأ کی اونَ بٚبره او زنأی رِه و گیرویی چیأنَ پٚسَ گیره، ولی حیره او زنأی نیأفته. 21 پٚس، جٚه اویَه آدمأن وأوٚرسه: «بُتخأنه نأجورٚ زنأی کی دروأزه ورجأ، رأ سٚر نیشته بو کویَه ایسأ؟» اونَ جوأب بٚدأده: «اَمأن هیوخت اَجور زنأی اَیِه نیدِییم.»
22 حیره وأگردسته یوهودأ ورجأ و اونَ بوگفته: «اونَ نیأفتم و اویَه آدمأنٚم گده اَجور زنأی اویَه نیدِده.»
23 یوهودأ بوگفته: «وئأل او چیأن اونٚ شین بٚبد، نٚبه کی روسوأ بیبیم. هر چی بٚبه من بوزٚ زأکَ اونٚ رِه اوسه کودم، ولی تو نتأنستی اونَ بیأفی.»
24 سه مأهٚ اَندر اَ مأجیرأ جَا بوگوذشته پٚسی، یوهودأیَ وأخٚوٚرَ کودٚد کی تی عروس تامار زٚنأ بوکوده و شکم اوسأده. یوهودأ بوگفته: «اونَ بأوٚرید بیرون و بوسوجأنید.»
25 هطؤ کی تامارٚ کوشتنٚ وأسی اونَ اَوٚردأندوبود بیرون اَ پیغأمَ خو مردٚ پِئرٚ رِه اوسه کوده: «او مردأی کی اَ مُهر و اونٚ بندٚ و عصأ صأب ایسه، می زأکٚ پئرٚه، آیا اونَ شنأسی؟»
26 یوهودأ مُهر و عصأیَ بشنأخته و بوگفته: «اون هیذره گونأ نأرِه، چونکی من می قول و قرأرَ وفأ نوکودم و اونَ می پٚسر شیله رِه نیگیفتم.» یوهودأ دِه اونٚ اَمرأ نوخوفت.
27 چونکی تامارٚ زأئأنٚ وخت فأرٚسِه، دوقولو بٚزأ. 28 زأئأنٚ وخت، ایتأ جٚه پٚسرأن خو دٚسَ بأوٚرده بیرون و قأبیله ایتأ سورخٚ نخ اونٚ دٚس گردنٚ سٚر دٚوٚسته و بوگفته: «اَیتأ اوّل بأمؤ بیرون.» 29 ولی اون خو دٚسَ فأکشه عقب و اویتأ پٚسر اوّل بودونیأ بأمؤ. قأبیله بوگفته: «چوطؤ بأمؤیی بیرون؟» پٚس اونَ فارص نأم بٚنأده. 30 ایپچه دونبألتر، او پٚسر کی سورخٚ نخ اونٚ دٚسَ دٚوٚسته نٚهأ بو بودونیأ بأمؤ و اونَ زارح نأم بٚنأده.
Currently Selected:
پیدأیش ۳۸: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۳۸
۳۸
یوهودأ و تامار
1 هو روجأنٚ میأن بو کی یوهودأ خو پِئرٚ خأنه‌یَ ترکَ کوده، بوشؤ عدولام و اینفر حیره نأمٚ ورجأ زٚندیگی بوکوده. 2 اون اویَه ایتأ کنعأنی مردأی کی شوعا نأم دأشتی دؤخترٚ اَمرأ عروسی بوکوده 3 و جٚه اون ایتأ پٚسرٚ صأب بوبوسته کی اونٚ نأمَ عیر بٚنأ. 4 ایوأردِه شوعا شکم اوسأده و ایتأ پٚسر بٚزأ کی اونٚ نأمَ اونان بٚنأ. 5 او وخت کی اوشأن کزیب میأن ایسأبود، یوهودأ زن خو سیومی پٚسرَ بودونیأ بأوٚرد و اونٚ نأمَ شیله بٚنأ.
6 او وخت عیر، یوهودأ اوّلی پٚسر، پیلّه بوسته اونٚ پِئر ایتأ دؤختر تامار نأمَ اونٚ رِه بیگیفته. 7 ولی چونکی عیر شرورٚ آدم بو، خوداوند اونَ بوکوشت.
8 او وخت یوهودأ، عیرٚ برأرَ، اونانَ بوگفته: «اَمی رسمٚ موطأبق، تو وأستی تی برأر زن، تامارٚ اَمرأ عروسی بوکونی کی تی برأرٚ نتأج جٚه بین نشه.» 9 اونان تامارٚ اَمرأ عروسی بوکود، ولی چونکی نٚخأستی اونَ زأی اینفر دیگه شین بٚبه، هر زمأت کی اونٚ اَمرأ نیزدیکی کودی، ولأشتی کی تامار شکم اوسأنه کی زأی اونی بٚمٚرده برأرٚ شین بٚبه. 10 اونانٚ اَ کأر خوداوندَ خوش نأمؤ و خودا اونم بوکوشت. 11 یوهودأ خو عروس تامارَ بوگفته: «بوشو تی پِئرٚ خأنه و ویوه بِئیس تأ او وخت کی شیله می کوجه پٚسر پیلّه بٚه. او وخت تأنی اونٚ اَمرأ عروسی بوکونی.» ولی یوهودأ اَ کأرٚ رِه دیل و جأنٚ اَمرأ رأضی نوبو، چونکی ترسِیی شیله‌یٚم خو دوتأ برأرٚ مأنستَن بیمیره. پٚس تامار بوشؤ خو پِئرٚ خأنه.
