پیدأیش ۲۵
۲۵
ایبرأهیمٚ مٚردن
1 ایبرأهیم ایوأردِه ایتأ زن بیگیفته کی اونٚ نأم قِطوره بو. 2 قِطوره ایبرأهیم رِه چنتأ زأی بودونیأ بأوٚرده. اوشأنٚ نأمأن اَطؤ بو: زمران، یُقشان، مدان، مدیان، یشباق و شوعه. 3 یقشانٚ پٚسر زأکأن، شبا و ددان بود. اشوریم، لطوشیم و لئومیمٚ پِئر ددان بو. 4 عیفه، عیفر، حنوک، ابیداع و الداعه، مدیانٚ پٚسرأن بود.
5 ایبرأهیم تومأمٚ خو مأل و مینألَ ایسحأقَ بٚبخشه، 6 ولی البأقی خو پٚسرأنَ کی جٚه اونٚ کنیزأن بودونیأ بأمؤ بود، ای میقدأر پیشکش فأدأ و اَشأنَ او وخت کی خودش هنو زٚنده بو جٚه خو پٚسر ایسحأقٚ ورجأ، اوسه کوده شرقٚ سرزیمینٚ ور.
7 ایبرأهیم صد و هفتأد و پنج سأل دأشتی، او وخت کی خٚیلی پیر بو، 8 خوشأل جٚه دونیأ بوشؤ و خو پیله بأبأیأنَ دوچوکسته. 9 اونٚ پٚسرأن ایسحأق و ایسمأعیل اونَ مکفیله غأرٚ میأن، مَمری نیزدیکی، کی عفرون ینی صوحارٚ حیتّی پٚسرٚ زیمینٚ دورون نٚهأ، بیگیلَ کودٚد. 10 اَن هو زیمین بو کی ایبرأهیم حیتّیأنٚ جَا بیهه بو و خو زن سارایَ اویَه بیگیلَ کوده بو. 11 ایبرأهیمٚ مٚردنٚ پٚسی، خودا ایسحأقَ برکت بٚدأ. اَ زمأتٚ دورون ایسحأق بئرلحی رُئی نیزدیکی، کی نِگِبٚ میأن نٚهأ بو زٚندیگی کودی.
ایسمأعیلٚ نتأج
12 اَن ایسٚه ایسمأعیلٚ نتأجٚ تاریخچه، ایبرأهیمٚ پٚسر، کی جٚه هأجرٚ مصری، سارا کنیز بودونیأ بأمؤ.
13 اَن ایسٚه ایسمأعیلٚ پٚسرأنٚ نأمأن کی دأل بٚدأل بودونیأ بأمؤده: نبایوت ینی ایسمأعیلٚ پیله پٚسر، قیدار، ادبئیل، مِبسام، 14 مشماع، دومه، مسا، 15 حداد، تیما، یطور، نافیش و قدمه. 16 ایسمأعیلٚ هرتأ جٚه اَ دوأزده‌تأ پٚسر، ایتأ قبیله خوشأنٚ نأمٚ اَمرأ چأکودٚد. او جأجیگأ کی اَ قبیله‌یأن اونٚ میأن زٚندیگی کودیدی هو نأمٚ اَمرأ دؤخأده بوستی. 17 ایسمأعیل صد و سی و هفت سأل دأشتی کی بٚمٚرده و خو پیله بأبأیأنَ دوچوکسته. 18 ایسمأعیلٚ آدم نفرأن کی جٚه اونٚ پٚسی بٚمأنستٚده ایتأ جأجیگأ میأن کی آشورٚ رأ سٚر نٚهأ بو، مصرٚ شرقٚ مرزٚ دورون کی حویله و شورٚ مأبین بو، سأمأن بیگیفتٚد. اوشأن هوطؤ کی خوشأنٚ تومأمٚ برأرأن اَمرأ دوشمن بود زٚندیگی کودیدی.
