2 ካታቱዋ 8
8
ሱኔማ ካታማፐ በቴዳ ማጫ ምሽራታ ስማዱ
1ኤልሳእ እ ናኣ ሀይቄዳዋ ፓዳ ምሽራቶ እት ዎደ፥ “ነ ሶይ አሳ አካደ ሀዋፐ ባ፤ ኔን ዳንዳይያ ሳኣን ሀቃንነ ጋምአሻ። አያዉ ጎፐ፥ መና ጎዳይ ላፑን ላይ ጋምእያ ኮሻ ሀ ጋድያ ቦላ አዋይ ድጌዳ” ያጌዳ።#2 ካታ. 4:8-37 2ምሽራታ ኤልሳእ ኦዴዳዋዳን ባረ ሶይ አሳና ባደ፥ ፕልስጼማ ቢታን ላፑን ላይ ደኣዱ። 3ላፑን ላይ ዉርሰን ምሽራታ ፕልስጼማ ጋድያፐ ስማዱ። ባረ ኬነ ባረ ጋድያነ ኦቻናዉ ካትያኮ ባዱ።
4ሄ ዎደ ካቲ ጾሳ አሳ ኤልሳአ ቆማ ግያዛና ሃሳዪደ፥ “ኤልሳእ ኦዳ ዎልቃማ ኦሱዋ ኡባ ታዉ አነ ኦዳ” ያጌዳ። 5ኤልሳእ ሀይቄዳ ናኣ ዋቲደ ፓደንቶ፥ ግያዝ ካትያዉ ኦድሽን፥ ኤልሳእ ናኣ ፓዳ ምሽራታ ባረ ኬነ ባረ ጋድያነ ኦቻናዉ ያዱ።
ግያዝ፥ “ታ ጎዳዉ፥ ካትያዉ፥ ምሽራታካ ሀኖ፤ ኤልሳእ ሀይቁዋፐ ፓዳ እ ናአይካ ሀዋ” ያጌዳ። 6ካቲ ምሽራቶ አባ ኦችና፥ አዉ ኦዳዱ።
ሄዋ ድራዉ፥ ካቲ ካፑዋ ጼሲደ፥ “ሀ ምሽራትዋ ግዴዳ ኡባባነ ቃይ ኢዛ አጋ ቤዳ ዎድያፐ ሀቼ ጋካናዉ፥ እ ጋደን ዶልያ ኡባባ እዝዉ ዛራ” ያጊደ አዛዜዳ።
ሀዛኤል በንሀዳዳ ዎዳ
7ኤልሳእ ዳማስቆ ካታማ ቤዳ፤ ጋክያ ዎደ፥ ሶርያ ካቲ በንሀዳድ ሀርግያዎ፥ “ጾሳ አሳይ ሀዋ ዬዳ” ያጊደ ኦዴድኖ።
8ካቲ ሀዛኤላ፥ “እምያዋ ኦይቃደ፥ ጾሳ አሳና ጋከታናዉ ባ። አ ባጋና፥ ‘ታን ሀ ሀርግያፐ ፓጻኔ?’ ያጋደ መና ጎዳ ኦቻ” ያጌዳ።
9ሄዋ ድራዉ፥ ሀዛኤል ዳማስቆን ደእያ ዱማ ዱማ ቆሞ ሙሩታባፐ ኦይታሙ ጋሉዋን ጫን አኪደ፥ ኤልሳኤና ጋከታናዉ ቤዳ። ኤልሳአ ስንን ኤቂደ፥ “ነ ናአይ ሶርያ ካቲ በንሀዳድ፥ ‘ታን ሀ ሀርግያፐ ፓጻኔ?’ ያጊደ፥ ኔና ኦቻናዳን ታና ኔኮ ኪቴዳ” ያጌዳ።
10ኤልሳእ ሀዛኤላዉ፥ “ኔን ባደ አዉ፥ ‘ቱማ ኔን ፓጻና’ ያጋ። ሽን እ ቱማ ሀይቃናዋ ታና መና ጎዳይ በሴዳ” ያጌዳ። 11ሄዋፐ ጉይያን፥ ሀዛኤል ዬላታና ጋካናዉ፥ ኤልሳእ አ ትሽ ኦደ ጼሊደ ዬኬዳ።
12ሀዛኤል፥ “ታ ጎዳይ አያዉ ዬኪ?” ያጊደ ኦቼዳ።
