Roome Tabano
Tabano
Kafaramera P'awuloosa handdaa karoomi ibaaddo tos kas'aafera p'awuloosa Roomii kagiro min kawaa din halchcha mankkoɂabanaaye maraan isiɂekkaasayi goggoɂooranawun yelinya. Kap'awuloosa halchcha Roomi kagiro amaniil wota goorata kic'c'ar feligure gargaarssakisoyi kasifeeni ul tos seeyiinye; ammano kakiristaanakokki gara addeesaanna Kiristaanajjol girikkisooyi ofelaraan felo kakiristaana agaalssisikkokki gara kalekalee beese sessegaa s'aafera, kap'awuloosa handdaa gama kanjiin kakkogira hikka handdaayiya.
P'awuloosa Roomii kagiro min kawaakki amaniilun nogoddatteessa farrame abbaabatere isoon kaɂebaayinarona abddi sise abbaabatere handdaakkeessawun mete tallaatto k'ofa (1:17) «Waakko tahelamatto k'ullumma ammanooyi, ammanoon laano wongalaayi mutera» kaɂamara haafura laano tusara.
Esekko horenbbaan P'awuloosa hitta k'ofawwa balɂaasaa s'aafara, Ayihuudina leere Ayizaab dubba c'ubbo hegelii kabbaraaro mankkollee maraan Waanne wota wogarin dootisara, ibaaddo Waanne wota wogarin kakkodaanddaara Yesuusa Kiristoosaa ammananooyiya, hikki Waanneta kat'aabbatara kaɂusubkki raattonatikotti laɂo giri kaɂusub laano P'awuloosa balɂaase agaalssisara. Amaniluun Waanne wota nogodda girttowa, Ayyaana kawaakokki garane c'ubbokkona goyikokki hunnakko balchchumma beesara, foolssi 5 taa 8 geeroo P'awuloosa seera kawaanna amaniilkokki girii kafelara Ayyaana kawaakokki hunna halchcha meyyo tusara, hikka debee P'awuloosa Waa sannii taɂibaaddotun kaɂabo halchcha orroo Ayihuudinna Ayizaab misii iinsse k'urannaamin daanddaaran? Taɂamamatto hoosiinun abbaab sisin is's'aamara.
Abbaabe P'awuloosa goggotuseroo, Ayihuudi Yesuusa haɂatannooni hesano halchcha kawaayya, hikki kalleera Yesuusa Kiristoosakokki garane Waa tatusero sino taffayyinnaa sannii taɂibaaddo dubba wota abiinya. Halleewo kuwaarre Ayihuudi Yesuusa takkoɂataraan arri taɂemeeyinnatto laano P'awuloosa abddatara, gudisaa P'awuloosa kakiristaana giri misii girin dootisaro kakkaleekkona Waa kaɂammanara ibaaddo isiɂisii orroo tagitto esellaa raa kageelaanjjee sesseyiin isoon kadootisaro laano agaalssisara, Waawun handdaanokkokki gara, kiristaanajjol ulkkisoowunna isiɂisi orroo kaɂabaan odonnatina tasammuu aalanttii takeyaatto hoosiinun kalekalee beese agaalssisara.
Raattoo Hikki Mas'aafa Kaɂabera
Hikka mas'aafaa mete tallaatto k'ofa tos tabano 1:1-17
Fayyinna ere kaɂibaaddowun kadootisaro laano 1:18—3:20
Kafayyinna raa kawaa 3:21—4:25
Kiristoosaa kahelamaro kaɂusubkki giri 5:1—8:39
Isiraɂeel halchcha kawaati 9:1—11:36
Takiristaana yadalii 12:1—15:13
Gudisanona nogodda 15:14—16:27
Currently Selected:
Roome Tabano: BayNT
Highlight
Share
Copy
Want to have your highlights saved across all your devices? Sign up or sign in
The Word for the World Northern Africa