2 ካታቱዋ 23
23
ኢዮስያሰ ኤቃ ጎይኑዋ ቢታፐ ይሴዳ
(2 ኦዱዋ 34:3-7፣ 29-33)
1ሄዋፐ ጉይያን፥ ካቲ ኢዮስያሰ ኪቲደ፥ ይሁዳ ጭማቱዋነ የሩሳላመ ጭማቱዋ ኡባ እ ሺሼዳ። 2ካቲ መና ጎዳ ጌሻ ጎልያ ፑደ ከሴዳ፤ ይሁዳ አሳይ ኡባይ፥ የሩሳላመን ደእያ አሳይ ኡባይ፥ ቄሳቱነ ትምቢትያ ኦድያዋንቱ፥ ጉፐ ዎጋ ጋካናዉ፥ አሳይ ኡባይ አናና እትፐ መና ጎዳ ጌሻ ጎልያ ፑደ ከሴድኖ። መና ጎዳ ጌሻ ጎልያፐ ቤቴዳ ቃላ ጫቁዋ ማጻፋ ቃላ ኡባ ካቲ ኡንቱንቱ ስስሽን ናባቤዳ። 3ሄዋፐ ጉይያን፥ ካቲ ቱሳ ማታን ኤቂደ፥ ኡንቱንቱ መና ጎዳ ኦግያን ሀመታናዉነ፥ አ ህግያ፥ አ ዎጋነ አ አዛዙዋ ባረ ኩመን ዎዛናንነ ባረ ኩመን ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦናዉ መና ጎዳ ስንን ገፔዳ። ያትና አሳይ ኡባይካ ጫቁዋ ናጋናዉ ገፔዳ።
4ሄዋፐ ጉይያን፥ ካቲ ቄሳቱዋ ኡባቱዋ ካፑዋ ህልቂያ፥ አፐ ጋርሳና ደእያ ቄሳቱ ዋነ ፐንግያ ናግያዋንታ ባኣላዉ፥ አሼሮነ ሳሉዋ ጾልንተቶ ጎይናናዉ ጊግሴዳ ሚሻቱዋ ኡባ መና ጎዳ ጌሻ ጎልያፐ ከሳናዳን አዛዜዳ። ካቲ ሄዋንታ የሩሳላመፐ ጋጻ ከሲደ፥ ቀድሮና ዛንጋራን ጹጌዳ፤ ብድን ቤቴለ አፌዳ።#2 ካታ. 21:3፤ 2 ኦዱዋ 33:3
5ይሁዳ ካታማቱዋንነ የሩሳላመ ዩሹዋን ደእያ ቃ ግሹዋን ኡባን እጻና ጩዋያናዳን ይሁዳ ካተቱ ሱንዳ ማሻቱዋ ቄሳቱ ዋ ኡባ ኦሱዋፐ ከሴዳ። ባኣላዉ፥ አዋዉ፥ አግናዉ፥ ጾልንተቶነ ሳሉዋን ደእያ ሀራ መታቶ እጻና ጩዋይያዋንታ ኡባ ድጌዳ።
6አሼሮ ግያ ጾሳት ምስልያ መና ጎዳ ጌሻ ጎልያፐ አኪደ፥ የሩሳላመ ካታማፐ ጋጻ ከሲደ፥ ቀድሮና ዛንጋራ አፌዳ። ሄዋፐ ካላ ያን ጹጌዳዋ ሊቅስ ጋጪደ፥ ለ ከሴዳ። ያቲደ ሄ ባና ጋደ አሳ ማካና ቦላ ላሌዳ።
7መና ጎዳ ጌሻ ጎልያ ግዶን ጎይኖ ዎጋ ኦደ፥ አቱማ አሳቱ አቱማ አሳቱዋና ሻርሙጸትያ ጎልያ ክንቼዳ፤ ሄ ጎለቱዋን ማጫ አሳይ አሼሮ ግያ ጾሳትዉ ጋርዱዋ ሱቄ።
