خروج ۱۰
۱۰
ملخٚ بلأ
1 بأزون خوداوند موسایَ بٚفرمأسته: «اَی موسا وأگرد فرعونٚ ورجأ. من اونی دیل و اونی قصرٚ آدمأنٚ دیلَ سختَ کودم کی اَ موجیزه‌یأنَ اوشأنٚ میأن نیشأن بدم، 2 و تو بتأنی می بوکوده موجیزه‌یأن مصرٚ میأنَ تی زأکأن و نتأجٚ رِه وأگویا بوکونی کی همٚتأ شومأن بدأنید کی من خوداوند ایسٚم.»
3 پٚس موسا و هارون ایوأردِه بوشؤده فرعونٚ ورجأ و اونَ بوگفتٚده: «عبرانیأنٚ خوداوند خودا فرمأیه: تأ اَکِی خأیی می دستورَ انجأم نٚدی؟ وئأل می عیبأدت کودنٚ وأسی می قوم بٚشٚد. 4 اگه اوشأنَ سرأ نٚدی، بٚدأن کی فردأ تی سرزیمینٚ اَسٚر تأ اوسٚرَ ملخٚ اَمرأ پورَ کونٚم. 5 ملخأن ایجور زیمینٚ سٚرَ پورَ کونٚده کی دِه زیمین بیدِه نیبه. اوشأن تومأمٚ او گیأیأن کی تگرگٚ بلأ جَا سألیم جیویشتدَ خورٚده، و هطؤیم تومأمٚ او دأرأن کی صأرأیی میأن بیرون اَیٚده. 6 تی قصر و تی قصرٚ آدمأنٚ خأنه‌یأن و تومأمٚ مصرٚ آدمأنٚ خأنه‌یأن ملخٚ اَمرأ پورَ بِه. شیمی پیله‌بابایأن مصرٚ تأریخٚ میأن هیوخت اَطؤچی بلأ نیدِده.» بأزون موسا خو دیمَ وأگردأنه، جٚه فرعونٚ ورجأ بوشؤ بیرون.
7 قصرٚ آدمأن بأمؤده پأدیشأ ورجأ، بوگفتٚده: «تأ اَکِی اَ مردأی وأستی بلأ اَمی سٚر بأوٚره؟ مگه نأنی مصر هچین بوبوسته دأره خرأبه؟ وئأل اَ مردوم بٚشٚد و خوشأنٚ خوداوند خودایَ عیبأدت بوکونٚد.»
8 پٚس قصرٚ آدمأن، موسا و هارونَ وأگردأنِده فرعونٚ ورجأ و فرعون اَشأنَ بوگفته: «بیشید و شیمی خوداوند خودایَ عیبأدت بوکونید، ولی وأستی مٚرَه بیگید کی کیأن خأیٚد بٚشٚد عیبأدت کودنٚ رِه.»
9 موسا جوأب بٚدأ: «اَمأن همٚتأن اَمی دؤخترأن و پٚسرأن، جوأنأن و پیرأن، گله‌یأن و چأرپأیأنٚ اَمرأ شیم، چونکی اَمأن همٚتأن وأستی خوداوندٚ اَ جشنٚ میأن بِئیسیم.»
10 فرعون بوگفته: «خوداوندَ قسم خورم کی هیذره ولأنم کی زن و زأکأنَ شیمی اَمرأ بٚبرید، چونکی دأنٚم ایتأ جوفت و کلک دأریدی. 11 فقد شومأ مردأکأن بیشید و خوداوندَ عیبأدت بوکونید، چونکی هو اوّلم هنه خأستیدی.» پٚس موسا و هارونَ جٚه فرعونٚ ورجأ بیرونَ کودٚد.
12 بأزون خوداوند موسایَ بٚفرمأسته: «تی دٚسَ رأستَ کون مصرٚ سرزیمینٚ رو کی ملخأن فوتورکد و تومأمٚ او گیأیأن کی تگرگٚ بلأ جَا سألم جیویشتده‌یَ، بوخورد و جٚه بین بٚبرد.»
