1 ሳሜላ 6
6
ጾሳ ታቦታይ እስራኤልያ ስሜዳ
1መና ጎዳ ታቦታይ ፕልስጼማ ቢታን ላፑን አግና ኡቴዳ። 2ሄ ዎደ ፕልስጼማ አሳቱ ቄሳቱ ዋነ ሻሬቻቱዋ ጼሲደ፥ “መና ጎዳ ታቦታ ኑን ዋታኔ? ኑን ጉየ አ ሳኣ አ ዎት የዳነንቶ፥ ኑዉ ኦድተ” ያጌድኖ።
3ኡንቱንቱ፥ “እስራኤልያ ጾሳ ታቦታ ጉየ የድያዋ ግዶፐ፥ መላ የዶፕተ፤ አይ ሀኒደነ ህንተንቱ ባይዙዋ ያርሹዋ አዉ የድተ፤ ያቶፐ፥ ህንተንቱ ፓጻና፤ አ ኩሺ ህንተንቱ ቦላፐ አያዉ ክችቤነንቶካ ህንተንቱ ኤራና” ያጊደ ዛሬድኖ።
4ፕልስጼማ አሳቱ፥ “ኑን አዉ የዳናዉ በስያ ባይዙዋ ያርሹ አዬ?” ያጊደ ኦቼድኖ።
ሽን ኡንቱንቱ፥ “ህንተናነ ህንተንቱ ካፓቱዋ ጋኬዳ ቦሻይ እቱዋ ግድያ ድራዉ፥ ፕልስጼማ ካፓቱ ፓይዱዋዳን እቼሹ ዎርቃ ክጻቱዋነ እቼሹ ዎርቃ ኤጨረቱዋ የድተ። 5ህንተንቱ ሄ ክጻነ ህንተንቱ ጋድያ ባይዝያ ሄ ኤጨረቱ ምስለቱዋ መደ፥ እስራኤልያ ጾሳዉ ቦንቹዋ እምተ፤ ኦን ኤሪ ህንተንቱ ቦላፐ፥ ህንተንቱ ጾሳቱዋ ቦላፐነ ህንተንቱ ጋድያ ቦላፐ ባረ ኩሽያ እ ደንናዋ። 6ግብጼ አሳቱነ ኡንቱንቱ ካቲ ዞርያ አከናን እጼዳዋዳን፥ ህንተንቱ አያዉ ዞርያ አከናን እጺቴ? ጾሳይ ኡንቱንታ ኢሲደ ሙርና፥ ኡንቱንቱ እስራኤላቱዋ ባረንቱ ኦግያ ባና ማላ የድበይክኖየ?
7“ሀእ እት ኦራ ጋርያ ጊግስተ፤ ቃምባራይ ኡንቱንቱ ሞርግያን ዎ ኤረና፥ ንያ ላኡ ሚዛቱዋ ሄ ጋርያን ዋጽተ፤ ሽን ማራቱዋ ኡንቱንቱፐ ዱደ ሶይ አፍተ። 8መና ጎዳ ታቦታ አኪደ፥ ጋርያ ቦላን ዎተ፤ ባይዙዋ ያርሾ ሺሼዳ ዎርቃ ሚሻ ሳጽንያ ግዶን የጊደ፥ ሳጽንያ ጾሳ ታቦታ ማታን ዎደ፥ እ ባና ማላ የድተ። 9ሽን እ ብያሳኣ ጼልተ፤ እ ባረ ዛዋ ኦይቂደ፥ ቤት-ሸመሽ ዛሪደ ብያዋ ግዶፐ፥ ሀ ዎልቃማ ቦሻ ኑ ቦላ አሄዳዌ መና ጎዳ፤ ቤናዋ ግዶፐ፥ ሀዌ ኑ ቦላ ጮ ጋኬዳፐ አትና፥ ኑና ደቼዳዌ ጾሳ ኩሸ ግደናዋ ኑን ኤራና” ያጊደ ዛሬድኖ።