8እዮስያሰ ቄሳቱ ዋ ኡባ ይሁዳ ካታማቱዋፐ አሄዳ፤ ካሰ ቄሳቱ እጻና ጩዋዬዳ ቃ ሳኣ፥ ገባአፐ ቢደ በርሳበሀ ጋካናዉ ደእያዋንታ ቱንሴዳ። ካታማ ሞድያ ኢያሱ ፐንግያ ግያ ፐንግያ ገልያ ሳፐ ሀድርሳ ባጋና ደእያ ጎይንያ ሳአቱዋካ ቆቆፌዳ። 9ቃ ሳኣ ቄሳቱ የሩሳላመን መና ጎዳዉ ያርሽያ ሳኣ ፑደ ዪክኖ፤ ሽን ኡንቱንቱ ሀራ ቄሳቱ ዋና እትፐ እርሹ ገልቤና ኡክ ሚኖ።
10ካቲ እዮስያሰ ህኖማ ዛንጋራን ደእያ ቶፌታ ጌተትያ ያርሹዋ ሳኣ ቱንሴዳ። ያቲደ ሞሎካ ግያ ጾሳዉ እት አሳይነ ባረ አቱማ ናኣ ዎይ ባረ ማጫ ናቶ ታማን ያርሸናዳን ድጌዳ።#ዎጋ 18:21፤ ኤር. 7:31፤ 19:1-6፤ 32:35
11ይሁዳ ካተቱ መና ጎዳ ጌሻ ጎልያ ገልያ ፐንግያን አዋዉ ዱማይ ዎዳ ፓራቱዋ ድጌዳ። አዋ ፓራቱ ናታን-መለካ ግያ ካፑዋ ክፍልያ ማታን ደእያ ዳባባን ደኢኖ። ሄዋፐ ጉይያን፥ አዋዉ ዱማይ ዎዳ ፓራ ጋረቱዋ እዮስያሰ ታማን ጹጌዳ።
12አካዛ ጎልያ ፖቅያ ቦላን ይሁዳ ካተቱ ጊግስሴዳ ያርሹዋ ሳአቱዋነ ምናሰ መና ጎዳ ጌሻ ጎልያዉ ደእያ ላኡ ዳባባቱዋ ግዶን ጊግሴዳ ያርሽያ ሳአቱዋ ካቲ እዮስያሰ ክንቼዳ። ኡንቱንታ ሄ ሳፐ ድጊደ ክንቼሬዳ፤ ሱፓ ቀድሮና ዛንጋራን ኦሌዳ።#2 ካታ. 21:5፤ 2 ኦዱዋ 33:5
13ቃይካ ካቲ የሩሳላመ ካታማፐ አዋይ ዶልያ ባጋና ዳብረ ዛይተ ጌተትያ ደርያፐ ገድሳ ባጋን ደእያ ቱናተ ቃ ደርያ። ሄ ቃ ሳአቱ እስራኤልያ ካቲ ሶሎሞነ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ፥ አሞናቱዋ ጾሳ ሞሎካዉ፥ ሄ ቱና ጾሳቶ ጎይናናዉ ጊግሴዳ ቃ ሳኣ።#1 ካታ. 11:7 14ካቲ ኢዮስያሰ ጎይንያ ሹቻ ቱሳቱዋካ መንሬደ፥ አሴሮ ጌተትያ ጾሳት ምስለቱዋካ ቃንጸሬዳ። ያቲደ ኡንቱንቱ ኤቄዳ ኮሽያን ሀይቄዳ አሳ መቀ ኩንዳ።
15ቃይ እስራኤልያ አሳ ናጋራ ኦስሴዳ ናባጻ ናአይ እዮርባም ቤቴለን ቃ ሳኣን ጊግሴዳ ያርሽያ ሳኣ ካቲ እዮስያሰ ክንቼዳ። ሄ ያርሽያ ሳኣ ሹቻቱዋካ መንሬደ፥ ለ ከሴዳ፤ አሼር ምስልያካ ጹጌዳ።#1 ካታ. 12:33 16ሄዋፐ ጉይያን፥ እዮስያሰ ዩሹዋ ጼሊደ፥ ደርያ ጋጻን ደእያ ሞጉዋ ጎንጎሉዋ በኤዳ፤ መቀቱዋ ጎንጎሉዋፐ ከሲደ፥ ያርሽያ ሳኣ ቦላ ዎደ፥ ታማን ጹጌዳ። ያቲደ ያርሽያ ሳኣ ቱንሴዳ። ሄዌ ሀኔዳዌ መና ጎዳ አሳይ ካሰ አዋዬዳ መና ጎዳ ቃላ ማራና።#1 ካታ. 13:2 17ሄዋፐ ጉይያን ካቲ፥ “ሀ ቤትያዌ ኦ ዱፌ?” ያጊደ ኦቼዳ።#1 ካታ. 13:30-32