13 موسا هطؤ کی خو عصأیَ رأستَ کوده مصرٚ سرزیمینٚ سٚر، خوداوند تومأم ایتأ شب و روجٚ میأن، جٚه مشرقٚ ور ایتأ بأد اوسه کوده و او زمأت کی صُب بوبوسته بأد ایتأ دسته جٚه ملخَ خو اَمرأ بأوٚرده بو. 14 مصرٚ خأکٚ اَسٚر تأ اوسرٚ رو ملخأن فوتورکستده، همٚتأ جیگأیَ پورَ کودٚد. مصر اَطؤچی ملخٚ آفتَ نه بیدِه و نه دینه. 15 ملخأنٚ فوتورکستن اَندر زیأد بو کی ایوأرکی همٚتأ جیگأیَ ظولومأت بیگیفته. ملخأن تومأمٚ او گیأیأن و مِیوه‌یأن کی تگرگٚ بلأ جَا سألیم جیویشته بودَ، بوخوردٚد ایجور کی مصرٚ خأکٚ میأن اَسٚر تأ اوسٚر ایتأ دأر و سبزٚ گیأ نمأنسته.
16 فرعون دفأتن موسا و هارونَ دؤخأده و اَشأنَ بوگفته: «من شٚمٚره و شیمی خوداوند خودایَ گونأ بوکودم. 17 اَیدفأرم مٚرَه بٚبخشید و شیمی خوداوند خودا جَا بٚخأیید کی اَ مٚردنٚ بلأیَ می جَا دورَ کونٚه.»
18 او وخت موسا جٚه فرعونٚ ورجأ بوشؤ بیرون و خوداوندٚ جَا بٚخأسته کی ملخأنَ دورَ کونٚه. 19 خوداوندم جٚه مغربٚ ور، ایتأ توندٚ بأد اوسه کوده و بأد تومأمٚ ملخأنَ فوکوده سورخٚ دریأ میأن ایجور کی تومأمٚ مصرٚ میأن حتّا ایتأ دأنه ملخم نمأنسته. 20 ولی هنده خوداوند فرعونٚ دیلَ سختَ کوده و اون بنی‌ایسرأییلَ سرأ نٚدأ.
ظولومأتٚ بلأ
21 بأزون خوداوند موسایَ بٚفرمأسته: «تی دسأنَ آسمأنٚ ور رأستَ گیر کی ایتأ پیله ظولومأت مصرَ بیگیرٚه.» 22 موسا اَطؤ بوکوده و سه روج بوستنٚ رِه ایتأ پیله ظولومأت مصرَ بیگیفته، 23 مصریأن کس‌کسَ دِئن نتأنستید و هیکس جٚه خو جیگأ سٚر تکأن خوردن نتأنستی. ولی او جیگأ میأن کی ایسرأییلیأن زٚندیگی کودید هطؤ روشن بمأنسته.
24 او وخت فرعون ایوأردِه موسایَ دؤخأده و بوگفته: «بیشید و خوداوندَ عیبأدت بوکونید. شیمی زأکأنم بٚبرید، ولی شیمی گله‌یأن و چأرپأیأن وأستی مصرٚ میأن بِئیسٚد.»
25 ولی موسا بوگفته: «اَمأن وأستی اَمی یهوه خودا قوربأنی فأدأن رِه اَمی گله‌یأن و چأرپأیأنَ اَمی اَمرأ بٚبریم. 26 اَمی گله‌یأنٚ جَا حتّا ایتأ دأنه حیوأنم اَیَه نٚنیم، چونکی تأ مذبحَ فأنرسیم معلوم نییٚه کی اَمی یهوه خودا، قوربأنی رِه چوجور حیوأنَ خأیه.»
27 خوداوند فرعونٚ دیلَ سختَ کوده و اَیدفأرم اوشأنَ سرأ نٚدأ. 28 فرعون موسایَ بوگفته: «جٚه می ورجأ بوشو و دِه وأنگرد. اگه ایوأردِه تٚرَه بیدینٚم بٚدأن کی میری.»
29 موسا جوأب بٚدأ: «هوطؤ کی بوگفتی، دِه مٚرَه نیدینی.»