ኤልሳእ፥ “ኔን እስራኤልያ አሳ ቦላ ኦና ኢታባ ታን ኤርያ ድራዉ ዬካይ። ኡንቱንቱ ካታማቱዋ ኔን ታማን ጹጋና፤ ኡንቱንቱ ዎዳላቱዋ ኔን ማሻን ዎና። ቃይ ኡንቱንቱ ቄር ናናቱዋካ ኔን ሹቻን መንሬና፤ ኡንቱንቱ ሻሃራ ማጫዋንቱ ኡሉዋካ ኔን ዳካና” ያጊደ ዛሬዳ።
13ሀዛኤል ዛሪደ፥ “ታን ነ ቆማይ፥ ፓና ላፋ፥ ሀዋ ማላ ዎልቃማባ ኦናዉ ዋታደ ዳንዳያይታ?” ያጌዳ።#1 ካታ. 19:15
ኤልሳእ ዛሪደ፥ “ኔን ሶርያ ቢታን ካተታናዋ ታና መና ጎዳይ በሴዳ” ያጌዳ።
14ሄዋፐ ጉይያን፥ ሀዛኤል ኤልሳኤፐ ሻከቲደ፥ ባረ ጎዳኮ ስሚደ ቤዳ። በንሀዳድ አ፥ “ኤልሳእ ኔና ዋጌዴ?” ያጊደ ኦቼዳ።
ሀዛኤል፥ “ኔን ቱሙፐ ፓጻና ያጊደ ታዉ ኦዴዳ” ያጌዳ።
15ሽን ዎንተ ጋላስ ሀዛኤል ቡሉኩዋ አኪደ፥ ሃን ያካክሲደ፥ ካትያ አን ቱጬዳ፤ ካቲ ሀይቄዳ። ሀዛኤል አ ሳኣን ባረዉ ካተቴዳ።
ይሁዳነ እስራኤልያ ካተቱዋ
(8:16—17:4)
16አካባ ናአይ፥ እስራኤልያ ካቲ ዮራመ ካተቴዳ እቼሻን ላይን፥ ይሁዳ ካትያ ዮሳፌጻ ናአይ የሆራመ ይሁዳን ካተቴዳ። 17የሆራመ ካተትያ ዎደ ላይይ አዉ ሀታማነ ላአ፤ እ የሩሳላመን ሆስፑን ላይ ካተቴዳ። 18የሆራመ አካባ ናቶ ማቻቶ አኬዳ ድራዉ፥ አካባ ሶይ አሳይ ሀመቴዳዋዳንካ ካሰ እስራኤልያ ካተቱዋ ኦግያን እ ሀመቴዳ፤ መና ጎዳ ስንንካ ኢታባ ኦዳ። 19ግዶፐነ ባረ ቆማ ዳዊታ ድራዉ፥ መና ጎዳይ ይሁዳ ይሳናዉ ኮይቤና፤ ዳዊታ ዘረይ መናዉ ካተታናዉ ጾሳይ ሂዶታ እም ዎዳ።#1 ካታ. 11:36
20የሆራመ ካተቴዳ ዎደ፥ ኤዶማ አሳይ ይሁዳ ካትያ ቦላ ማካሊደ፥ ባረንቶ ካትያ ካተዬድኖ።#ዶመ 27:40 21ሄዋ ድራዉ፥ የሆራመ ባረ ፓራ ጋረቱዋ ኡባና ጻኢራ ግያ ሳኣ ቤዳ። ኤዶማ አሳቱ አነ አ ፓራ ጋረቱዋ ካፓቱዋነ ዶዴድኖ፤ ሽን የሆራመ ቃማ ደንዲደ፥ ዶዳ ዱሰረደ አዳ። አ ኦላንቻቱካ ባቃቲደ፥ ጉየ ሶ ስሜድኖ። 22ሄ ዎድያፐ ዶሚደ ሀቼ ጋካናዉ፥ ኤዶማ አሳይ ይሁዳ አሳዉ ሞደትቤና። ሊብና አሳይ ቃይ ሄ ዎደ ማካሌዳ።
23የሆራመ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። 24የሆራመ ሀይቂደ፥ ባረ ማይዛን ጋከቴዳ። ማይዛ አዎቱዋና ዳዊታ ካታማን ሞገቴዳ። አ ሳኣን አ ናአይ አካዝያስ ካተቴዳ።