ቤቴለ ካታማ አሳቱ፥ “ይሁዳፐ ዪደ፥ ቤቴለ ያርሽያ ሳኣ ቦላ ሀእ ኔን ኦ ስምያዌ ፖለታናዋ ካሰቲደ ኦዴዳ መና ጎዳ አሳ ዱፉዋ” ያጊደ ኦዴድኖ።
18ካቲ፥ “አግ ባሽተ፤ እት አሳይነ አ መቀ ሳፐ ቃፖ” ያጌዳ። ሄዋ ድራዉ፥ ሳማርያፐ ዬዳ ትምቢትያ ኦድያ ብታንያ መቀና እትፐ አ መቀ ቦቼናን አግ ባሼድኖ።
19እስራኤልያ ካተቱ ሳማርያ ካታማቱዋን ኦስሲደ፥ መና ጎዳ ሀንቀዳ፥ ጎይንያ ቃ ሳኣ እዮስያሰ ድጌዳ፤ ቤቴለን ኦዳዋዳን፥ ኡንቱንታካ ኦዳ። 20እ ሄ ቃ ግሹዋን ኦያ ቄሳቱ ዋ ኡባ ያርሽያ ሳኣ ቦላ ዎዳ፤ ቃይ ሄ ያርሽያ ሳኣ ቦላ አሳ መቀ ጹጌዳ። ሄዋ ኡባ ኦደ፥ የሩሳላመ ስሜዳ።
እዮስያሰ ፓስጋ ባላ ቦንቼዳ
(2 ኦዱዋ 35:1-19)
21ሄዋፐ ጉይያን፥ ካቲ አሳ ኡባ፥ “ሀ ቃላ ጫቁዋ ማጻፋን ጻፈቴዳዋዳን መና ጎዳዉ ህንተንቱ ጾሳዉ ፓስጋ ባላ ቦንችተ” ያጊደ አዛዜዳ። 22እስራኤልያ ሞድያ ዳናቱ ዎድያፐ ዶሚደ፥ እስራኤልያ ካተቱዋ ዎድያንነ ይሁዳ ካተቱዋ ዎድያን ኡባን ሀዋ ማላ ፓስጋ ባላይ ኡባካ ቦንቼት ኤረና። 23ሽን ካቲ እዮስያሰ ካተቴዳ ታማነ ሆስፑን ላይን የሩሳላመ ካታማን መና ጎዳ ቦንቻናዉ ሀ ፓስጋ ባላይ መና ጎዳዉ ቦንቼቴዳ።
እዮስያሰ ኦዳ ሀራ ኦሶቱዋ
24ቃይ ቄሳቱዋ ኡባ ካፑ ህልቂ መና ጎዳ ጌሻ ጎልያን ቤቴዳ ማጻፋን ጻፈቴዳ ህግያ ቃላ ምንሳናዳን፥ ኢታ አያና ጼስያዋንታነ ሻሬቻቱዋ፥ ሶይ ግዶ ኤቃ ምስለቱዋ፥ ኤቃ ሚሻቱዋነ ይሁዳ ቢታንነ የሩሳላመ ካታማን ቤቴዳ ሀራ ሸነይያባቱዋ ኡባ እዮስያሰ ይሴዳ። 25ሙሴ ህግያዳን ባረ ኩመን ዎዛናን፥ ባረ ኩመን ሸምፑዋንነ፥ ባረ ኩመን ዎልቃን መና ጎዳኮ ስሜዳባን እዮስያሳ ማላ ካቲ፥ አፐ ካሰ ግዲና፥ አፐ ጉየ ግድና፥ ኡባካ ደንድቤና።
26ግዶፐነ ምናሰ መና ጎዳ ሀንቀናዉ ኦዳ ኢታ ኦሱዋ ኡባ ድራዉ፥ መና ጎዳይ ይሁዳ ቦላ ሀንቀቴዳ ባረ ሀንቁዋ ታማይ ስምቤና። 27ሄዋ ድራዉ መና ጎዳይ፥ “ታን እስራኤልያ ታ ስንፐ ድጌዳዋዳን፥ ይሁዳካ ታ ስንፐ ድጋና፤ ታን ዶሬዳ ካታማ፥ የሩሳላመነ ታን፥ ‘ታ ሱንይ ሀዋን ደአና’ ጌዳ ሀ ጌሻ ጎልያ ድጋና” ያጌዳ።