12 ایتأ مودتٚ پٚسی، یوهودأ زنأی بٚمٚرده، او وخت کی عزأدأری روجأن تومأنَ بوسته، یوهودأ خو ریفِق حیره عدولامی اَمرأ بوشؤ تمنه میأن کی گوسوٚندأنٚ پشم زِئنٚ فأندرٚه.
13 تامارَ وأخٚوٚرَ کودٚد کی اونٚ مردٚ پِئر گوسوٚندأنٚ پشم زِئنٚ رِه شؤئؤندره تمنه ور. 14 تامار خو ویوه زنأکی رختَ جٚه خو جأن بیرون بأوٚرد و اَنٚ وأسی کی اونَ نشنأسٚد ایتأ چأدر خو سٚر تأوٚدأ، عینایمٚ دروأزه ورجأ تمنه رأ سٚر بینیشته، چونکی اون بیدِه کی شیله هر چن پیلّه بوسته ولی اونٚ اَمرأ عقد نوبوسته.
15 یوهودأ اونَ بیدِه، ولی چونکی اون خو دیمَ بٚپوشأنه بو، اونَ نشنأخته و گومأن بوکوده ایتأ نأجورٚ زنأی ایسٚه. 16 پٚس بوشؤ اونٚ ور جأده ورجأ، اونَ پیشنهأد بوکوده کی اونٚ اَمرأ بوخوسه، نأخٚوٚر جٚه اَنکی خودشٚ عروس ایسٚه. تامار اونَ بوگفته: «خأیی چندر مٚرَه فأدی؟»
17 یوهودأ بوگفته: «ایتأ بوزٚ زأی جٚه می گله تِرِه اوسه کونٚم.» زنأی بوگفته: «وأستی ایچی گیرو بٚنی می ورجأ کی خأطر جم بٚبم بوزٚ زأکَ اوسه کونی.»
18 یوهودأ بوگفته: «گیرویی چی بٚنم؟» زنأی جوأب بٚدأ: «مُهر و اونٚ تسمه بند و تی عصأیَ.» پٚس یوهودأ اوشأنَ اونَ فأدأ و اونٚ اَمرأ بوخوفته و آخرسٚرِی تامار شکم اوسأده.
19 اَ مأجیرأ کی تومأنَ بوسته، تامار وأگردسته خو خأنه و خو روبندَ اوسأده و خو ویوه زنأکی رختَ ایوأردِه دوکود.
20 یوهودأ بوزٚ زأکَ خو ریفِق حیره عدولامی‌یَ فأدأ کی اونَ بٚبره او زنأی رِه و گیرویی چیأنَ پٚسَ گیره، ولی حیره او زنأی نیأفته. 21 پٚس، جٚه اویَه آدمأن وأوٚرسه: «بُتخأنه نأجورٚ زنأی کی دروأزه ورجأ، رأ سٚر نیشته بو کویَه ایسأ؟» اونَ جوأب بٚدأده: «اَمأن هیوخت اَجور زنأی اَیِه نیدِییم.»
22 حیره وأگردسته یوهودأ ورجأ و اونَ بوگفته: «اونَ نیأفتم و اویَه آدمأنٚم گده اَجور زنأی اویَه نیدِده.»
23 یوهودأ بوگفته: «وئأل او چیأن اونٚ شین بٚبد، نٚبه کی روسوأ بیبیم. هر چی بٚبه من بوزٚ زأکَ اونٚ رِه اوسه کودم، ولی تو نتأنستی اونَ بیأفی.»
24 سه مأهٚ اَندر اَ مأجیرأ جَا بوگوذشته پٚسی، یوهودأیَ وأخٚوٚرَ کودٚد کی تی عروس تامار زٚنأ بوکوده و شکم اوسأده. یوهودأ بوگفته: «اونَ بأوٚرید بیرون و بوسوجأنید.»
25 هطؤ کی تامارٚ کوشتنٚ وأسی اونَ اَوٚردأندوبود بیرون اَ پیغأمَ خو مردٚ پِئرٚ رِه اوسه کوده: «او مردأی کی اَ مُهر و اونٚ بندٚ و عصأ صأب ایسه، می زأکٚ پئرٚه، آیا اونَ شنأسی؟»
26 یوهودأ مُهر و عصأیَ بشنأخته و بوگفته: «اون هیذره گونأ نأرِه، چونکی من می قول و قرأرَ وفأ نوکودم و اونَ می پٚسر شیله رِه نیگیفتم.» یوهودأ دِه اونٚ اَمرأ نوخوفت.
27 چونکی تامارٚ زأئأنٚ وخت فأرٚسِه، دوقولو بٚزأ. 28 زأئأنٚ وخت، ایتأ جٚه پٚسرأن خو دٚسَ بأوٚرده بیرون و قأبیله ایتأ سورخٚ نخ اونٚ دٚس گردنٚ سٚر دٚوٚسته و بوگفته: «اَیتأ اوّل بأمؤ بیرون.» 29 ولی اون خو دٚسَ فأکشه عقب و اویتأ پٚسر اوّل بودونیأ بأمؤ. قأبیله بوگفته: «چوطؤ بأمؤیی بیرون؟» پٚس اونَ فارص نأم بٚنأده. 30 ایپچه دونبألتر، او پٚسر کی سورخٚ نخ اونٚ دٚسَ دٚوٚسته نٚهأ بو بودونیأ بأمؤ و اونَ زارح نأم بٚنأده.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org