عیسو و یعقوب
19 اَن ایسٚه ایسحأق ینی ایبرأهیمٚ پٚسرٚ نتأجٚ تاریخچه. ایبرأهیم ایسحأقَ بأوٚرد.
20 و ایسحأق چهل سأل دأشتی کی ربکا اَمرأ عروسی بوکوده. ربکا بتوئیلٚ دؤختر و لابانٚ خأخور، فَدّانٚ اَرامٚ شین بو. 21 ربکا نأزأ بو و ایسحأق اونٚ رِه خودا ورجأ دوعأ کودی. آخرپٚسی خوداوند اونٚ دوعأیَ ایجأبت بوکوده و ربکا شکم اوسأده. 22 اَنَ مأنستی کی دوتأ زأی اونٚ شکمٚ دورون کس‌کسٚ اَمرأ فأکش فوکوش کونٚده. پٚس ربکا بوگفته: «چٚره اَجور ایتفأق مِرِه دکفته؟» و اَ موضو رِه جٚه خودا سوأل وأوٚرسِه. 23 خوداوند اونَ بٚفرمأسته: «جٚه او دوتأ پٚسر کی تی رحم میأن دأری، دوتأ پیله قوم چأکوده بِه. ایتأ جٚه اویتأ پورزورتر بِه و پیله‌تر کوجه‌ترَ بندگی کونِه!»
24 او وخت کی ربکا زأئأنٚ زمأت فأرٚسه، اون دوقولو بٚزأ. 25 اوّلی پٚسر کی بودونیأ بأمؤ، سورخٚ دیم بو و اونٚ جأن اَطؤ مو اَمرأ بوپوشأنِه بوبوسته بو کی هچین اَنَ مأنستی کی پوستین دوکوده دأره. هنٚ وأسی اونٚ نأمَ عیسو بٚنأده. 26 دویُمی پٚسر کی بودونیأ بأمؤ عیسو پأ بوزَ بیگیفته بو! پٚس اونٚ یعقوب نأم بٚنأده. ایسحأق شصت سأل دأشتی کی اَ دوقولویأن بودونیأ بأمؤده.
27 او دوتأ پٚسر زأی پیلّه بوستد. عیسو ایتأ مأهرٚ شیکأرچی و بیأبأنٚ مردأی بو، ولی یعقوب ایتأ آرأمٚ مردأی و چأدرنیشین بو. 28 ایسحأق، عیسویَ دوس دأشتی، چونکی جٚه او حیوأنأنٚ گوشت کی اون شیکأر کودی، خوردی؛ ولی ربکا یعقوبَ دوس دأشتی.
29 ایتأ روج یعقوب آش پٚختأندوبو کی عیسو زلّه و ویشتأ جٚه شیکأر وأگردسته.
30 عیسو بوگفته: «برأر، اوندر ویشتأیم کی می جأنٚ دورون رٚمق نمأنسته، ایپچه جٚه او سورخٚ آش مٚرَه فأدن کی بوخورٚم.» هنٚ وأسی ایسٚه کی عیسویَ ادومٚم دؤخأنده.
31 یعقوب جوأب بٚدأ: «اَ شرط اَمرأ کی اونٚ عوض، تی اوّلی‌زأکی‌یَ مٚرَه بوفروشی!»
32 عیسو بوگفته: «من اوندر ویشتأیم کی مٚردأندرم، اوّلی‌زأکی مِرِه چی فأیده دأرِه؟»
33 ولی یعقوب بوگفته: «قسم بوخور کی جٚه اَنٚ پٚسی، اوّلی‌زأکی می شین بِه.» عیسو قسم بوخورده و اَطؤیی بو کی خو اوّلی‌زأکی حقَ خو کوجه برأر یعقوبَ بوفرؤخت.
34 بأزون یعقوب عدسٚ آشَ نأنٚ اَمرأ عیسویَ فأدأ. اون بوخورد و ویریشته و بوشؤ. اَطؤ عیسو خو اوّلی‌زأکی حقَ بی‌ارزش بٚحیسأب بأوٚرد.