እዮስያሳ ካዉታ ዉርሰ
(2 ኦዱዋ 35:20—36:1)
28እዮስያሰ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 29እዮስያሳ ዎደ ግብጼ ካቲ ናኮይ፥ አሶረ ቢታ ካትያ ኦላን ኤቃናዉ ኤፍራጺሳ ሻፋ ቤዳ። ካቲ እዮስያሰ አናና ኦለታናዉ ባረ ኦላንቻቱዋ አኪደ ከሴዳ፤ ሽን ካቲ ናኮይ አናና ማግዶን ጋከቲደ፥ አ ዎዳ። 30አ ቆማቱ አ አሃ ፓራ ጋርያን ዎደ፥ ማግዶፐ የሩሳላመ አሄድኖ፤ አ ዱፉዋን አ ሞጌድኖ። ሄዋፐ ጉይያን፥ ሄ ቢታ አሳቱ እዮስያሳ ናኣ እዮአካዛ ዶሬድኖ፤ አ አዉዋ ኮታን አ ኦኪደ ካተዬድኖ።
ዉርሰ ይሁዳ ካተቱዋ
(23:31—24:20)
31እዮአካዝ ካተትያ ዎደ፥ ላይይ አዉ ላታማነ ሄዛ፤ እ የሩሳላመን ሄዙ አግና ካተቴዳ። አ ዳይ ሱንይ ሀሙጻሎ፤ እዛ ሊብና ካታማን ደእያ ኤርማሳ ናቶ። 32ባረ ማይዛ አዎቱ ኦዳዋዳን፥ እዮአካዝ መና ጎዳ ስንን ኢታባ ኦዳ። 33እዮአካዝ የሩሳላመን ካተተናዳን ግብጼ ካቲ ናኮይ ሀማታ ጌተትያ ጋድያን ርብላ ግያ ሳን አ ቃቼዳ። ሄዙ ሻአነ ኦይዱ ጼቱ ኪሎ ግራመ ዴጽያ ጻጋራ ብራነ ሀታማነ ኦይዱ ኪሎ ግራመ ዴጽያ ዎርቃ ይሁዳ አሳ ጊርሴዳ። 34ካትያ ናኮይ እዮስያሳ ናኣ ኤልያቄማ አ አዉዋ ኮታን ካተዬዳ፤ ያቲደ አ ሱን እዮኣቄማ ያጊደ ላሜዳ። ሽን እዮአካዛ ግብጼ አፌዳ፤ እዮአካዝ ያን ሀይቄዳ።#ኤር. 22:11-12
ይሁዳ ካትያ እዮኣቄማ
(2 ኦዱዋ 36:5-8)
35ያትና እዮኣቄም ካቲ ናኮይ ኦቼዳ ጊራ ብራነ ዎርቃነ አዉ እሜዳ። ሄ ጊራ ጭጋናዉ ዮኣቄም ሄ ቢታ አሳይ ደምያ ኬሻ ብራፐነ ዎርቃፐ ጊራ ሺሼዳ።
36እዮኣቄም ካተትያ ዎደ ላይይ አዉ ላታማነ እቼሻ፤ እ የሩሳላመን ታማነ እት ላይ ካተቴዳ። አ ዳይ ሱንይ ዛብዶ፤ እዛ ሩማ ካታማን ደእያ ፓዳያ ናቶ።#ኤር. 22:18-19፤ 26:1-6፤ 35:1-19 37እዮኣቄም ባረ ማይዛ አዎቱ ኦዳዋዳን፥ መና ጎዳ ስንን ኢታባ ኦዳ።
Currently Selected:
