2 ኦዱዋ 5
5
1ሶሎሞነ መና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ ጾሳዉ ዱማይ ዎዳ ብራ፥ ዎርቃነ ሀራ ሚሻቱዋ ኡባ አሂደ፥ ጾሳ ጌሻ ጎልያ ሚሻ ምንጅያሳን ዎዳ።#2 ሳሜላ 8:11፤ 1 ኦዱዋ 18:11
ጾሳ ታቦታይ ጌሻ ጎልያ ገሌዳ
(1 ካታ. 8:1-9)
2ሄዋፐ ጉይያን፥ ካቲ ሶሎሞነ መና ጎዳ ቃላ ጫቁዋ ታቦታ ዳዊታ ካታማፐ፥ ጽዮነፐ አሀናዳን እስራኤልያ ጭማቱዋ፥ ዛራቱዋ ኡባ ካፓቱዋነ እስራኤልያ ጎልያ አሳቱዋ ካለያዋንታ የሩሳላመ ካታማ ሺሼዳ።#2 ሳሜላ 6:12-15፤ 1 ኦዱዋ 15:25-28 3እስራኤልያ አሳይ ኡባይ ላፑን አግናን፥ ዳስያ ባላይ ቦንቼትያ ዎደ፥ ካትያኮ ሺቄዳ። 4እስራኤልያ ጭማቱ ኡባይ ጋካናዉ፥ ሌዋቱ ታቦታ ደንድኖ። 5ሌዋቱነ ቄሳቱ ታቦታ፥ ጾሳ ጋከትያ ዱንካንያነ ዱንካንያ ግዶን ደእያ ጌሻ ሚሻቱዋ ኡባ ቶኪደ አሄድኖ። 6ካቲ ሶሎሞንነ አናና እትፐ ደእያ እስራኤልያ ያአይ ኩመንይ ታቦታ ስንን ሺቂደ፥ ፓይዳናዉ ዳንዳየተና፥ ጮራ ዶርሳነ መህያ ያርሼድኖ።
7ሄዋፐ ጉይያን፥ ቄሳቱ መና ጎዳ ቃላ ጫቁዋ ታቦታ ጌሻ ጎልያዉ ግዶ ጌሻ ቆልኡዋ፥ ኡባፐ አያ ጌሻ ሳኣ ግያ ሳኣ አሂደ፥ ክሩበቱዋ ምስለቱ ቀፈቱዋፐ ጋርሳ ባጋና ዎድኖ። 8ምጨት ኡቴዳ ክሩበቱዋ ቀፈቱ ታቦታነ ታቦታ ቶክያ ካሱዋ ካሜድኖ። 9ካሶቱ ሎይ አዱሳ ግድያ ድራዉ፥ ኡንቱንቱ ጼራይ ኡባፐ አያ ጌሻ ሳኣ ስንን ደእያ ጌሻ ሳኣን ቤታናዉ ዳንዳዬ፤ ሽን ጌሻ ሳኣፐ ካረና ቤተና። ኡንቱንቱ ሀቼ ጋካናዉ፥ ሄ ሳኣን ደኢኖ። 10እስራኤልያ አሳይ ግብጼ ጋድያፐ ከሴዳ ዎደ፥ መና ጎዳይ ኡንቱንቱና ቃላ ጫቁዋ ጫቀቴዳ ሲና ደርያን ሙሴ ዎዳ ላኡ ማሰቴዳ ሹቻቱዋፐ አትና፥ ታቦታ ግዶን ሀራባይ አያይነ ባዋ።#ዛረ. 10:5
ጾሳ ቦንቹዋ
11-14ሄ ሳኣን ደእያ ቄሳቱ ኡባቱ ባረንቱ ኦያ ሳኣን ሳኣን ሻከተናን፥ እትፐ ባረንታ መና ጎዳዉ ዱማይ ዎድኖ። ማዝሙርያ የጽያ ሌዋቱ ኡባቱ፥ አሳፈ፥ ሄማንነ ይዱቱን፥ ኡንቱንቱ ናናይነ ኡንቱንቱ ዳቦቱ ሱፍያ ግያ ማዩዋ ማዬድኖ። ሄ ማዩዋ ማዪደ፥ ዳላቱዋ፥ ዲቱዋነ ማስንቆቱዋ ኦይቂደ፥ ያርሽያ ሳፐ አዋይ ዶልያ ባጋና ኤቄድኖ፤ ጼታነ ላታሙ ቄሳቱ ጹሩምባቱዋ ፑናናዉ ኡንቱንቱና እትፐ ኤቄድኖ። ኡንቱንቱ ኡባይ ጹሩምባቱዋ ፑኒደ፥ ዳላቱዋ ቃደ፥ ዲቱዋ ዲጺደነ ሀራ ካእያ ሚሻቱዋን ካኢደ፥
“መና ጎዳይ ሎአ!