Currently Selected:
پیدأیش ۲۵: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
پیدأیش ۲۵
۲۵
ایبرأهیمٚ مٚردن
1 ایبرأهیم ایوأردِه ایتأ زن بیگیفته کی اونٚ نأم قِطوره بو. 2 قِطوره ایبرأهیم رِه چنتأ زأی بودونیأ بأوٚرده. اوشأنٚ نأمأن اَطؤ بو: زمران، یُقشان، مدان، مدیان، یشباق و شوعه. 3 یقشانٚ پٚسر زأکأن، شبا و ددان بود. اشوریم، لطوشیم و لئومیمٚ پِئر ددان بو. 4 عیفه، عیفر، حنوک، ابیداع و الداعه، مدیانٚ پٚسرأن بود.
5 ایبرأهیم تومأمٚ خو مأل و مینألَ ایسحأقَ بٚبخشه، 6 ولی البأقی خو پٚسرأنَ کی جٚه اونٚ کنیزأن بودونیأ بأمؤ بود، ای میقدأر پیشکش فأدأ و اَشأنَ او وخت کی خودش هنو زٚنده بو جٚه خو پٚسر ایسحأقٚ ورجأ، اوسه کوده شرقٚ سرزیمینٚ ور.
7 ایبرأهیم صد و هفتأد و پنج سأل دأشتی، او وخت کی خٚیلی پیر بو، 8 خوشأل جٚه دونیأ بوشؤ و خو پیله بأبأیأنَ دوچوکسته. 9 اونٚ پٚسرأن ایسحأق و ایسمأعیل اونَ مکفیله غأرٚ میأن، مَمری نیزدیکی، کی عفرون ینی صوحارٚ حیتّی پٚسرٚ زیمینٚ دورون نٚهأ، بیگیلَ کودٚد. 10 اَن هو زیمین بو کی ایبرأهیم حیتّیأنٚ جَا بیهه بو و خو زن سارایَ اویَه بیگیلَ کوده بو. 11 ایبرأهیمٚ مٚردنٚ پٚسی، خودا ایسحأقَ برکت بٚدأ. اَ زمأتٚ دورون ایسحأق بئرلحی رُئی نیزدیکی، کی نِگِبٚ میأن نٚهأ بو زٚندیگی کودی.
ایسمأعیلٚ نتأج
12 اَن ایسٚه ایسمأعیلٚ نتأجٚ تاریخچه، ایبرأهیمٚ پٚسر، کی جٚه هأجرٚ مصری، سارا کنیز بودونیأ بأمؤ.
13 اَن ایسٚه ایسمأعیلٚ پٚسرأنٚ نأمأن کی دأل بٚدأل بودونیأ بأمؤده: نبایوت ینی ایسمأعیلٚ پیله پٚسر، قیدار، ادبئیل، مِبسام، 14 مشماع، دومه، مسا، 15 حداد، تیما، یطور، نافیش و قدمه. 16 ایسمأعیلٚ هرتأ جٚه اَ دوأزده‌تأ پٚسر، ایتأ قبیله خوشأنٚ نأمٚ اَمرأ چأکودٚد. او جأجیگأ کی اَ قبیله‌یأن اونٚ میأن زٚندیگی کودیدی هو نأمٚ اَمرأ دؤخأده بوستی. 17 ایسمأعیل صد و سی و هفت سأل دأشتی کی بٚمٚرده و خو پیله بأبأیأنَ دوچوکسته. 18 ایسمأعیلٚ آدم نفرأن کی جٚه اونٚ پٚسی بٚمأنستٚده ایتأ جأجیگأ میأن کی آشورٚ رأ سٚر نٚهأ بو، مصرٚ شرقٚ مرزٚ دورون کی حویله و شورٚ مأبین بو، سأمأن بیگیفتٚد. اوشأن هوطؤ کی خوشأنٚ تومأمٚ برأرأن اَمرأ دوشمن بود زٚندیگی کودیدی.