2 ካታቱዋ 23: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
2 ካታቱዋ 23
23
ኢዮስያሰ ኤቃ ጎይኑዋ ቢታፐ ይሴዳ
(2 ኦዱዋ 34:3-7፣ 29-33)
1ሄዋፐ ጉይያን፥ ካቲ ኢዮስያሰ ኪቲደ፥ ይሁዳ ጭማቱዋነ የሩሳላመ ጭማቱዋ ኡባ እ ሺሼዳ። 2ካቲ መና ጎዳ ጌሻ ጎልያ ፑደ ከሴዳ፤ ይሁዳ አሳይ ኡባይ፥ የሩሳላመን ደእያ አሳይ ኡባይ፥ ቄሳቱነ ትምቢትያ ኦድያዋንቱ፥ ጉፐ ዎጋ ጋካናዉ፥ አሳይ ኡባይ አናና እትፐ መና ጎዳ ጌሻ ጎልያ ፑደ ከሴድኖ። መና ጎዳ ጌሻ ጎልያፐ ቤቴዳ ቃላ ጫቁዋ ማጻፋ ቃላ ኡባ ካቲ ኡንቱንቱ ስስሽን ናባቤዳ። 3ሄዋፐ ጉይያን፥ ካቲ ቱሳ ማታን ኤቂደ፥ ኡንቱንቱ መና ጎዳ ኦግያን ሀመታናዉነ፥ አ ህግያ፥ አ ዎጋነ አ አዛዙዋ ባረ ኩመን ዎዛናንነ ባረ ኩመን ሸምፑዋን ናጋናዉ፥ ቃይ ሀ ማጻፋን ጻፈቴዳ ጫቁዋዳን ኦናዉ መና ጎዳ ስንን ገፔዳ። ያትና አሳይ ኡባይካ ጫቁዋ ናጋናዉ ገፔዳ።
4ሄዋፐ ጉይያን፥ ካቲ ቄሳቱዋ ኡባቱዋ ካፑዋ ህልቂያ፥ አፐ ጋርሳና ደእያ ቄሳቱ ዋነ ፐንግያ ናግያዋንታ ባኣላዉ፥ አሼሮነ ሳሉዋ ጾልንተቶ ጎይናናዉ ጊግሴዳ ሚሻቱዋ ኡባ መና ጎዳ ጌሻ ጎልያፐ ከሳናዳን አዛዜዳ። ካቲ ሄዋንታ የሩሳላመፐ ጋጻ ከሲደ፥ ቀድሮና ዛንጋራን ጹጌዳ፤ ብድን ቤቴለ አፌዳ።#2 ካታ. 21:3፤ 2 ኦዱዋ 33:3
5ይሁዳ ካታማቱዋንነ የሩሳላመ ዩሹዋን ደእያ ቃ ግሹዋን ኡባን እጻና ጩዋያናዳን ይሁዳ ካተቱ ሱንዳ ማሻቱዋ ቄሳቱ ዋ ኡባ ኦሱዋፐ ከሴዳ። ባኣላዉ፥ አዋዉ፥ አግናዉ፥ ጾልንተቶነ ሳሉዋን ደእያ ሀራ መታቶ እጻና ጩዋይያዋንታ ኡባ ድጌዳ።
6አሼሮ ግያ ጾሳት ምስልያ መና ጎዳ ጌሻ ጎልያፐ አኪደ፥ የሩሳላመ ካታማፐ ጋጻ ከሲደ፥ ቀድሮና ዛንጋራ አፌዳ። ሄዋፐ ካላ ያን ጹጌዳዋ ሊቅስ ጋጪደ፥ ለ ከሴዳ። ያቲደ ሄ ባና ጋደ አሳ ማካና ቦላ ላሌዳ።
7መና ጎዳ ጌሻ ጎልያ ግዶን ጎይኖ ዎጋ ኦደ፥ አቱማ አሳቱ አቱማ አሳቱዋና ሻርሙጸትያ ጎልያ ክንቼዳ፤ ሄ ጎለቱዋን ማጫ አሳይ አሼሮ ግያ ጾሳትዉ ጋርዱዋ ሱቄ።