አገና አ ሲቁ መናዋ”#1 ኦዱዋ 16:34፤ 2 ኦዱዋ 7:3፤ እዝራ 3:11፤ ማዝ. 100:5፤ 106:1፤ 107:1፤ 116:1፤ 136:1፤ ኤር. 33:11
ያጊደ መና ጎዳ ሳቤድኖ።
ቄሳቱ ጌሻ ጎልያፐ ከስያ ዎደ፥ ሻሪ ጾሳ ጌሻ ጎልያ ኩሜዳ፤ ሄ ሻርያ ጋሱዋን ቄሳቱ ባረንቱ ኦሱዋ ኦናዉ ዳንዳይበይክኖ፤ አያዉ ጎፐ፥ ጾሳ ቦንቹ ጾሳ ጌሻ ጎልያ ኩም ኡቴዳ።#ከሳ 40:34-35
Currently Selected:
2 ኦዱዋ 5: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
2 ኦዱዋ 5
5
1ሶሎሞነ መና ጎዳ ጌሻ ጎልያ ኪታ ኡባ ፖሌዳዋፐ ጉይያን፥ አ አዉ ዳዊተ ጾሳዉ ዱማይ ዎዳ ብራ፥ ዎርቃነ ሀራ ሚሻቱዋ ኡባ አሂደ፥ ጾሳ ጌሻ ጎልያ ሚሻ ምንጅያሳን ዎዳ።#2 ሳሜላ 8:11፤ 1 ኦዱዋ 18:11
ጾሳ ታቦታይ ጌሻ ጎልያ ገሌዳ
(1 ካታ. 8:1-9)
2ሄዋፐ ጉይያን፥ ካቲ ሶሎሞነ መና ጎዳ ቃላ ጫቁዋ ታቦታ ዳዊታ ካታማፐ፥ ጽዮነፐ አሀናዳን እስራኤልያ ጭማቱዋ፥ ዛራቱዋ ኡባ ካፓቱዋነ እስራኤልያ ጎልያ አሳቱዋ ካለያዋንታ የሩሳላመ ካታማ ሺሼዳ።#2 ሳሜላ 6:12-15፤ 1 ኦዱዋ 15:25-28 3እስራኤልያ አሳይ ኡባይ ላፑን አግናን፥ ዳስያ ባላይ ቦንቼትያ ዎደ፥ ካትያኮ ሺቄዳ። 4እስራኤልያ ጭማቱ ኡባይ ጋካናዉ፥ ሌዋቱ ታቦታ ደንድኖ። 5ሌዋቱነ ቄሳቱ ታቦታ፥ ጾሳ ጋከትያ ዱንካንያነ ዱንካንያ ግዶን ደእያ ጌሻ ሚሻቱዋ ኡባ ቶኪደ አሄድኖ። 6ካቲ ሶሎሞንነ አናና እትፐ ደእያ እስራኤልያ ያአይ ኩመንይ ታቦታ ስንን ሺቂደ፥ ፓይዳናዉ ዳንዳየተና፥ ጮራ ዶርሳነ መህያ ያርሼድኖ።