عیسو و یعقوب
19 اَن ایسٚه ایسحأق ینی ایبرأهیمٚ پٚسرٚ نتأجٚ تاریخچه. ایبرأهیم ایسحأقَ بأوٚرد.
20 و ایسحأق چهل سأل دأشتی کی ربکا اَمرأ عروسی بوکوده. ربکا بتوئیلٚ دؤختر و لابانٚ خأخور، فَدّانٚ اَرامٚ شین بو. 21 ربکا نأزأ بو و ایسحأق اونٚ رِه خودا ورجأ دوعأ کودی. آخرپٚسی خوداوند اونٚ دوعأیَ ایجأبت بوکوده و ربکا شکم اوسأده. 22 اَنَ مأنستی کی دوتأ زأی اونٚ شکمٚ دورون کس‌کسٚ اَمرأ فأکش فوکوش کونٚده. پٚس ربکا بوگفته: «چٚره اَجور ایتفأق مِرِه دکفته؟» و اَ موضو رِه جٚه خودا سوأل وأوٚرسِه. 23 خوداوند اونَ بٚفرمأسته: «جٚه او دوتأ پٚسر کی تی رحم میأن دأری، دوتأ پیله قوم چأکوده بِه. ایتأ جٚه اویتأ پورزورتر بِه و پیله‌تر کوجه‌ترَ بندگی کونِه!»
24 او وخت کی ربکا زأئأنٚ زمأت فأرٚسه، اون دوقولو بٚزأ. 25 اوّلی پٚسر کی بودونیأ بأمؤ، سورخٚ دیم بو و اونٚ جأن اَطؤ مو اَمرأ بوپوشأنِه بوبوسته بو کی هچین اَنَ مأنستی کی پوستین دوکوده دأره. هنٚ وأسی اونٚ نأمَ عیسو بٚنأده. 26 دویُمی پٚسر کی بودونیأ بأمؤ عیسو پأ بوزَ بیگیفته بو! پٚس اونٚ یعقوب نأم بٚنأده. ایسحأق شصت سأل دأشتی کی اَ دوقولویأن بودونیأ بأمؤده.
27 او دوتأ پٚسر زأی پیلّه بوستد. عیسو ایتأ مأهرٚ شیکأرچی و بیأبأنٚ مردأی بو، ولی یعقوب ایتأ آرأمٚ مردأی و چأدرنیشین بو. 28 ایسحأق، عیسویَ دوس دأشتی، چونکی جٚه او حیوأنأنٚ گوشت کی اون شیکأر کودی، خوردی؛ ولی ربکا یعقوبَ دوس دأشتی.
29 ایتأ روج یعقوب آش پٚختأندوبو کی عیسو زلّه و ویشتأ جٚه شیکأر وأگردسته.
30 عیسو بوگفته: «برأر، اوندر ویشتأیم کی می جأنٚ دورون رٚمق نمأنسته، ایپچه جٚه او سورخٚ آش مٚرَه فأدن کی بوخورٚم.» هنٚ وأسی ایسٚه کی عیسویَ ادومٚم دؤخأنده.
31 یعقوب جوأب بٚدأ: «اَ شرط اَمرأ کی اونٚ عوض، تی اوّلی‌زأکی‌یَ مٚرَه بوفروشی!»
32 عیسو بوگفته: «من اوندر ویشتأیم کی مٚردأندرم، اوّلی‌زأکی مِرِه چی فأیده دأرِه؟»
33 ولی یعقوب بوگفته: «قسم بوخور کی جٚه اَنٚ پٚسی، اوّلی‌زأکی می شین بِه.» عیسو قسم بوخورده و اَطؤیی بو کی خو اوّلی‌زأکی حقَ خو کوجه برأر یعقوبَ بوفرؤخت.
34 بأزون یعقوب عدسٚ آشَ نأنٚ اَمرأ عیسویَ فأدأ. اون بوخورد و ویریشته و بوشؤ. اَطؤ عیسو خو اوّلی‌زأکی حقَ بی‌ارزش بٚحیسأب بأوٚرد.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org