8እዮስያሰ ቄሳቱ ዋ ኡባ ይሁዳ ካታማቱዋፐ አሄዳ፤ ካሰ ቄሳቱ እጻና ጩዋዬዳ ቃ ሳኣ፥ ገባአፐ ቢደ በርሳበሀ ጋካናዉ ደእያዋንታ ቱንሴዳ። ካታማ ሞድያ ኢያሱ ፐንግያ ግያ ፐንግያ ገልያ ሳፐ ሀድርሳ ባጋና ደእያ ጎይንያ ሳአቱዋካ ቆቆፌዳ። 9ቃ ሳኣ ቄሳቱ የሩሳላመን መና ጎዳዉ ያርሽያ ሳኣ ፑደ ዪክኖ፤ ሽን ኡንቱንቱ ሀራ ቄሳቱ ዋና እትፐ እርሹ ገልቤና ኡክ ሚኖ።
10ካቲ እዮስያሰ ህኖማ ዛንጋራን ደእያ ቶፌታ ጌተትያ ያርሹዋ ሳኣ ቱንሴዳ። ያቲደ ሞሎካ ግያ ጾሳዉ እት አሳይነ ባረ አቱማ ናኣ ዎይ ባረ ማጫ ናቶ ታማን ያርሸናዳን ድጌዳ።#ዎጋ 18:21፤ ኤር. 7:31፤ 19:1-6፤ 32:35
11ይሁዳ ካተቱ መና ጎዳ ጌሻ ጎልያ ገልያ ፐንግያን አዋዉ ዱማይ ዎዳ ፓራቱዋ ድጌዳ። አዋ ፓራቱ ናታን-መለካ ግያ ካፑዋ ክፍልያ ማታን ደእያ ዳባባን ደኢኖ። ሄዋፐ ጉይያን፥ አዋዉ ዱማይ ዎዳ ፓራ ጋረቱዋ እዮስያሰ ታማን ጹጌዳ።
12አካዛ ጎልያ ፖቅያ ቦላን ይሁዳ ካተቱ ጊግስሴዳ ያርሹዋ ሳአቱዋነ ምናሰ መና ጎዳ ጌሻ ጎልያዉ ደእያ ላኡ ዳባባቱዋ ግዶን ጊግሴዳ ያርሽያ ሳአቱዋ ካቲ እዮስያሰ ክንቼዳ። ኡንቱንታ ሄ ሳፐ ድጊደ ክንቼሬዳ፤ ሱፓ ቀድሮና ዛንጋራን ኦሌዳ።#2 ካታ. 21:5፤ 2 ኦዱዋ 33:5
13ቃይካ ካቲ የሩሳላመ ካታማፐ አዋይ ዶልያ ባጋና ዳብረ ዛይተ ጌተትያ ደርያፐ ገድሳ ባጋን ደእያ ቱናተ ቃ ደርያ። ሄ ቃ ሳአቱ እስራኤልያ ካቲ ሶሎሞነ ሲዶናቱዋ ጾሳት አስታሮትዉ፥ ሞኣባቱዋ ጾሳ ካሞሻዉነ፥ አሞናቱዋ ጾሳ ሞሎካዉ፥ ሄ ቱና ጾሳቶ ጎይናናዉ ጊግሴዳ ቃ ሳኣ።#1 ካታ. 11:7 14ካቲ ኢዮስያሰ ጎይንያ ሹቻ ቱሳቱዋካ መንሬደ፥ አሴሮ ጌተትያ ጾሳት ምስለቱዋካ ቃንጸሬዳ። ያቲደ ኡንቱንቱ ኤቄዳ ኮሽያን ሀይቄዳ አሳ መቀ ኩንዳ።
15ቃይ እስራኤልያ አሳ ናጋራ ኦስሴዳ ናባጻ ናአይ እዮርባም ቤቴለን ቃ ሳኣን ጊግሴዳ ያርሽያ ሳኣ ካቲ እዮስያሰ ክንቼዳ። ሄ ያርሽያ ሳኣ ሹቻቱዋካ መንሬደ፥ ለ ከሴዳ፤ አሼር ምስልያካ ጹጌዳ።#1 ካታ. 12:33 16ሄዋፐ ጉይያን፥ እዮስያሰ ዩሹዋ ጼሊደ፥ ደርያ ጋጻን ደእያ ሞጉዋ ጎንጎሉዋ በኤዳ፤ መቀቱዋ ጎንጎሉዋፐ ከሲደ፥ ያርሽያ ሳኣ ቦላ ዎደ፥ ታማን ጹጌዳ። ያቲደ ያርሽያ ሳኣ ቱንሴዳ። ሄዌ ሀኔዳዌ መና ጎዳ አሳይ ካሰ አዋዬዳ መና ጎዳ ቃላ ማራና።#1 ካታ. 13:2 17ሄዋፐ ጉይያን ካቲ፥ “ሀ ቤትያዌ ኦ ዱፌ?” ያጊደ ኦቼዳ።#1 ካታ. 13:30-32