Currently Selected:
خروج ۱۰: GCB
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org
خروج ۱۰
۱۰
ملخٚ بلأ
1 بأزون خوداوند موسایَ بٚفرمأسته: «اَی موسا وأگرد فرعونٚ ورجأ. من اونی دیل و اونی قصرٚ آدمأنٚ دیلَ سختَ کودم کی اَ موجیزه‌یأنَ اوشأنٚ میأن نیشأن بدم، 2 و تو بتأنی می بوکوده موجیزه‌یأن مصرٚ میأنَ تی زأکأن و نتأجٚ رِه وأگویا بوکونی کی همٚتأ شومأن بدأنید کی من خوداوند ایسٚم.»
3 پٚس موسا و هارون ایوأردِه بوشؤده فرعونٚ ورجأ و اونَ بوگفتٚده: «عبرانیأنٚ خوداوند خودا فرمأیه: تأ اَکِی خأیی می دستورَ انجأم نٚدی؟ وئأل می عیبأدت کودنٚ وأسی می قوم بٚشٚد. 4 اگه اوشأنَ سرأ نٚدی، بٚدأن کی فردأ تی سرزیمینٚ اَسٚر تأ اوسٚرَ ملخٚ اَمرأ پورَ کونٚم. 5 ملخأن ایجور زیمینٚ سٚرَ پورَ کونٚده کی دِه زیمین بیدِه نیبه. اوشأن تومأمٚ او گیأیأن کی تگرگٚ بلأ جَا سألیم جیویشتدَ خورٚده، و هطؤیم تومأمٚ او دأرأن کی صأرأیی میأن بیرون اَیٚده. 6 تی قصر و تی قصرٚ آدمأنٚ خأنه‌یأن و تومأمٚ مصرٚ آدمأنٚ خأنه‌یأن ملخٚ اَمرأ پورَ بِه. شیمی پیله‌بابایأن مصرٚ تأریخٚ میأن هیوخت اَطؤچی بلأ نیدِده.» بأزون موسا خو دیمَ وأگردأنه، جٚه فرعونٚ ورجأ بوشؤ بیرون.
7 قصرٚ آدمأن بأمؤده پأدیشأ ورجأ، بوگفتٚده: «تأ اَکِی اَ مردأی وأستی بلأ اَمی سٚر بأوٚره؟ مگه نأنی مصر هچین بوبوسته دأره خرأبه؟ وئأل اَ مردوم بٚشٚد و خوشأنٚ خوداوند خودایَ عیبأدت بوکونٚد.»
8 پٚس قصرٚ آدمأن، موسا و هارونَ وأگردأنِده فرعونٚ ورجأ و فرعون اَشأنَ بوگفته: «بیشید و شیمی خوداوند خودایَ عیبأدت بوکونید، ولی وأستی مٚرَه بیگید کی کیأن خأیٚد بٚشٚد عیبأدت کودنٚ رِه.»
9 موسا جوأب بٚدأ: «اَمأن همٚتأن اَمی دؤخترأن و پٚسرأن، جوأنأن و پیرأن، گله‌یأن و چأرپأیأنٚ اَمرأ شیم، چونکی اَمأن همٚتأن وأستی خوداوندٚ اَ جشنٚ میأن بِئیسیم.»
10 فرعون بوگفته: «خوداوندَ قسم خورم کی هیذره ولأنم کی زن و زأکأنَ شیمی اَمرأ بٚبرید، چونکی دأنٚم ایتأ جوفت و کلک دأریدی. 11 فقد شومأ مردأکأن بیشید و خوداوندَ عیبأدت بوکونید، چونکی هو اوّلم هنه خأستیدی.» پٚس موسا و هارونَ جٚه فرعونٚ ورجأ بیرونَ کودٚد.
12 بأزون خوداوند موسایَ بٚفرمأسته: «تی دٚسَ رأستَ کون مصرٚ سرزیمینٚ رو کی ملخأن فوتورکد و تومأمٚ او گیأیأن کی تگرگٚ بلأ جَا سألم جیویشتده‌یَ، بوخورد و جٚه بین بٚبرد.»