ይሁዳ ካትያ አካዝያሳ
(2 ኦዱዋ 22:1-6)
25አካባ ናአይ፥ እስራኤልያ ካቲ ዮራመ ካተቴዳ ታማነ ላኤን ላይን፥ ይሁዳ ካትያ የሆራማ ናአይ አካዝያስ ይሁዳን ካተቴዳ። 26አካዝያስ ካተቴዳ ዎደ፥ ላይይ አዉ ላታማነ ላአ፤ እ የሩሳላመን እት ላይ ካተቴዳ። አ አት ሱንይ አታሎ፤ አ እስራኤልያ ካትያ ኦምራዉ ናኣ ናቶ። 27አካባ ሶይ አሳ ኦግያ እ ሀመቴዳ፤ አካባ ሶይ አሳይ ኦዳዋዳን፥ መና ጎዳ ስንን ኢታባ ኦዳ። እ ሄዋ ሀኔዳዌ ኡንቱንቶ ቦሉዋ ግዴዳ ግሻሳ።
28አካዝያስ ሶርያ ካትያ ሀዛኤላን ደእያ ራሞታ-ጋላኣደ ግያ ካታማን ኦለታናዉ ቢደ፥ አካባ ናኣ ዮራማና እትፐ ቤዳ። ሶርያ አሳቱ ዮራማ ጫዴድኖ። 29ዮራመ ሶርያ ካትያ ሀዛኤላና ኦለትያ ዎደ፥ ሶርያ አሳቱ ጫዴዳ ጫቻ ፓ አካናዉ እዝራኤላ ካታማ ስሜዳ። ሄዋፐ ጉይያን፥ ዮራማ ናአይ፥ ይሁዳ ካቲ አካዝያስ አካባ ናኣ ዮራመ ጫደቴዳዋ ኦቻናዉ ዱገ እዝራኤላ ካታማ ቤዳ።
Currently Selected:
2 ካታቱዋ 8: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
2 ካታቱዋ 8
8
ሱኔማ ካታማፐ በቴዳ ማጫ ምሽራታ ስማዱ
1ኤልሳእ እ ናኣ ሀይቄዳዋ ፓዳ ምሽራቶ እት ዎደ፥ “ነ ሶይ አሳ አካደ ሀዋፐ ባ፤ ኔን ዳንዳይያ ሳኣን ሀቃንነ ጋምአሻ። አያዉ ጎፐ፥ መና ጎዳይ ላፑን ላይ ጋምእያ ኮሻ ሀ ጋድያ ቦላ አዋይ ድጌዳ” ያጌዳ።#2 ካታ. 4:8-37 2ምሽራታ ኤልሳእ ኦዴዳዋዳን ባረ ሶይ አሳና ባደ፥ ፕልስጼማ ቢታን ላፑን ላይ ደኣዱ። 3ላፑን ላይ ዉርሰን ምሽራታ ፕልስጼማ ጋድያፐ ስማዱ። ባረ ኬነ ባረ ጋድያነ ኦቻናዉ ካትያኮ ባዱ።
4ሄ ዎደ ካቲ ጾሳ አሳ ኤልሳአ ቆማ ግያዛና ሃሳዪደ፥ “ኤልሳእ ኦዳ ዎልቃማ ኦሱዋ ኡባ ታዉ አነ ኦዳ” ያጌዳ። 5ኤልሳእ ሀይቄዳ ናኣ ዋቲደ ፓደንቶ፥ ግያዝ ካትያዉ ኦድሽን፥ ኤልሳእ ናኣ ፓዳ ምሽራታ ባረ ኬነ ባረ ጋድያነ ኦቻናዉ ያዱ።
ግያዝ፥ “ታ ጎዳዉ፥ ካትያዉ፥ ምሽራታካ ሀኖ፤ ኤልሳእ ሀይቁዋፐ ፓዳ እ ናአይካ ሀዋ” ያጌዳ። 6ካቲ ምሽራቶ አባ ኦችና፥ አዉ ኦዳዱ።