ቤቴለ ካታማ አሳቱ፥ “ይሁዳፐ ዪደ፥ ቤቴለ ያርሽያ ሳኣ ቦላ ሀእ ኔን ኦ ስምያዌ ፖለታናዋ ካሰቲደ ኦዴዳ መና ጎዳ አሳ ዱፉዋ” ያጊደ ኦዴድኖ።
18ካቲ፥ “አግ ባሽተ፤ እት አሳይነ አ መቀ ሳፐ ቃፖ” ያጌዳ። ሄዋ ድራዉ፥ ሳማርያፐ ዬዳ ትምቢትያ ኦድያ ብታንያ መቀና እትፐ አ መቀ ቦቼናን አግ ባሼድኖ።
19እስራኤልያ ካተቱ ሳማርያ ካታማቱዋን ኦስሲደ፥ መና ጎዳ ሀንቀዳ፥ ጎይንያ ቃ ሳኣ እዮስያሰ ድጌዳ፤ ቤቴለን ኦዳዋዳን፥ ኡንቱንታካ ኦዳ። 20እ ሄ ቃ ግሹዋን ኦያ ቄሳቱ ዋ ኡባ ያርሽያ ሳኣ ቦላ ዎዳ፤ ቃይ ሄ ያርሽያ ሳኣ ቦላ አሳ መቀ ጹጌዳ። ሄዋ ኡባ ኦደ፥ የሩሳላመ ስሜዳ።
እዮስያሰ ፓስጋ ባላ ቦንቼዳ
(2 ኦዱዋ 35:1-19)
21ሄዋፐ ጉይያን፥ ካቲ አሳ ኡባ፥ “ሀ ቃላ ጫቁዋ ማጻፋን ጻፈቴዳዋዳን መና ጎዳዉ ህንተንቱ ጾሳዉ ፓስጋ ባላ ቦንችተ” ያጊደ አዛዜዳ። 22እስራኤልያ ሞድያ ዳናቱ ዎድያፐ ዶሚደ፥ እስራኤልያ ካተቱዋ ዎድያንነ ይሁዳ ካተቱዋ ዎድያን ኡባን ሀዋ ማላ ፓስጋ ባላይ ኡባካ ቦንቼት ኤረና። 23ሽን ካቲ እዮስያሰ ካተቴዳ ታማነ ሆስፑን ላይን የሩሳላመ ካታማን መና ጎዳ ቦንቻናዉ ሀ ፓስጋ ባላይ መና ጎዳዉ ቦንቼቴዳ።
እዮስያሰ ኦዳ ሀራ ኦሶቱዋ
24ቃይ ቄሳቱዋ ኡባ ካፑ ህልቂ መና ጎዳ ጌሻ ጎልያን ቤቴዳ ማጻፋን ጻፈቴዳ ህግያ ቃላ ምንሳናዳን፥ ኢታ አያና ጼስያዋንታነ ሻሬቻቱዋ፥ ሶይ ግዶ ኤቃ ምስለቱዋ፥ ኤቃ ሚሻቱዋነ ይሁዳ ቢታንነ የሩሳላመ ካታማን ቤቴዳ ሀራ ሸነይያባቱዋ ኡባ እዮስያሰ ይሴዳ። 25ሙሴ ህግያዳን ባረ ኩመን ዎዛናን፥ ባረ ኩመን ሸምፑዋንነ፥ ባረ ኩመን ዎልቃን መና ጎዳኮ ስሜዳባን እዮስያሳ ማላ ካቲ፥ አፐ ካሰ ግዲና፥ አፐ ጉየ ግድና፥ ኡባካ ደንድቤና።
26ግዶፐነ ምናሰ መና ጎዳ ሀንቀናዉ ኦዳ ኢታ ኦሱዋ ኡባ ድራዉ፥ መና ጎዳይ ይሁዳ ቦላ ሀንቀቴዳ ባረ ሀንቁዋ ታማይ ስምቤና። 27ሄዋ ድራዉ መና ጎዳይ፥ “ታን እስራኤልያ ታ ስንፐ ድጌዳዋዳን፥ ይሁዳካ ታ ስንፐ ድጋና፤ ታን ዶሬዳ ካታማ፥ የሩሳላመነ ታን፥ ‘ታ ሱንይ ሀዋን ደአና’ ጌዳ ሀ ጌሻ ጎልያ ድጋና” ያጌዳ።