10ኡንቱንቱ ሄዋዳን ኦድኖ፤ ኡንቱንቱ ንያ ላኡ ሚዛቱዋ አኪደ፥ ጋርያን ዋጼድኖ፤ ሚዛቱ ማራቱዋካ ሶን ጎርዴድኖ። 11ኡንቱንቱ መና ጎዳ ታቦታነ ቃይ ዎርቃ ኤጨረቱዋነ ጋፉዋ ማላትስ መዳ ምስለቱዋ የጌዳ ሳጽንያ ጋርያን ዎድኖ። 12ሄዋፐ ጉይያን፥ ሚዛቱ ቤት-ሸመሽ አፍያ ኦግያ ኦይቂ ስት ጊደ፥ “ህምባ!” ግ ዋሲደ ቤድኖ፤ ኡንቱንቱ ኦግያና ቢደ፥ ኡሸቻ ዎይ ሀድርሳ ስምበይክኖ፤ ፕልስጼማ ካፓቱ ሚዛቱ ጌዱዋ ካሊደ፥ ቤት-ሸመሻ ዛዋ ጋካናዉ ቤድኖ።
13ቤት-ሸመሻ አሳቱ ሄ ዎደ ዎምባን ዛርጋ ጫኪኖ፤ ኡንቱንቱ ፑደ ቁ ግ ጼሊደ፥ ታቦታ በኢደ ናሸቴድኖ። 14ጋሪ ቤት-ሸመሽያ ኢያሱ ጋደ ጋኪደ፥ እት ዎልቃማ ዛላ ማታን ኤቄዳ፤ ኡንቱንቱ ጋርያ ም ቆኢደ፥ ጹግያ ያርሹዋዳን ሄ ሚዛቱዋ መና ጎዳዉ ያርሼድኖ። 15ሌዋቱ መና ጎዳ ታቦታነ ዎርቃ ሚሻና ደእያ ሳጽንያ ጋርያፐ ደንደ፥ ዎልቃማ ዛላ ቦላ ዎድኖ። ሄ ጋላስ ቤት-ሸመሻ አሳቱ ጹግያ ያርሹዋ መና ጎዳዉ ያርሼድኖ፤ ቃይ ሀራ ያርሾቱዋካ ያርሼድኖ። 16ፕልስጼማ ካፓቱ እቼሻቱ ሀኔዳባ ኡባ በኢደ፥ ሄ ጋላስካ ኤቅሮና ስሜድኖ።
17ፕልስጼማ አሳቱ ባይዙዋ ያርሹዋ መና ጎዳዉ ኪቴዳ ዎርቃ ጋፋቱ አሽዶዳ፥ ጋዛ፥ አስቃሎና፥ ጋታነ ኤቅሮና ጌተትያ ኡንቱንታ እቼሹ ካታማቱዋ ሱንን እቱዋ እቱዋ ኪቴዳዋንታ። 18ዎርቃ ኤጨረቱ ፓይዱ ፕልስጼማ ካፓቱ እቼሻቶ ደእያ ግምበቴዳ ካታማቱነ ግምበትቤና ሞቱ ኡባ ኬሻ። ኡንቱንቱ መና ጎዳ ታቦታ ዎዳ ዎልቃማ ዛላይ፥ ቤት-ሸመሽያ ኢያሱ ጋደን ደእያዌ ሀቼ ጋካናዉካ ሄዎ ማርካ ግዲደ ደኤ።
19ሽን ጾሳይ ቤት-ሸመሻ አሳፐ አማሬዳዋንታ ሾጬዳ፤ ኡንቱንቱፐ ላፑን ታሙዋ ዎዳ፤ አያዉ ጎፐ፥ ኡንቱንቱ መና ጎዳ ታቦታ ግዶ ጼሌድኖ። መና ጎዳይ ኡንቱንቱ አሳ ሱፑ ኦዳ ድራዉ፥ አሳይ ዬኬዳ። 20ሄዋ ድራዉ፥ ቤት-ሸመሻ አሳይ፥ “መና ጎዳ ስንን፥ ሀ ጌሻ ጾሳ ስንን ኦን ኤቃናዉ ዳንዳዪ? ታቦታይነ ኑፐ ፑደ ኦኮ ባኔ?” ያጌዳ። 21ቅርያት-ይኣሪማን ደእያ አሳቱዋኮ ኪታ የዲደ፥ “ፕልስጼማ አሳቱ መና ጎዳ ታቦታ ዛሬድኖ፤ ዱገ ዪደ፥ አ ፑደ ኡንቱንቱኮ አኪደ ቢተ” ያጌድኖ።
Currently Selected:
1 ሳሜላ 6: DFBE
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