ሄዋ ድራዉ፥ ካቲ ካፑዋ ጼሲደ፥ “ሀ ምሽራትዋ ግዴዳ ኡባባነ ቃይ ኢዛ አጋ ቤዳ ዎድያፐ ሀቼ ጋካናዉ፥ እ ጋደን ዶልያ ኡባባ እዝዉ ዛራ” ያጊደ አዛዜዳ።
ሀዛኤል በንሀዳዳ ዎዳ
7ኤልሳእ ዳማስቆ ካታማ ቤዳ፤ ጋክያ ዎደ፥ ሶርያ ካቲ በንሀዳድ ሀርግያዎ፥ “ጾሳ አሳይ ሀዋ ዬዳ” ያጊደ ኦዴድኖ።
8ካቲ ሀዛኤላ፥ “እምያዋ ኦይቃደ፥ ጾሳ አሳና ጋከታናዉ ባ። አ ባጋና፥ ‘ታን ሀ ሀርግያፐ ፓጻኔ?’ ያጋደ መና ጎዳ ኦቻ” ያጌዳ።
9ሄዋ ድራዉ፥ ሀዛኤል ዳማስቆን ደእያ ዱማ ዱማ ቆሞ ሙሩታባፐ ኦይታሙ ጋሉዋን ጫን አኪደ፥ ኤልሳኤና ጋከታናዉ ቤዳ። ኤልሳአ ስንን ኤቂደ፥ “ነ ናአይ ሶርያ ካቲ በንሀዳድ፥ ‘ታን ሀ ሀርግያፐ ፓጻኔ?’ ያጊደ፥ ኔና ኦቻናዳን ታና ኔኮ ኪቴዳ” ያጌዳ።
10ኤልሳእ ሀዛኤላዉ፥ “ኔን ባደ አዉ፥ ‘ቱማ ኔን ፓጻና’ ያጋ። ሽን እ ቱማ ሀይቃናዋ ታና መና ጎዳይ በሴዳ” ያጌዳ። 11ሄዋፐ ጉይያን፥ ሀዛኤል ዬላታና ጋካናዉ፥ ኤልሳእ አ ትሽ ኦደ ጼሊደ ዬኬዳ።
12ሀዛኤል፥ “ታ ጎዳይ አያዉ ዬኪ?” ያጊደ ኦቼዳ።
ኤልሳእ፥ “ኔን እስራኤልያ አሳ ቦላ ኦና ኢታባ ታን ኤርያ ድራዉ ዬካይ። ኡንቱንቱ ካታማቱዋ ኔን ታማን ጹጋና፤ ኡንቱንቱ ዎዳላቱዋ ኔን ማሻን ዎና። ቃይ ኡንቱንቱ ቄር ናናቱዋካ ኔን ሹቻን መንሬና፤ ኡንቱንቱ ሻሃራ ማጫዋንቱ ኡሉዋካ ኔን ዳካና” ያጊደ ዛሬዳ።
13ሀዛኤል ዛሪደ፥ “ታን ነ ቆማይ፥ ፓና ላፋ፥ ሀዋ ማላ ዎልቃማባ ኦናዉ ዋታደ ዳንዳያይታ?” ያጌዳ።#1 ካታ. 19:15
ኤልሳእ ዛሪደ፥ “ኔን ሶርያ ቢታን ካተታናዋ ታና መና ጎዳይ በሴዳ” ያጌዳ።
14ሄዋፐ ጉይያን፥ ሀዛኤል ኤልሳኤፐ ሻከቲደ፥ ባረ ጎዳኮ ስሚደ ቤዳ። በንሀዳድ አ፥ “ኤልሳእ ኔና ዋጌዴ?” ያጊደ ኦቼዳ።
ሀዛኤል፥ “ኔን ቱሙፐ ፓጻና ያጊደ ታዉ ኦዴዳ” ያጌዳ።
15ሽን ዎንተ ጋላስ ሀዛኤል ቡሉኩዋ አኪደ፥ ሃን ያካክሲደ፥ ካትያ አን ቱጬዳ፤ ካቲ ሀይቄዳ። ሀዛኤል አ ሳኣን ባረዉ ካተቴዳ።
ይሁዳነ እስራኤልያ ካተቱዋ
(8:16—17:4)