13 موسا هطؤ کی خو عصأیَ رأستَ کوده مصرٚ سرزیمینٚ سٚر، خوداوند تومأم ایتأ شب و روجٚ میأن، جٚه مشرقٚ ور ایتأ بأد اوسه کوده و او زمأت کی صُب بوبوسته بأد ایتأ دسته جٚه ملخَ خو اَمرأ بأوٚرده بو. 14 مصرٚ خأکٚ اَسٚر تأ اوسرٚ رو ملخأن فوتورکستده، همٚتأ جیگأیَ پورَ کودٚد. مصر اَطؤچی ملخٚ آفتَ نه بیدِه و نه دینه. 15 ملخأنٚ فوتورکستن اَندر زیأد بو کی ایوأرکی همٚتأ جیگأیَ ظولومأت بیگیفته. ملخأن تومأمٚ او گیأیأن و مِیوه‌یأن کی تگرگٚ بلأ جَا سألیم جیویشته بودَ، بوخوردٚد ایجور کی مصرٚ خأکٚ میأن اَسٚر تأ اوسٚر ایتأ دأر و سبزٚ گیأ نمأنسته.
16 فرعون دفأتن موسا و هارونَ دؤخأده و اَشأنَ بوگفته: «من شٚمٚره و شیمی خوداوند خودایَ گونأ بوکودم. 17 اَیدفأرم مٚرَه بٚبخشید و شیمی خوداوند خودا جَا بٚخأیید کی اَ مٚردنٚ بلأیَ می جَا دورَ کونٚه.»
18 او وخت موسا جٚه فرعونٚ ورجأ بوشؤ بیرون و خوداوندٚ جَا بٚخأسته کی ملخأنَ دورَ کونٚه. 19 خوداوندم جٚه مغربٚ ور، ایتأ توندٚ بأد اوسه کوده و بأد تومأمٚ ملخأنَ فوکوده سورخٚ دریأ میأن ایجور کی تومأمٚ مصرٚ میأن حتّا ایتأ دأنه ملخم نمأنسته. 20 ولی هنده خوداوند فرعونٚ دیلَ سختَ کوده و اون بنی‌ایسرأییلَ سرأ نٚدأ.
ظولومأتٚ بلأ
21 بأزون خوداوند موسایَ بٚفرمأسته: «تی دسأنَ آسمأنٚ ور رأستَ گیر کی ایتأ پیله ظولومأت مصرَ بیگیرٚه.» 22 موسا اَطؤ بوکوده و سه روج بوستنٚ رِه ایتأ پیله ظولومأت مصرَ بیگیفته، 23 مصریأن کس‌کسَ دِئن نتأنستید و هیکس جٚه خو جیگأ سٚر تکأن خوردن نتأنستی. ولی او جیگأ میأن کی ایسرأییلیأن زٚندیگی کودید هطؤ روشن بمأنسته.
24 او وخت فرعون ایوأردِه موسایَ دؤخأده و بوگفته: «بیشید و خوداوندَ عیبأدت بوکونید. شیمی زأکأنم بٚبرید، ولی شیمی گله‌یأن و چأرپأیأن وأستی مصرٚ میأن بِئیسٚد.»
25 ولی موسا بوگفته: «اَمأن وأستی اَمی یهوه خودا قوربأنی فأدأن رِه اَمی گله‌یأن و چأرپأیأنَ اَمی اَمرأ بٚبریم. 26 اَمی گله‌یأنٚ جَا حتّا ایتأ دأنه حیوأنم اَیَه نٚنیم، چونکی تأ مذبحَ فأنرسیم معلوم نییٚه کی اَمی یهوه خودا، قوربأنی رِه چوجور حیوأنَ خأیه.»
27 خوداوند فرعونٚ دیلَ سختَ کوده و اَیدفأرم اوشأنَ سرأ نٚدأ. 28 فرعون موسایَ بوگفته: «جٚه می ورجأ بوشو و دِه وأنگرد. اگه ایوأردِه تٚرَه بیدینٚم بٚدأن کی میری.»
29 موسا جوأب بٚدأ: «هوطؤ کی بوگفتی، دِه مٚرَه نیدینی.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Gilaki Contemporary Bible is a Product of Transform Iran © 2024. All rights reserved. www.kelisayejame.org