1 ሳሜላ 6
6
ጾሳ ታቦታይ እስራኤልያ ስሜዳ
1መና ጎዳ ታቦታይ ፕልስጼማ ቢታን ላፑን አግና ኡቴዳ። 2ሄ ዎደ ፕልስጼማ አሳቱ ቄሳቱ ዋነ ሻሬቻቱዋ ጼሲደ፥ “መና ጎዳ ታቦታ ኑን ዋታኔ? ኑን ጉየ አ ሳኣ አ ዎት የዳነንቶ፥ ኑዉ ኦድተ” ያጌድኖ።
3ኡንቱንቱ፥ “እስራኤልያ ጾሳ ታቦታ ጉየ የድያዋ ግዶፐ፥ መላ የዶፕተ፤ አይ ሀኒደነ ህንተንቱ ባይዙዋ ያርሹዋ አዉ የድተ፤ ያቶፐ፥ ህንተንቱ ፓጻና፤ አ ኩሺ ህንተንቱ ቦላፐ አያዉ ክችቤነንቶካ ህንተንቱ ኤራና” ያጊደ ዛሬድኖ።
4ፕልስጼማ አሳቱ፥ “ኑን አዉ የዳናዉ በስያ ባይዙዋ ያርሹ አዬ?” ያጊደ ኦቼድኖ።
ሽን ኡንቱንቱ፥ “ህንተናነ ህንተንቱ ካፓቱዋ ጋኬዳ ቦሻይ እቱዋ ግድያ ድራዉ፥ ፕልስጼማ ካፓቱ ፓይዱዋዳን እቼሹ ዎርቃ ክጻቱዋነ እቼሹ ዎርቃ ኤጨረቱዋ የድተ። 5ህንተንቱ ሄ ክጻነ ህንተንቱ ጋድያ ባይዝያ ሄ ኤጨረቱ ምስለቱዋ መደ፥ እስራኤልያ ጾሳዉ ቦንቹዋ እምተ፤ ኦን ኤሪ ህንተንቱ ቦላፐ፥ ህንተንቱ ጾሳቱዋ ቦላፐነ ህንተንቱ ጋድያ ቦላፐ ባረ ኩሽያ እ ደንናዋ። 6ግብጼ አሳቱነ ኡንቱንቱ ካቲ ዞርያ አከናን እጼዳዋዳን፥ ህንተንቱ አያዉ ዞርያ አከናን እጺቴ? ጾሳይ ኡንቱንታ ኢሲደ ሙርና፥ ኡንቱንቱ እስራኤላቱዋ ባረንቱ ኦግያ ባና ማላ የድበይክኖየ?
7“ሀእ እት ኦራ ጋርያ ጊግስተ፤ ቃምባራይ ኡንቱንቱ ሞርግያን ዎ ኤረና፥ ንያ ላኡ ሚዛቱዋ ሄ ጋርያን ዋጽተ፤ ሽን ማራቱዋ ኡንቱንቱፐ ዱደ ሶይ አፍተ። 8መና ጎዳ ታቦታ አኪደ፥ ጋርያ ቦላን ዎተ፤ ባይዙዋ ያርሾ ሺሼዳ ዎርቃ ሚሻ ሳጽንያ ግዶን የጊደ፥ ሳጽንያ ጾሳ ታቦታ ማታን ዎደ፥ እ ባና ማላ የድተ። 9ሽን እ ብያሳኣ ጼልተ፤ እ ባረ ዛዋ ኦይቂደ፥ ቤት-ሸመሽ ዛሪደ ብያዋ ግዶፐ፥ ሀ ዎልቃማ ቦሻ ኑ ቦላ አሄዳዌ መና ጎዳ፤ ቤናዋ ግዶፐ፥ ሀዌ ኑ ቦላ ጮ ጋኬዳፐ አትና፥ ኑና ደቼዳዌ ጾሳ ኩሸ ግደናዋ ኑን ኤራና” ያጊደ ዛሬድኖ።