16አካባ ናአይ፥ እስራኤልያ ካቲ ዮራመ ካተቴዳ እቼሻን ላይን፥ ይሁዳ ካትያ ዮሳፌጻ ናአይ የሆራመ ይሁዳን ካተቴዳ። 17የሆራመ ካተትያ ዎደ ላይይ አዉ ሀታማነ ላአ፤ እ የሩሳላመን ሆስፑን ላይ ካተቴዳ። 18የሆራመ አካባ ናቶ ማቻቶ አኬዳ ድራዉ፥ አካባ ሶይ አሳይ ሀመቴዳዋዳንካ ካሰ እስራኤልያ ካተቱዋ ኦግያን እ ሀመቴዳ፤ መና ጎዳ ስንንካ ኢታባ ኦዳ። 19ግዶፐነ ባረ ቆማ ዳዊታ ድራዉ፥ መና ጎዳይ ይሁዳ ይሳናዉ ኮይቤና፤ ዳዊታ ዘረይ መናዉ ካተታናዉ ጾሳይ ሂዶታ እም ዎዳ።#1 ካታ. 11:36
20የሆራመ ካተቴዳ ዎደ፥ ኤዶማ አሳይ ይሁዳ ካትያ ቦላ ማካሊደ፥ ባረንቶ ካትያ ካተዬድኖ።#ዶመ 27:40 21ሄዋ ድራዉ፥ የሆራመ ባረ ፓራ ጋረቱዋ ኡባና ጻኢራ ግያ ሳኣ ቤዳ። ኤዶማ አሳቱ አነ አ ፓራ ጋረቱዋ ካፓቱዋነ ዶዴድኖ፤ ሽን የሆራመ ቃማ ደንዲደ፥ ዶዳ ዱሰረደ አዳ። አ ኦላንቻቱካ ባቃቲደ፥ ጉየ ሶ ስሜድኖ። 22ሄ ዎድያፐ ዶሚደ ሀቼ ጋካናዉ፥ ኤዶማ አሳይ ይሁዳ አሳዉ ሞደትቤና። ሊብና አሳይ ቃይ ሄ ዎደ ማካሌዳ።
23የሆራመ ሀኔዳ ሀራባይነ እ ኦዳባይ ኡባይ ይሁዳ ካተቱ ታርክያ ማጻፋን ጻፈት ኡቴዳ። 24የሆራመ ሀይቂደ፥ ባረ ማይዛን ጋከቴዳ። ማይዛ አዎቱዋና ዳዊታ ካታማን ሞገቴዳ። አ ሳኣን አ ናአይ አካዝያስ ካተቴዳ።
ይሁዳ ካትያ አካዝያሳ
(2 ኦዱዋ 22:1-6)
25አካባ ናአይ፥ እስራኤልያ ካቲ ዮራመ ካተቴዳ ታማነ ላኤን ላይን፥ ይሁዳ ካትያ የሆራማ ናአይ አካዝያስ ይሁዳን ካተቴዳ። 26አካዝያስ ካተቴዳ ዎደ፥ ላይይ አዉ ላታማነ ላአ፤ እ የሩሳላመን እት ላይ ካተቴዳ። አ አት ሱንይ አታሎ፤ አ እስራኤልያ ካትያ ኦምራዉ ናኣ ናቶ። 27አካባ ሶይ አሳ ኦግያ እ ሀመቴዳ፤ አካባ ሶይ አሳይ ኦዳዋዳን፥ መና ጎዳ ስንን ኢታባ ኦዳ። እ ሄዋ ሀኔዳዌ ኡንቱንቶ ቦሉዋ ግዴዳ ግሻሳ።
28አካዝያስ ሶርያ ካትያ ሀዛኤላን ደእያ ራሞታ-ጋላኣደ ግያ ካታማን ኦለታናዉ ቢደ፥ አካባ ናኣ ዮራማና እትፐ ቤዳ። ሶርያ አሳቱ ዮራማ ጫዴድኖ። 29ዮራመ ሶርያ ካትያ ሀዛኤላና ኦለትያ ዎደ፥ ሶርያ አሳቱ ጫዴዳ ጫቻ ፓ አካናዉ እዝራኤላ ካታማ ስሜዳ። ሄዋፐ ጉይያን፥ ዮራማ ናአይ፥ ይሁዳ ካቲ አካዝያስ አካባ ናኣ ዮራመ ጫደቴዳዋ ኦቻናዉ ዱገ እዝራኤላ ካታማ ቤዳ።
The Word for the World Ethiopia