እዮስያሳ ካዉታ ዉርሰ
(2 ኦዱዋ 35:20—36:1)
28እዮስያሰ ሀኔዳ ሀራባይነ እ ኦዳባይ ኡባይ ይሁዳ ካተቱዋ ታርክያ ማጻፋን ጻፈት ኡቴዳ። 29እዮስያሳ ዎደ ግብጼ ካቲ ናኮይ፥ አሶረ ቢታ ካትያ ኦላን ኤቃናዉ ኤፍራጺሳ ሻፋ ቤዳ። ካቲ እዮስያሰ አናና ኦለታናዉ ባረ ኦላንቻቱዋ አኪደ ከሴዳ፤ ሽን ካቲ ናኮይ አናና ማግዶን ጋከቲደ፥ አ ዎዳ። 30አ ቆማቱ አ አሃ ፓራ ጋርያን ዎደ፥ ማግዶፐ የሩሳላመ አሄድኖ፤ አ ዱፉዋን አ ሞጌድኖ። ሄዋፐ ጉይያን፥ ሄ ቢታ አሳቱ እዮስያሳ ናኣ እዮአካዛ ዶሬድኖ፤ አ አዉዋ ኮታን አ ኦኪደ ካተዬድኖ።
ዉርሰ ይሁዳ ካተቱዋ
(23:31—24:20)
31እዮአካዝ ካተትያ ዎደ፥ ላይይ አዉ ላታማነ ሄዛ፤ እ የሩሳላመን ሄዙ አግና ካተቴዳ። አ ዳይ ሱንይ ሀሙጻሎ፤ እዛ ሊብና ካታማን ደእያ ኤርማሳ ናቶ። 32ባረ ማይዛ አዎቱ ኦዳዋዳን፥ እዮአካዝ መና ጎዳ ስንን ኢታባ ኦዳ። 33እዮአካዝ የሩሳላመን ካተተናዳን ግብጼ ካቲ ናኮይ ሀማታ ጌተትያ ጋድያን ርብላ ግያ ሳን አ ቃቼዳ። ሄዙ ሻአነ ኦይዱ ጼቱ ኪሎ ግራመ ዴጽያ ጻጋራ ብራነ ሀታማነ ኦይዱ ኪሎ ግራመ ዴጽያ ዎርቃ ይሁዳ አሳ ጊርሴዳ። 34ካትያ ናኮይ እዮስያሳ ናኣ ኤልያቄማ አ አዉዋ ኮታን ካተዬዳ፤ ያቲደ አ ሱን እዮኣቄማ ያጊደ ላሜዳ። ሽን እዮአካዛ ግብጼ አፌዳ፤ እዮአካዝ ያን ሀይቄዳ።#ኤር. 22:11-12
ይሁዳ ካትያ እዮኣቄማ
(2 ኦዱዋ 36:5-8)
35ያትና እዮኣቄም ካቲ ናኮይ ኦቼዳ ጊራ ብራነ ዎርቃነ አዉ እሜዳ። ሄ ጊራ ጭጋናዉ ዮኣቄም ሄ ቢታ አሳይ ደምያ ኬሻ ብራፐነ ዎርቃፐ ጊራ ሺሼዳ።
36እዮኣቄም ካተትያ ዎደ ላይይ አዉ ላታማነ እቼሻ፤ እ የሩሳላመን ታማነ እት ላይ ካተቴዳ። አ ዳይ ሱንይ ዛብዶ፤ እዛ ሩማ ካታማን ደእያ ፓዳያ ናቶ።#ኤር. 22:18-19፤ 26:1-6፤ 35:1-19 37እዮኣቄም ባረ ማይዛ አዎቱ ኦዳዋዳን፥ መና ጎዳ ስንን ኢታባ ኦዳ።
The Word for the World Ethiopia