7ሄዋፐ ጉይያን፥ ቄሳቱ መና ጎዳ ቃላ ጫቁዋ ታቦታ ጌሻ ጎልያዉ ግዶ ጌሻ ቆልኡዋ፥ ኡባፐ አያ ጌሻ ሳኣ ግያ ሳኣ አሂደ፥ ክሩበቱዋ ምስለቱ ቀፈቱዋፐ ጋርሳ ባጋና ዎድኖ። 8ምጨት ኡቴዳ ክሩበቱዋ ቀፈቱ ታቦታነ ታቦታ ቶክያ ካሱዋ ካሜድኖ። 9ካሶቱ ሎይ አዱሳ ግድያ ድራዉ፥ ኡንቱንቱ ጼራይ ኡባፐ አያ ጌሻ ሳኣ ስንን ደእያ ጌሻ ሳኣን ቤታናዉ ዳንዳዬ፤ ሽን ጌሻ ሳኣፐ ካረና ቤተና። ኡንቱንቱ ሀቼ ጋካናዉ፥ ሄ ሳኣን ደኢኖ። 10እስራኤልያ አሳይ ግብጼ ጋድያፐ ከሴዳ ዎደ፥ መና ጎዳይ ኡንቱንቱና ቃላ ጫቁዋ ጫቀቴዳ ሲና ደርያን ሙሴ ዎዳ ላኡ ማሰቴዳ ሹቻቱዋፐ አትና፥ ታቦታ ግዶን ሀራባይ አያይነ ባዋ።#ዛረ. 10:5
ጾሳ ቦንቹዋ
11-14ሄ ሳኣን ደእያ ቄሳቱ ኡባቱ ባረንቱ ኦያ ሳኣን ሳኣን ሻከተናን፥ እትፐ ባረንታ መና ጎዳዉ ዱማይ ዎድኖ። ማዝሙርያ የጽያ ሌዋቱ ኡባቱ፥ አሳፈ፥ ሄማንነ ይዱቱን፥ ኡንቱንቱ ናናይነ ኡንቱንቱ ዳቦቱ ሱፍያ ግያ ማዩዋ ማዬድኖ። ሄ ማዩዋ ማዪደ፥ ዳላቱዋ፥ ዲቱዋነ ማስንቆቱዋ ኦይቂደ፥ ያርሽያ ሳፐ አዋይ ዶልያ ባጋና ኤቄድኖ፤ ጼታነ ላታሙ ቄሳቱ ጹሩምባቱዋ ፑናናዉ ኡንቱንቱና እትፐ ኤቄድኖ። ኡንቱንቱ ኡባይ ጹሩምባቱዋ ፑኒደ፥ ዳላቱዋ ቃደ፥ ዲቱዋ ዲጺደነ ሀራ ካእያ ሚሻቱዋን ካኢደ፥
“መና ጎዳይ ሎአ!
አገና አ ሲቁ መናዋ”#1 ኦዱዋ 16:34፤ 2 ኦዱዋ 7:3፤ እዝራ 3:11፤ ማዝ. 100:5፤ 106:1፤ 107:1፤ 116:1፤ 136:1፤ ኤር. 33:11
ያጊደ መና ጎዳ ሳቤድኖ።
ቄሳቱ ጌሻ ጎልያፐ ከስያ ዎደ፥ ሻሪ ጾሳ ጌሻ ጎልያ ኩሜዳ፤ ሄ ሻርያ ጋሱዋን ቄሳቱ ባረንቱ ኦሱዋ ኦናዉ ዳንዳይበይክኖ፤ አያዉ ጎፐ፥ ጾሳ ቦንቹ ጾሳ ጌሻ ጎልያ ኩም ኡቴዳ።#ከሳ 40:34-35
The Word for the World Ethiopia