10ኡንቱንቱ ሄዋዳን ኦድኖ፤ ኡንቱንቱ ንያ ላኡ ሚዛቱዋ አኪደ፥ ጋርያን ዋጼድኖ፤ ሚዛቱ ማራቱዋካ ሶን ጎርዴድኖ። 11ኡንቱንቱ መና ጎዳ ታቦታነ ቃይ ዎርቃ ኤጨረቱዋነ ጋፉዋ ማላትስ መዳ ምስለቱዋ የጌዳ ሳጽንያ ጋርያን ዎድኖ። 12ሄዋፐ ጉይያን፥ ሚዛቱ ቤት-ሸመሽ አፍያ ኦግያ ኦይቂ ስት ጊደ፥ “ህምባ!” ግ ዋሲደ ቤድኖ፤ ኡንቱንቱ ኦግያና ቢደ፥ ኡሸቻ ዎይ ሀድርሳ ስምበይክኖ፤ ፕልስጼማ ካፓቱ ሚዛቱ ጌዱዋ ካሊደ፥ ቤት-ሸመሻ ዛዋ ጋካናዉ ቤድኖ።
13ቤት-ሸመሻ አሳቱ ሄ ዎደ ዎምባን ዛርጋ ጫኪኖ፤ ኡንቱንቱ ፑደ ቁ ግ ጼሊደ፥ ታቦታ በኢደ ናሸቴድኖ። 14ጋሪ ቤት-ሸመሽያ ኢያሱ ጋደ ጋኪደ፥ እት ዎልቃማ ዛላ ማታን ኤቄዳ፤ ኡንቱንቱ ጋርያ ም ቆኢደ፥ ጹግያ ያርሹዋዳን ሄ ሚዛቱዋ መና ጎዳዉ ያርሼድኖ። 15ሌዋቱ መና ጎዳ ታቦታነ ዎርቃ ሚሻና ደእያ ሳጽንያ ጋርያፐ ደንደ፥ ዎልቃማ ዛላ ቦላ ዎድኖ። ሄ ጋላስ ቤት-ሸመሻ አሳቱ ጹግያ ያርሹዋ መና ጎዳዉ ያርሼድኖ፤ ቃይ ሀራ ያርሾቱዋካ ያርሼድኖ። 16ፕልስጼማ ካፓቱ እቼሻቱ ሀኔዳባ ኡባ በኢደ፥ ሄ ጋላስካ ኤቅሮና ስሜድኖ።
17ፕልስጼማ አሳቱ ባይዙዋ ያርሹዋ መና ጎዳዉ ኪቴዳ ዎርቃ ጋፋቱ አሽዶዳ፥ ጋዛ፥ አስቃሎና፥ ጋታነ ኤቅሮና ጌተትያ ኡንቱንታ እቼሹ ካታማቱዋ ሱንን እቱዋ እቱዋ ኪቴዳዋንታ። 18ዎርቃ ኤጨረቱ ፓይዱ ፕልስጼማ ካፓቱ እቼሻቶ ደእያ ግምበቴዳ ካታማቱነ ግምበትቤና ሞቱ ኡባ ኬሻ። ኡንቱንቱ መና ጎዳ ታቦታ ዎዳ ዎልቃማ ዛላይ፥ ቤት-ሸመሽያ ኢያሱ ጋደን ደእያዌ ሀቼ ጋካናዉካ ሄዎ ማርካ ግዲደ ደኤ።
19ሽን ጾሳይ ቤት-ሸመሻ አሳፐ አማሬዳዋንታ ሾጬዳ፤ ኡንቱንቱፐ ላፑን ታሙዋ ዎዳ፤ አያዉ ጎፐ፥ ኡንቱንቱ መና ጎዳ ታቦታ ግዶ ጼሌድኖ። መና ጎዳይ ኡንቱንቱ አሳ ሱፑ ኦዳ ድራዉ፥ አሳይ ዬኬዳ። 20ሄዋ ድራዉ፥ ቤት-ሸመሻ አሳይ፥ “መና ጎዳ ስንን፥ ሀ ጌሻ ጾሳ ስንን ኦን ኤቃናዉ ዳንዳዪ? ታቦታይነ ኑፐ ፑደ ኦኮ ባኔ?” ያጌዳ። 21ቅርያት-ይኣሪማን ደእያ አሳቱዋኮ ኪታ የዲደ፥ “ፕልስጼማ አሳቱ መና ጎዳ ታቦታ ዛሬድኖ፤ ዱገ ዪደ፥ አ ፑደ ኡንቱንቱኮ አኪደ ቢተ” ያጌድኖ።
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia